#ሰካራሙ_ክፍል_፲(10)

#ፍጹም ደካማ ተስፍ የሌላት ሰው ሆንኩኝ
ማታ አከባቢ ልጁ ሰክሮ መጣ ጊቢ ውስጥ ቁጭ ብዬ ነበረ ምን እንደሆንኩ
አላውቅም በእሩጨ ሄጄ ተጠመጠምኩበት
በእናትህ ሁለተኛ ናይት ክለብ አትሄድም አይደል ብቻዬን መሆን ፈረሁ እኮ አልኩት
እንዴ ዛሬ ምን ሆናሻል? እዚህ ጊቢ ውስጥ ብዙ ሰዎች አሉ አይደል? በዛ ላይ
እስካዛሬ ብቻሽን እየኖርሽ ለምን እንደዚህ አላልሽም አለኝ
ትክክል ነህ ለአይን የሚታዩ ለአይን የቀረቡ ብዙ ሰዎች አሉ
ለልቤ የቀረበ ግን ከአንተ ሌላ ማንም የለም እስካዛሬ ብቻዬን ስለነበርኩ አልፈራም
ነበረ አሁን ግን ሰውን ለምጄ ከሰው ተለይቼ መኖርን ፈረሁ እባክህን እሺ በለኝ
አልኩት
ለኔ እኮ መጠጥን በአንዴ መቆም በጣም ከባድ ነው ስለዚህ አልችልም አለኝ
እኔ መች መጠጡን አቁም አልኩህ እዚህ አምጥተን አብረን መጠጣት እንችላለን
አልኩት
አንቺ ደግሞ ከመቼ ወዲህ ነው መጠጥ መጠጣት የጀመርሽው ብሎ ሳቀ
ምን ችግር አለ አሁን እጀምራለሁ አንተም ብትሆን እናትህ ሆድ ውስጥ
አልጀመርክም አይደል አልኩት
በይ በይ ገብታሽ ተኚ ዛሬ እራሱ ሰክረሻል ብለው አቅፎ ቤት አስገብቶኝ ጉንጬን
ስሞ እሱም ወደቤቱ ሄደ
ደስታ የቀላቀለ እምባ ውስጥ ሆኜ በዝምታ ውስጥ ሆኜ ልቤ ብቻ አያወራ አደርኩ
በሁለተኛ ቀን እኔና ሮዛ እቤት ውስጥ ቁጭ ብለን እያለ ቅድስት አይኖቿ በእምባ
ተሞልቶው መጣች
ቅድስት ምን ሆናሻል አልኳት ወይኔ ሶስና ጉድ ሆንኩኝ ብለ መጥታ
ተጠመጠመችብኝ
እኔም ሮዛም ቆይ እሺ ምንድነው የሆንሽው ብለን ጠየቅናት
ወይኔ ጉድ ሆንኩኝ ዛሬ ሃኪም ቤት ሄጄ የሁለት ወር እርጉዝ ነሽ ተባልኩኝ ብለ
አለቀሰች
እሺ ከማን ነው አልናት
እኔ ምን አውቄ ከብዙ ወንዶች ጋር ወጥቼ ነበረ አለች
ሮዛ እኔ መጀመሪያውኑ ይሄ እንደሚመጣ ነገሬሽ ነበረ
መጀመሪያም አንቺ በህይወትሽ እየተጫወትሽ ነበረ እንጅ ትክክለኛ ደስታ
እያጣጣምሽ አልነበረም አሁን ማልቀሱ ምንም ትርጉም የለውም አለች
እኔ እስኪ አንቺ ዝም በይ በቃ አንዴ ሆነ አይደል አሁን መውቀስ ምን የሚሉት ነው
አልኳት
የሷስ አሁን ማልቀስ ምን የሚሉት ነው? መጀመሪያ ምክር ስንሰጥ እምቢ ብለሽ
አልነበረ በሉ ደስ እንደላችሁ ሁኑ እኔ ማስመሰል አልወድም ብለ ጥለ ሄደች
ሰሞኑን ብዙ ነገሮች እየተቀየሩ ነው ሄለንም አንድ ወዛደር አፍቅራ ችግር ውስጥ
ናት
አይይይይ ፍቅር ስንቱ ላይ ትስቅ የነበረች ወንዶች ሁሉ ውሻ ናቸው እኔ ለወንድ
መቼም እጅ አልሰጥም እያለች የነበረች የሰፈራችን ቆንጅዬ ልጅ የሰፍረችን ጉረኛ
ልጅ ወዛደር አፍቅራ ማበዴ ነው ስትል ፍቅር ምን ያህል ሃያል እንደሆነ ፍቅር ላይ
ምን ያህል ጉልበት እንዳለ ለማወቅ ከበቂ በላይ ማስረጃ ነው
ተመስገን የኔዉም ናይት ክለብ መሄድ አቁሟል
እቤት ውስጥ ለብቻው እየጠጣ ነው
ናይት ክለብ አለመሄዱ ብቻ ሳይሆን ለኔ ደስታ ብሎ የሚወደውን ነገር ትቶ እቤት
መቀመጡ የበለጠ እንድወደው አደረገኝ ግን አሁንም ስሜቴን ለመናገር አቅም
አላገኘሁም
ቅድስት ልጇን ለመስወረድ እየሞከረች ነው ሮዛ ግን ይሄን በፍጹም ማደረግ
የለብሽም ሌላ ችግር ውስጥ ትገቢያሽ እስከዛሬ እኔ የምለውን አንድም ነገር
አድርገሽ አታውቅም እስኪ ይሄን ብቻ እሺ በይ እያለች ነው ቅድስት ግን ፍቃደኛ
አትመስልም
ትላንት የሆነ ቆንጅዬ ልጅ እቤታችን መጥቶ ነበረ
ማነህ ለምን መጣህ ስለው የእኔ ቅድስት ቤት ነው አይደል አለኝ
አይ አይደለሁም ግን ጓደኛዋ ነኝ መልእክት ካለህ ንገረኝ ወይንም የፈለካት
ለቁም ነገር ከሆነ ቤቷን ማሳየት እችላለሁ አልኩት
እሺ ነገ ተመልሼ እመጣለሁ ብሎ ሄዶ ነበረ ግን እስካሁን ለምን አልመጣም ?
ይሁን
ለነገሩ የእራሱ ችግር ነው ቅድስትን የሚፈልግ ወንድ ሁሉ ለራሱ ጥቅም ነው ብዬ
ዝም አልኩኝ
በአጋጣሚ ልጅ መጣ
.
.
.
ይቀጥላል

http://t.me/USA2A