#Stajirovka
🟡 🟦🟦🟦🟦🟦

❗️SSV: O‘zbekistonlik tibbiyot mutaxassislari Janubiy Koreyaning yetakchi klinikasida stajirovka o‘taydi
 

🏥 O‘zbekistonlik tibbiyot mutaxassislari Seul milliy universitetining Bundang shifoxonasiga (SNUBH) stajirovka va malaka oshirish uchun yuboriladi.

 
🔎 Ushbu dastur doirasida mutaxassislar tibbiyotning turli yo‘nalishlarida ilg‘or tajribalarni o‘rganadi.
 
📌 Xususan:
 
💬 Ma’muriy-boshqaruv: moliya, axborot texnologiyalari, operatsion boshqaruv, inson resurslari, tibbiy masalalar, hamshiralik va farmatsevtika xizmatlari, shuningdek, tibbiy xizmat sifati va bemorlar xavfsizligi;

💬 Tibbiy yo‘nalishlar: kardiologiya, kardiotorakal jarrohlik, nevrologiya, neyrojarrohlik, ortopediya, gepatobiliar va pankreatik jarrohlik, nefrologiya, oftalmologiya, gastroenterologiya, otorinolaringologiya, shoshilinch yordam, diagnostika, radiologiya va laboratoriya tibbiyoti;

💬 Hamshiralik yo‘nalishlari: palata, reanimatsiya, operatsiya, ambulatoriya, shoshilinch yordam va gemodializ hamshiralari;

💬 Boshqa yo‘nalishlar: farmatsevtika, fizioterapiya, ergoterapiya, logopediya hamda MRT, KT, rentgen va DRG bo‘yicha texnik mutaxassislar.

🗓 Stajirovka muddati: mutaxassislar uchun 4–6 oy, hamshiralar uchun 20 kun. Stajirovka bilan bog‘liq xarajatlar Koreya Respublikasi tomonidan qoplanadi.
 
🔵Nomzodlardan quyidagilar talab etiladi:

⏺belgilangan jadvalni to‘ldirish;
⏺ ma’lumotnoma (ob’yektivka);
⏺ mutaxassislikni tasdiqlovchi hujjatlar;
⏺ ingliz tilini bilish darajasini tasdiqlovchi hujjat (mavjud bo‘lsa).
 
🔘 Nomzodlarga qo‘yiladigan malakaviy talablar bilan ushbu havola orqali tanishish mumkin.

✉️ Hujjatlarni yuborish: lola.badalova@ssv.uz

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

🟡 🟦🟦🟦

❗️Toshkent davlat tibbiyot universiteti nufuzli xalqaro reytingdan o‘rin oldi

✔️ Toshkent davlat tibbiyot universiteti ilk bor Times Higher Education (THE) nufuzli xalqaro reyting agentligining "World University Rankings 2027" reytingiga kiritilib, dunyo universitetlari orasida 2001+ o‘rinda e’tirof etildi.

📊 Bu orqali universitet O‘zbekistonda mazkur reytingga kiritilgan yagona tibbiyot oliygohi, Markaziy Osiyodagi yetakchi oliy ta’lim muassasasi sifatida qayd etildi. Universitetning eng yuqori ko‘rsatkichi “International Outlook” (xalqaro qamrov) yo‘nalishida qayd etilgan — 49.4 ball.

⬇️ Universitetning reytingdagi asosiy ko‘rsatkichlari:

➡️ Teaching — 23.4
➡️ Research Environment — 10.6
➡️ Research Quality — 8.5
➡️ Industry — 16.3
➡️ International Outlook — 49.4
➡️ Umumiy ko‘rsatkich — 12.2–20.3

‼️ Ushbu xalqaro e’tirof universitetning ta’lim sifati, ilmiy-tadqiqot salohiyati, xalqaro hamkorlik va akademik faoliyatni izchil rivojlantirish borasidagi sa’y-harakatlarining muhim natijasidir.

🌐 Web-site 🔵Telegram 👥 Fb 📷 Instagram

#Kongress

🟡 📰📰📰📰📰📰📰

Toshkent “IOC – 2026” VI Xalqaro oftalmologlar kongressiga mezbonlik qildi.

🌐 Yurtimizda oltinchi bor o‘tkazilgan ushbu nufuzli anjumanda yurtimiz va 20 ga yaqin xorijiy davlatdan 1000 nafardan ziyod mutaxassislar ishtirok etdi.

✅ Tadbir doirasida oftalmologiyaning dolzarb masalalariga bag‘ishlangan 200 dan ortiq ma’ruzalar tinglandi.

📹 SSV Matbuot xizmati tomonidan tayyorlangan videolavhada ushbu tadbir tafsilotlari haqida so‘z yuritiladi.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

#Vazir_stipendiyasi

🟡 🟦🟦🟦🟦🟦

❗️“Sog‘liqni saqlash vaziri stipendiyasi” tanloviga arizalar qabuli boshlandi

🎓 Sog‘liqni saqlash vazirligi tizimidagi tibbiyot oliy o‘quv yurtlarida kunduzgi ta’lim shaklida tahsil olayotgan bakalavriat va magistratura talabalari uchun “Sog‘liqni saqlash vaziri stipendiyasi – 2026/2027” tanlovi e’lon qilindi.

🔘 Mazkur tanlov iqtidorli yoshlarni qo‘llab-quvvatlash, ularning akademik va ilmiy salohiyatini rivojlantirish, innovatsion g‘oyalarini rag‘batlantirish hamda tibbiyot sohasidagi amaliy tashabbuslarini qo‘llab-quvvatlashga qaratilgan.

📌 Nomzodlarni saralash bir necha bosqichda amalga oshiriladi.

📄 Dastlab talabgorlarning arizalari qabul qilinib, taqdim etilgan hujjatlar belgilangan tartibda tekshiriladi. Shundan so‘ng nomzodlarning portfeli belgilangan mezonlar asosida ekspertlar tomonidan baholanadi.

🟢 Keyingi bosqichda nomzodlar bilan suhbat o‘tkazilib, ularning loyiha yoki amaliy tashabbuslari taqdimoti ko‘rib chiqiladi. So‘ngra oliy ta’lim muassasalari tomonidan tavsiya etilgan nomzodlar yakuniy saralashdan o‘tkazilib, g‘oliblar belgilangan tartibda aniqlanadi va tasdiqlanadi.

⬇️ Tanlovda ishtirok etish uchun quyidagi hujjatlar taqdim etiladi:

⏺ CV (rezyume);
⏺ transkript yoki akademik ma’lumotnoma;
⏺ ilmiy, innovatsion, klinik va jamoatchilik faoliyatini tasdiqlovchi portfel;
⏺ tavsiyanoma;
⏺ akademik qarzdorlik va intizomiy jazo mavjud emasligi to‘g‘risidagi ma’lumotnoma;
⏺ xorijiy til sertifikati va loyiha konsepsiyasi.

⏳ Arizalarni qabul qilishning so‘nggi muddati: 2026-yil 26-oktabr.

💻 Tanlov to‘liq elektron shaklda o‘tkaziladi. Talabalar platformada ro‘yxatdan o‘tib, hujjatlarini onlayn yuklashi va arizalarining har bir bosqichdagi holatini shaxsiy kabineti orqali kuzatib borishlari mumkin.

📬 Tanlov shartlari bilan tanishish va ariza topshirish: https://ssvstipendiya.uz/uz

📨 Savollaringizni info@ssvstipendiya.uz elektron pochta manziliga yuborishingiz mumkin.

🚑 SSV Matbuot xizmati.

🌐 Web-site 🔵Telegram 👥 Fb 📷 Instagram

#Yangi_loyiha

🟡 🟦🟦🟦

🎙SSV Matbuot xizmati tomonidan yana bir yangi loyiha — “HAYOTGA QAYTDIM”.

🕒 Tez kunda!

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

🟡 💜💜💜

❗️JSST: Dunyoda o‘rtacha umr ko‘rish davomiyligi 73,3 yoshga yetdi

📄 Jahon sog‘liqni saqlash tashkilotining global salomatlik ko‘rsatkichlari bo‘yicha yangi hisoboti e’lon qilindi.

🕒 Unda 2000–2023-yillar oralig‘ida dunyo aholisining umr ko‘rish davomiyligi, o‘lim sabablari hamda kasalliklar bilan bog‘liq o‘zgarishlar tahlil qilingan.

👁 Qayd etilishicha, COVID-19 pandemiyasi oqibatlaridan so‘ng jahonda o‘rtacha umr ko‘rish davomiyligi yana pandemiyagacha bo‘lgan ko‘rsatkichlarga yaqinlashgan. Ya’ni 73,3 yoshga yetgan.

📊 Biroq yuqumli bo‘lmagan kasalliklarning o‘lim holatlaridagi ulushi tobora ortib bormoqda. Xususan, 2000-yilda barcha o‘limlarning 58 foizi yuqumli bo‘lmagan kasalliklar hissasiga to‘g‘ri kelgan bo‘lsa, 2023-yilda bu ko‘rsatkich 74 foizga yetgan.

👎 Shu bilan birga, sog‘lom umr ko‘rish davomiyligi 62,8 yoshni tashkil etib, 2019-yilga nisbatan biroz pasayish kuzatilgan.

📊 Bundan tashqari, Altsgeymer kasalligi va boshqa demensiyalar bilan bog‘liq o‘limlar 2000–2023-yillarda uch barobar ko‘paygan. Jumladan, demensiya 2023-yilda dunyodagi o‘lim sabablari orasida 5-o‘ringa ko‘tarilgan.

🖇 JSST ma’lumotlariga ko‘ra, 2019–2023-yillarda depressiv buzilishlar bilan bog‘liq kasalliklar 20 foizga oshgan.

🔎 Hisobotda ta’kidlanishicha, ushbu tendensiyalar mamlakatlarda yuqumli bo‘lmagan kasalliklar profilaktikasi, erta tashxis, ruhiy salomatlik va aholining sog‘lom umr ko‘rish davomiyligini oshirishga yanada katta e’tibor qaratishni talab qiladi.

‼️Eslatib o‘tamiz, 2025-yil yakunlariga ko‘ra, mamlakatimizda aholining o‘rtacha umr ko‘rish davomiyligi 75,4 yoshni tashkil etmoqda. “O‘zbekiston — 2030” strategiyasida ushbu ko‘rsatkichni 78 yoshga yetkazish maqsad qilingan.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

🟡 🟦🟦🟦

❗️Nobel mukofotining bu yilgi sovrindorlari e’lon qilindi

🏅 Nobel mukofotining fiziologiya va tibbiyot bo‘yicha 2026-yilgi sovrindorlari nomi ma’lum bo‘ldi.

📌 Ular soni — uch nafar. Biri — AQSH olimi Karl Deisseroth, ikki nafari esa germaniyalik tadqiqotchilar Peter Hegemann va Georg Nagel.

🔬 Olimlar yorug‘lik bilan boshqariladigan ion kanallari hamda tirik miyada xotira, hissiyot va xatti-harakatlarni boshqaruvchi nerv hujayralarini o‘rganish imkonini beruvchi optogenetika usuli bo‘yicha kashfiyotlari uchun mukofotga loyiq deb topildi.

🌐 Web-site 🔵Telegram 👥 Fb 📷 Instagram

#Tibbiy_tavsiya

🟡 💚💚💚

❓Nega antibiotiklarni faqat shifokor tavsiyasi bilan qabul qilish kerak?

🍁 Kuz kelishi bilan yurtimizda surunkali kasalliklar xuruj qilishi va mavsumiy xastaliklarga chalinish holatlari ortishi kuzatiladi. Ayniqsa, bu fasl o‘tkir respirator virusli infeksiyalar tarqalishi uchun qulay palla hisoblanadi.

💊 Afsuski, ko‘pchilik bu paytda shifokorga murojaat qilish o‘rniga uy sharoitida o‘zboshimchalik bilan antibiotiklar qabul qiladi.

❓Xo‘sh, bu qanchalik to‘g‘ri? Umuman, ushbu dori vositasi haqida nimalarni bilish muhim?

🔵Quyida shu kabi savollarga batafsil javob olasiz.

Multichidamli bakteriya nima?

💊 Bugun dunyoda antibiotiklarni noto‘g‘ri va nazoratsiz qo‘llash nafaqat bir bemor salomatligiga, balki insoniyatga daxldor jiddiy muammoga aylanmoqda. JSSTning ogohlantirishicha, agar antibiotiklarga chidamlilikning oldi olinmasa, 2050-yilga borib, doriga chidamli infeksiyalar har yili Yer yuzida 10 millionga yaqin inson hayotiga zomin bo‘lishi mumkin.

💊 Tibbiyotda antibakterial vositalarga chidamlilik va multichidamlilik tushunchalari mavjud. Agar bakteriya ma’lum bir antibiotik ta’siriga chidamli bo‘lib qolsa, unga qarshi mazkur dori samara bermasligi mumkin. Bakteriya bir nechta turdagi antibiotiklarga bir vaqtning o‘zida chidamli bo‘lsa, bu holat multichidamlilik deb ataladi.

Antibiotik gripp yoki O‘RVIni davolamaydi

😷 O‘tkir respirator infeksiyalar yoki gripp xastaliklarida antibiotiklar foyda bermaydi, aksincha, nojo‘ya ta’sir ko‘rsatishi mumkin. Chunki mazkur infeksiyalarning sababchisi bakteriya emas, balki viruslardir. Antibiotiklar esa faqat bakterial infeksiyalarni davolashda qo‘llaniladi. Shu sababli O‘RVI yoki grippga chalingan bemor ushbu preparatlarni qabul qilsa, tezroq tuzalmaydi, aksincha, ich ketishi, allergiya kabi nojo‘ya ta’sirlar yuzaga kelishi, bakteriyalarning chidamliligi esa ortishi mumkin.

🏃‍♂️ Bundan tashqari, har qanday antibiotik anafilaktik shok, ya’ni inson hayotiga xavf soluvchi allergik reaksiyaga sabab bo‘lishi mumkin. Uni zaruratsiz ichish — behuda xavf.

📌Antibakterial vositalardan palapartish foydalanish tananing boshqa a’zolariga ham jiddiy zarar yetkazish ehtimoli bor. Xususan, jigar yoki buyrak yetishmovchiligi bo‘lgan bemorlarda ularni shifokor tavsiyasisiz qabul qilish og‘ir asoratlarga olib kelishi mumkin. Ularga dori va dozani faqat shifokor tayinlaydi.

✅ Zotiljam, streptokokkli angina, yiringli otit kabi bakterial infeksiyalarda esa antibiotik zarur — faqat buni ham shifokor aniqlaydi. Shuni unutmaslik kerakki, tayinlangan dorini belgilangan doza va muddatda ichish lozim. Ortib qolgan dorini keyinchalik qabul qilish yoki boshqalarga, ayniqsa, bolalarga berish aslo mumkin emas.

“Menga avval shu dori yordam bergan. Endi-chi?”

🩺 Amaliyotda keng tarqalgan yana bir holat bor: inson avval shamollaganida ma’lum bir dori ichgan va sog‘aygan. Keyin xuddi shunday belgilar paydo bo‘lsa, o‘sha dorini yana qabul qiladi. Ammo bir xil belgi doim ham bir xil sababni anglatmaydi.

🤧 Yo‘tal virusli infeksiya, allergiya va yana bir qancha kasalliklarda kuzatilishi mumkin. Tomoq og‘rig‘ining ham turli sabablari bor. Shuning uchun dori qabul qilishdan oldin, albatta, shifokorga murojaat qilish va kasallikning sababini aniqlash lozim.

Shamollaganda nima qilish kerak?

🫗Agar shamollash yoki gripp belgilari yengil kechayotgan bo‘lsa, avvalo, organizmga tiklanish uchun sharoit yaratish kerak. Yetarli suyuqlik ichish, dam olish, xona havosini muntazam yangilab turish va shaxsiy gigiyena qoidalariga rioya qilish tavsiya etiladi.

🌡 Tana harorati, bosh va tomoq og‘rig‘i yoki boshqa belgilarni yengillashtirish uchun dori vositalari zarur bo‘lsa, ularni shifokor tavsiyasi asosida qabul qilish maqsadga muvofiq.

‼️ Agar nafas olish qiyinlashishi, ko‘krakda og‘riq, hushning buzilishi, kuchli holsizlik, uzoq davom etayotgan yoki juda yuqori harorat, bolalarda esa tez-tez nafas olish va lanjlik kabi belgilar kuzatilsa, darhol oilaviy shifokor yoki "103" xizmatiga murojaat qiling.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

🟦🟦🟦

Shifokor yozuvini tushunmaslik... Retseptni yo‘qotib qo‘yish... Dorixona oldida ikkilanish... Endi bu haqida qayg‘urish shart emas.

Elektron retsept — bu zamonaviy, tezkor va qulay yechim. Tibbiyot muassasasiga murojaat qilishdan boshlab, dori vositasini qo‘lga kiritguningizga qadar bo‘lgan barcha jarayonlar endi raqamli tizim nazoratida.

Elektron retsept qanday rasmiylashtirilishi va undan foydalanish tartibi haqida ushbu videoda batafsil ma'lumot beriladi.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

🟡 🟦🟦🟦

❗️Bolalar saratoniga qarshi kurash: 2035-yilgacha mo‘ljallangan Milliy reja tasdiqlandi
 

🩺 Dunyo bo‘yicha har yili 400 ming nafar bola va o‘smirga onkologik va gematologik kasalliklar tashxisi qo‘yiladi. Yuqori daromadli mamlakatlarda ularning besh yillik yashovchanlik darajasi 80 foizdan ziyod. Biroq past va o‘rta daromadli mamlakatlarda bu ko‘rsatkich, afsuski, 20–30 foizga teng.

 
📄 Albatta, ushbu global muammoni hal etish bo‘yicha tizimli choralar ko‘rilmoqda. Prezidentimizning 2025-yil 19-maydagi “2025-2030-yillarda bolalar saratoniga qarshi kurashish bo‘yicha O‘zbekiston Respublikasi milliy dasturini amalga oshirish chora-tadbirlari to‘g‘risida”gi qarori ayni shu maqsadni ko‘zlab qabul qilingan.
 
📄 Qaror ijrosi doirasida Onkologik va gematologik kasalliklarga chalingan bolalar va o‘smirlarga tibbiy yordam ko‘rsatish bo‘yicha 2035-yilgacha mo‘ljallangan Milliy reja ishlab chiqilib, tasdiqlandi.
 
🔎 Ushbu hujjat Jahon sog‘liqni saqlash tashkilotining Bolalar saratoniga qarshi kurash global tashabbusi bilan uyg‘unlashtirildi.
 

📌 Milliy rejaga ko‘ra, O‘zbekistonda onkologik kasallikka chalingan har bir bolani, geografik joylashuvi va iqtisodiy holatidan qat’i nazar, o‘z vaqtida tashxislash va uning samarali davolanish imkoniyatini ta’minlash maqsad qilingan.

 
📊 Shuningdek, bolalar saratonini erta bosqichlarda aniqlash holatlari ulushini 65 foizgacha oshirish, bunday bemor o‘g‘il-qizlarni 100 foiz ixtisoslashtirilgan tibbiy yordam bilan qamrab olish belgilangan.
 
⬇️ Jumladan, ana shu islohotlar natijasida:

➡️ bolalarda onkologik va gematologik kasalliklarni erta aniqlash tizimi takomillashtiriladi;

➡️ hududlarda ham diagnostika xizmatlari qamrovi oshirilib, zamonaviy laboratoriya hamda instrumental tekshiruvlardan foydalanish imkoniyati kengaytiriladi;

➡️ davolashning barcha ilg‘or usullari, jumladan, target va immunoterapiyadan foydalanish imkoniyatlari oshiriladi;

➡️ soha uchun malakali tibbiy kadrlar tayyorlash va ularning kasbiy salohiyatini oshirish choralari ko‘riladi;

➡️ bolalar kanser-registri, elektron tibbiy karta va teletibbiyot kabi raqamli texnologiyalar joriy etiladi;

➡️ palliativ yordam, psixologik va ijtimoiy qo‘llab-quvvatlash hamda reabilitatsiya xizmatlari rivojlantiriladi.
 
‼️ Umuman olganda, Milliy reja faqat davolash jarayonini emas, balki erta tashxisdan tortib, bolaning to‘liq reabilitatsiyasi va odatiy sog‘lom hayotga qaytishigacha bo‘lgan butun tizimni qamrab oladi.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram