🛫Salkam 24 000 km yo‘l!

Jamoamiz so‘nggi 10 kun ichida yana bir yirik loyihani muvaffaqiyatli amalga oshirdi.

🦘 Avstraliya qit’asida o‘tkazilgan xalqaro olimpiadada dunyoning 20 ga yaqin davlatidan kelgan o‘quvchilar orasida 17 nafar bilimdon yoshlarimiz O‘zbekiston sharafini munosib himoya qilishdi.

🏆 Natijalar:
• 🥇 4 ta oltin (shundan 3 tasi diamond)
• 🥈 6 ta kumush
• 🥉 7 ta bronza

📊 Sifat ko‘rsatkichi bo‘yicha eng yaxshi jamoa deb topildik!

✈️ 24 000 km — bu shunchaki masofa emas. Bu yo‘l davomida o‘quvchilar ahillikni, jamoa bo‘lib ishlashni va katta maqsadlar sari birgalikda harakat qilishni o‘rganishdi

🔜 Tez orada ota-onalar fikrlarini ham sizlar bilan bo‘lishamiz.

🌍 Navbatdagi manzillar:

🇹🇷 Turkiya (finalchilar bilan aloqa davom etmoqda: 97-651-33-34);
🇯🇵Yaponiya (26-aprel — saralash bosqichi);
🇺🇸 AQSh (Olympiad USA, Copernicus, Steam Spires);
🇬🇧 London (TeenEagle olimpiadasi).

Harakatda boʻling, havas qiling — keyingi g‘oliblar orasida siz ham bo‘ling!

📲 Asosiy kanalimizni kuzatib boring: @khiso

📣 Yilning eng sermazmun xalqaro olimpiadasi — TALES finaliga so‘nggi imkoniyat!

Final bosqichida TALES olimpiadasi saralashidan muvaffaqiyatli o‘tgan o‘quvchilar yoki joriy o‘quv yilida (14 marta) o‘tkazilgan KHISO olimpiadalarida yuqori natija ko‘rsatgan iqtidorli o‘quvchilar qatnashishlari mumkin.

Barchamiz maktabda parallellik haqidagi mashhur teorema orqali tanigan buyuk yunon olimi Fales (Thales) sharafiga tashkil etilgan ushbu xalqaro olimpiadaning final bosqichiga jo‘nab ketishimizga atigi 10 kun vaqt qoldi.

🏛 Final bosqichining aynan olim tug‘ilgan qadimiy Milet shahrida (hozirgi Aydin viloyati, Turkiya) o‘tkazilishi esa bu safarga alohida ilmiy va tarixiy ruh bag‘ishlaydi. O‘quvchilar aynan Aydin shahrida Tales matematika muzeyini ham ko‘rishlari mumkin bo‘ladi.

🛫 Yurtimizdan boradigan ishtirokchilarni munosib kutib olish va barcha tashkiliy ishlarni yuqori saviyada yo‘lga qo‘yish maqsadida ustozim va hamkorim, “3T Eğitim” maktablari asoschisi Hakan Özmen bugun Istanbulga jo‘nab ketdilar va sizlarni Turkiyaga samimiy taklif etdilar.

🇦🇿 Darvoqe, qaytishda Boku shahriga ham 1 kunlik sayohat rejalashtirilgan.

Dasturga ko‘ra:

3 kun — Istanbul 🇹🇷
1 kun — Bursa🇹🇷
1 kun — Aydin viloyati🇹🇷
1 kun — Boku 🇦🇿

Batafsil: 👉 t.me/khiso/5734

10 kun kechikkan, lekin hamma ko‘rishi kerak bo‘lgan video

Xabaringiz bor, yaqinda TALES olimpiadasining finalida qatnashib keldik. Dastlabki natijalarga ko‘ra 3 ta oltin, 4 ta kumush va 13 ta bronza medalni qo‘lga kiritdik (bizdan jami 27 nafar o‘quvchi qatnashdi va 21 ta medal olindi). Oltin medal olganlar ichida Gulmirzayev Salimbek 100 foizlik natijani ko‘rsatdi. Salimbekni 2-sinfdanoq bilaman. O‘tgan yili SUPER FINAL olimpiadamizda ham, YOZGI MAKTAB finalida ham 1-o‘rinni qo‘lga kiritgan edi.

Bu safar uni yangidan kashf qildim. 18-may kuni soat tungi 02:40 lar atrofida Istanbuldan uchgan samolyotimiz Boku aeroportiga qo‘ndi. Hamma tun yarmida chala uyqu bilan transfer zonasiga o‘tdik va rejamiz ertalabgacha uxlab, keyin Bokuni aylanish edi. Tonggi soat 06:20 da uyg‘ondim va (bolalar mas’uliyati katta yuk) ko‘zimni ochishim bilan bolalarni qidirdim. Hamma uxlayapti (xayriyat), faqat bir bola — o‘zimizning Salimbek uxlamasdan kitob o‘qiyapti. Darhol videoga oldim va onasiga yubordim (internet tezligi pastligi sababli video soat 09:50 lar atrofida yetib boribdi). Onasining yozishicha, Salimbek biror yutuqqa erishsa ham, sovg‘a sifatida kitob so‘rar ekan. Shunchaki havas qildim.

Bilasizmi, aytish esimdan chiqibdi. Salimbekning bobosi Gulmirza ustoz menga maxsus maktabda matematikadan dars bergan, onasi Nasiba (Abdullayeva) ustoz esa mening 6–9-sinflarda sinf rahbarim bo‘lganlar. (Dars vaqtida shevada gapirsak, “5” ololmasdik. Shu sababdan 6-sinfdanoq adabiy tilda gapirishga odatlanganmiz. Bu endi alohida mavzu 🙂)

Qissadan hissa shuki, g‘oliblikning siri — boshqalar o‘ynayotgan paytda ham bilim olishing va kitobni eng yaqin do‘stga aylantirishingda.

Ha, darvoqe, bu yakshanba eng oxirgi olimpiadalardan biri o‘tkaziladi. Batafsil :➡️ t.me/khiso/5816