#Mukofot

🟡 🟦🟦🟦

💬 “Sakkiz yil davomida 5 mingga yaqin umurtqa endoskopik jarrohlik amaliyotini muvaffaqiyatli o‘tkazdim”, — dedi II darajali “Salomatlik” ordeni sohibi, Uchtepa tumanidagi “Jacksoft medical diagnostics services” xususiy klinikasi neyrojarrohi Ahror Yoqubov.

💬 U bunday natijalarga erishishda tibbiyotning xususiy sektorida yaratilgan keng imkoniyatlar muhim o‘rin tutganini ta’kidlab, buning uchun davlatimiz rahbariga minnatdorlik bildirdi.

🌐 Web-site 🔵Telegram 👥 Fb 📷 Instagram 🌐 Linkedin

#Mukofot

🟡 🟦🟦🟦

✔️ Prezidentimiz uchrashuvda tibbiyot va farmatsevtika sohasidagi o‘zgarishlarda 800 mingdan ziyod xodimning munosib hissasi borligini ta’kidladi.

💬 Bugungi tadbirda ulardan bir guruhiga yuksak davlat mukofotlari tantanali tarzda topshirildi.

🌐 Web-site 🔵Telegram 👥 Fb 📷 Instagram 🌐 Linkedin

Prezident Shavkat Mirziyoyev tibbiyot xodimlari bilan uchrashuv o‘tkazdi.
—
Президент Шавкат Мирзиёев провел встречу с медицинскими работниками.

🌐 Web-site 🔵Telegram 👥 Fb 📷 Instagram 🌐 Linkedin

🟡 🟦🟦🟦

✔️ Davlatimiz rahbari sog‘liqni saqlash va farmatsevtika sohasi xodimlari bilan bo‘lib o‘tgan uchrashuvda inson salomatligini asrash, tibbiyotga ilg‘or ilmiy ishlanmalar va zamonaviy davolash usullarini joriy etish yo‘lida alohida jonbozlik ko‘rsatayotgan soha vakillarini rag‘batlantirish maqsadida Ibn Sino nomidagi alohida davlat mukofotini ta‘sis etish tashabbusini ilgari surdi.

🌐 Web-site 🔵Telegram 👥 Fb 📷 Instagram 🌐 Linkedin

#Prezident_bilan_muloqot

O‘zbekiston Qahramoni Rahmon Muhammadiyev poliklinikalarda sharoit yetishmagan, shifokor va hamshiralar bir xonada ishlashga majbur bo‘lgan og‘ir kunlarni yodga oldi:

✔️ “Shifokor bilan hamshira o‘tirsa, bemorga joy yo‘q, bemor o‘tirsa, shifokorga joy yo‘q edi. Shuni ham yaxshi deb yurgan ekanmiz. Bugun esa tumandagi poliklinikalar poytaxtdagi poliklinikalar bilan tengma-teng xizmat ko‘rsatmoqda.

🟢 Tuman va viloyat markazlaridagi ko‘p tarmoqli tibbiyot markazlarida minglab yurak operatsiyalari, buyrak transplantatsiyasi, bo‘g‘im almashtirish amaliyotlarini o‘tkazish odatiy holga aylangan”, — dedi u.

🌐 Web-site 🔵Telegram 👥 Fb 📷 Instagram🌐 Linkedin

#Prezident_bilan_muloqot

🟡 🟦🟦🟦

✔️ Sog‘liqni saqlash va farmatsevtika sohasi xodimlari bilan bo‘lgan uchrashuvda AQSHning Garvard tibbiyot maktabi tadqiqotchisi Nilufar Qahhorova mamlakatimiz tibbiyotida amalga oshirilayotgan islohotlarni e’tirof etdi.

🟢 O‘z navbatida, onkologiya va farmatsevtika yo‘nalishlari bo‘yicha qator takliflarni bildirdi.

🌐 Web-site 🔵Telegram 👥 Fb 📷 Instagram 🌐 Linkedin

Prezident Shavkat Mirziyoyev:

«Inson uchun eng bebaho boylik – uning salomatligi. Shu bois, inson salomatligini asrashni islohotlarimizning eng muhim yo‘nalishlaridan biri etib belgilaganmiz».

—
Президент Шавкат Мирзиёев:

«Самое бесценное богатство человека – его здоровье. Поэтому заботу о здоровье людей мы определили одним из важнейших направлений наших реформ».

🌐 Web-site 🔵Telegram 👥 Fb 📷 Instagram🌐 Linkedin

💚💚💚

“Bugun O‘zbekistonda ishlab, Germaniyadagidan ham yuqori maosh olyapman”, — dedi qator xorijiy nufuzli klinikalarda faoliyat yuritgan onkourolog, ayni paytda Respublika ixtisoslashtirilgan onkologiya va radiologiya ilmiy-amaliy tibbiyot markazi direktori o‘rinbosari lavozimida ishlayotgan Oybek Xalmurzayev.

🌐 Web-site 🔵Telegram 👥 Fb 📷 Instagram 🌐 Linkedin

🟡 📌📌📌📌📌

🔵 Tibbiyotdagi kechagi orzular bugun aniq natijalarga aylanmoqda.

✅ Prezidentimiz e’tibori tufayli soha tubdan transformatsiya qilinib, ko‘p yillardan buyon odamlarimizni qiynab kelayotgan o‘tkir muammolarning samarali yechimlari topilyapti.

🎥 SSV Matbuot xizmati tomonidan Tibbiyot xodimlari kuni arafasida tayyorlangan videolavhada shu o‘zgarishlarning kechagi va bugungi manzarasi, erishilgan salmoqli natijalar aks etgan.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram🌐 Linkedin

❗️RASMIY BAYONOT

Ma’lumki, Toshkent shahar jinoyat ishlari bo‘yicha sudining ijro hujjatlariga ko‘ra, “Dok-1 Maks” va “Ambronol” dori vositalari iste’moli natijasida jabrlangan oilalarga Majburiy ijro byurosi tomonidan 90 nafar jabrlanuvchi foydasiga jami 82 milliard so‘m kompensatsiya to‘lovi undirilishi belgilangan edi.

Biroq aybdorlarning xatlangan mol-mulkini sotish jarayoni belgilangan muddatdan cho‘zilgani sababli bugungi kunga qadar ushbu mablag‘ning 20 foizi, ya’ni 16,8 milliard so‘m to‘langan, xolos. Kompensatsiyaning qolgan qismi esa bir necha yildan buyon to‘lanmay kelgan.

Shu bois Prezidentimiz tomonidan jabrlangan oilalarga yetkazilgan moddiy va ma’naviy zararni to‘liq qoplab berish ishlarini tezlashtirish bo‘yicha tegishli topshiriq berildi.

Shunga asosan davlat budjetidan 65,2 milliard so‘m ajratildi. Shu tariqa bugunga qadar 88 nafar jabrlanuvchiga jami 80 milliard so‘m, shu jumladan, vafot etgan 72 nafar bola oilalariga 72,2 milliard so‘m, davolangan va davolanayotgan 16 nafar bola oilalariga esa 7,8 milliard so‘m to‘landi.

Bank kartalari bilan bog‘liq texnik masalalar hal etilgandan so‘ng 2 nafar bola oila azolariga ham qolgan 2 milliard so‘m to‘liq to‘lab beriladi.

Budjetdan ajratilgan 65,2 milliard so‘m mablag‘ aybdor shaxslarning mol-mulkini sotishdan tushgan va ulardan undirilgan mablag‘ hisobidan respublika budjetiga qaytariladi.

Ayni paytda Sog‘liqni saqlash vazirligi, tegishli davlat tashkilotlari va idoralari mas’ullari respublika tibbiyot markazlari shifokorlari bilan birgalikda jabrlangan oilalarning holidan xabar olib, bolalarga qo‘shimcha zarur tibbiy va psixologik yordam ko‘rsatish choralarini ko‘rmoqda.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram🌐 Linkedin

#Milliy_dastur

🟡 ❗️❗️❗️

❗️BUGUN — BUTUNJAHON INSULTGA QARSHI KURASH KUNI!

✅ Ma’lumki, har yili dunyoda 29-oktabr — Butunjahon insultga qarshi kurash kuni sifatida nishonlanadi.

🔵 Maqsad — ushbu xavfli kasallikning oldini olish, uning dastlabki belgilarini tanish, xavf va asoratlar haqida aholining xabardorligini oshirishdan iborat.

🏫 O‘zbekistonda bu borada muhim loyiha amalga oshirilmoqda.

⏺Prezidentimizning joriy yil 20-yanvardagi tegishli qarori asosida qabul qilingan Infarkt va insultga qarshi kurashish Milliy dasturiga muvofiq shu yilning 1-noyabridan yurtimiz umumta’lim maktablarida joriy etilayotgan “FAST — superqahramonlar” xalqaro ta’lim dasturi aynan shu maqsadga xizmat qiladi.
 

🟢 Loyihaning asosiy maqsadi — o‘quvchilar o‘yin va qiziqarli mashg‘ulotlar orqali nafaqat insultning dastlabki belgilarini tanib olishni o‘rganadilar, balki bu bilimlarni ota-onalari, bobo va buvilariga ham yetkazadilar. Shu orqali oilalarda insult haqida xabardorlik oshib, uning belgilarini erta aniqlash va o‘z vaqtida tez tibbiy yordam chaqirish ko‘nikmalari shakllanadi.

📹 Ushbu videorolik bolalarga insultning ilk belgilarini tanish va inson hayotini saqlab qolishda vaqtning ahamiyatini bilishga yordam beradi.

🚑 SSV Matbuot xizmati.

🌐 Web-site 🔵Telegram 👥 Fb 📷 Instagram🌐 Linkedin

#Ogohlik

🟡 🟦🟦🟦

❗️Is gazidan ehtiyot bo‘ling!

⛽️ Qo‘lbola va tegishli standartlarga javob bermaydigan isitish jihozlaridan foydalanish — hayot uchun xavfli. Kuz-qish mavsumida is gazidan zaharlanish holatlari ko‘payishi, avvalo, ana shu omil bilan bog‘liq.

🔥 Qolaversa, gaz tarmoqlariga rezina shlang orqali ulanish, dudburon va shamollatish tizimlarini o‘z vaqtida tozalamaslik, xonalarni ochiq olov yordamida isitish ham uglerod oksididan zaharlanish xavfini oshiradi.

💬 — Is gazi nafas yo‘llari orqali organizmga kirib, qondagi gemoglobin bilan birikadi va uning kislorod tashish qobiliyatini pasaytiradi, — deydi Respublika shoshilinch tibbiy yordam ilmiy markazi toksikologiya bo‘limi mudiri Ne’mat Ishbayev. — Natijada organizmda kislorod yetishmovchiligi yuzaga keladi.

🩺 Yengil zaharlanishda bosh og‘rig‘i, bosh aylanishi, mushaklar bo‘shashishi, quloqlarda shovqin, ko‘ngil aynishi, qusish va uyquchanlik kuzatiladi.

📌 Og‘ir holatlarda esa hushdan ketish, tutqanoq va nafas olishning to‘xtashi ro‘y berishi mumkin. Eng xavflisi, kuchli zaharlanish o‘limga olib kelishi ehtimoli bor. Ayrim hollarda og‘ir asoratlar zaharlanishdan 2–3 hafta o‘tib ham namoyon bo‘lishi mumkin.

🚑 Is gazidan zaharlanganda, avvalo, jabrlanuvchini zudlik bilan toza havoga olib chiqish va tez tibbiy yordam chaqirish zarur.

❗️Bemorning nafas olishini yengillashtirish uchun siqib turgan kiyimlarini bo‘shatish lozim. Agar u hushsiz, ammo nafas olayotgan bo‘lsa, yonbosh holatda yotqizish kerak.

📞 Nafas olmayotgan bo‘lsa, tez tibbiy yordam dispetcheri ko‘rsatmasiga muvofiq yurak-o‘pka reanimatsiyasini boshlash zarur.

🤩 Muhimi, jabrlanuvchining ahvoli yaxshilangandek ko‘rinsa ham, u shifokor ko‘rigidan o‘tishi shart. Chunki is gazidan zaharlanishning ayrim asoratlari kechroq namoyon bo‘lishi mumkin.

‼️Ko‘rinmas xavfning oldini olish uchun isitish pechlari, dudburonlar va shamollatish tizimlari sozligini muntazam tekshirib turish, nosoz isitish jihozlaridan foydalanmaslik talab etiladi.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram🌐 Linkedin