GulDU.uz | Rasmiy kanal
7.55K subscribers
41.5K photos
3.57K videos
469 files
7.4K links
Guliston davlat universiteti rasmiy kanali

Manzil: Guliston şahri, 4-mavze
Jamoat transporti: 2-4-mavze yönalişdagi avtobus, universitet bekati
Web-site: www.guldu.uz
Email: glsu_info@edu.uz
Telefon: +998672254042
Faks: +998672254275
Download Telegram
Forwarded from Edu.uz
Forwarded from Edu.uz
#Тайинлов

Янги вазир ўринбосари жамоага таништирилди

Бугун Олий ва ўрта махсус таълим вазирлигида Ўзбекистон Республикаси Президентининг ёшлар, фан, таълим, соғлиқни сақлаш ва спорт масалалари бўйича маслаҳатчиси Абдужаббор Абдувоҳидов бошчилигида йиғилиш ўтказилди.

Унда Ўзбекистон Республикаси Вазирлар Маҳкамасининг 2020 йил 8 февралдаги 68-сон қарори билан Олий ва ўрта махсус таълим вазирининг ахборот технологиялари ва ёшлар бўйича ўринбосари этиб тайинланган Юсуф Қодирович Абсоатов жамоага таништирилди.

Юсуф Абсоатов 1990 йилда туғилган. 2012-2016 йилларда Мирзо Улуғбек номидаги Ўзбекистон Миллий университетининг бакалавр босқичида таҳсил олган. Бугунги кунги кунда Ю.Абсоатов Ўзбекистон Миллий университети Кимё факультети II босқич магистранти.

Президент маслаҳатчиси Давлат раҳбари томонидан олий таълим тизими олдига катта вазифалар қўйилганлиги, энг аввало, ёшлардаги олий маълумотли бўлиш орзусини рўёбга чиқариш йўлида барча чоралар кўрилиши лозимлиги ҳамда бу вазифаларни бажаришда янги вазир ўринбосари билан ҳамжиҳатликда ишлаш зарурлигини таъкидлади.

Ўз ўрнида вазир Иномжон Мажидов соҳага замонавий АКТни жорий этишда иқтидорли ёшлар ташаббуси ҳар қачонгидан муҳимлигини ҳамда вазирлик жамоаси Юсуф Абсоатов тўла қўллаб-қувватлашини маълум қилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
#Қонунчилик_янгиликлари

Бинар (иккиталик) ҳимоя тизими асосида талабгорларга фан доктори (DSc) ва фалсафа доктори (PhD) илмий даражаларини бериш тартиби тасдиқланди

“Бинар (иккиталик) ҳимоя тизими асосида талабгорларга фан доктори (DSc) ва фалсафа доктори (PhD) илмий даражаларини беришни ташкил қилиш чора-тадбирлари тўғрисида”ги 2020 йил 10 ефвралда 74-сонли Ҳукумат қарори қабул қилинди.

Қарор билан 2020 йилнинг 1 мартидан эътиборан Ўзбекистон Миллий университети базасида бинар (иккиталик) ҳимоя тизими асосида диссертация ҳимоясини ташкил этиш ва илмий даражалари талабгорларга мустақил бериш амалиёти тажриба тариқасида уч йил муддатга жорий этилади.

ЎзМУда тажриба давомида бинар (иккиталик) ҳимоя тизими асосида диссертация ҳимоясини ташкил этади ҳамда илмий даражаларни талабгорларга мустақил беради.

Бинар (иккиталик) ҳимоя тизими асосида диссертация ҳимояси – муайян фан тармоғи бўйича тегишли мавзу юзасидан битта диссертация доирасида инновацион хусусиятга эга бўлган илмий янгиликлар олинган ва уларнинг амалиётга жорий этилиши салмоқли самара берган фалсафа доктори (РhD) илмий даражага талабгорга фан доктори (DSc) ва илмий натижаларни амалиётга татбиқ этган талабгорга фалсафа доктори (РhD) илмий даражаларини бериш амалиётидир.

Янги ҳимоя тизими асосида фан доктори (DSc) илмий даражасига талабгор ўз диссертациясининг илмий натижаларини амалиётга татбиқ этадиган фалсафа доктори (РhD) илмий даражасини олиш бўйича изланувчига илмий раҳбар бўлиши мумкин.

Қарор билан “Бинар (иккиталик) ҳимоя тизими асосида талабгорларга фан доктори (DSc) ва фалсафа доктори (PhD) илмий даражаларини бериш тартиби тўғрисида”ги Низом тасдиқланган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
Қўшни давлатлардан ўқишни кўчириш муддати 15 мартга қадар узайтирилди

Ўзбекистон Республикаси таълим муассасаларига муассасаларига ўқишга қабул қилиш бўйича Давлат комиссиясининг 2020 йил 4 февралдаги 12-сон баёни билан қўшни давлатлар (Тожикистон, Қирғизистон ва Қозоғистон)даги олий таълим муассасаларида таҳсил олаётган Ўзбекистон Республикаси фуқароларига ўқишини республикамиз олий таълим муассасаларига кўчириш бўйича ариза топширишга рухсат этилган эди.

Қўшни давлатлар (Тожикистон, Қирғизистон ва Қозоғистон) олий таълим муассасаларида таҳсил олаётган талабалар ва уларнинг ота-оналаридан келиб тушган кўплаб мурожаатларни инобатга олган ҳолда, фуқароларга қўшимча қулайлик яратиш мақсадида аризаларни қабул қилиш муддати 2020 йил 15 мартга қадар узайтирилди.

Республиканинг барча ҳудудларида биттадан олий таълим муассасасида Ҳудудий ишчи гуруҳлари ташкил этилган.

Талабгорлар 2020 йил 15 мартга қадар доимий яшаш ҳудудида ташкил этилган ишчи гуруҳга қуйидаги ҳужжатларни тақдим этишлари лозим:

👉 ариза (жойида тўлдирилади);
👉 рейтинг дафтарчаси ёки академик маълумотнома (транскрипт) нусхаси;
👉 паспорт нусхаси.

Хорижий олий таълим муассасаларидан талабалар ўқишини республика олий таълим муассасаларига кўчириш тўлов-контракт асосида амалга оширилади.

Эслатиб ўтамиз, фуқаролар томонидан Ҳудудий ишчи гуруҳларга зарур ҳужжатлар тўғри ва тўлиқ ҳолатда тақдим этилганда, сўзсиз қабул қилинади.

Ўқишни кўчиришда ҳеч қандай имтиҳон бўлмайди
!

Ҳамюртларимизни ўз хизматларини таклиф қиладиган айрим фирибгарларга алданиб қолмасликка чақирамиз.

Энг кўп бериладиган саволлар 1-қисм,
Энг кўп бериладиган саволлар 2-қисм

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
2020 йилда 530 та халқаро ва республика миқёсидаги анжуман ўтказилади

Ўзбекистон Республикаси Вазирлар Маҳкамасининг 2020 йил 7 февралдаги 56-ф-сонли фармойиши билан 2020 йилда мамлакатимизда ўтказиладиган халқаро ва республика миқёсидаги илмий ҳамда илмий-техник анжуманлар режаси тасдиқланди.

✅ Унга кўра, 2020 йилда:

👉 186 та халқаро;
👉 344 та республика миқёсида;
👉 жами 530 та илмий ва илмий-техник анжуманлар ўтказилади.

Халқаро ва республика миқёсидаги ўтказиладиган анжуманлар қуйидаги 7 та йўналишда ташкил этилади:

➡️ иқтисодиёт, давлат ва жамият қурилиши;
➡️ нефть ва газ, энергетика, энергия ва ресурс тежамкорлиги;
➡️ ахборот ва ахборот-коммуникациялар технологиялари;
➡️ қишлоқ ва сув хўжалиги;
➡️ тиббиёт, фармакология ва спорт;
➡️ саноат, ишлаб чиқиш, транспорт ва логистика;
➡️ геология-минерология, сейсмология ва сейсмик барқарорлик, қурилиш ва архитектура;
➡️ фан ва таълим.

Ўтказиладиган анжуманларнинг якуний натижаларга кўра қабул қилинган тавсия ва қарорлар асосида ҳар бир ҳудуддан долзарб 3 та мавзуда белгиланган тартибда давлат илмий-техник дастурлари доирасида танлов эълон қилинади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
Халқаро анжуманлар-2020.pdf
3.5 MB
2020 йилда ўтказиладиган ХАЛҚАРО илмий ва илмий-техник анжуманлар рўйхати.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
Республика анжуманлар-2020.pdf
4.4 MB
2020 йилда РЕСПУБЛИКА миқёсида ўтказиладиган илмий ва илмий-техник анжуманлар рўйхати

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
DIQQAT E`LON!

Hurmatli talaba-yoshlar!

Universitetda talabalar o`rtasida "ZAKOVAT" intelektual oyinlariga start berildi.

"ZAKOVAT" intelektual oyinlarida ishtirok etishni istagan talaba-yoshlar o`z jamoalarini shakllantirib (jamoalar 6 nafar ishtirokchidan iborat bo`ladi) tashkilotchilarga murojaat qilishlari mumkin.
O`yinning birinchi turi 2020 yil 18 fevral kuni soat 16-00da Ma`naviyat va ma`rifat markazida o`tkaziladi.

Barcha iqtidorli va zakovatli yoshlarni o`yinlarda faol ishtirok etishga chorlab qolamiz.


Murojaat uchun telefonlar:

+99890-242-51-51; +99894-160-56-21
Forwarded from Sirdaryo Xabarlari
Гулистон давлат университетида ўқув машғулотларига “E-Minbar” инновацион технологияси жорий этилди (фото)

Батафсил: https://telegra.ph/sv-02-14-34

Каналга уланиш:👇👇
https://t.me/joinchat/AAAAAFIGsEorgDufPpS2gg
Гулистон давлат университети ва Малайзиянинг Бинарий университети билан ҳамкорлик меморандуми имзоланди

2020 йил 13 февраль куни Тошкент шаҳрида Гулистон давлат университети ректори проффессор М.Ходжиев ва Малайзиянинг Бинарий университети ижрочи раиси проффессор Жозеф Адайкалам ўртасида учрашув бўлиб ўтди. Учрашув Ўзбекистон Республикаси Иқтисодиёт ва саноат вазирлигининг мажлислар залида бўлиб ўтди. Учрашувда Гулистон Давлат университети ва Малайзиянинг нуфузли университетларидан бўлмиш Бинарий университети ўртасида ҳамкорлик алоқалаорини йўлга қўйиш, хусусан ушбу хорижий университет билан ҳамкорликда “Бизнес бошқаруви” ва “Ахборот технологиялари бошқаруви (иқтисодиёт соҳасида)” соҳалари бўйича 1+1 асосида магистратура йўналишини очиш ва кадрлар тайёрлаш бўйича келишиб олинди. Учрашувда, шунингдек, ҳар икки томон учун манфаатли бўлган тарзда ҳамкорликни йўлга қўйиш, профессор-ўқитувчилар ва талабаларнинг қисқа муддатли стажировка ва малака ошириш курсларида иштирок этишлари бўйича истиқболдаги режалар ҳам
Forwarded from Sirdaryo Xabarlari
Гулистон давлат университети ва Малайзиянинг Бинарий университети билан ҳамкорлик меморандиуми имзоланди

Батафсил: https://telegra.ph/sv-02-14-47

Каналга уланиш:👇👇
https://t.me/joinchat/AAAAAFIGsEorgDufPpS2gg
Forwarded from Edu.uz
#Тайинлов

10 та олий таълим муассасасига янги раҳбарлар тайинланди

Ўзбекистон Республикаси Вазирлар Маҳкамасининг 2020 йил 14 февралдаги 82-сонли “Олий таълим муассасалари ректорларини лавозимларга тайинлаш тўғрисида” қарори билан юртимиздаги 10 та олий таълим муассасасига янги раҳбарлар тайинланди.

Улар қуйидагилар:

👉Алишер Юсубжанович Умаров Тошкент давлат педагогика университетининг ректори этиб тайинланди ва бошқа ишга ўтиши муносабати билан Шавкат Сафарович Шарипов ушбу лавозимдан озод қилинди.

👉 Шавкат Сафарович Шарипов Жиззах давлат педагогика институтининг ректори этиб тайинланди ва шу муносабат билан Абдугани Жуманазарович Холбеков ушбу лавозимдан озод қилинди.

👉 Баходир Бойпулотович Собиров Навоий давлат педагогика институтининг ректори этиб тайинланди ва шу муносабат билан Бахтиёр Худайбердиевич Данияров ушбу лавозимдан озод қилинди.

👉 Собитхон Тошпўлатович Турғунов Наманган давлат университетининг ректори этиб тайинланди ва шу муносабат билан Музаффар Хошимович Эсанов Наманган давлат университетининг ректори вазифасини бажарувчи лавозимидан озод қилинди.

👉 Ботир Шукуриллаевич Усмонов Тошкент кимё-технология институтининг ректори этиб тайинланди ва бошқа ишга ўтиши муносабати билан Шухрат Ахмаджанович Муталов ушбу лавозимдан озод қилинди.

👉 Азамат Мухитдинович Шамсиев Самарқанд давлат тиббиёт институтининг ректори лавозимидан озод қилинди.

👉 Жасур Алимджанович Ризаев Самарқанд давлат тиббиёт институтининг ректори этиб тайинланди ва шу муносабат билан Тошкент давлат стоматология институтининг ректори лавозимидан озод қилинди.

👉 Орифжан Шадиевич Базаров Қарши муҳандислик иқтисодиёт институтининг ректори этиб тайинланди ва шу муносабат билан Назирила Насимханович Махмудов ушбу лавозимдан озод қилинди.

👉 Шариббой Туланович Эргашев Наманган муҳандислик-қурилиш институтининг ректори этиб тайинланди ва шу муносабат билан Шукуржон Шарипович Кенжабоев ушбу лавозимдан озод қилинди.

👉 Мамиржон Юсупович Атаджанов Қўқон давлат педагогика институтининг ректори этиб тайинланди ва шу муносабат билан Азизжон Ғуломжонович Эминов ушбу лавозимдан озод қилинди.

👉 Абдуллажон Кадирович Хамракулов Астрахань давлат техника университетининг Тошкент вилоятидаги филиали ижрочи директори - Филиал директори ўринбосари этиб тайинланди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
Талаба-ёшлар аудиторияси: қуйидан юқорига

Олий ва ўрта махсус таълим вазирининг АКТ ва ёшлар бўйича янги ўринбосари “Талаба-ёшлар аудиторияси: қуйидан юқорига” тамойили асосида янги лойиҳани бошлади. Юсуф Абсоатов қуйидаги механизм асосида ишлашни маъқул топди:

1️⃣ Талаба-ёшлар билан очиқ мулоқот ва давра суҳбати асосида уларни қизиқтираётган масалалар ва қийнаётган муаммоларни аниқлаш.

2️⃣ Талаба-ёшларнинг таълим-тарбия ишлари самарадорлигини ошириш бўйича таклифларини қабул қилиш.

3️⃣ Мутахассис-экспертлар ёрдамида талабалар томонидан кўтарилган муаммоли масалалар ва уларнинг ечимлари бўйича таклифларни атрофлича таҳлил қилиш.

4️⃣ Таҳлиллар асосида талабаларнинг дарсдан бўш вақтини мазмунли ўтказиш ва илм-фан йўналишидаги билимларини янада бойитиш ишларини ташкил этиш юзасидан янги тавсиялар асосида самарали механизм ишлаб чиқилади.

Ҳурматли талабалар!

Сизни қизиқтираётган масалалар ва қийнаётган муаммолар, олға сурадиган таклиф ва ташаббусларингиз бўлса, марҳамат!

Вазир ўринбосарининг электрон манзили: absoatov@edu.uz.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Talimxabarlari.uz
🎰 “RoboTech” танловида ғолиб бўлган ўқувчи ТАТУда бепул ўқийди

Ўзбекистонда биринчи марта робототехника бўйича 8-11-синф ўқувчилари ўртасида республика миқёсидаги “RoboTech” кўрик-танлови ўтказилади.

Мусобақа регламентига кўра, 2020 йил июн ойида Aл-Хоразмий номли ихтисослаштирилган мактабида ўтказиладиган танловнинг финалида ҳар бир вилоятдан энг яхши 14 та жамоа қуйидаги учта йўналишдан бири бўйича беллашадилар:

✅ “Sumo Robot”;
✅ “Line Followower”;
✅ “Freestyle”
.

Танлов ғолиблари қуйидаги соврин ва имтиёзларга эга бўлишади:

🥇 1-ўрин – Tошкент ахборот технологиялари университетида ўқиш учун шартнома тўлови + ноутбук;
🥈 2-ўрин – ноутбук + LEGO миндсторм тўплами;
🥉 3-ўрин – LEGO миндсторм тўплами.

💰 Танловда қатнашиш мутлақо бепул.

✍️ Танловда иштирок этиш учун онлайн ариза топшириш лозим: http://bit.ly/robofest_uzb

⏰ Aризалар 2020-йил 29-февралига қадар қабул қилинади.

Каналга уланиш: 👇👇👇👇
https://t.me/joinchat/AAAAAEj41EMluaY6ty_AYA
Forwarded from Edu.uz
#Ўқишни_кўчириш

Масофавий таълимда таҳсил олаётган талабаларга ҳам кўчиришга рухсат берилади

(Қўшни давлатлардан ўқишни кўчириш: энг кўп берилаётган саволлар, 3-қисм)

Аввал хабар берганимиздек, Ўзбекистон Республикаси таълим муассасаларига муассасаларига ўқишга қабул қилиш бўйича Давлат комиссиясининг 2020 йил 4 февралдаги 12-сон баёни билан қўшни давлатлар ОТМларида таҳсил олаётган Ўзбекистон Республикаси фуқароларига ўқишини республика ОТМларига кўчириш бўйича ариза топшириш имконияти берилган эди.

Вазирликнинг мурожаатлар учун ишга туширилган @zamonaviytalim_bot манзилига энг кўп Қозоғистон, Қирғизистон ва Тожикистон ОТМларидан ўқишни Ўзбекистонга кўчириш билан боғлиқ саволлар келиб тушмоқда. Энг кўп берилаётган саволларга навбатдаги жавобларни эълон қиламиз.

Масофавий таълимдан ўқишни кўчириш мумкинми?

Давлат комиссияси баёни билан Ўзбекистон олий таълим муассасаларида мавжуд бўлмаган таълим шаклларида ўқиётган Ўзбекистон фуқароларининг ўқишини сиртқи ва кечки таълим шаклларига истисно тариқасида кўчиришга рухсат берилди. Яъни, Қозоғистон, Қирғизистон ва Тожикистон ОТМларида масофавий таълимда таҳсил оладиган талабалар ҳам ўқишини Ўзбекистонга кўчириш бўйича ариза топширишлари мумкин.

Кўчириш бўйича ариза топширдим, натижаси қачон эълон қилинади?

Олий ва ўрта махсус таълим вазирлиги томонидан республика бўйлаб ташкил этилган Ҳудудий ишчи гуруҳлар томонидан аризалар умумлаштириб борилади. Мурожаатлар сони кўплигини инобатга олган ҳолда, ҳужжат қабул қилиш шу йилнинг 15 мартига қадар узайтирилди.

Фуқаролар томонидан 2020 йил 15 февралгача топширилган ҳужжатлар, 2020 йил 25 февралига қадар умумлаштирилиб, тегишли қарор қабул қилиш учун Давлат комиссиясига тақдим этилади.

Жорий йил 15 мартга қадар топширилган ҳужжатлар ҳам шу тартибда кўриб чиқилади.

Ўзбекистон Республикаси таълим муассасаларига муассасаларига ўқишга қабул қилиш бўйича Давлат комиссиясининг баёни билан олий таълим муассасаларига талабаликка қабул қилиш учун тавсия қилинади.

Натижалар билан вазирликнинг расмий веб-сайти, ижтимоий тармоқлардаги саҳифалари, қолаверса, Ҳудудий ишчи гуруҳлар орқали танишиш мумкин бўлади.

Академик қарздор талабаларга ўқишни кўчиришга рухсат бериладими?

Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида Низомга кўра бу ҳолатда талаба академик қарздор сифатида ўқишга қабул қилинади, яъни ўқишни кўчиришга рухсат берилади.

Талаба қайси ОТМга ўқишини кўчирган бўлса, ўша ОТМда жорий семестр давомида академик қарздорликни бартараф этиши мумкин.

Кундузги таълимга ўқишга кўчириш мумкинми?

Мумкин. Бунда Ҳудудий ишчи гуруҳ томонидан талабгорнинг таҳсил олаётган таълим йўналишидан келиб чиққан ҳолда, республикадаги ОТМлар қуввати кўриб чиқилади. Агар хорижда талаба таҳсил оладиган таълим йўналиши бўйича маҳаллий ОТМда бўш жой бўлмаган тақдирда, кечки ва сиртқи таълим шакллари тавсия қилинади.

Эслатма: Қозоғистон, Қирғизистон ва Тожикистон олий таълим муассасаларидан ўқишини Ўзбекистонга кўчириш ихтиёрий бўлиб, Ҳудудий ишчи гуруҳлар томонидан республика ОТМлари қуввати ва имкониятидан келиб чиқиб таълим шакли ва йўналиши таклиф қилинади.

Якуний қарорни талаба ва унинг ота-онаси қабул қилади.

Энг кўп бериладиган саволлар 1-қисм,
Энг кўп бериладиган саволлар 2-қисм

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
#Ўқишни_кўчириш

Олий ва ўрта махсус таълим вазирлиги
ОГОҲЛАНТИРАДИ!

Қўшни давлатлардаги олий таълим муассасаларидан ўқишини кўчириш бўйича мурожаат қилаётган фуқаролар ва уларнинг ота-оналари диққатига!

Вазирликнинг Ҳудудий ишчи гуруҳларига фуқаролар томонидан қалбаки (сохта, ясама) ҳужжатлар топширилаётганлиги аниқланмоқда.

Ўқишини қўшни давлатлардаги олий таълим муассасаларидан кўчириш тўғрисида ариза топширган фуқароларнинг ҳужжатлари тўлиқ текширилади ва қалбаки ҳужжатлар аниқланган тақдирда талабаликка қабул қилинмайди ҳамда ҳужжатлар ҳуқуқни муҳофаза қилувчи идораларга тақдим этилади.

Юқоридагиларни инобатга олган ҳолда Сизга қўшни давлатлардаги олий таълим муассасаларидан бирида ўқиганлик тўғрисидаги қалбаки ҳужжат қилиб беришни таклиф этаётган таъмагир ва фирибгарларнинг таклифларидан эҳтиёт бўлинг.

Олий ва ўрта махсус таълим вазирлигининг расмий телеграм каналига уланиш
👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
​​#Тайинлов

Вазирлик ҳузуридаги малака ошириш институтига янги директор тайинланди

Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларнинг малакасини ошириш институтига янги раҳбар тайинланди.

Бугун, 20 февраль куни Олий ва ўрта махсус таълим вазири Иномжон Маджидов вазирлик ҳузуридаги Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларнинг малакасини ошириш институтига ташриф буюриб, институт жамоаси билан учрашди.

Учрашувда институтнинг аввалги раҳбари Баҳодир Собиров Навоий давлат педагогика институтининг ректори этиб тайинланганлиги муносабати билан янги тайинланган директор Зайниддин Явкачевич Худойбердиев таништирилди.

Президент томонидан профессионал таълим тизими олдига қўйилган вазифаларни амалга ошириш талаб даражасида эмаслигини таъкидлар экан, вазир соҳани ривожлантириш, ўқитишнинг янги усулларини жорий қилиш, бугунги кунда раҳбар ва педагог кадрларга қўйиладиган талаблар қандай бўлиши кераклиги борасида ўз фикрлари билан ўртоқлашди.

Шунингдек, профессионал таълим тизимида ишлаб чиқариш амалиётларни ўтказиш вақтлари ва шароитларини яхшилаш ҳамда ҳар бир фандан электрон мобил адабиётларни яратиш, малака ошириш тизими бўйича халқаро тажрибаларни ўрганиш ва уни амалиётга жорий этиш бўйича қатор таклифлар билдирилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
​​#Ҳамкорлик

“Ўзбекгидроэнерго” АЖ иқтидорли талабаларни қўллаб-қувватлашга тайёр

“Ўзбекгидроэнерго” АЖ Бошқаруви раиси Абдуғани Сангинов ташаббуси билан юртимиз ОТМларида гидроэнергетика йўналишида таҳсил олаётган иқтидорли талабалар учун махсус стипендия таъсис этилиб, ҳозирги кунда 20 нафардан ортиқ талаба мазкур стипендияга муносиб деб топилди.

Ушбу стипендияни қўлга киритган иқтидорли талабаларга ҳар ойда энг кам иш ҳақининг 5 баробари миқдоридаги стипендия тўлаб берилмоқда.

Қолаверса, акциядорлик жамияти билан ҳамкорлик ўрнатган олий таълим муассасаларининг 10 нафардан ортиқ ижтимоий ҳимояга муҳтож талабаларига тўлов-контракт шартномаси тўлаб берилган.

“Ўзбекгидроэнерго” АЖ нафақат талабаларни, балки гидроэнергетика йўналишида кадрлар тайёрлашда муносиб иштирок этаётган малакали профессор-ўқитувчиларни ҳам ҳар томонлама қўллаб-қувватлашга тайёр.

Иш берувчилар ва ОТМларнинг яқиндан ҳамкорлиги натижасида малакали кадрларни тайёрлаш мумкин. Ўз соҳаси бўйича зарур билим ва кўникмага эга бўлган малакали кадрлар эса соҳани ривожлантирувчи асосий куч ҳисобланади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ