شراب ايزيلين:
مضاد للسعال وطارد للبلغم ومضاد للحساسيه.
مكوناته. كلوريد الامونيوم و هيدركلوريد دايفينهيدارمين.
لا يعطى
المريض الي عنده تضخم بالبروستات
انسداد الاثني عشر
امراض الكبد
الفشل الكلوي
الصرح
المرأة الحامل والمرضعه
#baraa

من أحد المسببات الغريبه للاسهال هو الإجهاد العصبي والتوتر النفسي ولذلك ينصح الأطباء بتجنب الإجهاد العصبي .
#معلومه
#baraa

بما ان هاي الفترة اكو اتحاد قوي و تعاون بين أطباء و الصيادلة و اسنان
فذكرني هاالتعاون بسالفة تكوين الكالسيوم بالجسم ..
تعالو خلي نشوف ميتابولزم الكالسيوم بالجسم :

طبعا اكو اجتماع بالجسم بين ألاعضاء المسؤولين عن تكوين الكالسيوم
الأعضاء هم كالاتي :
الجلد ، الكبد ، الكلية
تدرون الكلية وضيفتها بالدرجة الأساس هي تخليص الجسم من السموم
و لها دور بضغط الدم
بسالفة الكالسيوم الكلية تحمى و تكول لجلد و الكبد
يابه اني راح افعل الكم فيتامين هاي الفيتامين اسمه فيتامين دي
و هالفيتامين طباب خير يروح ع ثلاث أماكن بالجسم يمتص الكالسيوم و يرفعه بالدم
و قبل ما احجيلكم هالفيتامين شيسوي لازم افعله و اني ما اكدر افعله اذا ما تجيبوه الي ...

الكبد يكول لكلية :
يابه اذا انتِ تفعلين هذا الفيتامين
و هالفيتامين طباب خير يروح لثلاث أماكن بالجسم يمتص الكالسيوم ،
اني و الجلد شعلينا بالسالفة 😒 ؟

الكلية :
يا كبد يا حبيبي انت تدري بيا من ايّام الجوندس
ماكدر وحدي اسوي شي اذا انت مو وياي 😍😁

الكبد :
و اني شيجي من أيدي 🤔🤕 و ثانيا شدخل الجلد وياي 🙄😒 ؟

الكلية :
شوف عزيزي كبد قبل ما احجي دورك خلي احجيلك دور الجلد ...
الجلد بيه ماده اسمها
7-Dehydrocholesterol

هالمادة تتحول بمساعدة الترا فيوليت اللي موجودة بالشمس الى
Vitamin D3 ( cholecalciferol )

و لحد اهنا خلص دور الجلد و ممنونين اله ...
وراه يبدي دورك يا كبد يا حبيبي ...
انت ملك الأنزيمات و عندك أنزيم اسمه 25 hydroxylase
هذا الأنزيم اللي عندك راح يحول vitamin D الى
25 ( OH ) D3/ ٢٥ هايدروكسي دي ٣

و مو بس انت يا كبد عندك إنزيمات 😒
اني الكلية كذلك عندي 😍 و عندي أنزيم اسمه
1 Alpha hyroxylase
الأنزيم اللي عندي يحول المركب اللي سويته
25 ( OH ) D3
الى
1 , 25 (OH) 2 D3
و هذا المركب الأخير يعتبر فيتامين دي الفعال

الكبد :
يعني هسا انتي فعلتي فيتامين دي و هالفيتامين
راح يروح ل ثلاث أماكن و يمتص كالسيوم من هالاماكن
معناه شغلنا اني و جلد خلص بقت السالفة يمج انتي و الفيتامين الفعال مو ؟

الكلية : اَي حبيبي كبد رحم الله والديك بقت سالفة يمي و ممنونة منك انت و الجلد
الله وياكم ....

طبعا الكلية من بداية حمت و للأسف جذبت ع كبد 😒
و ما رادت تفشل نفسها كدام الكبد مثل فشلة الجوندس

هسا أكيد تسالون شلون جذبت ؟
أنزيم اللي بالكلية اللي فعلت فيتامين دي
1 alpha hydroxylase
ما يطلع من كلية هيجي عامي شامي
اكو فد عضو مخفي يساعد الكلية بالتحفيز على افراز هذا الأنزيم
و العضو المخفي هذا هو بارا ثايرويد
و هذا العضو مو مثل كبد غشيم مجاي يسمع كلام كلية بكل شي
يساعد كلية بالتحفيز على افراز ذاك الأنزيم لما مستوى الكالسيوم يقل بالبلازما
يعني يصدك و يسمع كلام مستوى كالسيوم لما يقل كالسيوم بالدم ....

هسا صحيح كلية جذبت وطلع اكو عضو رابع يساعد بهاي السالفة
المهم بالأخير فيتامين دي اتفعلت

هسا خلي نشوف هذا الفيتامين شيسوي و يكون طباب خير لمنو 🤔
فيتامين دي المتفعل من كلية يروح لثلاث أماكن مثل ما كلنا

اولا :
ل proximal convoluted tubule بالكلية
يخلي يمتص كالسيوم و يزيده بالدم

ثانيا :
ل git
يخليه يمتص الكالسيوم

ثالثا :
ل العظم
يخلي العظم يكسر ال مينيرال مالته و يطلع كالسيوم منه و يزيد بالدم

و لان البارا ثايرود عنده تجربه وَيَا كلية و ما يأمن بيه
ف البارا ثايرويد يروح يجيك مكانين من هذول ال ثلاث أماكن و يخلي كذلك هذول مكانين يمتصون كالسيوم مباشرة من أوامر البارا ثايرويد
و هالمكانين هم العظم و
ال distal convoluted tubule
يعني ماعدا فيتامين دي المتفعل طباب خير لثلاث أماكن
البارا ثايرويد كذلك طباب خير بس لمكانين بالجسم ...

__
لان البوست صار طويل
راح احجيلكم بحلقة ثانية عن tetany
حيث مو كل هايبوكالسيميا معناه tetany
و اكو نورمال كالسيميا و تسوي tetany

⁃ شلون نورمال كالسيوم و يسوي تيتاني 🤔🤔
⁃ ع حلقة القادمة ان شاءالله 😁
———-
#Baraa

*🔹 مسكنات الألم وخافضات الحرارة ومضادات الالتهاب غير الستيروئيدية🔷NSAIDs🔷*
🔳 آلية عمل هذه الأدوية 🔳

➖ تعمل هذه الأدوية على منع تشكيل مركب البروستاغلاندين المسؤل عن الالتهاب وارتفاع درجة الحرارة والألم عن طريق تثبيط أنزيم السيكلوكسجيناز Cyclooxygenase وهناك نوعين من هذا الأنزيم .

▪| أنزيم مساعد على أنتاج الطبقة المبطنة للمعدة يسمئ Cox1 .
▪| الإنزيم السئؤل عن تصنيع البروستاغلاندين ويسمئ Cox2 .

🔲| هذه الأدويةالــ(NSAIDs) نتقسم الى قسمين أنتقائيةSelective وغير أنتقائية Non Selective.

*🔷Non-Selective Drugs ➖*

➖ Asprin ( Acetylsalicylic Acid )
➖ Ibuprofen
➖ Ketoprofen
➖ Diclofenac
➖ Naproxen
➖ piroxicam
➖ Mefenamic Acid
➖ Indomethacin

*🔷 أهم الاستعمالات لهذه الأدوية:*

⚫️1. تسكين الالأم الصداع والصداع النصفي .⚫️2. مسكن لآلآم الاسنان toothache.
⚫️3. مسكن لآلآم العمليات الخفيفة الى المتوسطة .
◾️4. مسكن لآلآم الدورة الشهرية .
◽️5. مسكن لآلآم الكسور والجروح .
◾️6. تستعمل في التهاب المفاصل (الروماتيزم)
🔲7. حافضة لدرجة الحرارة .
🔳8. الأسبرين في الجرعات الخفيفة يستعمل ايضا في الوقاية من أحتشاء عضلة القلب لأن له فعل TXA2مميع للدم .

*👈 🔺🔻التأثيرات الجانبية الضارة لأدوية NSAIDs*:

▫️ عسر الهضم وغثيان وأقياء وعند الاستعمال المزمن قد تصل لحدوث قرحة معدية لأنها تثبط مركب الروستاغلاندين الواقي للمعدة .
▫️ تفاعلات جلدية .
▪️قد يحدث قصور كلوي .
▫️ تشنج قصبي يحدث عند مرضئ الربو .

👈✖️ موانع الاستعمال لهذه الأدوية* :

▫️ في حالة القرحة المعدية .
▪️ في حالة النزيف وخاصة الأسبرين.
🔷 المرضئ المصابين بالربو .

🔳 ملاحظة :

*❐| في حالة الاشخاص الذين يعانون من حساسية الصدر او الربو لاتستخدم معهم هذه الأدوية وربما تتزايد لديهم اعراض الحساسية او قد يصابوا بنوبات ربو شديدة Brochospam.*

*❐| لا تعطئ هذه الأدوية للمرأة الحامل ماعدا الأسبرين يمكن أعطائها بجرعات محدودة اذا كانت الحامل تعاني من نقص المشيمي أو تعرضت لإجهاض مسبق .*

*❐| كذلك يفضل عدم الإعطاء الأسبرين للأطفال اقل من 12 سنة لأنه قد يسبب متلازمة رايReye's syndrome تفاعلات تحسسية خطيرة .*
---------------------------------------------
#baraa