4 u by @USA2A
ገምሃልያ
ክፍል 28

(ማለቂያው ደርሰዋል )

ሁሉንም ነገር ጨራርሼ ዶክተር ዳንኤልም የቀረውን የህክምና ወጪ ከሸፈነልኝ በኃላ ኮንትራት ታክሲ ጠርቶ ካሳፈረን በኃላ ገብተን ልንሄድ ስንል ከኃላ እየሮጠ መጥቶ ፅናት አለኝ አቤት ብዬው ከመኪናው ወጣው። እእእ እቺን ያዣት ለአንዳንድ ነገር ይሆንሻል ብሎ በፖስታ የታሸገ ብር ሊሰጠኝ ሲል አይሆንም ዶክተር ውለታህ በዛብኝ አመሰግናለው ላደረክልኝ ነገር ሁሉ እግዜር ያክብርልኝ በጣም አመሰግናለ ይህን ግን አልቀበልህም አልኩት። ብሩ እንደሚያስፈልገኝ ባውቅም ከዚ በላይ ላይስቸግረው አልፈለኩም። ዳንኤል በግድ ፖስታውን አስያዘኝና ከኪሱ ውስጥ የቢዝነስ ካርድ አውጥቶ እየሰጠኝ በማምኛውም ሰአት እሚያስፈልግሽ ነገር ካለ ደውይልኝ እሺ ምንም እንዳታመነቺ ልረዳሽ ዝግጁ ነኝ አለኝ። በግድ የሰጠኝን ፖስታና ቢዝነስ ካርድ ወደኖርሳዬ እየከተትኩ፤ ምን ማለት እንዳለብኝ አላውቅም ዶክተር ውለታህ በጣም በዛብኝ እግዜር ውለታህን ይክፈልህ አልኩትና ተሰነባብተን ሄድኩ። ላዳው ወደቤት ካደረሰን በኃላ ታዲን አስተኝቼው ቀጣይ ምን ማድረግ እንዳለብኝ ማሰላሰል ጀመርኩ። ትዝ ሲለኝ አከራያችንን ላማክራቸው አሰብኩና ወደሳቸው ጋር ሄድኩ። ሁኔታውን ለአከራያችን ስነግራቸው በጣም አዘኑ ሆስፒታል እያለ አልፎ አልፎ እየተመላለሱ ይጠይቁት ነበር። ታዲያ ሃኪምቤት መፍትሄ ከሌለው ለምን ፀበል አንወስደውም አሉኝ በሃሳባቸው ተስማማው።
በማግስቱ በጥዋት ሊናዬ ወደተቀበረችበት ቤተክርስቲያን ይዤው ሄጄ ፀበል ላስጀምረው ወሰንኩ አምላኬ አያሳፍረኝም!
ቤት ውስጥ ምንም እሚላስ እሚቀመስ ነገር ስላልነበር ታዲ ሳይነሳ ዳንኤል በሰጠኝ ብር አስቤዛ ገዛዝቼ መጣው። ታዲ ከእንቅልፉ ሲነሳ እሚወደውን ምግብ ሰርቼ አበላሁት እነድሮው ይስቃል ይጫወታል ያወራኛል ትንሽ ወደ ቀድሞ ማንነቱ የተመለሰ መሰለኝ።
በማግስቱ ታዲን በጥዋት ቀሰቀስኩት እና ቤተክርስቲያን እንሂድ አልኩት ምነው በሰላም ነው አለኝ አው እንዲው እንድንጠመቅ ነው አልኩት። እሺ አለኝና መነሳት ጀመረ ልብሱን አለባበስኩትና ተነስተን ወደ ቤተክርስቲያን ሄድን። ስንደርስ ቅዳሴ እየተቀደሰ ነበር ወደፀበል ቤቱ አከባቢ ሄደን ታዲን አስጠመቅኩት ስንመለስ የሊና መቃብር ጋር ሄድን እና ተቀመጥን ታዲ ዝም ብሎ ተቀመጠ እኔ ሊና ካለፈች በኃላ ያሳለፍኩትን ስቃይ ትዝ አለኝና ታዲ ሳያየኝ ትንሽ አለቀስኩ ወደኔ ሲዞር አየኝ። ምን ሆነሽ ነው ምታለቅሽው አለኝ እሱን እንዳይከፋው ብዬ እንባዬን ቶሎ ጠራረግኩና አይ ምንም አልኩት ትንሽ ከቆየን በኃላ ተነስተን ሄድን። በቀጣዩም ቀን እንደዛው ተነስተን ሄድን አስጠመቅኩት ስንመለስ የሊና መቃብር ጋር ሄደን ተቀመጥን። ሳምንቱን ሙሉ በጥዋት እየተነሳን ሄደን ሳስጠምቀው ከረምን በሳምንቱ ጠዋት ቲዲ ከእንቅልፉ ቀድሞኝ ተነሳና ቀስቅሶኝ ፅኑ ቤተክርስቲያን እንሂድ እንጂ አለኝና ልብሱን ይለብስ ጀመር በጣም ደስ አለኝ ዛሬ ራሱ ያለኔ እርዳታ ልብሱን ለበሰ አምላኬ ላሳየኝ ተአምር አመሰገንኩት። ምንም ሳያስቸግረኝ ሃደኝ ፀበል ተጠመቀ ስንመለስ ፅኑ አለኝ ወዬ አልኩት እስከዛሬ አንድም ቀን ብዬሽ እንደማላውቅ አውቃለው እወድሻለው በብዙ አስቸጋሪ ጊዜያት አብረሽኝ ነበር አመሰግናለው አለኝ። ልቤ በሐሴት ተሞላች አምላኬን አመሰገንኩት። ደስ እያለኝ ወደ ሊና መቃብር ጋር ሄድን። ልክ ስንደርስ ታዲ ወደ ሊና መቃብር ጋር ተጠጋና ፎቶዋን ስሞ አጠገቧ ተቀመጠ ወደኔ ዞሮ አየና ፅኑ አንዴ ብቻዬን ልሁን ከእሷ ጋር አለኝ ግራ እየገባኝ እሺ ስትጨርስ ወደቤተክርስትያኑ ተመለስ እዛ ፀሎት እያረኩ እጠብቅሃለው ብዬው ሄድኩ።

በተመስጦ ሆኜ የተወሰነ ግዜ ቆየው ፀሎት አድርጌ ከጨረስኩ በኃላ ስልኬን አውጥቼ አየው ሰአቱ እየረፋፈደ ነው ታዲ ምን ሆኖ ነው እስካሁ የቆየው ብዬ አሰብኩ ትንሽ ልጠብቀውና ካልመጣ እሄዳለው አልኩ ለራሴ። አምስት ደቂቃ ጠበቅኩት አልመጣም አይ በቃ ከዚ በላይ እንኳን ይበቃል ብዬ ወደመቃብሩ ስፍራ ሄድኩ ቦታው ላይ ስደርስ ታዲ የሊና መቃብር ላይ በፊቱ ተደፍቷል። ትንሽ ቆም ብዬ አየሁት ምንም አይንቀሳቀስም ታዲ አይበቃም እንሂድ በቃ ሰአቱ እየረፈደ ነው አልኩት መልስ የለም!

ድጋሚ ታዲ! አልኩት ጮክ ብዬ አሁንም ዝምምም... ልቤ መምታት.ጀመረ ፈጠን ብዬ ወደሱ ተጠጋውና አንተ ታዲ አልኩና ከትከሻው ቀና አደረኩት እማየውን ማመን አልቻልኩም ልቤ በአፌ ልትወጣ ደረሰች! ዋ.......ይይይይ!!! ብዬ ጮህኩ ታ...ታዲ አፍና አፍንጫው እንዳለ ድመ በደም ሆኖ ተዘርራ ምንም እየተነፈሰ አይደለም! ተለበስኩትን ነጠላ ከራሴ ላይ አውርጄ እየቀዳደድኩት ጮህኩ የሰው ያለህ አረ... የሰው ያለህ እርዱኝ ኡ..ኡ..ኡኡ..ኡ.. ጮህኩ። ወዲያው ቤተክርስቲያኑ አከባቢ ያሉ ሰዎች ተሰበሰቡ ታዲን ከሊና መቃብር ጋር አንስተውት ወደ ገላጣ መሬት ላይ አስተኙት አንድ ነጠላ የለበሱ አሮጊት መጥተው ፊቱን ገልበት ገልበጥ አድርገው፤ የልብ ምቱን ካዳመጡ በኃላ ምን ሆኖ ነው የኔ ልጅ ለኔ ያደርገው ለኔ ለኔ ወይኔ ልጄ ወይኔ ልጄ ወይኔ ልጄጄጄ!!! ቅድም ደና አልነበር ምን ሆንክብኝ ቅድም አዋርቼህ አሆን እንደጤዛ ረገፍክ ሞትክ!!! እያሉ ደረታቸውን እየደቁ እሳቸውም ማልቀስ ጀመሩ።

ፅናት ይህንን ስትነግረኝ ልቤ በጣም እየመታ ነበር ታሪኩን ልትቀጥልልኝ አልቻለችም በጣም አለቀሰች ከለቅሶዋ ታድኤል እንዳረፈ ገባኝ በጣም አዘንኩ አሳዘነችኝ! ታድኤል መሞት የነበረበት ሰው አልነበረም!
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_29_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:
በቀርቡ ተረካው ይጠናቀቃል 😫😫😫😫😫😫

http://t.me/USA2A
በ @USA2A የቀረበ