Forwarded from 法庭文字直播台
#西九龍裁判法院第十四庭
#王詩麗裁判官
#續審 (2/1)
#0826深水埗
胡（20）
控罪：管有攻擊性武器，管有物品意圖損壞財產
前文：
https://t.me/youarenotalonehk_live/9666
0935 被告在開庭前還未到，要短暫休庭，在開庭後被裁判官訓斥。
控方繼續盤問被告：
被告指大約在一年前開始對觀星產生興趣，在夜間行山時觀察，雷射筆是用作觀星之用，如果有人一齊觀星，可以用雷射筆指俾人睇，用雷射筆連接星星畫出星座圖，目的係希望教細妹觀星，但這方面冇證據提供給法庭。
被告大約在六七年前開始出現青光眼病，病情會令視野收窄，黑夜時影響大，現時情況嚴重。
主控指出控辯雙方同意的雷射筆測試報告，說明若在40米範圍內照射眼部會令到受傷，被告不同意，說在購買時試過在5-6cm內，照射手部10-20秒，無痛楚感覺，係安全嘅；裁判官加入詢問為何會測試安全，被告轉述售貨員話這支屬於安全可以測試。
控方指拘捕被告時，身上無錢，點解會帶咁少錢出街買嘢，又會啱啱好用晒啲錢？被告話在Google搵到雷射筆的大概價錢，所以只帶了少量金錢，平時落街都會唔帶銀包，因為諗住在兩三個鐘頭內回家，冇諗住有警察會查身分證，當時大概攞咗$250，有100元和20元紙幣，雷射筆大概$200-$210，噴漆大概$30-$40，餘下嘅錢買咗魚蛋食，剛好用晒。
控方不斷追問購買地點，點解唔返去取回購買單據，被告話已經唔記得在邊檔購買。
被告解釋購買雷射筆的另一用途，係準備在翌日去首爾旅行時作觀星之用，控方質疑被告有冇睇行程表，該團係美食之旅，每日都有景點但唔會去郊外，被告回應有自由時間，應該有機會睇星。
控方詢問被告砌模型的經驗，被告回覆自細個開始，唔記得幾耐，同意控方所指可以交出砌模型的證據，但冇咁做因為冇諗過要咁做。
警方在拘捕被告後的第二日去到家中搜屋，但搵唔到任何噴漆，被告解釋因為警方只搜查他的房間，噴漆放在廁所所以搵唔到。
被告同意控方指出，巴域街近美荷樓上嘉頓山的路徑，全程是石屎樓梯，途中無街燈，行得快可以15分鐘內來回，多年來上過400-500次，包括跑山、晨運和夜晚散步，但唔記得第一次係幾時去，可能係10歲左右。
控方取出證物P1，要求被告示範如何攜帶，被告做咗三種方法：斜孭、單邊孭和單手攞。
被告指在26/8/19當日在家，被控方質疑點解日間在家休息，夜晚咁夜先去買雷射筆。
賣噴漆的檔口是售賣汽車相關零件的，剛好經過見到所以買，落街前冇諗住要買，之前買噴漆時係去旺角一間信譽好嘅舖頭買，所以冇試，今次呢間唔同所以試吓；裁判官又再加入詢問：有冇迫切性要買，被告同意係冇迫切性，只係因為順路。
控方再次播出嘉頓公司和美荷樓的閉路電視片段，被告否認在嘉頓街角出現的男子是他；被告指在美荷樓被制服時，雖然PW1有戴頭盔和着黑色制服，但唔肯定對方是警察，期間感到頭暈、視野模糊、曾經短暫失去意識，被控方問到在何時肯定在場人士為警察時，被告的答覆有予盾。
辯方覆問：
被告指較早前在旺角曾經見到有着黑色制服和戴頭盔的普通市民，所以唔肯定PW1係警察，第一眼見到佢時都以為係普通人但有攻擊性，當時覺得好愕然，佢叫舉起雙手投降，因為緊張和驚所以照做，在被追捕期間冇講過野。
被告嘗試解釋短暫失去意識嘅意思，例如：感覺唔到有人撳住佢，視覺模糊，聽覺有雜音，聽唔到他人說話。
律師問被告是否明白主控曾向他指出，他説當日在購買噴漆時曾作測試，係因為想解釋噴漆曾經被使用過，被告當時回答同意；被告似乎未能領悟。
被告指雖然當日係冇迫切性買噴漆，但想在旅行完結之後回家快啲切好高達模型，所以購買；該模型在家，可以在45分鐘之內帶到法庭，（控方反對辯方提出引導性問題，裁判官接納），上一次上庭有帶模型，因為今朝趕住出門口所以冇帶。
裁判官詢問：
1. 當日因為感冒，出門口時有帶口罩，上山途中除咗，之後無帶。
2. 上落山時都有使用電筒，去到巴域街就無用。
3. 回程時見到有人從右邊衝過來，冇留意有冇盾牌，但見到有棍，距離大約10米，現場環境黑暗，唔知有冇戴頭盔。
辯方覆問：
被告指到咗巴域街就冇用電筒，因為比較熟路，就嚟返到屋企。
～～～～～～～～
控方結案陳詞：
控方同意雷射筆本身不是攻擊性武器，而是有意圖作非法用途，PW1 係可靠證人，在30米內面部和眼部被照射30秒，有足夠意圖令其受傷。
假設被告冇照射到PW1，但被告持有，有意圖作攻擊，法庭可以考慮一個案例，只要被告有意圖作出傷害，即使未必成功，該工具已經係攻擊性武器。
法庭要考慮街角男子為何出現，根據CCTV，考慮被告人的連串反應，被告人在被捕後冇作出任何解釋，物品的用途和意圖。
法庭考慮兩段CCTV中男子的衣著特色，手提袋，除口罩除帽等。
質疑辯方在冇證據下虛構另一名男子同時在場出現，辯方在每一個情節都係講大話。
辯方結案陳詞：
控罪一
1. 身份爭議：只係倚賴PW1描述被告的衣著，事實是衣着不是特別，並不看見，嘉頓CCTV未能清晰顯示衣着；PW1曾經有41秒見唔到街角男子，冇對該男子的樣貌有任何描述。
2. 假設街角男子係被告：該男子手部係有動作，但冇任何光線，質疑該男子有冇照射雷射筆。
3. 非法意圖：PW1證實當時冇人堵路，亦唔事前堵路位置，究竟被告睇唔睇到警車上有人，在超過40米外，究竟被告可否傷害到人。
控罪二
當時冇人堵路，冇地方被塗鴉，意圖損壞的控罪有疑點。
～～～～～～～～
案件押後至2020年11月19日，下午14:30裁決。
被告以原有條件保釋。
#王詩麗裁判官
#續審 (2/1)
#0826深水埗
胡（20）
控罪：管有攻擊性武器，管有物品意圖損壞財產
前文：
https://t.me/youarenotalonehk_live/9666
0935 被告在開庭前還未到，要短暫休庭，在開庭後被裁判官訓斥。
控方繼續盤問被告：
被告指大約在一年前開始對觀星產生興趣，在夜間行山時觀察，雷射筆是用作觀星之用，如果有人一齊觀星，可以用雷射筆指俾人睇，用雷射筆連接星星畫出星座圖，目的係希望教細妹觀星，但這方面冇證據提供給法庭。
被告大約在六七年前開始出現青光眼病，病情會令視野收窄，黑夜時影響大，現時情況嚴重。
主控指出控辯雙方同意的雷射筆測試報告，說明若在40米範圍內照射眼部會令到受傷，被告不同意，說在購買時試過在5-6cm內，照射手部10-20秒，無痛楚感覺，係安全嘅；裁判官加入詢問為何會測試安全，被告轉述售貨員話這支屬於安全可以測試。
控方指拘捕被告時，身上無錢，點解會帶咁少錢出街買嘢，又會啱啱好用晒啲錢？被告話在Google搵到雷射筆的大概價錢，所以只帶了少量金錢，平時落街都會唔帶銀包，因為諗住在兩三個鐘頭內回家，冇諗住有警察會查身分證，當時大概攞咗$250，有100元和20元紙幣，雷射筆大概$200-$210，噴漆大概$30-$40，餘下嘅錢買咗魚蛋食，剛好用晒。
控方不斷追問購買地點，點解唔返去取回購買單據，被告話已經唔記得在邊檔購買。
被告解釋購買雷射筆的另一用途，係準備在翌日去首爾旅行時作觀星之用，控方質疑被告有冇睇行程表，該團係美食之旅，每日都有景點但唔會去郊外，被告回應有自由時間，應該有機會睇星。
控方詢問被告砌模型的經驗，被告回覆自細個開始，唔記得幾耐，同意控方所指可以交出砌模型的證據，但冇咁做因為冇諗過要咁做。
警方在拘捕被告後的第二日去到家中搜屋，但搵唔到任何噴漆，被告解釋因為警方只搜查他的房間，噴漆放在廁所所以搵唔到。
被告同意控方指出，巴域街近美荷樓上嘉頓山的路徑，全程是石屎樓梯，途中無街燈，行得快可以15分鐘內來回，多年來上過400-500次，包括跑山、晨運和夜晚散步，但唔記得第一次係幾時去，可能係10歲左右。
控方取出證物P1，要求被告示範如何攜帶，被告做咗三種方法：斜孭、單邊孭和單手攞。
被告指在26/8/19當日在家，被控方質疑點解日間在家休息，夜晚咁夜先去買雷射筆。
賣噴漆的檔口是售賣汽車相關零件的，剛好經過見到所以買，落街前冇諗住要買，之前買噴漆時係去旺角一間信譽好嘅舖頭買，所以冇試，今次呢間唔同所以試吓；裁判官又再加入詢問：有冇迫切性要買，被告同意係冇迫切性，只係因為順路。
控方再次播出嘉頓公司和美荷樓的閉路電視片段，被告否認在嘉頓街角出現的男子是他；被告指在美荷樓被制服時，雖然PW1有戴頭盔和着黑色制服，但唔肯定對方是警察，期間感到頭暈、視野模糊、曾經短暫失去意識，被控方問到在何時肯定在場人士為警察時，被告的答覆有予盾。
辯方覆問：
被告指較早前在旺角曾經見到有着黑色制服和戴頭盔的普通市民，所以唔肯定PW1係警察，第一眼見到佢時都以為係普通人但有攻擊性，當時覺得好愕然，佢叫舉起雙手投降，因為緊張和驚所以照做，在被追捕期間冇講過野。
被告嘗試解釋短暫失去意識嘅意思，例如：感覺唔到有人撳住佢，視覺模糊，聽覺有雜音，聽唔到他人說話。
律師問被告是否明白主控曾向他指出，他説當日在購買噴漆時曾作測試，係因為想解釋噴漆曾經被使用過，被告當時回答同意；被告似乎未能領悟。
被告指雖然當日係冇迫切性買噴漆，但想在旅行完結之後回家快啲切好高達模型，所以購買；該模型在家，可以在45分鐘之內帶到法庭，（控方反對辯方提出引導性問題，裁判官接納），上一次上庭有帶模型，因為今朝趕住出門口所以冇帶。
裁判官詢問：
1. 當日因為感冒，出門口時有帶口罩，上山途中除咗，之後無帶。
2. 上落山時都有使用電筒，去到巴域街就無用。
3. 回程時見到有人從右邊衝過來，冇留意有冇盾牌，但見到有棍，距離大約10米，現場環境黑暗，唔知有冇戴頭盔。
辯方覆問：
被告指到咗巴域街就冇用電筒，因為比較熟路，就嚟返到屋企。
～～～～～～～～
控方結案陳詞：
控方同意雷射筆本身不是攻擊性武器，而是有意圖作非法用途，PW1 係可靠證人，在30米內面部和眼部被照射30秒，有足夠意圖令其受傷。
假設被告冇照射到PW1，但被告持有，有意圖作攻擊，法庭可以考慮一個案例，只要被告有意圖作出傷害，即使未必成功，該工具已經係攻擊性武器。
法庭要考慮街角男子為何出現，根據CCTV，考慮被告人的連串反應，被告人在被捕後冇作出任何解釋，物品的用途和意圖。
法庭考慮兩段CCTV中男子的衣著特色，手提袋，除口罩除帽等。
質疑辯方在冇證據下虛構另一名男子同時在場出現，辯方在每一個情節都係講大話。
辯方結案陳詞：
控罪一
1. 身份爭議：只係倚賴PW1描述被告的衣著，事實是衣着不是特別，並不看見，嘉頓CCTV未能清晰顯示衣着；PW1曾經有41秒見唔到街角男子，冇對該男子的樣貌有任何描述。
2. 假設街角男子係被告：該男子手部係有動作，但冇任何光線，質疑該男子有冇照射雷射筆。
3. 非法意圖：PW1證實當時冇人堵路，亦唔事前堵路位置，究竟被告睇唔睇到警車上有人，在超過40米外，究竟被告可否傷害到人。
控罪二
當時冇人堵路，冇地方被塗鴉，意圖損壞的控罪有疑點。
～～～～～～～～
案件押後至2020年11月19日，下午14:30裁決。
被告以原有條件保釋。