ထိုင်းနိုင်ငံရှိ မီးရှူးမီးပန်းသိုလှောင်ရာဂိုဒေါင်တစ်ခုပေါက်ကွဲမှုမှာ ၉ ဦးထက်မနည်းသေဆုံး
=======================

https://youtu.be/BzlHwFa2dZg

ဇူလိုင်လ ၃၁ ရက်နေ့ မနက်ပိုင်း ၁၁ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
====================

https://youtu.be/t4XZvaR3SdM

ဇူလိုင်လ (၃၁)ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
====================

01:00 − တရုတ်အစိုးရအကြီးအကဲ ဝမ်ယိနဲ့ ထိုင်းဒုဝန်ကြီးချုပ်တို့ ဂျကာတာမှာ မြန်မာအရေးဆွေးနွေးတဲ့သတင်း

03:05 − ကရင်နီစစ်ရှောင် ၁၄၀၀ ကျော်ထံ အာဆီယံ AHA Centre အကူအညီ ပထမဆုံးပေးအပ်တဲ့အကြောင်း

06:17 − ပြည်တွင်းမှာ စက်သုံးဆီဈေးနှုန်းတွေဆက်တိုက်မြင့်တက်နေပြီး ဇူလိုင်လအတွင်း တလီတာကို ကျပ် ၃၀၀ လောက်အထိ ဈေးမြင့်တက်တဲ့သတင်းနဲ့

10:13 − ထိုင်းနိုင်ငံရှိ မီးရှူးမီးပန်းသိုလှောင်ရာဂိုဒေါင်တစ်ခုပေါက်ကွဲမှုမှာ ၉ ဦးထက်မနည်းသေဆုံးသွားတဲ့သတင်း အပါအဝင် တခြား အရေးကြီးသတင်းတွေ စိတ်ဝင်စားဖွယ်သတင်းတွေ နဲ့ ဒီကနေ့အတွက် ငွေလဲနှုန်းနဲ့ကုန်စျေးနှုန်း တွေကိုလည်း တင်ဆက်ပေးသွားမှာပါ။

https://youtu.be/ptY6yn2pPu8

#12pmnews
#Mizzimanewshour
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

July - 31 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts

ရုရှားရဲ့စီးပွားရေးကို တရုတ်ကအသက်ဆက်ပေးနေကြောင်း အမေရိကန်ထောက်လှမ်းရေးရဲ့အစီရင်ခံစာအပေါ် ဘေဂျင်းကငြင်းဆို
====================

https://youtu.be/a789sHs_u2I

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဖယ်ခုံတိုက်ပွဲတွင် စစ်ကောင်စီတပ်မှ အရာရှိအပါအဝင် ၁၃ ဦး သေဆုံးကြောင်း PDF ပြော
================

001

(မဇ္စျိမ)။   ။ရှမ်းပြည်နယ်တောင်ပိုင်း၊ ဖယ်ခုံမြို့နယ်တွင် ဇူလိုင်လ ၂၁ ရက်မှ ၂၈ ရက်နေ့အထိ ဖြစ်ပွားခဲ့ သောတိုက်ပွဲအတွင်း စစ်ကောင်စီတပ်မှ အရာရှိတဦးအပါအဝင် ၁၃ ဦးသေဆုံးကြောင်း ဖယ်ခုံ PDF တာဝန်ရှိသူက မဇ္ဈိမကို ပြောသည်။

ဇူလိုင်လ ၂၁ ရက်နေ့တွင် စစ်ကောင်စီတပ်က အင်အား ၅၀ ဝန်းကျင်ဖြင့် ဖယ်ခုံမြို့နယ် စက်တော်ရွာမှ ခေါင်းအိစေတီကုန်းသို့ စစ်ကြောင်းထိုးလာသည့်အတွက် ပြည်သူ့ကာကွယ်ရေးပူးပေါင်းအဖွဲ့များနှင့် တိုက်ပွဲဖြစ်ပွားခဲ့ခြင်းဖြစ်ကြောင်း သိရသည်။

“အလောင်းတွေ တွေ့တာပါ။ သင်္ဂြိုဟ်ထားတဲ့ အလောင်းတွေတွေ့တယ်၊ သူတို့မြှုပ်ထားတဲ့ အလောင်း တွေက ကောင်းကောင်းဖုံးမထားတဲ့အခါကျတော့ သေသေချာချာပြန်ဖုံးလိုက်တယ်၊ လုံးဝမမြှုပ်ထားတဲ့ အလောင်းကျတော့ ကျွန်တော်တို့ မီးရှို့ပေးလိုက်တယ်”ဟု ဖယ်ခုံ PDF တပ်ရင်း (၁၀၀၂) မှ တာဝန်ရှိသူ တဦးက ပြောသည်။

စစ်ကောင်စီဘက်ကမူ တိုက်ပွဲအတွင်း တပ်ဖွဲ့ဝင်များ ထိခိုက်သေဆုံးမှုနှင့် ပတ်သက်ပြီး ထုတ်ပြန်လေ့ မရှိပေ။

တိုက်ပွဲကာလအတွင်း စစ်ကောင်စီတပ်မှ လက်နက်ကြီးပစ်ခတ်မှု အကြိမ်ရေ ၅၀ ကျော်ပစ်ခတ်ခဲ့ပြီး ကရင်နီပူးပေါင်းကာကွယ်ရေးအဖွဲ့များဘက်မှ ထိခိုက်ဒဏ်ရာရသူ အချို့ရှိခဲ့ကြောင်း သိရသည်။

တစ်ပကျော် ထိတွေ့တိုက်ပွဲ ဖြစ်ပွားပြီးနောက် ဇူလိုင်လ ၂၈ ရက်နေ့နံနက်ပိုင်းတွင် စစ်ကောင်စီတပ်က စက်တော်ရွာသို့ ပြန်လည်ဆုတ်ခွာသွားပြီး လက်ရှိ နှစ်ဖက်စစ်ရေးတင်းမာနေဆဲဖြစ်ကြောင်း ဖယ်ခုံ PDF တာဝန်ရှိသူက ပြောသည်။

အဆိုပါ တိုက်ပွဲကို ဖယ်ခုံ PDF တပ်ရင်း (၁၀၀၂)၊ ကရင်နီတော်လှန်ရေးတပ်ပေါင်းစု (KRU)၊ 1009 (IPDF) ၊ 1008 ၊1005၊ 1003၊ DMO 1006 နှင့် ရှမ်းတောင် Drone တပ်ဖွဲ့ SSDF တို့ ပူးပေါင်းတိုက်ခိုက်ခဲ့ခြင်းဖြစ် ကြောင်း သိရသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#ဖယ်ခုံတိုက်ပွဲ
#Mizzima
#ရှမ်းတောင်ပိုင်း

Photo - ဖယ်ခုံ pdf , IPDF

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဒီမိုကရေစီရေးဆန္ဒပြပွဲသီချင်းကို အစိုးရကတားမြစ်ပိတ်ပင်မှုအား ဟောင်ကောင်တရားရုံးပယ်ချ
=====================

https://youtu.be/8E4JLIdRfFM

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ယင်းမာပင်နယ် ချင်းတွင်းမြစ်ဘေးရွာများကို စစ်ကောင်စီစစ်ကြောင်းထိုး၊ ဒေသခံ ၁၀,၀၀၀ ကျော်ထွက်ပြေးနေရ
=================

လွှမ်းမိုး

(မဇ္ဈိမ)။ ။စစ်ကိုင်းတိုင်း၊ယင်းမာပင်မြို့နယ်၊ ချင်းတွင်းမြစ်ကမ်းဘေးကျေးရွာများကို စစ်ကောင်စီတပ်က ယနေ့ ဇူလိုင်လ ၃၁ ရက် နံနက် ၇ နာရီခန့်မှစကာ စစ်ကြောင်းထိုးနေခြင်းကြောင့် ဒေသခံပြည်သူ ၁၀,၀၀၀ကျော် ထွက်ပြေးတိမ်းရှောင်နေကြရသည်။

ချင်းတွင်းမြစ်အတွင်းရှိ စစ်ကောင်စီတပ်ရိက္ခာတင် ရေယာဉ်များကို လုံခြုံရေးယူပေးနေသည့် အင်အား ၁၅၀ခန့်ပါသော ခြေလျင်စစ်ကြောင်းနှစ်‌ကြောင်း က မြစ်ကမ်း‌ဘေးရှိ ကျေးရွာများကို ဝင်ရောက်နေခြင်းဟု ဒေသခံများက ပြောသည်။

“ရွာတွေဝင်ပြီဆို သေနတ်တွေ ဆက်တိုက်ပစ်ပြီး ဝင်လာကြတာပါ။ အခုအချိန်ကတော့ ဝရုန်းသုန်းကား ထွက်ပြေးနေရတုန်းပါပဲ” ဟု ဒေသခံတစ်ဦးက ယနေ့ နံနက် ၉ နာရီခန့်တွင် ပြောသည်။

စစ်ကြောင်းကြောင့် ယင်းမာပင်မြို့နယ် မြောက်ခြမ်းရှိ စုန်းချောင်း၊ သံဗိုလ်၊ ကျောက်မှော်၊ ပန်းတိမ်ပြင်၊ စေသူ၊ ကျောက်ကုန်းကျေးရွာများမှ ဒေသခံများ ထွက်ပြေးနေရကြောင်း သိရသည်။စုန်းချောင်းရွာသည် ပြီးခဲ့သည့် ဇူလိုင်လ ၂၁ရက်က စစ်ကောင်စီ တိုက်ခိုက်မှုကြောင့် ကာကွယ်ရေးရဲဘော်သုံးဦးနှင့် ဒေသခံ၁၁ဦး၊ စုစုပေါင်း ၁၄ဦး သေဆုံးခဲ့ရသည့် ကျေးရွာဖြစ်သည်။

" စစ်ကြောင်းက ဝင်လာတယ်။ ဘာပြင်ဆင်ချိန်မှ မရဘူး။ တော်တော်လေး ဒုက္ခကြုံရတယ်"ဟု စုန်းချောင်းရွာ ဒေသခံတဦးကပြောသည်။

စစ်ကောင်စီရေယာဉ်အချို့ရှိနေစဉ် ပြည်သူပိုင်မော်တော်ရေယာဥ်များအနေဖြင့် ချင်းတွင်းမြစ်အတွင်း မောင်းနှင်သွားလာခြင်းမပြုကြရန် ဒေသကာကွယ်ရေးတပ်ဖွဲ့များက သတိပေးချက်ထုတ်ပြန်ထားသည်။

ယနေ့ မှစ၍ နောက်ထပ် အကြောင်းမထုတ်ပြန်မချင်းမောင်းနှင်သွားလာခြင်းမပြုလုပ်ကြရန် ယင်းမာပင်မြို့အခြေစိုက် နဂါးညီနောင်အထူးတပ်ဖွဲ့ (Dragon Brothers Task Force- DBTF)က မှသတိပေးထားသည်။ စစ်ကောင်စီရေယာဉ်နှစ်စီးသည် ကျောက်မှော်ရွာသို့ရောက်ရှိနေပြီဟု ပြည်‌ထောင်စုလွတ်မြောက်ရေးတပ်ဦး(ULF)က ယနေ့ နံနက် ၁၀နာရီခန့်တွင် ထုတ်ပြန်ထားသည်။ 

အဆိုပါစစ်ကောင်စီရိက္ခာတင်ရေယာဉ်များနှင့် စစ်ကြောင်းသည် ချင်းတွင်းမြစ်အတိုင်း အထက်သို့ဆန်တက်ပါက ကနီ၊မင်းကင်းနှင့် ကလေးဝမြို့များသို့ ရောက်မည်ဖြစ်၍ ဒေသကာကွယ်ရေးတပ်ဖွဲ့များနှင့် ဒေသခံပြည်သူများ ကြိုတင်သတိရှိကြရန် ယင်းမာပင်မြို့မှ ပြည်သူ့ကာကွယ်ရေးရဲဘော်အချ်ို့ကသတိပေးသည်။

စာတည်း - မောင်ကြီး

#mizzima
#ယင်းမာပင်မြို့နယ်
#ချင်းတွင်းမြစ်ဘေးရွာများ
#စစ်ကောင်စီစစ်ကြောင်းထိုး

Photo - စစ်ဘေးရှောင်ပြည်သူများ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မင်းတပ်မြို့အတွင်း ကင်းလှည့်သည့်ကားတိုက်ခိုက်ခံရပြီး စစ်ကောင်စီတပ်သား ၇ ဦး သေဆုံး
=================

ပါခွီး

(မဇ္စျိမ)။ ။ချင်းပြည်နယ်၊ မင်းတပ်မြို့အတွင်း ကင်းလှည့်လာသည့်ကားကိုတိုက်ခိုက်ခဲ့ရာ စစ်ကောင်စီတပ် သားခုနစ်ဦးသေဆုံးကြောင်း ချင်းကာကွယ်ရေးတပ်ဖွဲ့ (မင်းတပ်) CDF – Mindat က ထုတ်ပြန်သည်။

မင်းတပ်မြို့ အရှေ့ပြင်ရပ်ကွက်၊ သစ်တောဝိုင်းအနီးတွင် ဇူလိုင်လ ၃၀ ရက် ညနေ ၃ နာရီ ၄၀ မိနစ်က ကင်းလှည့်လာသည့် စစ်သားနှင့် ရဲသားများပါသော ကားတစီးကို တိုက်ခိုက်ခဲ့ခြင်းဖြစ်သည်။

“စစ်သားနဲ့ရဲ ခုနစ်ဦးသေတယ်။ ရဲအရာရှိက မျက်နှာမှာဒဏ်ရာရတယ်။ တခြားဒဏ်ရာရတဲ့သူတွေရော မင်းတပ်ဆေးရုံမှာ ဆေးကုသခံယူနေတယ်” ဟု CDF – Mindat တာဝန်ရှိသူတဦးက မဇ္စျိမကိုပြောသည်။
တိုက်ပွဲအတွင်း စစ်ကောင်စီတပ်သားများ သေဆုံးဒဏ်ရာရရှိခဲ့သော်လည်း အခြေအနေအရ ကားနှင့် လက်နက်များကို သိမ်းဆည်းနိုင်ခြင်းမရှိကြောင်း ဆိုသည်။

စစ်ကောင်စီတပ်က ဒဏ်ရာရလူနာများနှင့် အလောင်းများကို ကားဖြင့်ပြန်လည်သယ်ယူသွားကြောင်း CDF – Mindat ၏ ထုတ်ပြန်ချက်တွင် ဖော်ပြထားသည်။

အဆိုပါ ဇူလိုင် ၃၀ ရက်နေ့ နံနက် ၇ နာရီ ၂၅ မိနစ်ကလည်း မင်းတပ်မြို့အဝင် လေးမိုင်တပ်ကုန်းကို CDF – Mindat က သွားရောက်တိုက်ခိုက်ခဲ့ရာ စစ်ကောင်စီတပ်သားတဦးသေဆုံးပြီး ချင်းကာကွယ်ရေးတပ်မှ ရဲဘော်နှစ်ဦး ဒဏ်ရာရရှိခဲ့ကြောင်း သိရသည်။

စာတည်း။ ။စောဖေ
စာမူတည်းဖြတ်။ ။စောဖေ

#ချင်းပြည်နယ်
#မင်းတပ်မြို့နယ်
#CDF–Mindat
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​စစ်အုပ်ချုပ်ရေးကြေညာထားသော လှိုင်သာယာတွင် ရပ်ကွက်အုပ်ချုပ်ရေးမှူးရုံးအနီး ဗုံး ၂ လုံး ပေါက်ကွဲ
===================

ကီရာ

(မဇ္ဈိမ) ။  ။ရန်ကုန်တိုင်း၊ လှိုင်သာယာမြို့နယ်၊ အနော်ရထာလမ်းမကြီးပေါ်ရှိ အမှတ်(၂၀)ရပ်ကွက် အုပ်ချုပ်ရေးမှူးရုံးအနီးတွင် ဇူလိုင်လ ၃၀ ရက်နေ့ ညနေ ၆ နာရီကျော်ခန့်က ဗုံးနှစ်လုံး ပေါက်ကွဲမှုဖြစ်ပွား ခဲ့ကြောင်း အဆိုပါရပ်ကွက်တွင်နေထိုင်သူများက မဇ္ဈိမကို အတည်ပြုပြောကြားသည်။

“လူထိခိုက်မှုတော့မသိသေးဘူးဗျ၊ လမ်းသွယ်တွေကတော့ ပိတ်ထားတယ်။ ရုံးနောက်ဘက်က လမ်းသွယ် တွေရောပဲ။ လမ်းမကြီးကတော့ဖွင့်ထားပြီး လာတဲ့ကားမှန်သမျှ အကုန်စစ်နေတယ်၊ စစ်ကားတွေ အဲဒီ ဘက်သွားနေကြတာတွေ့တယ်”ဟု ဒေသခံတဦးက ပြောသည်။

ဗုံးပေါက်ကွဲမှုအပြီး အဆိုပါရုံးအနီးရှိလမ်းသွယ်များကို ပိတ်ထားလိုက်ပြီး လမ်းမကြီးပေါ်သွားလာနေ သည့် ကားများကိုလည်း စစ်ကောင်စီက တားဆီးစစ်ဆေးမှုများ ပြုလုပ်ခဲ့ကြောင်း သိရသည်။
ယခုဗုံးပေါက်ကွဲမှု ဖြစ်ပွားခဲ့သော အမှတ်(၂၀)ရပ်ကွက်ရုံး၏ ကြံ့ခိုင်ရေးပါတီဝင် အုပ်ချုပ်ရေးမှူးသည် ယခုနှစ် ဇန်နဝါရီလ ၁ ရက်နေ့က သေနတ်ပစ်သတ်ခံခဲ့ရသည်။

ရုံးအနီးရှိ လက်ဖက်ရည်ဆိုင်တွင်ထိုင်နေစဉ် သေနတ်ဖြင့်ပစ်ခတ်ခံရပြီး သေဆုံးသွားခြင်းဖြစ်ကြောင်း ဒေသခံများက ပြောသည်။

“ပထမအုပ်ကြီးကတော့ ပစ်သတ်ခံရလို့သေပြီ၊ အခုရှိနေတာကတော့ နောက်အုပ်ကြီးပေါ့၊ အဲဒီလမ်း နားမှာကလည်း သူတို့နဲ့ပတ်သက်တဲ့သူတွေပဲ ဆိုင်ကယ်စီးခွင့်ရှိတယ်၊ စီးလို့ရတယ်။ ပြီးတော့ အဲဒီရုံးကို စစ်ကောင်စီကလူတွေ ခဏခဏလာတတ်တယ်” ဟု ဒေသခံက ပြောသည်။

လှိုင်သာယာမြို့နယ်သည် စစ်အုပ်ချုပ်ရေးကြေညာခံထားရသည့် မြို့နယ်ဖြစ်ပြီး လက်ရှိအချိန်ထိ စစ်ကောင်စီက ဧည့်စာရင်းစစ်ဆေးခြင်းများ၊ ဖမ်းဆီးခြင်းနှင့် ဆိုင်ကယ်များ ၊ ဘေးတွဲဆိုင်ကယ်များကို နေအိမ်အတွင်းထဲထိ ဝင်ရောက်ဖမ်းဆီးမှုများ လုပ်နေကြောင်းလည်း ရပ်ကွက်တွင် နေထိုင်သူများက ပြောသည်။

စာတည်း။  ။ နောင်နောင်
စာမူတည်းဖြတ်။ ။စောဖေ

#လှိုင်သာယာ
#ရပ်ကွက်ရုံးဗုံးပေါက်
#အုပ်ကြီးအသတ်ခံရ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Bitcoin ၀ယ်ယူခဲ့တယ်လို့ ၀န်ခံခဲ့သည့် ဒီမိုကရက်တစ်သမ္မတလောင်း Robert
F. Kennedy Jr.
---------------------------------

ဒီမိုကရက်တစ်သမ္မတလောင်းဟာ ယခင်က Bitcoin ကို ထောက်ခံခဲ့ပြီးယခုအခါ အရင်းအနှီးအမြတ်ခွန်များမှ crypto ကို ကင်းလွတ်ခွင့်ပေးမည်ဟု ထပ်ပြီးကတိပြုခဲ့ပါတယ်။ Robert F. Kennedy Jr. ဟာ ယခင်က အငြင်းပွားခဲ့ဖူးသော အရာတစ်ခုဖြစ်တဲ့ Bitcoin (BTC) ကို ပိုင်ဆိုင်ကြောင်း ဗုဒ္ဓဟူးနေ့တွင် အတည်ပြုပြောကြားခဲ့ပြီး ငွေကြေးထုတ်ဖော်မှုပုံစံဖြင့် မှတ်တမ်းတင်ထားခဲ့ပါတယ်။ Robert F. Kennedy Jr. ဟာ အမေရိကန် အထက်လွှတ်တော်အမတ်ဟောင်း Robert F. Kennedy ၏သားဖြစ်ပြီး ရှေ့နေနှင့် သဘာဝပတ်ဝန်းကျင်အရေးကိစ္စ များတွင်လည်း တက်ကြွလှုပ်ရှားသူဖြစ်ပါတယ်။ သူဟာ Bitcoin ကို "ဒီမိုကရေစီနှင့်လွတ်လပ်မှု၏သင်္ကေတ" ဟုခေါ်ဆိုခဲ့ပြီး Kennedy က သူရဲ့ရွေးကောက်ပွဲ campaign အတွက် လှူဒါန်းမှုများကိုလည်း Bitcoin လက်ခံနေသူတစ််ဦးလည်းဖြစ်ပါတယ်။ The Wolf of Wall Street ပေါ့တ်ကာစ် အစီအစဉ်တင်ဆက်သူ Scott Melker နှင့်အတူ ဗုဒ္ဓဟူးနေ့က Twitter Spaces တွင် အဆိုပါ အတည်ပြုကို ရရှိခဲ့တာဖြစ်ပါတယ်။
Bitcoin အစည်းအ၀ေးပြီးပြီးချင်းမှာပဲ၊ ကျုပ်ဆီမှာရှိတဲ့ ပိုက်ဆံတွေကို ကျုပ်ကလေး ခုနစ်ယောက်စီအတွက် တစ်ယောက်ဆီအတွက် Bitcoin နှစ်ခုဝယ်ဖို့ ဆုံးဖြတ်ခဲ့တယ်" လို့ Kennedy က ပြောကြားခဲ့ပါတယ်။ Kennedy က Bitcoin အကြောင်းကို သဘောကျနှစ်ခြိုက်စွာ ပြောဆိုခဲ့တာပါ။ Bitcoin စျေးဟာ ဆွေးနွေးပွဲအပြီး ရက်ပိုင်းအတွင်း $27,000 ဝန်းကျင်တွင် အရောင်းအဝယ်ဖြစ်ခဲ့ပြီး လက်ရှိပေါက်စျေးမှာ အကြမ်းဖျင်းအားဖြင့် $29,500 ရှိပြီး14 Bitcoin ဟာ ယခုတန်ဖိုးအရ $414,000 နီးပါးတန်ဖိုးရှိပါတယ်။ Kennedy ဟာ ပြီးခဲ့သည့်အပတ်က Bitcoin ရဲ့ ပံ့ပိုးမှုအပေါ် နှစ်ဆတိုးကာ သမ္မတရာထူးရပါက အရင်းအနှီး
အမြတ်ခွန်များမှ ကင်းလွတ်ခွင့်နှင့် Bitcoin ကဲ့သို့သော ခက်ခဲသောပိုင်ဆိုင်မှုများဖြင့် US ဒေါ်လာကို ကျောထောက်နောက်ခံပြုဖို့ ရည်ရွယ်ချက်ဖြင့် ကတိပြုခဲ့တာပါ။ “ခိုင်မာသော
ပိုင်ဆိုင်မှုများဖြင့် ဒေါ်လာနှင့် အမေရိကန်ကြွေးမြီများကို ကျောထောက်နောက်ခံပြုခြင်းဟာ ဒေါ်လာကို ပြန်လည်ခိုင်မာစေပြီး ငွေကြေးဖောင်းပွမှုကို ထိန်းချုပ်ရန်နှင့် အမေရိကန်ဘဏ္ဍာရေးတည်ငြိမ်မှု၊ ငြိမ်းချမ်းမှုနှင့် သာယာဝပြောရေးခေတ်သစ်ကို ပို့ဆောင်
နိုင်ပါတယ်” ဟု Kennedy ကကြေညာခဲ့ပါတယ်။ CNBC မှ ယခုလအစောပိုင်းတွင် Kennedy က Bitcoin တွင် "ရင်းနှီးမြှုပ်နှံသူမဟုတ်ပါ" ဟုဆိုကာ ဇွန် 30 ရက်စွဲပါ ငွေကြေးထုတ်ဖော်မှုပုံစံကို ဆန့်ကျင်ကာ cryptocurrency $100,001 နှင့် $250,000 ကြား ပိုင်ဆိုင်ကြောင်းဖော်ပြခဲ့ပါတယ််။ မဲဆွယ်စည်းရုံးရေးတွင် ဦးစွာ ကိုင်ဆောင်ထားသည့် ပိုင်ဆိုင်မှုများဟာ ကိုယ်စားလှယ်လောင်း ပိုင်ဆိုင်မှုမဟုတ်ကြောင်း မရှင်းလင်းမီ RFK ရဲ့ ဇနီးမှ ပိုင်ဆိုင်တာပါ ဟု ဆိုဦးစွာပြောကြား
ခဲ့ပါတယ်။ Robert F. Kennedy Jr က မြန်မာနိုင်ငံရဲ့ ဒီီမိုကရေစီကြိုးပမ်းမှုတွင်လည်း Bitcoin က အရေးကြီးနေရာမှပါ၀င်ကြောင်း သူရဲ့ Twitter Post တစ်ခုမှ သီီးခြားဖော်ပြခဲ့ဖူးပါတယ်။

Ref ; RFK Jr Says He Purchased Bitcoin For His Kids - Watcher.guru
Coin desk ; RFK Jr. Confirms Recent Bitcoin Purchases

အာရှရေးရာ တရုတ် အထူးကိုယ်စားလှယ် မြန်မာပြည်သို့ ရောက်ရှိလာပြီး စစ်ခေါင်းဆောင်နဲ့ တွေ့ဆုံ
==================

တရုတ်နိုင်ငံခြားရေးဝန်ကြီးဌာန၊ အာရှရေးရာ အထူးကိုယ်စားလှယ် မစ္စတာတိန့်ရှီကျွင်းက ဇူလိုင်လ ၂၈ ရက်နေ့မှာ မြန်မာပြည်ကိုရောက်ရှိလာပြီး စစ်ကောင်စီဥက္ကဋ္ဌ မင်းအောင်လှိုင်နဲ့ နေပြည်တော်မှာ တွေ့ဆုံခဲ့တာလို့ ဇူလိုင်လ ၂၉ ရက်နေ့ထုတ် စစ်ကောင်စီသတင်းစာတွေမှာ ရေးသား ဖော်ပြထားပါတယ်။

ဒီတွေ့ဆုံမှုမှာ၊ မြန်မာနိုင်ငံရဲ့ ငြိမ်းချမ်းရေး၊ နယ်စပ်ဒေသတည်ငြိမ်ရေး၊ မြန်မာနိုင်ငံရေး အခြေအနေ၊ ရိုဟင်ဂျာ ဒုက္ခသည်တွေ ပြန်လည်လက်ခံရေးအခြေအနေ၊ အွန်လိုင်း လောင်းကစားမှုနဲ့ အွန်လိုင်းလိမ်လည်မှု လျှော့ချနိုင်ရေး ပူးပေါင်းဆောင်ရွက်မှုအခြေအနေ တွေကို ဆွေးနွေးခဲ့တယ်လို့ သိရပါတယ်။

တရုတ်- မြန်မာနယ်စပ်မှာ စစ်ကောင်စီတပ်နဲ့ ကချင်လွတ်မြောက်ရေးတပ်မတော် (KIA) တို့ တစ်လကျော်ကြာ တိုက်ပွဲပြင်းထန်နေချိန်မှာ စစ်ကောင်စီဥက္ကဋ္ဌနဲ့ တရုတ် အထူး ကိုယ်စားလှယ်တို့ နယ်စပ်တည်ငြိမ်ရေး ဆွေးနွေးခဲ့ကြတာလည်းဖြစ်ပါတယ်။

အလားတူ တရုတ်နိုင်ငံ အာရှရေးရာအထူးကိုယ်စားလှယ်မစ္စတာတိန့်ရှီးကျွင်းဟာစစ်ကောင်စီ နိုင်ငံခြားရေးဝန်ကြီး ဦးသန်းဆွေနှင့်လည်း သီးခြားစီတွေ့ဆုံခဲ့သလို စစ်ကောင်စီရဲ့ ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီးရာပြည့် နဲ့လည်း တွေ့ဆုံခဲ့တာဖြစ်ပါတယ်။

တရုတ်နိုင်ငံ အာရှရေးရာအထူးကိုယ်စားလှယ်မစ္စတာတိန့်ရှီးကျွင်းဟာ ယခု ၂၀၂၃ ခုနှစ် မတ်လအတွင်းကလည်း မြန်မာနိုင်ငံသို့ လာရောက်ခဲ့ပြီး စစ်ခေါင်းဆောင် မင်းအောင်လှိုင်နဲ့ တွေ့ဆုံဆွေးနွေးမှုများရှိခဲ့ပါတယ်။

အခုလို တွေ့ဆုံမှုတွေမပြုလုပ်ခင် မစ္စတာတိန့်ရှီးကျွင်းက ယခုနှစ် ဖေဖော်ဝါရီလမှာပဲ မြန်မာ-တရုတ်နယ်စပ်ရှိ UWSA “ဝ”တပ်ဖွဲ့အပါအဝင် တိုင်းရင်းသားလက်နက်ကိုင် (၇)ဖွဲ့နဲ့ တွေ့ဆုံဆွေးနွေးခဲ့တာဖြစ်ပါတယ်။

တရုတ်နိုင်ငံရဲ့ အာရှရေးရာအထူးကိုယ်စားလှယ်မစ္စတာတိန့်ရှီးကျွင်းဟာ ယခု မြန်မာနိုင်ငံခရီးစဉ်အတွင်းမှာ အကျဉ်းကျခံထားရတဲ့ ဒေါ်အောင်ဆန်းစုကြည်နဲ့ တွေ့ဆုံသွားဖွယ်ရှိနေကြောင်းကိုလည်း နိုင်ငံတကာသတင်းတွေမှာ ရေးသားထားကြပါတယ်။

မစ္စတာ တိန့်ရှီးကျွင်းနေရာမှာ တာဝန်ထမ်းဆောင်ခဲ့တဲ့ တရုတ်အထူးကိုယ်စားလှယ် ဆွန်ကော်ရှန်းဟာ စစ်ကောင်စီဥက္ကဌနဲ့ ပြီးခဲ့တဲ့နှစ်ကုန်ပိုင်းက တွေ့ဆုံခဲ့စဉ်မှာ ဒေါ်အောင်ဆန်းစုကြည်နဲ့ တွေ့ဆုံဖို့ တောင်းဆိုခဲ့တာလည်းဖြစ်ပါတယ်။
တရုတ် - မြန်မာနယ်စပ် ကချင်ပြည်နယ် လိုင်ဇာမြို့အနီးတစ်ဝိုက်နဲ့ မြစ်ကြီးနားမြို့နယ်အတွင်း စစ်ကောင်စီတပ်နဲ့ ကချင်လွတ်မြောက်ရေးတပ်မတော် (KIA) တို့ ဇွန်လကစလို့ တိုက်ပွဲတွေပြင်းထန်နေတာပါ။

တရုတ်အာရှရေးရာအထူးကိုယ်စားလှယ် မြန်မာနိုင်ငံ လာရောက်တဲ့ ဇူလိုင်လ ၂၈ ရက် နဲ့ ဇူလိုင်လ ၂၉ ရက်မှာ တော့ မြေပြင်တိုက်ပွဲတွေ ဖြစ်ပွားတာ မရှိပေမယ့် စစ်ရေးတင်းမာနေမှုတွေရှိနေဆဲလို့သိရပါတယ်။

https://youtu.be/4Pb7Arj4s-A
 
#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ထိုင်းနိုင်ငံရှိ မီးရှူးမီးပန်းသိုလှောင်ရာဂိုဒေါင်တစ်ခုပေါက်ကွဲမှုမှာ ၉ ဦးထက်မနည်းသေဆုံး

#InternationalNews #mizzima #reels #shorts