دائما من يجيك مريض عندة #قرحة و يسالك شنو الاكل الي يفيدة ... كالعادة تنصحة ب (لبن زبادي او لبن رايب او حليب) و من يسالك ليش؟؟؟
تكلة لانه #قاعدي و يعادل الحموضة!!!!!
طبعا هالمعلومة تتناقلها الاجيال .... و المعلومة غلط ب غلط 😂😂
.... الغلط وين....
الحليب .... ال ph مالة من (٦-٨) يعني تايه و الاغلب يسموه ( حامضي) ف يعني مراح يفيدك !!!! و هم لا تنسى بي #بروتين و يحتاج انزيمات هاضمة و حموضة تا تهضمة المعدة !!!

لبن زبادي..... هم حامضي لان ال ph مالتة (٤) 😂😂
لبن رايب .... هم حامضي لان ال ph مالتة (٤.٤) 😂😂😂
ف سالفة انها قاعدي و تعادل الحموضة شي من نسج الخيال.
لعد ليش بالكتب مال nutrition كاتبلك ال لبن رايب او لبن زبادي!!!
السالفة ببساطة ... الي يحجون عنة بي نسبة عالية من lactobacillus
الي بدورها تقلل ال infectious level مال H.pylori وهنا ح تقل عندك ال symptoms !!!!
طبعا ح تكول انت دارس انه H.pylori فقط تعيش بالمعدة شلون رهمت lactobacillus تعيش هناك !!!!
جوابي ... اي بكتريا urease positive ح تعيش بالمعدة و عندك (٨) بكتريا تمتلك هالانزيم(من ضمنها lactobacillus ) وتكدر تعيش بالمعدة لكن المشهورة H.pylori
اخيرا.... الاطباء حاليا يوصون ب لبن رايب او زبادي بي نسبة معينة من lactobacillus لمدة شهر قبل متبدي ب eradication therapy
لان النتيجة حتكون حلووووة و المريض مراح يتبهدل من ال side effects مال ال eradication الي تخلي المريض يكره روحة



@H_jbot

@SM_34bot