4 u by @USA2A

#ገምሃልያ_ክፍል_25
#የታዲ እንዲ መቀያየር በጣም አስደነገጠኝ ፊቱ በጣም ያስፈራል ትናንት በፈቃዱ አብሮኝ አድሮ ሲነጋ እንዲ መቀየሩ ደስታዬን ወደሃዘንና ድንጋጤ ቀየረው የታዲ አእምሮ በስትክክል እየሰራ እንዳልሆነ በደምብ አረጋገጥኩ። የእንባ ዥረት እያፈሰስኩ አንሶላውን ለብሼ ማ..ማን..ም አ..ይደለ..ሁሁ...ም አልኩት በከሃዘን ባለፈ ንዴት አንሶላውን እየነከስኩ። ታዲ በፍጥነት ልብሱን ለብሶ እየገላመጠኝ ቤቱን ጥሎ ጠፋ።
የታዲ ነገር በቃኝ! ብዙ ሞከርኩ ብዙ ጣርኩ ታዲ ላይመለስ ሄደ ሁሌም በራሱ የእብደት አለም ውስጥ ሲባዝን ሳየው በጣም ያሳዝነኛል ሁሌም ከሄደበት አለም ላወጣው ሞክራለው ዛሬ ግን በቃኝ! በቃኝ.... ቀኑን ሙሉ ስቅስቅ ብዬ ሳለቅስ ዋልኩ በህይወቴ እንደዚ የተማረርኩበት ቀን አልነበረም ህይወቴ አስጠላኝ መኖር አስጠላኝኝኝ.... ራሴን ለማጥፋት ወሰንኩ። በፍጥነት ከአልጋው ተነሳውና ለታዲ የታዘዙትን መድሃኒቶች በሙሉ ሰበሰብኩና እጄ ላይ ከመርኳቸው በሌላኛው እጄ የብርጭቆ ውሃ ያዝኩ። እንደቆሎ የዘገንኳቸውን ኪኒኖች ወደአፌ አጠጋኃቸው ለተወሰነ ግዜ እንደዛ እንደቆየው እጄ መንቀጥቀ ብዙ ነገር በሃሳቤ ቢመላለሱም አንዳቸውም ለኔ በህይወት ለመቆየት ምክንያት አልነበሩም ድንገት ታዲ አስፓልት ላይ ብቻውን ሲባዝን በህሊናዬ ተሳለ ወኔዬ ከምሽሽ ብሎ ጠፋ ኣቅም ኣጣው ታዲን ጥሎ መሄድ ከበደኝ እሱን ለማን ጥዬ የመኖሬ ምክንያት እሱ ነው! በብሽቀት በእጄ የያዝኩትን ብርጭቆ ወደ ግድግዳው ወረወርኩት ኪኒኖቹንም ዘረገፍኳቸው እንባና እልህ ተናነቀኝ ባዶ ቤት ውስጥ እንደ እብድ ጮህኩ ለምን ታዲ ለምን ለምን ለምምምምንንንን! ለምን እንዲ ባንተ ልሰቃይ ለምን! ንዴቴ ወደ ለቅሶ ተቀይሮ ስቅስቅ ብዬ አለቀስኩ።
ቀኑን ሙሉ ምግብ ሳልበላ ዋልኩ ቤት ውስጥ እሚላስ እሚቀመስ ምንም አልነበረም። ማታ ወደ 3፡00 ሰአት አከባቢ በረሃብ ኩርምትምት ብዬ ሶፋ ላይ ተቀምጬ ቲቪ እያየው እያለ የሰፈር ልጆች እየተራራጡ መጥተው በሩን ብርግድ አርገውት ገቡ በጣም ደነገጥኩ ሁሉም እየተንጫጩ ታድኤል ሌቦች ደበደቡት አሉኝ።
እንዴት እንዴት ሆኜ ከቤት እንደወጣው ኣላስታውስም ብቻ እየጮህኩ እንደነበር ትዝ ይለኛል ልጆቹ እየመሩኝ ታዲ አለ ወዳሉኝ ቦታ ስበር ሄድኩ፡፡ ስደርስ ሰዎች ከብ ሰርተው እያዩት ነው እየጮህኩ ሁሉንም አልፌ እሱ ጋር ደረስኩ። ምን ቆማችቅ ታያላች...ው አምፑላንስ ጥሩልኝ ብዬ ጮህኩባቸው በሰው ተከብቤ ሰው አጣው! ኡኡ..ኡ..ኡ...ኡ የሰው ያለህ አረ የሰው ያለህህህ....! ጮህኩ ታዲ በደም ተበክሏል ድንገት ሆዱ አከባቢ ስነጋው ደም ይበልጥ ፈሰሰው በድንጋጤ ሹራቡን ስገልጠው ጎኑ አከባቢ በጩቤ ተወግቶነበር። ይበልጥ ጩህቴን አቀለጥኩት። አምፑላንስ መጣ ቶሎ ወደሆስፒታል መሄድ ጀመርን በጣም ፈራው! ሊናዬን ያጣኃት አምፑላንስ ውስጥ ነበር ታዲንም ሆስፒታል ሳልደርስ እንዳላጣው ፈራው ተንቀጠቀጥኩ ራሴን መቆጣጠር አቃተኝ በአለም ላይ ያለኝ ሰው እሱ ብቻ ነው እሱሱ... ብቻቻቻ! እሱን ማጣት አልችልም አልችልም አልችልም! ነርሶቹ አድብ እንድይዝ አስጠነቀቁኝ እነሱ የተቻላቸውን እያደረጉ የሱን ህይወት ለማትረፍ እየተረባረቡ ነበር ታዲ ጠጥቶ አልኮሆል በደሙ ውስጥ ስለነበር የደሙን ፍሰት ለማስቆም በጣም ተቸገሩ። ነበሴ በአፌ ልትወጣ ደረሰች እሚሞት መስሎ ተሰማኝ በስንት ጭንቅ ሆስፒታል ደረስን በፍጥነት ወደ ድንገተኛ ክፍል ተሯሩጠው ይዘውት ገቡ እኔን ከበሩ አስቀሩኝ! እኔንም በተራዬ ዞር ሲያረገኝ ተሰማኝ። ኮሪደሪ ላይ ከዛ ወደዚ ስመላለስ መጠበቅ ጀመርኩ። ለሊቱ ሲጋመስ ዶክተሩ ከድንገተኛው ክፍል ወጥቶ ወደኔ እየመጣ በደም የተጨማለቀ ጓንቱን ወደቆሻሻ መጣያ ውስጥ እየጨመረ የታድኤል ቤተሰብ ነሽ አለኝ አው አልኩ በፍጥነት ውጤቱን ለመስማት ቸኩዬ። እእእ የታድኤል ደም አይነት ኦ ማይነስ ነው ባሁን ሰአት በደም ባንካችን ኦ ማይነስ ደም የለንም ስለዚህ ህይወቱን ማትረፍ እምትፈልጊ ከሆነ የቅርብ ቤተሰቤቹ ወይ ተመሳሳይ የደም አይነት ያለው ሰው ማግኘት ይኖርብሻል አለኝ። በዚ ለሌሊት ኬት ነው የማመጣው እኔ ቤተሰቦቹን አላውቃቸውም አልኩት በጣም በጭንቀት ሆኜ አላውቅም አለኝ እንዴት አታውቅም ብዬ የለበሰውን ጋውን አንቄ ጮህኩበት በግድ አስለቀቀኝና የውልሽ የኔ እናት እኔ ስራዬን ነው የምሰራው ኦ ማይነስ የደም አይነት ከመቶ ሰው አንድ ሰው ነው የሚገኘው የማግኘት እድል በጣም ጠባብ ነው ብዙ ሰው ደም ስለማይለግስ ያንን ደም ብዙም አናገኝም አለኝ። ዶክተሩ የነገረኝ ነገር ተስፋ አስቆረጠኝ ሃሞቴ ፈሰሰ እያለቀስኩ በቃ ሞት ፈረድክበት! አልኩት። አላልኩም ወደውጪ ወጥተሽም ቢሆን ተመሳሳይ የደም አይነት ፈልጊ ግዜ አለሽ ከፈጠንሽ አለኝ ዶክተሩ አውርቶ እስኪጨርስ አልጠበቅኩም በሩጫ ከሆስፒታሉ ከንፍ ወጣው። አስፓልት ለአስፓልት እሚረዳኝ ሰው መለመን ጀመርኩ ኦ ማይነስ ደም ያለው! ለሰአታት በዛ ለሊት አስፓልቱ ላይ የሚሄዱትን መኪኖች መለመን ጀመርኩ እግዜር በነፃ የሰጠንን ደም! መጨረሻ ላይ ተስፋ ቆረጥኩ ተንበክኬ ስቅስቅ ብዬ አለቀስኩ አምላኬ ታምርህን አሳየኝ ታዲን አድንልኝ ብዬ ለመንኩት።
#ይቀጥላል.......

👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_26_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

ክፍል 29 ላይ በቀርቡ ተረካው ይጠናቀቃል 😫😫😫😫😫😫

http://t.me/USA2A
በ @USA2A የቀረበ