GulDU.uz | Rasmiy kanal
7.57K subscribers
41.4K photos
3.56K videos
469 files
7.4K links
Guliston davlat universiteti rasmiy kanali

Manzil: Guliston şahri, 4-mavze
Jamoat transporti: 2-4-mavze yönalişdagi avtobus, universitet bekati
Web-site: www.guldu.uz
Email: glsu_info@edu.uz
Telefon: +998672254042
Faks: +998672254275
Download Telegram
Forwarded from Edu.uz
#Муҳим_хабар

Талабалар 2020 йил 16 мартдан икки ҳафта муддатга (ҳозирча) таътилга чиқарилади

Олий ва ўрта махсус таълим вазирлиги томонидан коронавирус инфекцияси тарқалишининг олдини олиш мақсадида қуйидаги чора-тадбирлар белгиланди:

👉 барча олий таълим муассасалари (ОТМ), академик лицей ва касб-ҳунар коллежларида 2020 йил 16 мартдан эътиборан ўқиш тўхтатилиб, ўқувчи-талабалар икки ҳафта муддатга (ҳозирча) таътилга чиқарилади, таълим муассасаларида карантин жорий қилинади;

👉 Тошкент шаҳрида жойлашган ОТМлар талабалар турар жойлари (ТТЖ)дан талабалар доимий яшаш жойларига юборилади ва ТТЖлар 18 март куни, вилоятларда жойлашган ОТМлар ТТЖлари жорий йил 17 март куни ёпилади;

👉 бошқа вилоятлардан келиб, Тошкент шаҳрида таҳсил олаётган ўқувчи-талабалар автобус, поезд ва самолётларда доимий яшаш жойларига қайтиши учун қуйидаги манзилларда имтиёзли чипталар сотилиши йўлга қўйилади:

- ЎзМУ, вазирлик ҳузуридаги «Маънавият ва маърифат» Маркази, ЎзДЖТУ, ТТА ТТЖ ва ўқув биноси, ТИҚХММИ ТТЖ, ТДПУ ТТЖ;

👉 ОТМларда мавжуд модуллар профессор-ўқитувчилар томонидан тегишли контент билан тўлирилади ва таълим масофавий шаклда амалга оширилади;

👉 вазирликда, ОТМларда (проректорлар, факультет деканлари, мураббийлардан иборат) штаблар тузилади ва талабаларнинг таътилга чиқиши билан боғлиқ ташкилий ишлар мувофиқлаштириб борилади;

👉 таълимнинг сиртқи шаклида таҳсил олаётган талабалар ҳамда малака ошириш курсларига жалб қилинган ўқитувчилар учун таълим он-лайн шаклда ташкил қилинади;

👉 ҳар қандай оммавий тадбирлар (конференциялар, Наврўз байрами ва б.) ўтказиш тақиқланади, ОТМ илмий кенгаши йиғилиши ихчамлаштирилган таркибда ўтказилади, ихтисослашган кенгашлар фаолияти бундан мустасно;

👉 ОТМлар ва вазирлик ўртасида узлуксиз ахборот алмашинуви йўлга қўйилади.

ОЎМТВ ахборот хизмати

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
DEPUTAT QABULI
Guliston davlat universiteti rektori, texnika fanlari doktori, professor, 17-Guliston saylov okrugidan xalq deputatlari viloyat Kengashi deputatligiga saylangan Muksin Xodjiev Sayxunobod tumani aholisi bilan uchrashdi. Tumanning 39-maktabida joylashgan deputat qabulxonasida fuqarolarni muammolari bilan tanishdi. Shuninigdek, tumanni 26-maktabi jamoasi bilan suhbatlashdi.

17-Guliston saylov okrugidan Deputat Muksin Xodjiev Sayxunobod tumani markazida joylashgan dehqon bozoridagi narx-navo bilan qiziqdi. Aholining oziq-ovqat mahsulotlarining etarliligi, narxlarining me’yorda ekanligini fuqarolar xursandchilik bilan gapirib o’tdilar. Deputat Muksin Xodjiev deputat qilib saylangan hududdagi qishloqlarda yashayotgan aholini qiziqtirgan ko’plab savollarga javob berdi.
Forwarded from Edu.uz
​​Талабалар учун видеодарслардан иборат махсус канал ишга туширилди

Олий ва ўрта махсус таълим вазирлиги таътил вақтида талабаларнинг билим олиш даражасини масофадан тариб қўллаб-қувватлаш мақсадида Телеграм ижтимоий тармоғида @eduuz_online лойиҳасини йўлга қўйди.

Мазкур лойиҳа орқали мамлакатимиздаги олий таълим муассасаларининг энг малакали профессор-ўқитувчилари видеомаърузалар орқали талабалар учун қизиқарли бўлган мавзуларда видеомаърузалар мунтазам жойлаштириб борилади.

@eduuz_online каналига уланиш:
https://t.me/joinchat/AAAAAFcgIZJY18m0STmt0A
Forwarded from Talimxabarlari.uz
23 мартдан бошлаб Ўзбекистонда тиббий ниқобсиз ҳаракатланиш тақиқланади

Мамлакатимиз ҳудудида беморлар ёки касалликка шубҳа қилинган шахсларни ўз вақтида аниқлаш ва мамлакат бўйлаб касаллик тарқалиши олдини олиш мақсадида республика махсус комиссиясининг қарори қабул қилинди. Жумладан,

👉 23 март куни соат 00:01 дан бошлаб республика чегара ҳудудларидаги мавжуд чегара ўтказиш пунктлари барча шахслар учун (Ўзбекистон Республикаси ҳудудидан чиқиб кетаётган бошқа мамлакат фуқароларидан ташқари) ёпилади;

👉 23 мартдан бошлаб Тошкент шаҳридаги барча корхона ва муассасалар (мулкчилик шаклидан қатъий назар) асосий иш фаолиятига таъсир этмаган ҳолда ишчи ва ходимларни қонунчиликда белгиланган тартибда меҳнат таътилига чиқаради, қолган ишчиларнинг фаолиятини максимал даражада масофадан туриб (онлайн ёки дистанцион тарзда) ташкил этади;

👉 Ходим ва ишчилар ўз иш жойида шахсий ҳимоя воситалари (ниқоб)да бўлиши талаб этилади, шунингдек карантин чораларини бузганларга нисбатан қонунчиликда белгиланган тартибда интизомий чоралар қўлланилади;

👉 Тошкент шаҳри, Қорақалпоғистон Республикаси, вилоятлар марказларида 23 мартдан жамоат жойларида шахсий ҳимоя воситалари (ниқоб)сиз бўлган шахсларга “огоҳлантириш” берилади;

👉 25 март куни соат 6:00 дан бошлаб ушбу ҳолат қайд этилса – базавий ҳисоблаш миқдорининг бир баробари (223 минг сўм) миқдорида, мазкур ҳолат яна қайтариладиган бўлса – базавий ҳисоблаш миқдорининг уч баробари (669 минг сўм) миқдорида жарима қўлланилади.

Каналга уланиш:
👇👇👇👇
https://t.me/joinchat/AAAAAEj41EPLmXz00MlAbA
Forwarded from Edu.uz
#Онлайн

Олий таълим муассасаларидаги тўлов-шартнома асосида таҳсил олаётган талабалар карантин муносабати билан контракт пулини тўлашга улгурмаган бўлса, уларга муддат узайтириладими?

У.Бегимқулов,
Олий ва ўрта махсус таълим вазири ўринбосари:

- 2019/2020 ўқув йилида талабаликка тавсия этилган абитуриентларга жорий ўқув йилининг биринчи ярми учун контракт пулини 2020 йил 20 мартга қадар тўлашга рухсат берилган эди. Яъни ушбу муддатга қадар контракт тўлаган абитуриент талабаликка қабул қилинади, акс ҳолда талаба бўла олмайди.

Ўзи шундоқ ҳам бу муддат истисно тариқасида 2019 йил сентябрь ойидан бери мунтазам равишда дарсларга қатнаб турган, айрим сабабларга кўра контракт пулини 2019 йил 31 декабргача тўлай олмаган абитуриентлар учун имконият сифатида берилган эди. Ҳозиргача 20 мартга қадар тўлай олмаганлик ва муддатни узайтириш ҳақида ҳеч қандай мурожаат келиб тушмади.

Агар 1 курслардан шундай мурожаат бўлган тақдирда, ушбу масала Давлат қабул комиссияси томонидан ўрнатилган тартибда кўриб чиқилади.

Талабаликка қабул қилиниб, биринчи семестрни якунлаган 1-босқич ҳамда бошқа барча босқичлардаги талабаларнинг контракт пулини тўлаш муддатлари олий таълим муассасасининг ректори рухсати асосида амалга оширилади.

Чунки Ўзбекистон Республикаси Президентининг 2019 йил 11 июлдаги ПҚ-4391-сонли Қарорига мувофиқ, олий таълим муассасалари ректорларига тўлов-контракт асосида таълим олаётган талабалар учун контракт тўловларини амалга ошириш муддатларини узайтириш ваколати берилган.

Карантин тугаганидан кейин олий таълим муассасалари раҳбарларига тавсия қиламиз улар контракт тўлаш муддатини узайтириш бўйича ўзларининг қарорларини қабул қиладилар.

Контракт масаласида муаммо бўлмайди. Ҳар йили ҳам турли сабабларга ўз вақтида тўлай олмаганларга шароит яратиб берилган. Бу йилги ҳолатда қачон ва қандай тартибда тўлов давом эттирилиши мумкинлиги юзасидан навбатдан ташқари таътил тамомланганидан сўнг албатта хабар берамиз.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
#Онлайн

Укам Европадаги олий ўқув юртларидан бирида таълим олиш учун грант ютиб олган, ҳужжатларини тайёрлаб апрель ойининг бошларида кетиши керак, лекин ҳозирги коронавирус карантини сабаб таълим олиш учун Ўзбекистондан чиқиб кетиш имкониятлари борми?

У.Бегимқулов,
Олий ва ўрта махсус таълим вазири ўринбосари:

- Бу ва шу каби саволларга бир хил жавоб айтиш мумкин. Аввало, бироз сабр қилиш керак. Чунки биз ўша вақт – апрель ойининг биринчи ўн кунлигига қадар авиақатновлар бошлаш ёки бошламаслигини билмаймиз.

Бу ҳолда фуқаро ўша ўзи ўқимоқчи бўлган таълим муассасаси билан Интернет алоқаси орқали боғланиб, вазиятни аниқлаши керак. Асосан улар бу масалада аниқ, тўғри ва асосли жавоб бера олади. Балки улар ўқиш муддатини кейинроққа кўчириши мумкин. Чунки Европанинг деярли барча давлатларида карантин ва айримларида ҳатто фавқулодда ҳолат эълон қилинган.
Аммо ҳозирда Ўзбекистондан чиқиб кетиш имкониятингиз мавжуд эмаслигини ҳам маълум қиламиз. Чунки йўловчи ташийдиган барча халқаро авиақатновлар тўлиқ тўхтатилган.

Қолаверса, бу масала фақат Ўзбекистон билан боғлиқ иш эмас. Бу ҳозир глобал даражадаги масала бўлиб турибди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
#Онлайн

Ўзбекистондаги олий таълим муассасаларида таҳсил олаётган хорижлик талабалар ўз юртларига чиқиб кета оладиларми?

У.Бегимқулов,
Олий ва ўрта махсус таълим вазири ўринбосари:

- Хорижлик талабалар ва фуқаролар ўзларининг юртларига чиқиб кетишлари учун ҳеч қандай таъқиқ ва тўсиқ мавжуд эмас. Ўрнатилган тартибда ўзларининг юртларига чиқиб кетишлари мумкин.

Муаммо шундаки, жуда кўплаб мамлакатлар ҳатто ўзларининг фуқароларини ҳам мамлакат ичкарисига қабул қилишга ўзларининг талаблари мавжуд.

Мақсад оддий: фуқаролар коронавирус инфекциясининг давлатлараро ташувчисига айланиб қолишларининг олдини олишдан иборат, холос.

Хорижлик талабалар ўз юртига жўнаб кетгунга қадар ётоқхонада қолса бўладими, чиқариб юборилмайдими?

- Ўзининг доимий яшаш жойига чиқиб кетиш имкониятига эга бўлмаган хорижлик талабалар учун олий ва ўрта махсус таълим муассасаларидаги талабалар турар жойларидан жой ажратилган. Уларга зарур бўладиган барча шароитлар яратиб берилган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
#Онлайн

Германияга грант ютиб олганман, у ерга диплом нусхасини июль ойининг охиригача топшириш керак. Агар топширмаса грант куйиб кетади. Карантин туфайли қолдирилган дарслар кейинчалик диплом ҳимояси ва диплом олиш вақтларига таъсир қиладими?

У.Бегимқулов,
Олий ва ўрта махсус таълим вазири ўринбосари:

- Маълумки, ҳозирда барча талабалар таътилда. Шундай бўлса ҳам дарсларни он-лайн маърузалар ва мустақил таълимга мўлжалланган электрон ресурслар асосида ўзлаштириш имкониятини яратганмиз.

Қолдирилган дарсларни ўзлаштириш бўйича тегишли чоралар кўрилади, диплом ишини ҳимоя қилиш учун ҳам ташкилий чоралар белгиланади.

Гарчи муддатлар узайтирилса, шуни ҳам айтиш керакки, нафақат Германия, балки бошқа давлатлардаги таълим муассасалари ҳам ушбу ҳолатни инобатга олишга қаратилган қарорлар қабул қилади деб ўйлаймиз.

Коронавирус туфайли қолдирилган дарслар ва олий таълим муассасаларига кириш имтиҳонлари нима бўлади?

- Биринчидан, шуни айтиш керакки, дарслар ҳаммаси ҳам қолдирилаётгани йўқ. Биз олий ва ўрта махсус таълим муассасаларида ўқув дастурларимиздаги мавзуларни онлайн ўтказиб бориш тизимини йўлга қўйдик.

Олий ва ўрта махсус таълим вазирлиги таътил вақтида талабаларнинг билим олиш даражасини масофадан туриб қўллаб-қувватлаш мақсадида Телеграм ижтимоий тармоғида ҳам @eduuz_online лойиҳасини йўлга қўйди.

Мазкур лойиҳа орқали мамлакатимиздаги олий таълим муассасаларининг энг малакали профессор-ўқитувчилари томонидан яратилган видеомаърузалар ушбу каналга мунтазам жойлаштириб борилади.

Менинг юртим (MY5) телеканалида ҳафтанинг душанбадан жума кунига қадар соат 10-30 дан 12-00 га қадар олий таълим муассасалари талабалари учун Психология ва инглиз тили фанларидан маъруза машғулотлари ўтказилиши йўлга қўйилмоқда.

Маълумки, олий таълим муассасаларига кириш тест синовлари одатда август ойида ўтказилади. Ўша вақтга келиб вазият барқарорлашади деган умиддамиз.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
#Онлайн

Карантин даврида магистратура ва бакалавриат босқичи талабаларига стипендия тўланадими?

У.Бегимқулов,
Олий ва ўрта махсус таълим вазири ўринбосари:

- Талабалар учун тўлаб бериладиган стипендиялар аввалги ҳолатида давом этаверади. Фақат тўлов турида ўзгариш бўлиши мумкин. Яъни кимдир ҳозиргача стипендиясини нақд пул кўринишида олиб келган бўлса, таътилда эканини инобатга олиб, уларнинг розилиги асосида пластик картасига тўлақонли тушириб берилади.

Стипендия тўлашда ҳаммага бир хил қаралади: бакалаврлар, магистратура, таянч докторантура ва докторантура босқичларида ўқиётганларнинг барчаси белгиланган тартибда стипендияларини олишда давом этадилар. Яъни стипендияли ва стипендиясиз контракт асосида ўқиётганига қаралади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
#Онлайн

ОТМ ўқитувчиларининг барчаси меҳнат таътилига чиқишлари мумкинми? Карантин даврида уларга ҳақ тўланадими?

У.Бегимқулов,
Олий ва ўрта махсус таълим вазири ўринбосари:

- 23 мартдан бошлаб Тошкент шаҳридаги олий таълим муассасаларининг профессор-ўқитувчи ва ходимларининг аксарият қисми белгиланган тартибда меҳнат таътилига чиқарилади, қолган ходимларнинг фаолияти максимал даражада масофадан туриб (онлайн ёки дистанцион тарзда) ташкил этилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
#Онлайн

Талабаларга ўқиш қачон бошланади? Карантин туфайли берилган таътил сабаб ёзда таътил берилмайдими?

У.Бегимқулов,
Олий ва ўрта махсус таълим вазири ўринбосари:

- Талабаларга ўқиш бугунги кундаги коронавирус инфекцияси хавфи пасайиб, дарс ўтиш ва жамовий тадбирларни ўтказишга доир хавф-хатарлар бартараф этилганидан кейин бошланади. Бу жараён албатта оммавий ахборот воситалари орқали тегишли вазирлик ва идоралар томонидан эълон қилинади.

Карантин сабаб ёздаги таътил муддати қисқариши табиий, унинг муддати карантин сабабли берилган таътилнинг қанчалик давом этишига боғлиқ.

Ҳозир навбатдан ташқари таътил неча кунга чўзилишидан қатъий назар, биз талабаларга масофавий ва мустақил таълим олиш орқали ўқув дастурларини ўзлаштиришларига имконият яратиб бераяпмиз.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
#Онлайн

Сиртқи таълимдагилар, қайта тайёрлаш ва малака оширишдагиларга ҳам таътил бериладими? Апрель ойида бизда дарслар бошланиши керак эди?

У.Бегимқулов,
Олий ва ўрта махсус таълим вазири ўринбосари:

- Таътил барчага тегишли. Нафақат кундузги ёки сиртқи таълимдаги, балки қайта тайёрлаш ва малака оширишда ўқиётган ва ўқиши лозим бўлганларга ҳам тегишли.

Апрель ойида карантиннинг давом этиш ёки этмаслиги ҳозирча бизга номаълум. Шунинг учун апрелга қадар вазиятга қараб яна қўшимча хабар бериб борилади.

Шу билан бирга, профессор-ўқитувчиларни қайта тайёрлаш ва малака ошириш курсларида масофавий таълим тўлиқ жорий этилган, сиртқи таълим учун ҳам етарли электрон ресурслар мавжуд.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
Media is too big
VIEW IN TELEGRAM
#Брифинг

Бугун Олий ва ўрта махсус таълим вазири ўринбосари Узоқбой Бегимқулов иштирокида брифинг ўтказилиб, унда коронавирус инфекцияси профилактикаси муносабати билан ОТМларда таътил берилиши сабабли фуқаролар томонидан берилаётган саволларга жавоб қайтарилди.

✅ Брифингда қуйидаги ва бошқа саволларга ойдинлик киритилди:

👉 Контракт пулини тўлашга улгурмаган талабаларга қўшимча муддат бериладими?

👉 Карантин даврида талабаларига стипендия тўланадими?

👉 ОТМ ўқитувчиларининг барчаси меҳнат таътилига чиқишлари мумкинми? Карантин даврида уларга ҳақ тўланадими?

👉 Талабаларга ўқиш қачон бошланади? Карантин туфайли берилган таътил сабаб ёзги таътил муддати қисқарадими?

👉 Хорижий давлатлар ОТМларида ўқиш учун грант ютиб олганларга кетишга рухсат бериладими?

👉 Ўзбекистонда таҳсил олаётган хорижлик талабалар ўз юртларига чиқиб кета оладиларми?

💾 Видео ҳажми 64.5 МБ

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg
Forwarded from Edu.uz
This media is not supported in your browser
VIEW IN TELEGRAM
Инглиз тили ва психология йўналишлари бўйича масофавий таълим

Бугундан Олий ва ўрта махсус таълим вазирлиги ҳамда "Менинг Юртим" телеканали ҳамкорлигида янги лойиҳа бошланади.

“Менинг юртим” телеканалида душанбадан жумагача соат 10:30 дан 12:00 гача инглиз тили ва психология йўналишида теледарслар эфирга узатилади.

📌 Қўшимча маълумотлар учун:
👉 https://t.me/tvauditoriya
👉 https://www.instagram.com/tvauditoriya
👉 https://www.facebook.com/tvauditoriya
👉 https://www.mover.uz/channel/tvauditoriya

Эслатиб ўтамиз, шу кунга қадар вазирлик томонидан таътил вақтида талабаларнинг билим олиш даражасини масофадан туриб қўллаб-қувватлаш мақсадида Телеграм ижтимоий тармоғида видеодарслардан иборат махсус @eduuz_online канали ишга туширилди.

Шунингдек, "UzReport" телеканали ижодкорлари билан ҳамкорликда академик лицей ўқувчилари учун “Teledars” кўрсатуви эфирга узатилмоқда.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVV
Forwarded from Edu.uz
Талабалар учун видеодарслардан иборат махсус видеопортал ишга туширилди

Олий ва ўрта махсус таълим вазирлиги томонидан таътил вақтида талабаларнинг билим олиш даражасини масофадан туриб қўллаб-қувватлаш мақсадида TAS-IX тамоғида https://tube.edu.uz видеопортали ишга туширилди.

Мазкур видеопорталга мамлакатимиздаги олий таълим муассасаларининг энг малакали профессор-ўқитувчилари томонидан яратилган видеодарслар мунтазам жойлаштириб борилади.

Эслатиб ўтамиз, шу кунга қадар вазирлик томонидан таътил вақтида талабаларнинг билим олиш даражасини масофадан туриб қўллаб-қувватлаш мақсадида Телеграм ижтимоий тармоғида видеодарслардан иборат махсус @eduuz_online канали ишга туширилди.

Шунингдек, "UzReport" телеканали ижодкорлари билан ҳамкорликда академик лицей ўқувчилари учун “Teledars” кўрсатуви эфирга узатилмоқда.

Қолаверса, 23 мартдан вазирлик ва "Менинг Юртим" телеканали ҳамкорлигида инглиз тили ва психологиядан теледарслар бошланди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AurDuoZXxOVVg