هل حقنة البرد أو كوكتيل البرد اللى فى الصيدلية دى صح و لا غلط ؟ 🤔🤔

💜مبدئيا هو ينفع يبقى فى علاج مظبوط من غير ما يبقى فى تشخيص مظبوط ؟ اكيد لأ ..

💜الحقنة دى عبارة عن 3 حاجات مضاد حيوى + مسكن قوى + ديكساميثازون ..

💜المضادات الحيوية كلها بتعالج حالات العدوى البكتيرية فقط .. فهل انت عارف اللى عندك ده فيروس و لا بكتيريا ؟ مع العلم بأن معظم عدوى الجهاز التنفسى بتبقى فيروسية يعنى المضاد الحيوى ملوش لازمة !

💜الديكساميثازون ده دواء شبيه بالكورتيزون كل اللى هيعمله انه هيضيع كل الأعراض و تكسير الجسم و تخليك تحس انك بقيت كويس جدا جدا بس ده كله لفترة مؤقتة لأنه مش علاج و مينفعش يتاخد بدون داعى بالذات للأطفال ..


💜المسكن اللى غالبا بيكون بروفين ، فولتارين أو اى حاجه شبههم و حتى دى كمان لازم الدكتور هو اللى يوصفها و لازم تستخدم بحرص خصوصا مرضى الكلى.

😍فى النهاية نحب نقول لا يصح إلا الصحيح :)
#فى_العضل
#هدفه_يفيدك_مش_يوجعك
#منقول

‏✿♬ﾟ+.(#آلُُۆتٌٌــــــــيََــــــــنْْ)♪.+ﾟ♬✿💜

رفة العين

💜طبعا دى خرافة ... ملهاش اساس من الصحة =D جفن العين مكون من عضلة .. عادى جدا العضلة دى احيانا ... بتتشنج

طب ليه الناس بتربط .. " رفة العين " .. بالمصايب .لا قدر الله ؟!! 🤔

💜- لان رفة العين البسيطة اللى ممكن تحصل للأى حد مننا >> بتبقى عادةً نتيجة اجهاد شديد أو شد عصبى و تناول الكافيين .. زى القهوة والنسكافية .

طب ليها اسباب تانية ؟!🤔
💜احيانا بتبقى نتيجة ( التهاب بجفن العين و الملتحمة .. او جفاف بالعين .. والحساسية اتجاه الضوء )

💜وفى حالات نادرة ... نتيجة اضطراب بالاعصاب او الدماغ

💜وكمان ممكن تحصل نتيجة تناول ادوية معينة .
طب #العلاج

💜الحالات البسيطة اللى بتحصل احيانا نتيجة التوتر او الاجهاد .. دى مافيش منها خوف خالص الحمد لله .. وبتروح لوحدها فى العادة:)

💜يعنى .. ننام كويس .. نبطل قلق .. نقلل الاجهاد شوية .. نطلع غضبنا .. وبلاش الكبت -_-

💜نقلل شرب الكافيين ... وناكل أكل كويس ونحاول نحافظ على نسبة السكر فى الدم .. ونعالج جفاف العين بقطرات الدموع الصناعية او غيرها لعلاج الجفاف
ونبطل بقى تشاؤم =D

#صحة_عينيك
#فى_العضل
#هدفه_يفيدك_مش_يوجعك :)