Куни кеча ишқибозлар "юлдузлар" ортидан чопиб юришганди. Улар эса ўз оёқлари билан олдимга келишди.

Лекин бирортаси юрак ботиниб, текширувдан ўтишни исташмади...

@abrorpirmuhammad

Абдуқодирнинг жароҳати дилимизни бироз хира торттирди.

Болдир мушаги жароҳати футболчи учун энг ноқулай жароҳатлардан. Агарда мушакда шунчаки лат ейиш бўлса айтилаётганидек 2 ҳафталик танаффус тикланиш учун етиб қолар.., лекин мушак толаларида кичик бўлса ҳам узилишлар (надрыв) бўлган бўлса реабилитация жараёни тўлиқ сентябрь ойини олиши аниқ.

Футболчимизнинг тезроқ сафга қайтишини тилаб қоламиз.

@abrorpirmuhammad

Oy tutilishini kuzatayotganlar ko'pchilikmizmi?
Agarda hali ham Oyga qaramagan bo'lsangiz, ko'chaga chiqib uni kuzating.
Bu holat har kuni ham bo'lavermaydi.

Buning astronomik sababini ham albatta bolalaringizga tushuntirib qo'ying. Falakiyot ilmi ham juda qaiziqarli va sir-sinoatga boy ilm!

@abrorpirmuhammad

Айрим мухлислар футболни мутахассислардек синчков кузатиб боришади. Шундай водий мухлисларидан бири кеча қўнғироқ қилганди.

Мураббий масаласидаги турли гап-сўзлар ҳақида гапириб, фикримни сўради. Янграётган фикрлардан ўзгача мулоҳазам уни бироз ҳайратлантирди...

-Бентуни танийсизми? – деб қолди у тўсатдан.
-Унинг қиёфасини тасаввур ҳам қилолмайман, -дедим...

Эрталаб эса юқоридаги суратни юборибди ва “2018 йил Австралияда кечган халқаро ўйинда Купер бошчилигидаги жамоамизни ўйнаб-кулиб 4:0 га ютган Кореянинг ўша пайтдаги бош мураббийи бўлади бу инсон”, деб қўшиб қўйибди.

Бундоқ ўйлаб қарасам тўғри айтибди. Ўшанда Брисбенга Сеул орқали учган жамоамиз Корея билан бир самолётда парвоз қилганди. Мураббийлари билан бир муддат қизиқарли суҳбат ҳам қургандик...

Эҳ тиниб-тинчимаган мухлислар-эй, нималарни эслатишмайди-я биз эси пастларга...

@abrorpirmuhammad

Менга ўхшаб: “Қанийди бир ёмғир шаррос қуйиб берса-ю, ўпкам тўлиб нафас олсам”, деяётганлар сони анча бўлса керак. Бунчалар узоқ муддат ёмғирни кутганимни эслай олмайман.

Иқлим ўзгаришларини инобатга олсак, бундай ҳолат ҳали кўп такрорланадиган кўринади. Шу боис, вазиятдан фойдаланиб айрим маслаҳатларни улашай:

Ҳаво ифлосланиш ҳолати куни-кечагидек “рекорд”ни қайд этганини илова ёки интернетдан билдингизми, қандайдир огоҳлантиришни кутиб ўтирманг:
1) кўчада тиббий ниқоб тақишни одат тусига киритаверинг;
2) кўчада халлослаб югуриб, бадан тарбия қилишни фойдаси йўқ;
3) деразаларни ёпиб, хонани тез-тез намли тозалаб туринг, гул ва хона ўсимликлари ушланг;
4) кўчадан келгач душ қабул қилинг, бурнингизни яхшилаб ювиб қоқинг;
5) кўпроқ суюқлик қабул қилинг;
6) Очиқ майдонда режалаштирилган барча спорт тўгаракларини, айниқса болалар машғулотларини ўйлаб ўтирмасдан бекор қилинг!

@abrorpirmuhammad

Bir zamonlar... )

@abrorpirmuhammad

Oқшом бир мухлис қўнғироқ қилиб футболни циркка ўхшатиш борасида сўз очди. Уйқуга кетгунимча бу мавзу хаёлимда айланди.

Туш кўрдим. Тушимга Коллина кирибди. У ватанидаги Рим колизейининг императорлик ўриндиғидан “Футбол бу циркми!? деб жанг саҳнида турган каминага савол бераётганмиш.
-Цирк сўзи лотинчада “айлана, доира” маносини билдиради, яъни доира ичидаги томоша - узоқдан сўз бошладим. Футбол ҳам томоша, фақат доира эмас, тўртбурчак саҳндаги. Мана колизей ҳам...
-Гапни айлантирма! - ўдағайлади рефери. – Мен ҳам циркнинг бир қисми бўлган эканман-да.
-Аслида ҳаёт бу катта цирк. Агарда сиз футболдек бир ажойиб томоша - буюк циркнинг бир бўлаги бўлишни истамасангиз, айланиб-ўргилиб ҳаётнинг бошқа бир цирки иштирокчисига айланишингиз аниқ. Ихтиёр ўзингизда...
-Бошни қотирдинг-у сен файласуф!!! – ялтираган калбош Коллина ғазабланиб, кўзларини чақчайтирганча мени бўғизлашга ошиқди...

Босинқираб, уйғониб кетдим. Буни қаранг-ки зилзила бўлаётган экан. Соатга 01:30. Сув ҳўплаб, бир муддат шифтга қараб ётдим...