ХОРИЖДАГИ ЮРТДОШЛАРНИ ЎЗБЕКИСТОНГА ОЛИБ КЕЛИШ КЕРАКМИ ?

Ижтимоий тармоқларда "Миллий тикланиш" партияси раиси Алишер Қодировнинг "Хориждан ватандошларимизни олиб келишни тўхтатиш, уларни турган мамлакатларида даволанишларини молиялаштириш" ҳақидаги фикрлари муҳокамаларга сабаб бўлмоқда.

Мен бу фикрларни кўпчиликка ўхшаб "Алишер Қодировнинг навбатдаги популистик чиқиши" демасдан, яхшиси бу унинг шахсий фикри дейман. Чунки хатоми, тўғрими, у бундай деб ўйлашга ва фикрини билдиришга ҳақли. Албатта фикри нотўғри ёки ноўрин бўлса, унинг оқибатларига ҳам ўзи жавоб беради.

Хўш, хориждаги юртдошларни Ўзбекистонга олиб келиш керакми ? "Хориждаги юртдошлар" дегани жуда умимий таъриф. Унинг ичига ҳамма, жумладан мен ҳам кириб кетаман. Шунинг учун, бир нарса дейишдан аввал бу иборани имкон қадар аниқлаштириб олиш керак.

Хориждаги юртдошлар асосан чет элларда истиқомат қиладиган (ўқиш, иш, тиббий ва бошқа сабабларга кўра бўлиб турган мигрантлар) ва саёҳатга кетган (туристлар) ЎЗБЕКИСТОН ФУҚАРОЛАРИдир.

Чет эллар ҳудудларида қолиб кетган ўзбек туристлари виза талаб қилинадиган давлатларда узоқ қола олмайдилар ва уларни нима қилиб бўлса ҳам барибир олиб келиш керак бўлади. Виза талаб қилинмайдиган давлатларда қолиб кетган давлатлардаги юртдошларимиз ҳам у юртларда ишлашга ва яшашга кетмаганлар. Уларда на кун кўришга, на касал бўлиб қолса, даволанишга пул топиш имконлари йўқ. Шу сабабдан, уларни ҳам олиб келиш керак бўлади. Демак, Алишер Қодировга маъқулми ёки йўқми, дунёдаги барча ўзбек туристлари юртимизга олиб келиниши керак бўлади.

Мигрантларни иккига бўламиз : 1. бўлиб турган юртида қонуний истиқомат қилаётган ва ўша давлатнинг ижтимоий ҳимояси остида бўлган ўзбекистонликлар ва 2. бўлиб турган юртида ноқонуний мухожир бўлиб юрганлар ва қонуний ҳужжатларининг муддати тугаб, у давлатдан чиқиб кетишга маҳкум этилганлар.

Шахсан мен, биринчи тоифадаги мигрантлар сирасига кираман. Ҳужжатларим жойида, даромадим бор, Ўзбекистонга ҳозир бориш заруратим йўқ ва худо кўрсатмасин, касал бўлиб қолсам Франция соғлиқни сақлаш тизими мени даволайди. Мен ва менга ўхшаган тоифадаги "хориждаги юртдошлар"га мен агар мумкин бўлса ҳам тинч замонлар келмагунча Ўзбекистонга бормай туришни тавсия қиламан. Шунда биз ўзимини ҳам, юртдошларимизни ҳам хавф остига қўймаймиз.

Иккинчи тоифадаги мигрантлар масаласи эса анча долзарб масала. Асосан Россия ёки Қозоғистонда, балки Туркия ва Жанубий Кореяда ҳужжатсиз, даромадсиз, ижтимоий ҳимоясиз қолиб кетган "хориждаги юртдошларимиз"ни ДАВЛАТ НИМА ҚИЛИБ БЎЛСА ҲАМ ЎЗБЕКИСТОНГА ОЛИБ КЕТИШИ КЕРАК.

Тўғри, уларнинг ораларидаги айримлари ўзлари билан вирус олиб боришлари мумкин. БУНИНГ ОЛДИНИ ОЛИШ ВА ИШНИ ТЎҒРИ ТАШКИЛ ҚИЛИШ УЛАРНИ ЮРТГА ОЛИБ КЕТАДИГАН МАСЪУЛЛАРНИНГ МУАММОСИ. Олиб кетсин, карантинга қўйсин, касал бўлса даволасин, касал бўлмаса, карантиндан кейин уйига қўйиб юборсин. Лекин Россия ва Қозоғистон чегарасида, улар қочиб яшириниб юрган жойларда ташлаб қўймасинлар.

ЧУНКИ УЛАР ЎЗБЕКИСТОННИНГ АЛИШЕР ҚОДИРОВ БИЛАН БИР ХИЛ ҲУҚУҚЛАРГА ЭГА БЎЛГАН ФУҚАРОЛАРИДИР! Уларнинг бошқа паспортлари, уларни ҳимоя қиладиган бошқа давлатлари йўқ. Уларнинг ўрнида мен, сиз ёки Алишер Қодиров бўлиб қолиши ҳам мумкин эди.

Алишер Қодиров "Уларни бўлиб турган давлатларида даволанишларини молиялаштириш"ни тавсия қилади. Бундан, партия раиси умумий қилиб "хориждаги юртошлар" деганида янада қисқароқ қатлам, яъни "коронавирусни юқтириб олган юртдошларимиз"ни назарда тутаётганлигини билиш мумкин.

Демак, раис "касал бўлганларни ўша юртда даволаш керак" деган аргумент билан ХОРИЖДАГИ БАРЧА ЮРТДОШЛАРИМИЗНИ ЮРТГА ОЛИБ КЕЛМАСЛИКНИ ТАКЛИФ ҚИЛЯПТИ.

Шундан келиб чиқиб, мен раиснинг шахсий фикрларида популизм борлигини қайд этишга мажбурман.

Энди "чет элларда касал юқтириб бўлган юртдошларимиз" масаласига келсак, афсуски бу фикр ҳам катта фантазиядан иборат. Чунки,

Биринчидан, Ўзбекистоннинг ичидаги юртдошларимизни даволай олмаётган давлатимиз чет эллардаги касал юртдошларимизга пул юбориб даволаттиришига ишонмайман.

Иккинчидан, мобадо давлатимиз буни хоҳлаб, шунга пул топа оладиган бўлса ҳам, менинг вазиятимдаги юртдошлар бунга мухтож эмасмиз ва у пулларни юртимиздаги беморларни даволашга ишлатилгани яхши. Ҳужжатлари йўқ бўлганлиги учун кўчага ҳайдалган, бўлиб турган юртидан чиқиб кетиш мажбурияти бўлган юртдошларимизни эса бўлиб турган давлатида даволатиш имконсиз. Чунки шундоғам юртдошларимизни Ўзбекистонга ҳайдаётган давлатни уларни касалдан даволаб бўлгунча у ерда қолишларига кўндириш осон иш эмас. Бундан ташқари, Ўзбекистонда бир сўм турадиган нарса хорижда ўн сўм туриши мумкин ва бу кераксиз ҳаражат дегани бўлади. Ва ниҳоят, худо кўрсатмасин, хорижда даволаш учун ушлаб турилган инсон хорижда вафот этса, уни олиб келиш ҳаражатлари ва бош оғриқлари тирик одамни олиб келишдан қийин бўлиб кетади.

Шу ва шунга ўхшаган сабабларга кўра, юртга қайтишдан бошқа иложи йўқ бўлган хориждаги юртдошларимизни соғми, касалми, тирикми, ўликми ДАВЛАТ ЮРТГА ОЛИБ КЕЛИШИ КЕРАК !

Ўз фуқаролари тақдирига, ўз Конституцияси ва қонунларига бефарқ бўлмаган ҳар қандай давлат шундай қилади.

👉https://t.me/uchzamon

Элчи гапга чечан экан. Кимдир ўзбекчага таржима қилиб берса яхши бўларди. Зўр гапларни ёзганга ўхшаяпти 😜😂

"Уч замон"га ҳали аъзо бўлмаганлар учун ҳавола 👉https://t.me/uchzamon

Франциянинг Гренобл шаҳрида чиққан ёнғин пайтида халқ иккита болани қутқариб қолди.

Уйида ёнғин чиққач, 10 ёшли болакай 3 ёшли укасини қутқариш учун уни ойнадан чиқариб ташқарига ташлайди ва орқасидан ўзи ҳам сакрайди.

Пастда турган одамлар иккаласини ҳам ушлаб олади. Болаларни ушлаб оламан деб бир икки кишилар бармоқларини синдириб олган, лекин улар бу ҳақда ўйламаяптилар. Улар иккала болани қутқариб қолганларидан мамнунлар.

"Уч замон"га ҳали аъзо бўлмаганлар учун ҳавола 👉https://t.me/uchzamon

МЕН "МАВЗУЛАР"ГА ҚАНДАЙ МУНОСАБАТ БИЛДИРАМАН? (Бир муносабат мисолида)

Университетда бир домламиз айтиб берганди. Унинг профессор домласига нима савол берилишидан қатъий назар жавоб беришдан олдин"Шошмай тур, ўйлаб олай" деб жавоб берар экан. Унга "Ахир сиз профессорсиз, бу сиз учун оддий нарсалар" деса, "Нима бўлишидан қатъий назар ҳеч қачон ўйлаб олмасдан жавоб бермайман" дер экан.

Домламизнинг шу гаплари менга бир умрга сабоқ ва воқеа-ҳодисаларга муносабатимда мезон бўлиб қолди.

Масалан, кеча ижтимоий тармоқларда Алишер Қодировнинг "Хориждаги юртдошларимиз" тўғрисида фикрлари ОАВга чиқди. Бир маҳал, Дима Қаюм ака ушбу фикрларга муносабатимни сўради. Дарров жавоб берсам ҳам бўларди, у фикрларни аллақачон ўқиган эдим ва биринчи реакцияларим ҳам бор эди. Аммо мен бир нарса дейишдан олдин ўйлаб кўришни, ҳиссиётларим босилгунча кутишни маъқул кўрдим.

Кейин менга зарур бўлмаса ҳам бир Алишер Қодиров гапларининг бир нечта нашрлар берган вариантларини ўқиб чиқдим. ОАВда унинг гаплари контекстдан юлиб олинган бўлмасин ёки узоқ матндан қисқа парча бўлса, шунга асосланиб фикр билдириб қўймай деб Телеграмдан Алишер Қодировнинг каналини қидириб топдим ва матниинг оригиналини қайта қайта ўқидим.

Шундан кейин кун давомида ҳеч нарса ёзмай мулоҳаза қилиб юрдим, фикрларимни жамладим, тартибга солдим. Кечга бориб, муносабатимни ёздим ва шунда ҳам ноҳолис фикр билдириб қўймаслик учун Алишер Қодировнинг каналидаги оригинал матнни очиб қўйиб, унда ишлатилган сўзларни ва матнларнинг маъносини текшириб турдим.

Ва Ўзбекистон вақти билан 18:59 да муносабатимни каналимда ва Фейсбукдаги профилимда чоп этдим. Менимча муносабатларим тараф-тараф бўлиб олишиб ётган инсонларнинг муносабатларидан фарқли равишда ҳолис муносабат сифатида инсонларга манзур бўлди.

Мен ҳолисликни йўқотмалик учун ҳар доим мана шундай йўл тутишга ҳаракат қиламан. Менга ботдан ёзиладиган айрим саволлар ва мавзуларга ҳам шундай. Баъзиларига бир кун, баъзиларига бир неча кун кетади. Баъзиларига ҳеч қачон жавоб топа олмайман ёки фикрларимни жамлай олмайман.

Шундай пайтда ўзимни биладиган қилиб кўрсатиш ёки албатта нимадир деб жавоб бериш учунгина жавоб бермайман. Яхшиси шу мавзунинг жавоби миямда "пишиб етилгунча" кутаман. Айрим мавзуларни ойлар давомида ўйлаб юраман. Айрим тренд мавзуларга жавобларим тайёр бўлганда у мавзу аллақачон кун тартибидан чиқиб кетган бўлади ва шу сабабдан уларни ҳеч қачон ёзмайман. Фақат ўзим учун чиқарган хулосаларим фойдамга қолади.

Мен воқеа-ҳодисалар, мавзулар, трентларга мана шундай муносабат билдираман. Агар бу усул кимларгадир ас қотадиган бўлса, уни ўзлаштириб олишлари мумкин.

"Уч замон"га ҳали аъзо бўлмаганлар учун ҳавола 👉https://t.me/uchzamon

ҚАМАРГУЛ - АФҒОН МИЛЛАТИ ФАҲРИ !

Афғонистонда Қамаргул исмли ўсмир қизнинг қаҳрамонлиги барчанинг олқишига сазовор бўлди. Уни ҳатто "Миллат фаҳри" деб ёзаётганлар ҳам бор.

Толибонлар Қамаргул яшайдиган ҳовлига кириб, унинг отаси ва онасини судраб олиб кета бошлайдилар. Улар қаршилик қилгач, толибонлар уларнинг иккаласини ҳам отиб ташлайдилар. Буни ичкарида кўриб турган Қамаргул отасининг автоматини олиб чиқиб толибон газандаларини отиб ташлайди. Улардан иккаласи жойида ўлган бўлса, қолганлари ярадор бўлиб қочиб кетади.

Толибонлар тўпланиб қайтиб келгунча ҳукумат кучлари қишлоққа келиб бўлган бўлади ва толибонларнинг ҳужумини қайтаради. Ҳозирда ота-онасидан жудо бўлган Қамаргул ва унинг укаси ҳукумат томонидан толибонлар тополмайдиган жойга олиб кетилган.

Қамаргулнинг қаҳрамонлиги кўплаб инсонларга ўрнак бўлишга арзийди !

"Уч замон"га ҳали аъзо бўлмаганлар учун ҳавола 👉https://t.me/uchzamon

"ТЕЗ ЁРДАМ"НИ УНУТМАНГ!

Халқимизнинг қистови ва вазият тақозосига кўра давлат коронавирусга қарши курашаётган шифокорларнинг маошларига устама пуллар беришга қарор қилди. Бу жуда яхши қарор бўлди ва умид қиламанки, охиригача шундай бўлади.

Менга ботдан "Тез ёрдам"да ҳайдовчи бўлиб ишлайдиган бир инсон ёзди. Унинг сўзларини ўзгаришсиз келтираман:

"Мен тез тиббий ёрдамда ҳайдовчи бўлиб ишлайман, биз билан ишлайдиган тиббиёт ходимларини ойлигига қўшимча фоиз қўшиб тўлашяпти, бизга эса ҳеч қандай қўшимча тўлашмаяпти. Сабабини сўрасак биз тиббиёт ходимига кирмас эканмиз, автокорҳонага кирар эканмиз, наҳотки шундай бўлса?"

Тиббиёт ҳодимларига ниҳоят эътибор қаратилгани яхши, менимча коронавирусга қарши курашда жонбозлик кўрсатаётган "Тез ёрдам" ҳайдовчиларини ҳам унутмаслик керак. Балки улар шифокорлар билан бир хил иш қилмаслар, аммо уларга ҳам хизматларига яраша моддий рағбатлар берилса, адолатдан бўлади деб ўйлайман.Мутасаддилардан бу фикрни ўрганиб чиқишларини илтимос қилиб қоламан
👉 https://t.me/uchzamon

"Уч замон"га ҳали аъзо бўлмаганлар учун ҳавола 👉https://t.me/uchzamon

ОТЛАР КЕЧУВДА АЛМАШИЛМАЙДИ, АММО...(Тарқатинглар)

Коронавирус билан боғлиқ вазият соғлиқни сақлаш тизимимизда аҳвол дабдаладан ҳам ёмон эканлигини кўрсатиб берди.

Бизда на тузук шифохоналар, на дори дармонлар, на зарур аппаратлар, на ижтимоий ҳимоя, на тизимли ва самарали иш бошқаруви йўқ экан. Бизда фақат ойликлари паст, йиллар давомида хўрлаб келинган ва оғир дамларда ҳам ташлаб кетмайдиган шифокорларимиз бор экан холос.

Мен соғлиқни сақлаш вазиримизни танимайман ва унга қарши адоватим йўқ. Уни фақат ўз вақтида шифокорларнинг хашарга мажбуран чиқарилишини ватанпарварлик деб атагани билангина эслайман холос.

У ёмон менежерми, лаёқатсиз раҳбарми, тепадагиларга ва ҳокимларга гапи ўтмайдиган ҳамда ўзи масъул соҳани ҳимоя қилишга журъатсиз ва нўноқ кадрми, билмайман. Лекин у билан нимадир тўғри эмас.

Масалан таълим соҳаси соғлиқни сақлаш соҳасидан баттар эди. Шерзод Шерматов таълим вазири бўлиб келгач, барчаси яхши бўлиб кетди ва унинг барча қилган ишлари тўғри бўлди дея олмайман, аммо у нималардир қилди. Унинг фаолиятида яхши ёки ёмон, тўғри ёки нотўғри дейиш учун етарли ишлар бор. У ўқитувчиларнинг хашар қилишлари, пахта теришлари ватанпарварлик демади, аксинча уларнинг тарафини олди. Мактаблар етарли демади, имкони қадар мактабларда яхшиланишлар қилди. Энг асосийси, у келгач ўқитувчиларнинг маошлари оширилди. Буни у тепага пахта қўйиб амалга оширдими, шаллақилилик, ўзбошимчалик қилиб амалга оширдими ёки бошқа йўл билан қилдими, фарқи йўқ. У шу ишларни амалга оширди ва ҳатто уни ёқтирмайдиганлар ҳам буни инкор этолмайди.

Соғлиқни сақлаш борасида эса яхши ёки ёмон, ёқди ёки ёқмади дейиш учун ҳам бирон қилинган ишни эслай олмаймиз. Бу гапларга жавоб сифатида албатта вазирлик ўзларининг статистикаларидаги "гўзал муваффақиятлар"ни кўрсатишларига шубҳа қилмайман. Худди "Сен кўзларинг билан кўриб турган" ёлғонлар"га ишонасанми ёки биз айтаётган "ҳақиқатлар"гами? дегандай гап. Аммо менга ва халққа статистикалар эмас амалий натижалар керак.

Ҳозир коронавирус инқирозини бошқаришда нўноқликлар юз беряпти. На очиқ ошкора маълумотлар бор, на шаффоф бошқарув бор, вазирлик берган маълумотлар билан оддий халқ, ҳатто шифокорлар айтаётган маълумотлар бир-бирига тўғри келмайди. Пуллар ўмарилган, шифокорларга пуллари берилмаган, аппаратлар ва дорилар йўқ, кароватлар сони аниқ эмас.

Одатда бошқарувда ҳамма нарса шахмат доскасидай барчаси кўриниб туриши керак ва доналар қандай сурилаётганлигини ва ўйиннинг боришини ҳамма кўриб туриши керак. Бизда эса худди шахмат доскасини қоронғу хонага олиб кириб, билса билмаса дона суриб ётгандай тасаввур пайдо бўлмоқда. Агар шахмат доскасининг ўзи мавжуд бўлса албатта.

Мен "Отлар кечувда алмашилмайди" деган мақолни қўллайман, аммо отдан умуман умид бўлмаса, йўлни давом эттириш ва манзилга етиш учун отни алмаштиришдан бошқа илож қолмайди.

Ақлли менежер учун, айниқса олдин имконият берилмаган менежер бўлса, унинг соҳасида юз берадиган инқироз ўзини, нималарга қодирлигини кўрсатиш, кўплаб муаммоларни ҳал қилиб олиш, барчани қутқариб пировардида қаҳрамонга айланиш имконияти ҳисобланади.

Бизнинг вазиримиз эса илиқ сувдай турган жойида тиниб туришдан нарига ўтмаяпти. Унинг бори ҳам, йўғи ҳам билинмайди. Соҳа "Титаник" кемасига ўхшаб чўкиб боряпти, у бўлса бошқалар берган кўрсатмага биноан статистикаларни тарқатиш билан овора.

Хуллас, бошида айтганимдай, менинг вазирга қарши адоватим ёки ғаразим йўқ. Мен унинг кимлишини ҳам билмайман. Билганим у ҳозир фақат инқирознинг бошқарувидаги муваффақиятсизликларнинг, нўноқликларнинг балогардони, русча айтганда "козёл отпущения"си бўляпти холос. Бир кун келиб, хатолар учун жавоб бериш керак бўлганида кимнидир айблаб йўқотиш керак бўлса, шу жавобгар ҳозирги вазир бўлса керак деб ўйлайман. Фақат унда кеч бўлади.

Мен ҳаммаси дабдала бўлишини кутиб, ундан кейин уни ишдан олгандан кўра, яхшиси ҳозироқ уни ишдан олиб ўрнига қудратли, президентга яқин ва кучли салоҳиятли кимнидир вазир қилиб тайинлаш керак деб ўйлайман. Янги вазир нафақат яхши бошқарувчи, балки сўзи ҳаммага ўтадиган, иложи бўлса ёшлардан кимдир бўлиши керак. Шифокор бўлиши шарт эмас.

Мен масъул раҳбарларга илтимос қиламан. Охирги умидлар ҳам дабдала бўлмасидан олдин бу мансабга муносиб бирон кишини қўйинглар ва инқироздан яхши натижалар билан чиқинглар. Акс ҳолда, сизларнинг муваффафиятсизликларингизни халқимиз ўз жонлари билан тўлашда давом этаверади.

"Уч замон"га ҳали аъзо бўлмаганлар учун ҳавола 👉https://t.me/uchzamon

"Уч замон"га ҳали аъзо бўлмаганлар учун ҳавола 👉https://t.me/uchzamon

АНА СИЗГА ХРЕН !

Март ойларида саримсоқ қидириб юрганлар энди хрен қидириб юрибдилар. Ўз вақтида саримсоқнинг донаси 10 минг сўмга чиққан бўлса, хрен деган нарсанинг нархи 300 минг сўмга чиқибди. Жон ширин, ваҳима касали ёмон. Олдирмаса қўймайди. Ваҳоланки, касал бўлмасангиз сизга хреннинг ҳожат йўқ, касал бўлсангиз унинг фойдаси йўқ.

Хрен бу ўзбекчасига "ерқалампир", русча горчица олинадиган ўсимлик билан бир оилага кирувчи ўсимликнинг аччиқ томири. Тушунишимча уни истеъмол қилсангиз аччиғидан ичингиз қизийди ва шамоллашларни йўқотади. Лекин бу ишни қилиш учун хрен шарт эмас. Оддий ўзбек томорқасидаги аччиқ қалампир, пиёз, саримсоқлар ҳам худди шу ишни қилади. Масалан қишда грипп бўлиб қолганингизда аччиқ шўрвани ичиб, кўрпага ўраниб ётиб, терлаб, шамоллашни чиқариладику.

Коронавирус энди чиққан пайтларда коммуникация, инсонларга маълумот бериш яхши бошланган эди. Барчаси содда, тушунарли ва қилишга осон ишлар эди. Ҳозирга келиб, худди ҳамма унга амал қила бошлагандай, улар ҳақида гапирилмай қўйди. Мен уларни эслатаман :

- кўчага чиқманг, ҳеч ким билан кўришманг,
- қўлларингизни мунтазам совунлаб ювинг,
- ташқарига чиқсангиз юзингизга маска тақинг ва қўлингизга қўлқоп кийинг,
- одамлар билан қўл бериб кўришманг
- одамлар йиғилган жойларга, бозорларга борманг...

Энг асосийси, ваҳимага берилманг. Ваҳима, қўрқув нафақат касалларнинг, балки соғларнинг ҳам биринчи душмани ҳисобланади.

Коронавирус юққан тақдирда, у иммунитети паст инсонларда оғир ва иммунитети юқори инсонларда енгил ўтяпти. Демак вирусга қарши курашнинг энг яхши йўли бу хрен ейиш эмас, балки иммунитетни оширишдир.

Ҳозир ёз фасли. Дала, полиз ва боғларда мевалар, сабзавотлар, кўкатлар, ҳатто қовун тарвузлар чиқиб кетди. Дунёдаги ҳеч қайси дори ва витамин улар сизга берадиган табиий иммунитетни бера олмайди. Улардан тўйиб-тўйиб енг, ана сизга хрен. Шулар унча бунча хреннинг ўрнини босади. Жуда хреннинг аччиғи керак бўлса, қалампир, пиёз, саримсоқларни енг. Хреннинг бир килосига бир тонна пиёз беради.

Хуллас, гапнинг хулосаси, ваҳима қилманг, уйда қолинг, гигиена-санитария қоидаларига амал қилинг ва тўйиб-тўйиб овқатланинг ва табиат неъматларини истеъмол қилинг. Саломат бўлинг !

"Уч замон"га ҳали аъзо бўлмаганлар учун ҳавола 👉https://t.me/uchzamon

Муҳаббат қудратли кучга эга. Уни кўтара олмаганлар мана бундай кўйга тушади 😜😂

"Уч замон"га ҳали аъзо бўлмаганлар учун ҳавола 👉https://t.me/uchzamon

ГАП СОНДА ЭМАС СИФАТДА ЭКАНЛИГИГА ИСБОТ ☝️🤦‍♂️😊

124 000 обуначиси бор канал маълумотни текшириб, ўрганиб, аниқлаштириб, кейин ўқувчиларига етказишнинг ўрнига "ўзбеклар" деб уларга ёқадиган қилиб пост қиляпти.

"Уч замон" бу маълумотни беришдан олдин яхшилаб ўрганиб, маълумотларни тўплаб кейин пост қилган эди.

Ўрни келганда қўшимча қилай. Ҳозирда болаларнинг ота-оналари уларни қаровсиз қолдирганлари учун судга тортилган.

"Уч замон"га ҳали аъзо бўлмаганлар учун ҳавола 👉https://t.me/uchzamon

ЭРТАГА "ЖАМИЯТ" ГАЗЕТАСИНИ ОЛИБ ЎҚИНГ !

Унда жумладан қуйидаги мавзулар ёритилади :

• “Ўсиш”ни билмайдиган кадр”. Ёзувчи Ҳабиб Сиддиқ ҳалол, изланувчан, аммо лавозими ошмайдиган мутахассисларнинг “айби”ни айтди.
• “Ўзимизники — бу кимники?” Карим Бахриевнинг навбатдаги мақоласи еб тўймас монополлар ҳақида.
• “Саломга ярашмаган алик”. “Мобиўз”ни танқид қилгандик, бунга жавобан компания ўзини мақтаб таҳририятга мақола юборди.
• “Мактабда ўқимаса ҳам бўлаверади...ми” Куюнчак муштарийнинг мактаб таълимидан кўнгли тўлмаётгани хусусида.
• “Ёмон одам бўлса керакки, тинмай ёзади!..”. Журналист Ҳалим Саидов матбуот душманлари ва Агидулинлар ҳақидаги фикрини Хуршид Дўстмуҳаммад ижодига бағишланган мақоласида ўртоқлашади.
• “Тенгдошларимни ёмон кўраман!”. Ўқувчи қиз бугунги ёшларнинг юриш-туришидан ёзғирди.

Булардан ташқари каминанинг “Биз ҳаммамиз касалмиз” номли жамиятимиздаги бир ижтимоий муаммога бағишланган мақолам чоп этилади.

Газетага обуна бўлиб қўйсангиз янада яхши!

👉https://t.me/uchzamon

МЕН ЁЗИШГА ЭРИНМАЙМАН. СИЗ ЎҚИШГА ЭРИНМАНГ.

Айримлар баъзан мени узун матнлар ёзишимни айтиб, ўқишга эринишларини айтадилар.

Сизлар-ку уларни фақат ўқийсизлар. Мен уларнинг аксариятини, ҳатто 4-5 варақлик таҳлилий мақолаларни телефонда ёзиб, қайта-қайта ўқиб, хатоларини тўғрилаб, шаклга солиб, кейин каналда пост қилишимни билганингизда эди, менимча эринмаган бўлардингиз. 😜

Ҳатто мана шу ёзаётган постимни ҳам телефонда ёзяпман. Чунки мияга илҳом келиб қолганда "компьютер топганда ёзаман" деб кейинга қолдирсам фикрларимни йўқотиб қўяман. 😊🙏

Шунинг учун, мен ёзишга эринмайман, иложи бўлса сиз ҳам ўқишга эринманг! 🤝🙏

"Уч замон"га ҳали аъзо бўлмаганлар учун ҳавола 👉https://t.me/uchzamon

Тан берган мағлуб, ҳаракат қилган ғолиб !

... Болалигимдан Францияда ўқишни орзу қилганман. Мактабда, лицейда, Университетда ўқиган пайтларимда ҳам шу мақсад ҳар доим ҳаёлимда бўлган. Бу мақсад йўлида ҳаётда бошқа нарсаларни қурбон қилишимга тўғри келган пайтлари ҳам бўлган. Бу ҳақда бошқа сафар айтиб бераман. Хуллас, Француз филологияси факультетида ўқиган пайтларимиз барча талабалар каби мен ҳам "Француз Маданият маркази"да таклиф қиладиган ўқув грантларига қатнашишни бошлаганман. Бир неча йиллар ҳаракатларим самарасиз кетган. Яъни имтихонлардан ўта олмаганман. Шунга қарамасдан ҳаракат қилиб, маданий марказнинг барча тадбирларида иштирок этиб, билимларимни оширишда давом этаверганман.

Албатта ҳар сафар имтихондан ўта олмаганда хафа бўлар эдим, лекин охирги сафарги имтихон менинг ҳафсаламни жуда пир қилган. Олдиндан "Маданият маркази Жаҳон тиллари университетининг талабаларини Францияга юбормайди, чунки французларга француз тили мутахассислари керак эмас, улар фақат Дипломатия университети, Юридик институт ва Иқтисодиёт университети талабаларини юборадилар" деган гаплар юрар эди. Бу гапларга ишонсам ҳам, умидни узмасдан ҳаракат қилаверар эдим. Ўша йили Францияга кетадиган 11 та ўрин учун 54 нафар талаба давогарлик қилган эди. Биринчи босқичдан 16 киши саралаб олинди. 16 кишининг ичида мен ҳам бор эдим. Иккинчи босқичда биз Қозоғистоннинг Олмота шаҳрига бориб, суҳбатдан ўтишимиз керак эди ва ушбу суҳбат асосида 11 киши сараланиб олиши керак эди. Биз Олмотага қачон кетишимиз ҳақида хабарни кутиб юрсам, бир куни Маданият марказидан э-мейл келди. Унга кура, Францияга кетадиган 11 нафар талаба саралаб олинганлиги ва мен уларнинг орасида йўқ эканлигим айтилган эди.

Иккинчи босқич ўтмасдан туриб, қандай қилиб, рўйхатдан тушиб қолганлигимни билиш учун маданият марказига борсам...

Мақолани тўлиқ ўқиш учун ҳавола : https://telegra.ph/Tan-bergan-maglub-harakat-qilgan-golib-07-24

"Уч замон"га ҳали аъзо бўлмаганлар учун ҳавола 👉https://t.me/uchzamon

"Уч замон"га ҳали аъзо бўлмаганлар учун ҳавола 👉https://t.me/uchzamon

ЙИҒЛАМА БОЛАМ, ЙИҒЛАМА!

Хоразмда "Йиғлама болам, йиғлама, Чаққа чақиб бараман" деган халқ қўшиғи бор.

АҚШда қора рўйхатга тушиб, йиғлаган "боласи"га Путин шу қўшиқни айтиб берибди 😜🤣

"Уч замон"га ҳали аъзо бўлмаганлар учун ҳавола 👉https://t.me/uchzamon