#Audiopodkast
🔴 🟦🟦🟦

❗️"Elektron retsept" tizimi bo‘yicha audiopodkast o‘tkaziladi

➕ Sog’liqni saqlash vazirligi Matbuot xizmati tomonidan tashkil etilayotgan navbatdagi audiopodkastda "Elektron retsept" tizimining mazmun-mohiyati, uni joriy etishdan ko‘zlangan maqsad va aholi uchun yaratiladigan qulayliklar haqida so‘z yuritiladi.

🎤 Ovozli chat ertaga, 7-oktabr kuni soat 16.00 da Sog‘liqni saqlash vazirligining rasmiy telegram kanali — @ssvuz orqali o‘tkaziladi.

🎙 Ekspert — SSV huzuridagi "Farmatsevtika mahsulotlari xavfsizligi markazi" davlat muassasasi mutaxassisi Dinoza Kamolova.

❓Sizda ham elektron retsept bo‘yicha savollar bormi? Unda audiopodkastni o‘tkazib yubormang!

🚑 SSV Matbuot xizmati.

🌐 Web-site 🔵Telegram 👥 Fb 📷 Instagram

🔴 ‼️‼️

🏥 В Национальном медицинском центре последовательно внедряются современные методы диагностики и лечения, а также проводятся сложные хирургические операции. В частности, недавно здесь было успешно удалено опасное новообразование, распространявшееся на область лба, глазницы и носовой части пациентки.

 
❓Насколько сложной и опасной была эта операция?

❓Сколько времени продолжалось хирургическое вмешательство?

❓Каково состояние пациентки сейчас?
 
📹 Ответы на эти и другие вопросы — в нашем видеосюжете.
 
🚑 Пресс-служба Минздрава.

🌐 Web-site 🔵Telegram 👥 Fb 📷 Instagram

🔴 TIBBIYOT 360°

➡️ Reimbursatsiya dasturi asosida ajratiladigan dori vositalarini olish tartibi qanday? Javob

➡️ Imtiyozli toifadagi shaxslarga davolanish uchun yo‘llanma qanday rasmiylashtiriladi? Javob

➡️ Bolalar uchun ingalyatsiya qanday hollarda tavsiya etilmaydi? Javob

➡️ Mavsumiy respirator kasalliklardan qanday himoyalanish mumkin? Javob

➡️ Ona suti bilan parvarishlanmaydigan bolalarda qanday patologiyalar ko‘p uchraydi? Javob

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

🟡 ❗️❗️❗️

❗️Mutaxassis: Mamlakatimizda o‘lat kasalligi bilan bog‘liq epidemiologik vaziyat barqaror
 

So‘nggi kunlarda ijtimoiy tarmoqlarda Rossiya Federatsiyasining Irkutsk shahrida o‘lat kasalligi bo‘yicha gumon qilinish holati qayd etilgani haqida xabarlar tarqaldi.

 
Xo‘sh, bu ma’lumotlar qanchalik asosli? Yurtimizga shu kabi xavfli yuqumli kasalliklar kirib kelishining oldini olish borasida qanday profilaktik choralar ko‘rilgan?
 
SSV Matbuot xizmatining ushbu savollariga Sanitariya-epidemiologik osoyishtalik va jamoat salomatligi qo‘mitasi raisining birinchi o‘rinbosari Nurmat Atabekov quyidagicha javob berdi.
 
— Avvalo shuni aytish kerakki, mamlakatimizda o‘lat kasalligi bilan bog‘liq epidemiologik vaziyat barqaror va xavotirlanishga hech qanday asos yo‘q.
 
Rossiya Federatsiyasining “Rospotrebnadzor” tashkiloti rasmiy ma’lumotlariga ko‘ra, Irkutsk shahrida kuzatilgan holatning o‘lat kasalligi, xususan, uning o‘pka shakli bilan bog‘liq ekani hozircha tasdiqlanmagan. Ayni paytda mazkur holat yuzasidan tegishli tekshiruvlar olib borilmoqda.

O‘lat — bakteriyalar tomonidan chaqiriladigan o‘ta xavfli yuqumli kasallik. Uning tabiiy o‘choqlari dunyoning ayrim hududlarida mavjud. Xastalik asosan mayda sut emizuvchi hayvonlar orasida uchrab, insonga ko‘p hollarda kasallangan hayvonlar va ulardagi burgalar chaqishi orqali yuqishi mumkin.

Yurtimizda shu va boshqa o‘ta xavfli yuqumli kasalliklarning chetdan kirib kelishi va tarqalishining oldini olishga qaratilgan zarur chora-tadbirlar tizimi yaratilgan.
 
Xususan, ayni paytda davlat chegaralarini kesib o‘tish joylari (xalqaro aeroportlar, temir yo‘l stansiyalari, avtomobil yo‘llari)da 53 ta sanitariya nazorat punkti faoliyat yuritmoqda. Ular orqali xorijdan yurtimizga kirib kelayotgan shaxslar doimiy tibbiy kuzatuvdan o‘tkaziladi.

Qolaversa, hududiy sanitariya-epidemiologiya xizmatlarining o‘ta xavfli yuqumli kasalliklarni aniqlashga ixtisoslashgan laboratoriyalari zarur diagnostik vositalar, ozuqa muhitlar, reagentlar va reaktivlar bilan to‘liq ta’minlangan.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

#Milliy_reja
🟡 🟦🟦🟦

❗️Milliy reja: Bolalar saratonini erta aniqlash bo‘yicha yangi tizim yo‘lga qo‘yiladi

📄Onkologik va gematologik kasalliklarga chalingan bolalar va o‘smirlarga tibbiy yordam ko‘rsatish bo‘yicha 2025–2035-yillarga mo‘ljallangan Milliy reja 6 ta strategik yo‘nalishni o‘z ichiga oladi.

✅ Ularning birinchisi — aholi xabardorligini oshirish, kadrlar salohiyatini mustahkamlash va raqamli texnologiyalarni rivojlantirishga qaratilgan.

❓ Xo‘sh, bu yo‘nalish nega muhim?

📊 Tahlillarga ko‘ra, 2024-yilda O‘zbekistonda onkologik va gematologik xastaliklarga chalingan bolalarning besh yillik yashovchanlik ko‘rsatkichi 17 foizni tashkil etgan. Qolaversa, kasalliklarining 59,8 foizi III–IV bosqichlarda aniqlangan.

⬇️ Shu bois Milliy rejada erta tashxisni yaxshilash uchun 3 ta muhim asosga urg‘u berilgan:

🔴 aholi va birlamchi bo‘g‘in tibbiyot xodimlarining xabardorligini oshirish;

🟢 zamonaviy bilim va ko‘nikmalarga ega barqaror kadrlar salohiyatini shakllantirish;

🔵 kanser-registr, elektron tibbiy karta, PACS, LIMS va teletibbiyot kabi raqamli texnologiyalarni keng joriy etish.

😏 Shunga ko‘ra, oilaviy shifokorlar, pediatrlar va hamshiralar bolalar saratonining dastlabki xavfli belgilari, bemorni yo‘naltirish algoritmlari va tekshiruv muddatlari bo‘yicha maxsus o‘qitiladi.

📌 Ota-onalar va maktablar uchun esa bolalar saratonining asosiy belgilari bo‘yicha milliy axborot kampaniyalari tashkil etiladi.

➡️ Shuningdek, milliy kanser-registrni rivojlantirish, uni elektron tibbiy tizimlar bilan integratsiya qilish, hududiy va respublika tibbiyot muassasalari o‘rtasida teletibbiyot maslahatlarini yo‘lga qo‘yish ham rejalashtirilgan.

‼️ Kutilayotgan asosiy natija 2030-yilga qadar tashxis qo‘yishdagi kechikishlarni 50 foizga qisqartirishdan iborat.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

🔴🟦🟦🟦🟦🟦

❗️Tibbiyot xodimlari diqqatiga: Uy-joy subsidiyasi uchun ilk tanlov 9-oktabr kuni o‘tkaziladi

📣 Hukumat qarori bilan davlat tibbiyot muassasalarida kamida 15 yil ish stajiga ega tibbiyot va farmatsevtika xodimlari uchun uy-joy dastlabki badalining 25 foizini qoplab berish tartibiga doir tegishli nizom tasdiqlangan edi.

📌 Unga ko‘ra, nomzodlar ipoteka krediti asosida birlamchi uy-joy bozoridan uy yoki kvartira sotib olish uchun ariza topshirishi, har chorak soʻngida tegishli talablarga javob bergan arizalar tanlov uchun alohida reyestrga kiritilishi va yakunda ular orasidan 125 nafar g‘olib avtomatik tasodifiy tanlov orqali saralab olinishi belgilangan.

📊 Ushbu amaliyot joriy etilgach, 2026-yilning uchinchi choragi yakunlari bo‘yicha jami 4 728 ta ariza kelib tushdi. Ulardan 1 657 tasi belgilangan talablarga muvofiq deb topilib, tanlovga kiritildi. Endi 125 nafar g‘olib aynan shu 1 657 ta arizachi orasidan tanlanadi.

📆 Bu bo‘yicha ilk tanlov 2026-yilning 9-oktabr kuni soat 10:00 da o‘tkaziladi. Unda uchinchi chorak yakunlari bo‘yicha tanlovga qoʻyilgan arizalar orasidan g‘oliblar aniqlanadi.

🎥 Tanlov www.ins-subsidiya.imv.uz sayti orqali o‘tkaziladi. Jarayon Sog‘liqni saqlash vazirligining Facebook, Instagram va Telegram tarmoqlaridagi rasmiy sahifalarida jonli efirda namoyish etiladi.

⚠️ Tanlov yakunlari ariza ID raqamlari kesimida e’lon qilinadi. Ariza holatini my.gov.uz portalidagi shaxsiy kabinet orqali ham kuzatib borish mumkin.

🚑 SSV Matbuot xizmati.

🌐 Web-site 🔵Telegram 👥 Fb 📷 Instagram

❗️SSV: O‘zbekistonning farmatsevtika sohasidagi islohotlari xalqaro e’tirofga sazovor bo‘ldi

🇮🇹 Kuni kecha Italiyaning Milan shahrida “CPHI Pharma Awards 2026” xalqaro tanlovi g‘olib va sovrindorlarini taqdirlash marosimi bo‘lib o‘tdi.

🥇 Har yili an’anaviy tarzda o‘tkazib kelinadigan tanlov doirasida dori vositalarini ishlab chiqarish, raqamlashtirish, biotexnologiyalar hamda ijtimoiy ahamiyatga ega tashabbuslarni hayotga tatbiq etishda katta yutuqlarga erishgan tashkilot va kompaniyalar taqdirlanadi.

🇺🇿 O‘zbekiston Respublikasi Sog‘liqni saqlash vazirligi huzuridagi Tibbiyot va farmatsevtika tarmog‘ini rivojlantirish agentligi direktori Abdulla Azizov boshchiligidagi yurtimiz delegatsiyasi ham ishtirok etgan tadbirda Agentlik “Excellence with Purpose” nominatsiyasida g‘olib bo‘ldi.

💊 Nufuzli xalqaro ekspertlardan iborat hakamlar hay’ati “O‘zbekistonda dori vositalaridan foydalanish imkoniyatini oshirish: referent narx shakllantirish, raqamli monitoring va ochiq ma’lumotlar” tashabbusini yuqori baholadi.

✅ Bunday e’tirof yetakchi xorijiy farmatsevtika kompaniyalari bilan hamkorlikni yanada rivojlantirish, to‘g‘ridan to‘g‘ri investitsiyalarni jalb etish va ilg‘or texnologiyalarni joriy etish uchun yangi imkoniyatlar ochadi.
—————
❗️ Минздрав: Реформы Узбекистана в фармацевтической отрасли получили международное признание

🇮🇹 На днях в Милане состоялась церемония награждения лауреатов международной премии CPHI Pharma Awards 2026.

🥇 Ежегодная премия отмечает организации и компании за значительные достижения в производстве лекарственных средств, цифровизации, развитии биотехнологий и реализации социально значимых инициатив.

🇺🇿 В рамках церемонии, в которой приняла участие и делегация нашей страны во главе с директором Агентства по развитию медицинской и фармацевтической отрасли при Министерстве здравоохранения Республики Узбекистан Абдуллой Азизовым, Агентство удостоилось победы в номинации Excellence with Purpose.

💊 Жюри, в состав которого вошли авторитетные международные эксперты, высоко оценило проект «Повышение доступности лекарств в Узбекистане: референтное ценообразование, цифровой мониторинг и открытый доступ».

✅ Международное признание открывает новые возможности для расширения сотрудничества с ведущими зарубежными фармацевтическими компаниями, привлечения прямых инвестиций и внедрения передовых технологий.

🚑  Пресс-служба Минздрава.

🌐 Web-site 🔵Telegram 👥 Fb 📷 Instagram

🔴 🟦🟦🟦

❣️Avval xabar berganimizdek, yurtimizda ko‘krak bezi saratoni profilaktikasiga bag‘ishlangan oylikka start berildi.

🔬 Bepul tibbiy tekshiruvlar, shifokorlar uchun mahorat darslari va sport tadbirlari — bularning barchasi aholining kasallik haqida xabardorligini oshirishga qaratilgan.

❓ Oylik doirasida yana nimalar ko‘zda tutilgan?

📹 SSV Matbuot xizmati tomonidan tayyorlangan rolikda shu haqda so‘z boradi.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

#Milliy_reja

🟡 💚💚💚

❗️Bolalar saratoni: Tashxislarning 95 foizi 14 kun ichida qo‘yiladi
 

✅ Onkologik va gematologik kasalliklarga chalingan bolalar va o‘smirlarga tibbiy yordam ko‘rsatish bo‘yicha 2025–2035-yillarga mo‘ljallangan Milliy rejaning ikkinchi strategik yo‘nalishi — saratonning barcha turlari uchun diagnostika tizimini takomillashtirishga qaratilgan.

 
❓ Xo‘sh, bu yo‘nalish qanday chora-tadbirlarni o‘z ichiga oladi?
 
🔎 Bolalar saratonini, odatda, ommaviy skrining orqali aniqlash imkoniyati cheklangan. Shu sababli o‘z vaqtida va aniq tashxis qo‘yish yashovchanlikni oshirishning eng muhim omillaridan biri.

📌 Milliy rejaga ko‘ra, saratonga shubha qilingan har bir bola uchun “yashil yo‘lak” tamoyili joriy etiladi. U bemorning yashash joyidan qat’i nazar, dastlabki alomatlar aniqlangan paytdan boshlab zarur tekshiruv va ixtisoslashtirilgan yordamga o‘z vaqtida yetib borishini ta’minlashga xizmat qiladi.

⬇️ Buning uchun:
 
➡️ bemorlarni mutaxassislarga yo‘naltirishning standart protokollari joriy etiladi;
 
➡️ birlamchi bo‘g‘in shifokorlari bolalar saratonini erta aniqlash bo‘yicha muntazam o‘qitiladi;
 
➡️ hududlarda laboratoriya diagnostikasi modernizatsiya qilinadi, morfologik diagnostika bo‘yicha referens-markazlar yo‘lga qo‘yiladi;
 
➡️ hududiy va respublika markazlari o‘rtasida teletibbiyot maslahatlari kengaytiriladi;
 
➡️ MRT, MSKT, PET-KT va boshqa zamonaviy nur diagnostikasi imkoniyatlari bosqichma-bosqich rivojlantiriladi.
 
📊 2030-yilga borib, tashxislarning 95 foizini bemorning sog‘liqni saqlash tizimiga birinchi murojaatidan keyin 14 kun ichida qo‘yish maqsad qilingan.
 
📊 Shuningdek, birlamchi bo‘g‘in shifokorlarining 98 foizi bolalar saratonini erta tashxislash bo‘yicha xabardor bo‘lishi, birlamchi tashxislarning referens-laboratoriyadagi tasdiqlovchi diagnostika bilan muvofiqligi 95 foizga yetkazilishi ko‘zda tutilgan.
 
‼️Asosiy maqsad bola qayerda yashashidan qat’i nazar, unga tezkor, aniq va bir xil standartdagi diagnostika imkoniyatini yaratishdan iborat.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

❗️O‘zbekistonda erkak shifokorlar ayol shifokorlarga nisbatan ko‘proq

📊 Milliy statistika qo‘mitasi ma’lumotlariga ko‘ra, 2026-yil 1-yanvar holatiga O‘zbekistonda shifokorlar soni 112 420 nafarni tashkil etgan.

📊 Bu ko‘rsatkich 2024-yilga nisbatan 4 923 nafarga yoki 4,6 foizga ko‘p.

⬇️ Shifokorlarning jinsi bo‘yicha taqsimoti:

👩🏻‍⚕️ ayollar — 52 138 nafar (46,4 foiz);

👨🏻‍⚕️ erkaklar — 60 282 nafar (53,6 foiz).

🩺 Shuningdek, mazkur davrda har 10 ming nafar aholiga 29,4 nafar shifokor to‘g‘ri kelgan.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram 🌐 Linkedin