‍ #کەنگیر

کەنگیر هۆمێدِ، کوردە ماڵانی
چۊ داڵگ ئڕا ، خوردە ساڵانی

ساڵەیل دۊرێ،ت وە چەو دیدە
خەم خوەرئاواێ، کەن کەو دیدە

قیقەێ نازاران، وە جەمەو دیدە
گاجار عەڤداڵان، وە خەمەو دیدە

حەرەم سەراێ خان، هەم وە چووڵ دیدە
ناڵەێ شاپەروەر، خەم وە کووڵ دیدە

دەوران قەدیم، دایەم خوەشدۊ
سراوەێ مانشت، گەورا بەشدۊ

وەهاران گۆڵەیل، دانەێ لە چۊزە
بردن نازارەیل، ئاود وە کۊزە

دەرۊن دڵد ،چۊ قڵاێ سیەس
قڵاێ دڵدیش، خو تڵاێ سیەس

چۊ سەدەف نگین ، لە دەرۊ دێری
ت میلکانێگی، هزار سۊن دێری

ئەێ پاێەێ پۆڵە ، ها لە سانیری
وە پیمان ئۊشێ ، ئڕا دڵگیری

هێمان دڵ نەناس ، وساس وە پاوا
تواێ هەم بەێدن ،لەشێ وە ئاوا

بۊ چوە کورەو کرد، ئەو سراودە
ئەو ترنگەێ ئاوێ، چۊ لاولاودە

هەناێ لەتر دای ، ئاود کیشاو بان
دەسِ پاچە کەفت ، تەنگەێ شمێران

ناڵەێ دەرۊند ، وڵات ڕەسانەو
گاجار سینگ نای ، وە قڵاێ خانەو

ئەلان پڕخۊنە ، دڵِ شمێران
ڕا کاڵێ تن و ، چووڵی قڵاێ خان

ئۊشێ واز بکە ،چەوەیل کەود
داێەم ها فکرِ، ڕوژەیل خەود

ئاو ت خوڕەێ، ئەسر مانشتە
ناو ت ماناێ ،فەسڵ بارشتە

ترنگەێ ئاود باێ، چۊ جارجاران
وڵنگەێ سازد باێ، وە ناز واران

چۊ میلکان خوەد، دڵمان چووڵە
وەختێ دۊنیمن ،ئەێ هەوش هووڵە

✍🍁 #ڕەحیم_ئێداری🍁

#سلام_بر_زرنه
🔻🔛🔻
@salam_bar_zarneh

‍ مانشت لەو بانەو ،بێستۊن دۊنی
بۊ وەێ قامەتو، ئڕا بی سۊنی

بۊ داخ فەرهاێ،دەرۊند سزان
یا ئاخ شیرین ،لەشت ئەڵکزان

بۊ لەو زەمانەو،چەن وهار دیدە
وە ئەێ خەزانەو ، هێمان مەنیدە

ئە فەرهاد تر ، لەنو پێا بو
رەنجێ سەمەر بەێ، دی دلنێا بو

شێرین شێوەی تر ،ڕەنگ سۊر بۊنێ
لە ناو زەخمەیلد،وەرشەی نۊر بۊنێ

مە ئەو هناسە ،تووز و تەم بوەێ
لە قلاێ دڵد ،شون خەم بوەێ

بۊ خو منیش هەم ،خەم وە کووڵ بۊمە
بادەز خان مەسۊر،خوەم وە چووڵ دیمە

هایادت شاکە ، چۊ هاوار کەردەن
(مانشت نیەزانی،خانمەسۊر مەردەن)

تنو بێ ستۊن کەڵهور نشینین
ڕیشگ لە دونیاێ پڕ لە نۊر دیرین

بۊش وە بێ ستون م هاو خۊندم
تەک دەمە لیدەو هە خوەم سۊندم

✍ #ڕەحیم_ئێداری

📥x #سلام_بر_زرنه x
❌ @salam_bar_zarneh

‏پەخش لە شەبەکەێ ئۆستانی ئیلام
شێعر #شاکەو_خان_مەسۊر

✍#ڕەحیم_ئێداری

ꦿEyvan |🔻#سلام_بر_زرنه
@salam_bar_zarneh