دائما من أجلس ب أماكن عامه اسمع هذا المصطلح(( لا تاكل لحوم[ كبد ابقار او أغنام ] لان يزيد نسبه تدمك اكثر من الطبيعي!!!!! لا تاكل تمر لان يزيد نسبه دمك !!!! وحرموه علينه الاكل بسبب هذا الشي !!!! انتم مقتنعين بهذا الكلام

🔴 نتكلم عن زياده نسبه الدم( #polycythemia ))

@ البوليساثميا ( زياده نسبه الدم )) ليس كما نتصور احنه هذا مصطلح عام بالحقيقه اله انواع منها 👇👇👇

اولا ... زياده نسبه كريات الدم الحمر هذا يسمي ( absolute polycythemia ) وهذا اله عده اسباب بالحقيقه هذا الي نهتم بيه وهسه اوضح الكم السبب

ثانيا ... اذا كان نسبه البلازما قليله يعني بالاوعيه الدمويه يوجد كريات دم حمر وبلازما من حدث نقص بالبلازما ولنفترض ( حروق بالجسم ) صح ما يزداد عدد كريات الدم الحمر لكن نسبه البلازما إلى عدد كريات الدم الحمر قلت ... هذا النوع يسمى relative polychytemia

🔷 النوع الأول الي تحدثت عنه سابقا .... هو زياده عدد كريات الدم الحمر وهذا إله عده اسباب منها 👇

🔴اولا .. زياده عدد كريات الدم الحمر لان نخاع العظم ينتج كريات الدم الحمر بكميات كبيره وهذا لحد الان ما يعرف شنو سببه الحقيقي وهذا يسمى ب polychytemia rubra vera ..... او primary polycythemia ... هذا يكون خطر

هذا النوع يكون genetic لان الي مصاب بهذا النوع اكيد عنده اشخاص مقربين من نفس العائله مصابون بهذا المرض

🔴ثانيا ..... زياده كريات الدم الحمر.. نتيجه نقص الأوكسجين لان نقص الأوكسجين يحفز هرمون الارثروبويتين الي يكون كريات الدم الحمر .. او السبب يكون الكلى او الكبد ينتج هذا ال هرمون بسبب أمراض بالكلى او الكبد

لان الكلى تنتج هذا الهرمون حوالي 90 %

اما الكبد حوالي من 5 إلى 10 %

🔷اسبابه...

🔴هو نقص الأوكسجين الي يؤدي إلى زياده ب كريات الدم الحمر

1- أمراض الرئة المزمنه او السبب هو التدخين
2- أمراض وراثيه تصيب القلب وخصوصا أمراض( وجود فتحه بالقلب تطلق بالعاميه)
3- الأشخاص الي يعيشون بالجبال و(( خصوصا اهلنا ب شمال العراق الله يحفظهم والله يحفظ جميع اخوانه المسلمين )

🔴 اما اسباب زياده هرمون الاثروبويتين الي يسبب زياده بالدم هي 👇

1- الأكياس الي توجد بالكلى
2- سرطان الكلى

اعراض زياده الدم عند الإنسان

اولا .. احمرار الوجه مثل ما تلاحظون بالصوره هذه تسمى بال facial plethora

ثانيا ... صداع ودوران

العلاج ... يكون بعلاج المسبب

1- اذا بسبب التدخين .. الانقطاع عن التدخين مع علاج أمراض الرئة

2- تثبيط هذا الهرمون الارثروبويتين وكذلك علاج المسبب مثل أمراض الكلى

3 - التبرع بالدم

👆👆👆 زياده الدم يتم كشفها عن طريق قياس الهيموغلوبين وكذلك الهيماتوكرت

النسبه الطبيعيه لل هيموغلوبين

عند النساء هي من 12 إلى 15 g/ dl

عند الرجال من 14 إلى 18 g/dl

@ هسه عرفنه متى يزداد الدم ... واضح .. مو يأتي شخص ويتكلم لا تاكل هذا وهذا لان يسبب زياده

صح كلامهم ( كبد الأبقار ) يحتوي على حديد وهذا يعوض نقص الحديد وبالتالي يعالج فقر الدم لكن ما يزيد الدم واضح ......

@ هاي معلومه الكم .. النساء عدها الحديد اقل مخزونه من الرجال .. لذلك يجب ان تأكل تمر و كبد طازج حتى يعوض النقص وكذلك هذا ليس ممنوع على الرجال .. التعبير خاطئ

اسال الله حسن التوفيق والشفاء العاجل للمرضى

# المنشور كتبته ب ايدي اي أخطاء بالاملاء اعذروني .. كتبته بلغتي ولغتكم احسن لفهم الموضوع