جماعت دعوت و اصلاح

🔴 شەوبێداری 10 شەوی کۆتایی ڕەمەزان:

#ڕەمەزان 🌙
#شەوی_قەدر ✨

❓ئایا پەیوەستە بە (لیلة القدر)ەوە؟
❓ئایا دەبێ تا بەیانی نەخەویت؟
❓ئایا هەر قورئان بخوێنێ، یان شتی تریش؟

#مامۆستا_ناسری_سوبحانی

🔶 شەوبێداری(قیام اللیل)، لە ڕەمەزان و غەیری ڕەمەزاندا سێ شێوەی هەیە:

✅ ئەگەر کەسێک بیهەوێت (قیام لیل) واتە شەوبێداری بکات بە مەبەستی خواپەرستی، ئیتر لە ١٠ شەوی کۆتایی ڕەمەزاندا بێت کە ئیعتکافی ١٠ شەوی کۆتایی ڕەمەزان لە سورەتی (البقرة)دا شرۆڤە کراوە، پەیوەندیی ڕاستەوخۆی نییە بە( لیلة القدر)ەوە،
ئیتر وا ڕێکەوتووە شەوی قەدریش کەوتۆتە ئەم دە شەوەوە...
✅ شەوبێداری، لە ڕەمەزاندا بێت،یان لە غەیری ڕەمەزان، ئەوا شەرت نییە تاکو بەیانی نەخەوێت، بەڵکوو بە گوێرەی ئایەتی قورئان کە لە سورەتی (المزمل)دا ئاماژەی پێ ئەکات،سێ حاڵەتی هەیە:

(1) قُمِ اللَّيْلَ إِلَّا قَلِيلًا (2) نِصْفَهُ أَوِ انْقُصْ مِنْهُ قَلِيلًا (3) أَوْ زِدْ عَلَيْهِ وَرَتِّلِ الْقُرْآَنَ تَرْتِيلًا (4)
( إِنَّ رَبَّكَ يَعْلَمُ أَنَّكَ تَقُومُ أَدْنَى مِنْ ثُلُثَيِ اللَّيْلِ وَنِصْفَهُ وَثُلُثَهُ )
ئەتوانێت بەشێک لە شەوەکە بخەوێت جا بەپێی کورتی و درێژیی شەو سێ شێوەی هەیە:

١- ئەگەر شەوگار درێژ بوو، وەک شەوانی زستان- نێوان مەغریب و بانگی بەیانی،کە ١٢سەعات و نیوە، ئەوا ئەبێ لە نیوە زیاتر بێدار بێت، واتە ٥سەعات بۆ ئیسراحەت و خەو، ٧سەعات و نیو ئەبێ بێدار بێت ( أو زد علیە).

٢- ئەگەر شەوگار کورت بوو وەک ئێستا کە شەوگار ٧سەعات و نیوە، ئەتوانێ ٢سەعات و نیو شەوبێداری بکات و باقی ٥ سەعاتەکەی بخەوێت.( أَوِ انْقُصْ مِنْهُ )

٣- ئەگەر شەوگار مامناوەند بوو، واتە ١٠ سەعات بوو، ئەوا ئەبێ نیوەی شەوەکە بێدار بێت، واتە ٥ سەعات،
(نِصْفَهُ) ٥سەعاتەکەی تر بۆ خەوو ئیسراحەتی خۆی، واتە لە هەموو حاڵەتەکاندا ٥ سەعاتی هەیە بۆ خەو،
کاتێکیش خوای گەورە ئەفەرموێ (قُمِ اللَّيْلَ ..... وَرَتِّلِ الْقُرْآَنَ تَرْتِيلًا) ئەوەش دەرئەکەوێت کە(قیام اللیل) واتە شەوبێداری، جا مەرج نییە هەمووی هەر خەریکی قورئان خوێندن یان نوێژ بێت، بەڵکوو بەشێکی هەر ئەوە کە نەخەوێت مەبەستە، چونکە ئایەتەکە ئاماژەی بە نوێژی تیا نییە، قیام واتە هەڵسێتەوە و نەخەوێ، چونکە خوای گەورە ئەفەرموێ: (شەو هەڵسەو، قورئانیش بخوێنە ) واتە هەر نەخەوتنیش بەشێکە لەو قیام و هەستانەوەیه ... جا لە پاڵیشیا بەشێکی بە تەرتیلی قورئان ئەباتە سەر، گۆشەیەکیشی بە تەسبیح و حەمد، بەشێکی بە خوێندنەوە و تێفکرین و تێڕامان بە مەرجی هەبوونی نییەتی بێخەوش و خالیس...

📝 سەرچاوە: لاپەڕەی فەرمی فەیسبووکی حاجی کاروان
🍃🍃🍃
@islahweb
🍃🍃🍃
http://t.me/islahweb