🟢QADIMGI TURON SIRI: ILM-FAN, TARIX VA MIFOLOGIYA BIR MAYDONDA!

🟢Xabaringiz bor, bugun Termiz davlat universitetida qadimgi Turon xalqlarining diniy qarashlari, mifologik tasavvurlari va madaniy merosini chuqur o‘rganishga bag‘ishlangan “Qadimgi Turon xalqlarining diniy qarashlari va mifologiyasi (an’anaviy)” mavzusidagi xalqaro miqyosdagi ilmiy-amaliy konferensiya o‘z ishini boshladi.

🟢Anjuman qadimgi sivilizatsiyalar tarixini yangi ilmiy yondashuvlar asosida tadqiq etish, diniy-mifologik qarashlarning shakllanish jarayonlarini o‘rganish hamda Markaziy Osiyoning boy tarixiy-madaniy merosini xalqaro ilmiy hamjamiyatga keng targ‘ib etishga qaratilgan.

🟢Konferensiyada O‘zbekiston, Chexiya, Fransiya, Italiya, Rossiya, Tojikiston kabi davlatlardan olim va tadqiqotchilar, shuningdek, mamlakatimizning yetakchi oliy ta’lim va ilmiy muassasalari vakillari ishtirok etmoqda.

Yalpi majlis va sho‘balarda:
🟢Markaziy Osiyo mifologiyasi;
🟢 qadimgi Turon xalqlarining diniy qarashlari;
🟢 Sopolli va Oks sivilizatsiyalari;
🟢 Baqtriya, Marg‘iyona va Xorazmning qadimiy merosi;
🟢 zardushtiylik va buddaviylikning tarixiy ildizlari;
🟢dafn marosimlari va qadimgi e’tiqodlar;
🟢 arxeologik manbalar va san’atdagi mifologik tasvirlar;
🟢 qadimgi mifologiyani zamonaviy ilmiy yondashuvlar asosida tadqiq etish masalalari muhokama qilinmoqda.

🟢Xalqaro konferensiya doirasida 4 ta ilmiy sho‘ba faoliyat olib borib, tarix, arxeologiya, antropologiya, dinshunoslik va boshqa turdosh fanlar kesishmasida qator ilmiy ma’ruzalar tinglanadi.

🟢Mazkur ilmiy muloqot — ming yillik tarix va zamonaviy ilm-fan tutashgan, qadimiy meros yangi ilmiy nigoh bilan qayta kashf etilayotgan muhim maydondir.

Bizni kuzating

Telegram | Instagram | Facebook | You tube | Sayt

🟢Termiz davlat universiteti San’at va ijtimoiy ish fakulteti Milliy libos, kashtachilik, to‘qimachilik kafedrasida Eronlik mutaxassislar bilan xalqaro tajriba almashinuvi tashkil etildi.

🟢Tadbirda Eron Madaniy meros, hunarmandchilik va turizm vazirligi Hunarmandchilik ta’limi departamenti rahbari Rizo Habibpur hamda Gorgan universiteti professori Hoda Husseini ishtirok etib, talabalarga o‘z tajribalarini o‘rgatdilar.

🟢Uchrashuvda an’anaviy to‘qimachilik, tabiiy bo‘yash va qo‘l hunarmandchiligi haqida ma’lumot berildi. Paxtadan tola olish, uni anor, uzum bargi, yong‘oq po‘stlog‘i, za’faron va piyoz po‘stlog‘i kabi tabiiy bo‘yoqlar bilan bo‘yash, undan mato tayyorlash va zamonaviy hamda milliy uslubdagi liboslar yaratish jarayonlari tushuntirildi.

🟢Mazkur tadbir talabalarning amaliy bilim va ko‘nikmalarini oshirish hamda xalqaro tajriba almashishida muhim ahamiyat kasb etdi.

Bizni kuzating

Telegram | Instagram | Facebook | You tube | Sayt

🟢ADABIYOT — QALBLARNI BIRLASHTIRUVCHI BUYUK KUCH

🟢Termiz davlat universitetining o‘zbek filologiyasi va jurnalistika fakulteti professor-o‘qituvchilari tomonidan Adib Sobir Termiziy nomidagi Surxondaryo viloyati Axborot-kutubxona markazida taniqli shoir, yozuvchi, tarjimon va olim Mirzo Kenjabek tavalludining 70 yilligiga bag‘ishlangan ma’naviy-ma’rifiy tadbir o‘tkazildi.

🟢Tadbirda Mirzo Kenjabekning o‘zbek adabiyoti rivojiga qo‘shgan munosib hissasi, serqirra ijodiy faoliyati va boy adabiy merosi haqida so‘z yuritildi. Ishtirokchilar shoirning hayoti va ijod yo‘li, asarlarining mazmun-mohiyati hamda milliy adabiyotimizda tutgan o‘rni haqida qimmatli ma’lumotlarga ega bo‘ldilar.

🟢Tadbir davomida Mirzo Kenjabek qalamiga mansub she’rlar ishtirokchilar tomonidan ifodali òqildi, shoir ijodining hikmatliligi va mazmundorligi namoyon etildi. Shuningdek, tadbir doirasida Mirzo Kenjabek asarlari asosida kitob ko‘rgazmasi tashkil etildi.

Bizni kuzating

Telegram | Instagram | Facebook | You tube | Sayt