4 u by @USA2A
#ገምሃልያ_ክፍል_21

#በኔ ጩኀት ኦና የነበረው ሰፈር በሽርፍራፊ ሰከምዶች በሰው ተሞላ ጎረቤት ተከራዮች ሁኔታውን ሲያዩ ተሯሩጠው አምፑላንስ ደውለው ጠሩ እኔ ራሴን መቆጣጠር አልቻልኩብ በጩኀት ሰፈሩን ድብልቅልቁን አውጣሁት። እኔና ሃናንን ያከራዩን ሴትዮ ከሌሎች የሰፈሩ እናቶች ጋር ሆነው ለሊና የተቻላቸውን እያደረጉላት እያለ አምፑላንሱ ከተፍ አለ! ጎረምሳዎች ሊናን ወዲያው ስትሬቸር ላይ አስተኝተውአምፑላንሱ ውስጥ አስገቧት እኔም ተከትዬ ገባው አምፑላንሱ በፍጥነት ተነስቶ ወደ ሚኒሊክ ሆስፒታል መገስገስ ጀመረ... እንባዬን እያዘራው እባክህን በፍጥነት ንዳው አልኩት... ሊና እያቃሰተች ለ...ለ..ምን... ሳ..ትነ..ግሪኝ ፅኑ እእእእ ለ..ምን.... ታዲን አደ...ራ... ድምፃ እየደከመ መጣ ልቤን ፍርሃት ፍርሃት አለው እምትሞት መሰለኝ ይበልጥ እያለቀስኩ ሊኑ.... ሊኑዬ ጥለሽኝ እ.ዳትሄጂ.... ብ...ቻዬን ነኝ... ሊኑዬ ቃል ግ..ቢ..ልኝ... እጇን ጭምቅ አድርጌ ያዝኳት አይኔን እንባ ሞልቶት ሁሉም ነገር ብዥ አለብኝ... ፅ...ኑ... ታዲ...ን አደ..ራ እሱ..ንንንን አግ..ብተሽው .. በደ..ስታ...ኑሪ ታ...ታ...ታዲን... አ..ደ...... እጇ ከእጄ ላይ አምልጦ ወለሉ ላይ ተጎዘጎዘ የተኛች እየመሰለኝ ትከሻዋ እየናጥኩ ሊ....ና.... ሊሊሊና እያልኩ እየጮህኩ ልቀሰቅሳት ሞከርኩ እ... እሷ... እሷ... ግን አልነቃ...ችም.... ሊናዬ ሞተችችች!

ፅናት ከዚ በላይ ታሪኳን ልትቀጥልልኝ አቻለችም በጊዜው የነበረው ሁኔታ ትዝ ብሏት በጣም አምርራ አለቀሰች ምን ማድረግ እንዳለብኝ አላውቅም ወደሷ ጠጋ አልኩና አይዞሽ ፅናት አውቃለው ከባድ ነው የሚወዱትን ሰው.ማጣት ከባድ ነው ባሁን ሰአት ሊና ጠንካራ ሆነሽ እንድትኖሪላት ነው እንጂ እንድታዝኚ አትፈልግም ለሷ ብለሽ ጠንክሪላት እሺ አይዞሽ እያልኩ ያቅሜን ያህል ላፅናናት ሞከርኩ። አልቅሳ ስታበቃ የያዝኩትን ሃይላን ውሃ ሰጠኃት ፊቷን ታጥባ ስትመለስ የቀይ ፊቷ በጣም ቀልቶ ቲማቲም መስሏል ውስጧ በጣም እንደተከፋ እንዳዘነች ገብቶኛል በዚህ ሁኔታ ታሪኳን እንድትቀጥልልኝ አልፈለኩም እስካሁን እሷ አውርታለች ደክሟታል እኔ ደግሞ በተራዬ የኔን አንድ ታሪክ ልነግራት አሰብኩ።
ተረጋግታ ከተቀመጠች በኃላ አንቺ እሚያሳዝን ታሪክ ነግረሽኛል አንቺ ተረጋግተሽ እስከምትቀጥይልኝ ድረስ እኔ በሂወቴ ካጋጠሙኝ ከባድ ግዜያት ውስጥ አንዱን ልንገርሽ አልኳት ፅናት በግድ ፈገግ እያለች እሺ አለችኝ።
ታሪኩ እሚጀምረው ከሃይስኩል ነው በጣም እምወዳት ጓደኛ ነበረችኝ ቢታንያ ትባላለች በጣም እምወዳት ፍቅሬ ነበረች ሁሌ ከትምህርትቤት ስንመለስ አብረን በእግር ወክ እያደረግን እንመለሳለን በየቀኑ እንገናኛለን አብርን እንውላለን አብረን እናጠናለን የልጅነት ፍቅር ታቂያለሻ እንደዛ ነበረ ብዬ ፈገግ ብዬ ፅናትን ፈገግ ላስብላት ሞከርኩ። ከሃይስኩል ጀምሮ አንድ ላይ የሆንን ወደ ማትሪክ ተፈትነን ካለፍን በኃላ የዩኒቨርስቲ ምደባ ሲደረግ ሁለታችንም መቀሌ ዩኒቨርስቲ ደረሰን አንድ ላይ ስለነበርን በጣም ደስተኛ ነበርኩ እሷም እንደዛው እውነት እልሻለው ፅናት በህይወቴ እንደሷ በንፁህ ልብ ያፈቀርኳት ሴት የለችም አትኖርምም። ግን ምን ያደርጋል ግቢ እና ሃይስኩል አንድ አይደሉም ሁለታችንም ዩንቨርስቲ ከገባን በኃላ ቀስበቀስ በመኃላችን ክፍተት እየተፈጠረ መጣ እኔ ከሷ ይልቅ ለትምህርቴ ግዜ እሰጥ ነበር ይህ ነገር እየተደጋገመ ሲመጣ ተጣላን ብዙም ሳንቆይ ታረቅን አመቱ ሊገባደድ ሲል ድጋሚ በማይረቡ ምክንያቶች ተጣላን አሁን ላይ ምን ያክል እንደሚፀፅቱኝ አይገባሽም!። ሁለተኛ አመት መቀሌ ስመለስ ቢታንያ ግን አልተመለሰችም በዛው ቀርታ ነበር ለዚህም ምክንያቱ እኔ እንደነበርኩ በጣም አውቃለው ክረምቱን በሙሉ ሆስፒታል ነበረች ከተለያየን በኃላ መርዝ ጠጥታ ራሷን ልታጠፋ ሞክራ ነበር ጓደኞቼ ይህንን ሲነግሩኝ የተሰማኝን ስሜት እኔ አውቃለው ያለችበት ሆስፒታል ድረስ ሄጄ እግሯ ስር ተደፍቼ እያለቀስኩ ይቅርታ ብጠይቃትም ይቅርታዋን ግን የማገኝበት ግዜ አላገኘሁም ቤተሰቦቿ በሴኪዩሪቲ አስወጡኝ.... ግዜያት አለፉ ሁለተኛ አመት... ሶስተኛ አመት... አራተኛ አመት... አምስተኛ አመት ግዜያት ነጎዱ እኔም ከግዜው ጋር በጣም ተቀያየርኩ ከሴትሴት ስዘል ስንዘላዘል ኖርኩ እንደቢታ አይነት ሴት ፍለጋ ተንከራተትኩ ግን አንድም እሷ አጠገብ የምትደርስ ሴት አልነበረችም ተስፋ ቆርጬ ብቸኝነትን መርጬ በተቀመጥኩበት ሰአት ከ አምስት አመት በኃላ ቢታንያ ከየት መጣች ሳትባል ደወለች ስልኲን በቃሌ አውቀዋለው እሷ መሆኗን ማመን አቃተኝ ገና አንስቼው ማውራት እንደጀመርኩ አይኖቼ በእንባ ተሞሉ ማውራት አቃተኝ የሷ ፍቅር ከአምስት አመት በኃላ ከተቀበረበት ተነሳ! እያለቀስኩ ይቅርታ እልኳት እሷም ይቅርታ አደረገችልኝ ለሊቱን ሙሉ እስከ ንጋት 11:00 ድረስ ብዙ ነገር አወራን ላለፉት አመታት የነበሩትን አዲስ ነገሮች በስተመጨረሻም እንዳዲስ ፍቅራችንን እንድንጀምር ተስማማን በህይወቴ በጣም የተደሰትኩባት ቀን ነበረች አምስት አመት የስጠብቃት የነበረችው ፍቅሬ ተመለሰች እኔ የዛኔ ተመራቂ ተማሪ ሪሰርች የምሰራበት ሰአት ነበር አጉል ሰአት!አልኩና በሃሳብ ሰመመን ወደዛች ቀን ሄድኩ.... ረምሃይ ብላ ፅናት ነቃ አደረገችኝ እእእ አልኳትና ታሪኩን ቀጠልኩላት።
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_21_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

http://t.me/usa2a
በ @USA2A የቀረበ