بشكل عام ، كل شخص سليم يحتاج عدد معين من الجراثيم حتى تكون عنده اصابة ، وهذا العدد يختلف من جرثومة الى اخرى
وهذا العدد يصيحولة ال infectious dose
مثلا : لازم تتعرض الى 1000 او اكثر من بكتريا السالمونيلا حتى تنصاب بالمرض
اذا تعرضت ل 500 بكتريا من السالمونيلا مراح تتمرض لان مراح تكون مؤثرة على الجسم و الجهاز المناعي يتغلب عليها بكل سهولة ..

وهذا الحال ينطبق على الفايروسات كذلك ..
بالنسبة للكورونا فايروس المستجد SARS-CO-2
لحد الان ما معلوم شكد ال infectious dose مالته ( شكد عدد الفايروسات الي تسوي اصابة )
لهذا لازم نحاول نتعرض لأقل قدر ممكن من فايروس كورونا
من خلال :
اولاً: غسل اليدين بالماء و الصابون او بالكحول 70% .
ثانياً : التباعد الاجتماعي.
ثالثاً : ارتداء الكمامات.
رابعاً : فتح النوافذ ( نافذتين او اكثر والغرض تهوية المكان ).

لكن الأهم هو التركيز على التباعد الاجتماعي ...
نعرف احنا لازم تكون المسافة بين شخص و اخر مترتين ( 6 اقدام ) او اكثر
بس لازم تعرفون #الوقت عامل جداً مؤثر
يعني 👇

اذا حافظنا على التباعد الاجتماعي مع شخص ممكن يكون مصاب بالكورونا ولكن بقينا فترة طويلة من الوقت بالقرب منه . هذا شي راح يأدي لإصابتنا.. لان احنا استنشقنا ال dose المطلوب للاصابة .

فتجنبوا الاقتراب و تجنبوا البقاء لفترة طويلة مع الاخرين و تعاملوا مع الجميع على انهم مصابين 🌹👍@haeedr55