اليوم راح احجيلكم عن واحد من أشهر الاختبارات الي تصير بالمختبرات الطبية 👩‍🔬🤭
إلي هو تحليل السكر ❤
اكيد كلكم سامعين بيه وعدكم كذا معلومة عنه بس راح ادخل بالتفاصيل الكم 😂🤕
🔺 قياس سكر الدم هو الاشهر متخبريا لانو أهميته ترجع إلى انو نكدر نكتشف ا السكري مبكرا والي يساعد إنو مايتفاقم المرض 💜
وهم هو مهم لانو نكدر نكتشف
حالات عدم تحمل السكري وهي الحالة التي تسبق الإصابة العرضية للسكري🍬
وايضا أهمية قياس السكر حتى
نتابع المعالجة لداء السكري ومعرفة ما إذا كانت حالة المريض مستقرة أو لا
وهم نكدر نعرف حالات نقص السكر في الدم 🔺
هسه عرفنا فائدة تحليل السكر
نجي لانواعه (أقصد أنواع التحاليل )
عدنا 🔴 الهيموكلوبين السكري الي هو Hb A1c هذا التحليل ينطي اذا اكو مرض سكري قبل شهر من حدوثه ف هو تحليل مهم
زين شلون يكدر هيج يتنبأ مثلا يأخذ خيرة 😂👳‍♂
لا طبعا عنده فد ميكانيكة وهو انو أكو نوع من أنواع الهيموكلوبين الي موجد داخل RBC يرتبط وية الكلوكوز أو انو الكلوكوز ينجذب اله😻 ويرتبط وياه ف
نسبة ارتباط الكلوكوز وية حبه الهيموكلوبين نوع A1 c تعتمد على نسبة وجود الكلوكوز ف الدم 🌚 يعني شكد ما جان الكلوكوز هواي شكد ما انجذب ل A1c ( حتى هنا مصلحة😂😂💔 )
ف لمن تموت الخلية الي هي RBC راح يطلع السكر 🌚 ويروح يسوي سكري
لذلك كلت الكم انو ينطي خبر مقدما قبل مايصير موت وخروج لكلوكوز🙄

النوع الآخر الي هو Fasting glucose الي هو السكر الصيامي يعني المريض لازم ما يأكل لمدة 8 ساعات
وفي حال طلع السكر عالي هنا نقيس مرتين بفاصل أسبوعين لكل قياس حتى نتأكد أكثر
معدل السكر الطبيعي هنا 70 إلى 110 mg/
النوع العشوائي الي هو نأخذ عينة من المريض بأي وقت 🙌
#انوبة😂🌚
وعدنا نوع قبل الاخير الي هو
Glucose tolerance test
التحملي إسمه هنا ننطي للمريض كلوكوز بالفم أو الوريد لحتى نشوف قدرة الجسم على تصفية السكر ❤
النوع الأخير 🤦🏽‍♀
تحليل الفركتوزامين وهو من أدق التحاليل الطبية التي تعطي فكرة عن نسبة مستويات السكر في الدم لمدة من 15إلى 20 يوماً.
طبعا هاي الاختبارات تصير داخل مختبر أو شعبة الكيمياء بجهاز اسمه spectrophotometer انو نقيس تركيز السكر عن طريق كثافة الضوء
نكدر بمختبر المناعة نعرف اذا اكو سكر أو لا ؟
انو اي نكدر عن طريق تشخيص Antibody خاص بكل نوع من أنواع مرض السكر
واكو جهاز صغير محمول باليد نقيس بس هذا مو دقيق كلش 🌚 .