Otamdan qolgan dalalar

2021-yil 4-fevral kuni yoshlar ma’naviyatini yuksaltirish va ularning bo‘sh vaqtlarini mazmunli tashkil etish bo‘yicha “5 tashabbus” doirasida ijtimoiy-iqtisodiy fakulteti talabalari, o‘qituvchilar tomonidan universitet Madaniyat saroyida O.Xo‘jayev nomli viloyat musiqali drama teatri tomonidan sahnalashtirilgan O‘zbekiston xalq yozuvchisi Tog‘ay Murod qalamiga mansub “Otamdan qolgan dalalar” spektaklini namoyishi bo‘ldi. Spektakl davomida tomoshabinlarimiz mehr-oqibat, odamiylik, o‘zaro hurmat kabi insoniy fazilatlar hozirgi davrda qanchalik zarur ekanligini yana bir bor his qildilar. Talabalarimiz hohish-istaklariga ko‘ra 5-fevral kuni ham spektakllar namoyishi davom etiladigan bo‘ldi.

XUSHXABAR

O‘zbekiston Respublikasi Oliy va o‘rta maxsus ta’lim vazirligining 2021-yil 1-fevraldagi “2020-2021 o‘quv yili uchun Respublika oliy ta’lim muassasalari talabalariga O‘zbekiston Respublikasi Davlat stipendiyalarini tayinlash to‘g‘risida”gi 56-son buyrug‘iga muvofiq Guliston davlat universitetining quyidagi talabalari: Tabiiy fanlar fakulteti “Kimyo” ta’lim yo’nalishi 4-bosqich talabasi, Oliy Majlis Qonunchilik palatasi huzuridagi “Yoshlar parlementi”ning Sirdaryo viloyati bo’yicha koordinatori Sirojiddinov Maqsudbek Botirjon o‘g‘li "Islom Karimov" nomidagi, “Biologiya” yo‘nalishi 3-bosqich talabalasi Raxmonqulova Yodgora Muzaffar qizi “Mirzo Ulug‘bek” nomidagi, Filologiya fakulteti “Rus tili va adabiyoti” yo‘nalishi 3-bosqich talabasi Xolmatov Islomjon G’ulom o’g’li va Ijtimoiy-iqtisodiy fakulteti “Iqtisodiyot” yo‘nalishi 4-bosqich talabasi Turdiqulova Gulmira Obidqul qizi “Alisher Navoiy” nomidagi Davlat stipendiyalariga sazovor bo‘lishdi.

Mahorat va kasbga yo’naltirish darslari o’tkazildi
Sirdaryo viloyati Boyovut tumanidagi 17-18-19 maktablarida Guliston davlat universiteti professori, O‘zbekistonda xizmat ko‘rsatgan yoshlar murabbiysi Xazratqul Qlichevich Qarshibayev tomonidan maktab bitiruvchi o‘quvchi yoshlari bilan uchrashuv o‘tkazidi. Uchrashuvda muhtaram Prezidentimiz Sh.M.Mirziyoyevning Yoshlarga oid davlat siyosati, yoshlarga yaratilayotgan imkoniyatlar, imtiyozlar hamda ularga bo‘layotgan e‘tibor to‘g‘risida qizg‘in suhbat bo‘lib o‘tdi. Uchrashuvda maktab o‘qituvchilari, maktab rahbariyati hamda tuman XTB xodimlari ishtirok etishdi. Ushbu darslarda bitiruvchi o‘quvchilarni kasbga yo‘naltirish va maktab o‘qituvchilari uchun mahorat darslari shaklda olib borildi. Uchrashuv savol-javob va qizg‘in munozaralarga boy bo‘ldi. Uchrashuv yakunida maktab o‘qituvchilari uchun metodik ko‘maklashishga kelishib olindi.