"Уч замон"га ҳали аъзо бўлмаганлар учун ҳавола 👉https://t.me/uchzamon

Бугундан Диёр (ўғлим) ҳам мактабга борди. Йўлда бораётиб, у иккита савол берди:

1. Боғча опамнинг исми ким экан?
2. Чиройлимикан?

Ота ўғил! 😜

"Уч замон"га ҳали аъзо бўлмаганлар учун ҳавола 👉https://t.me/uchzamon

БИРОВНИНГ ПАСПОРТИГА ИМЕИ ОЧАЁТГАНЛАРНИ ТОПИНГЛАР ! (ТАРҚАТИНГ)

"Математика-физика" фанлари профессори Эркинжон Каримов ака Твиттерда қуйидаги постни ёзибди :

"#uzimei четда олган телефоннинг имей ни регистрация қиламан десам битта иплос бошқа имей ни рег-ция қилиб улгурибди. Бунинг ортида катта фирибгарлик борга ўхшайди. Менга каби жабрдийдалар кўп экан. Масалани ўрганиб тўполон кўтармасак бўлмайди чоғи. Хэштегни қўлланг, дарддошлар"

Бу ижтимоий тармоқларда мазкур мавзуда мен кўраётган биринчи пост эмас. Чет эллардан Ўзбекистонга келган бир неча фуқароларимиз ўзларининг паспортларига аллақачон ИМЕИ очилганлигига гувоҳ бўлганлар.

Айтилаётган версияларга кўра, буни аэропортда чегарачилар ва ёки "Паспорт устар"ларда амалга оширмоқдалар.

Паспортига бегона ИМЕИ очилган инсонлар ҳатто ИИВга мурожаат қилгандан кейин ҳам номларига очилган ИМЕИни олдириб ташлатолмай юришган экан.

Агар бировнинг паспортига ИМЕИ очилган бўлса, бу жиноят ҳисобланади. Агар бу нарса тизимли равишда амалга ошрилаётган бўлса, бу катта скандалдир. Бу иш билан махсус хизматлар, ИИВ, Чегара хизматлари жиддий шуғулланишлари керак.

Чет элларда қанча юртошларимиз бор. Балки менинг паспортимга ҳам ИМЕИ очишгандир.

Масалан менинг паспортимга ИМЕИ олган инсон менинг номимдан турли жиноятлар қилса, бировларни тўнаса, одам савдоси билан шуғулланса, террористлар билан мулоқот қилса, бунинг жавобини мен бераманми ?

ИМЕИ очиб бериб, озгина пул ишлайман деб ўз юртдошларини сотаётган, Ўзбекистон паспорти тўғрисидаги қонунларни бузаётган инсонларни албатта топиш ва жазолаш керак.

Агар кимнингдир паспортига ИМЕИ очилган бўлса, унинг бир аризаси билан унинг номидан ИМЕИни олиб ташлайдиган қонун чиқариш керак. Бу билан депутатларимиз шуғулланишлари керак.

Мен муаммони кўтардим. Сизлар тарқатинглар. Ҳаммага, жумладан тегишли органларга етиб борсин. Бу муаммони ҳал қилмаса, оқибатлари ёмон бўлиши мумкин.

"Уч замон"га ҳали аъзо бўлмаганлар учун ҳавола 👉https://t.me/uchzamon

"Joe le taxi", Vanessa Paradis

"Уч замон"га ҳали аъзо бўлмаганлар учун ҳавола 👉https://t.me/uchzamon

Мана шу видео сабабли "Артел" блогерга узр сўраттирибди. Фикрларимни бироздан кейин билдираман.😡

"Уч замон"га ҳали аъзо бўлмаганлар учун ҳавола 👉https://t.me/uchzamon

Блогернинг ҚОҒОЗГА ҚАРАБ ўқиб берган узрининг видеосини ҳам кўриб туринглар. Муносабатимни кейин бераман.

"Уч замон"га ҳали аъзо бўлмаганлар учун ҳавола 👉https://t.me/uchzamon

"АРТЕЛИСТОН"ДА ЎЗБЕКИСТОН ҚОНУНЛАРИ ЎТМАЙДИМИ ? (Тарқатинглар)

Олдинги видеода блогер узр сўрамоқда. Унинг узри ИИВ узр сўраттирган узрлардан фарқ қилмайди. На шакл, на моҳият жиҳатдан. Блогер узрни ҚОҒОЗГА ҚАРАБ ўқиб бермоқда, карантин сабабли уйда ўтириб қолган, блоги юрмай қолган ва обуначиларини кўпайтириш учун арзон пиар қилмоқчи бўлган. У бу ишни кичкина круг учун қилган ва "Тролл.уз" деган монстр буни тарқатиб юбориб, барчасини дабдала қилган ва бу ҚИлган иши "ВАТАНПАРВАРЛИК"ка кирмас экан...

Ўз холислигим учун айтиб қўяй, мен бу блогерни танимасдим ва у менга ҳеч ким эмас. Мана шу видеосини ҳам фақат бир кучли монтажчининг санъат асари сифатида кўриб, қойил қолган эдим ва видео менга "Артел"га нисбатан ўзим билган нарсалардан ортиқ нарса берган ва "Артел"ни ёмон кўрдириб қўйган эмас эди. Орадан 1-2 кун ўтгач, мен бу видеони эсламасдим ҳам.

"Артел" ҳам худди шундай. Мен Ўзбекистондалигимда бу компания ҳали мавжуд ҳам эмасди. Мен унинг биронта махсулотини сотиб олган ва ишлатиб кўрган эмасман ва уларга қарши ҳеч қандай адоватим йўқ. Барча билганларим интернетга чиққан ва ўз исботини топиб бўлган ҳақиқатларга асосланган холос.

Кеча Шуҳрат Мусаев деган блогернинг Фейсбукда хатолар билан тўла матнини ва унга ёзилаётган "Троллар фабрикаси"нинг изоҳларини ўқиб ҳайрон қолган эдим. Ўз одатига кўра ҳақоратларга тўла ва катта ҳафрлар билан ёзилган "бақироқ" матннинг "Тролл.уз"ни дискредитация қилиб беришга қаратилганлиги кўриниб турган эди.

Тролл.уз эса ўз навбатида ўз ҳимояси учун барча фактларни йиғиб, скринларни сақлаб, уларни ўз каналида чоп этиб борди. Ва тўғри қилди.

Чунки Ўзбекистонда "Артел" билан келишмовчилик бўладиган бўлса, Ўзбекистон қонунлари эмас "Артелистон" қонунлари ўтишини мана бу блогерга узр сўраттирилиши исботлаб берди.

Дейлик, "Артел" блогерни айбдор деб топди (шахсан мен учун у айбдор эмас). Нега уни Наманганга бориб, 1990 йиллардаги мафияларнинг усулида узр сўраттириб келиши керак ? Ўзбекистонда қонунлар ва адолатли суд йўқми ? Демак "6 секунд" қоидаси рост экан-да ?

Мен доим айтганимдай, менга ким ҳақ ким ноҳақлигининг аҳамияти йўқ. МЕНГА ҚОНУН УСТУВОРЛИГИ МУҲИМ! Чунки блогернинг ўрнида сиз, мен ёки бошқа биров бўлиши ҳам мумкин. Ҳозир навбат Тролл.уз га келяпти. Уни синдиришлари қийин, лекин ҳаммани синдириш мумкин.

Бундай вазиятларда энг ёмони томошабин бўлиб туриш. Норозисиз, жаҳлингиз чиққан, ҳақлигингизни биласиз лекин блогерга узр сўраттирса жимсиз, Тролл.узни синдирса жимсиз, ундан кейин мени синдирса жимсиз. Ишонинг, навбатдагиси СИЗ бўласиз ва сизга келганда ҳам жим туришади.

Шунинг учун бировга нисбатан адолатсизлик бўлганда, жим турмасликни, воқеаларни барчага тарқатишни, шовқинингиз дунёни бузишини тавсия қиламан. Мени, сизни, Тролл.узни ими-жимида овозимизни ўчириб, ўз ишларини қилишда давом этмасинлар.

Ўзбекистонда Артелистон, ЖМистон ёки бошқа "истон"ларнинг эмас Ўзбекистоннинг қонунлари устувор бўлсин!

"Уч замон"га ҳали аъзо бўлмаганлар учун ҳавола 👉https://t.me/uchzamon

Маънавиятчилар учун ажойиб видео. Узоооқ чайнаса бўладиган мавзу. 😜😂

"Уч замон"га ҳали аъзо бўлмаганлар учун ҳавола 👉https://t.me/uchzamon

2 СЕНТЯБРЬ - ИСЛОМ КАРИМОВ ВАФОТ ЭТГАН КУН !

2016 йил 2 сентябрь куни Ўзбекистоннинг биринчи президенти Ислом Каримов вафот этган эди. У кунлар ҳам тарихга айланди ва хотираларни улашадиган пайтлар ҳам келди.

Кимлардир Каримовни 28 ёки 29 август куни ўлган эди дейди, бошқа кимлардир расмий маълумотни тўғри деб билади. Умуман олганда, дунё давлат раҳбарларининг саломатлиги ва вафоти билан боғлиқ гап-сўзлар доимо бўлган ва бундан кейин ҳам бўлади. Каримовнинг айнан қайси куни ўлганлигини на олдин ўлди деганлар, на 2 сентябрда ўлди деганлар аниқ билмайдилар. Чунки улар, жумладан мен ҳам бу пайтда Каримовнинг ёнида бўлмаганман. Менимча, сананинг аҳамияти ҳам йўқ. Ўша пайтда энг асосийси, "Энди нима бўлади ?" деган савол эди...

2016 йил 28 августда "Каримов ўлибди" деган пайтда Ўзбекистоннинг ичида ва ташқарида ғалати эмоционал атмосфера юзага келган эди. Каримов 1989 йилдан бери ҳокимиятни эгаллаб келган бўлса, унинг вафотигача "Унинг меросхўри" масаласи очиқ қолиб келаётган эди.

Шу ўринда, Каримовнинг шахси ва унга менинг муносабатим ҳақида айтиб ўтсам. Инсон сифатида Каримовни яхши ёки ёмон кўриш мумкин. Ёки сиёсатшунос сифатида холис ўрганиш ҳам мумкин. Хоҳлаймизми йўқми, Каримов мустақил Ўзбекистоннинг биринчи президенти ва легитимми-нолегитимми Ўзбекистонни салкам чорак аср ушлаб турган сиёсатчи ҳисобланади.

У диктатор эдими ? Бу қандай қарашга боғлиқ. Мен авторитар президент деган бўлар эдим. Балки айрим томонлари диктатурага ҳам тортар эди. Ҳар ҳолда, 1990 йилларнинг бошларини айтмаганда демократ эмас эди. Шахсан мен ундан ва режимидан қўрқармидим ? Ҳа. Масалан, мана шу айтаётган гапларимни у тириклидига айта олмасдим. Ҳозир айта олишим иккиюзламачиликдан эмас, балки ҳозир буни айтганим учун менга ва ҳаётимга хавф йўқлигидандир.

Мен Ислом Каримовни замонавий ўзбек давлатчилигининг асосчиси ва буюк сиёсатчи деб айтганман. Ҳозир ҳам шундай деб ҳисоблайманми ? Жавоб - ҳа. 1873 йилда Хива хони "Гандимиён шартномаси"га имзо қўйгач, Марказий Осиё ҳудудлари расман мустамлакаларга айланди. У пайтда Ўзбекистон ҳудудларида монархия тузумига асосланган феодал жамият мавжуд эди. Ўтган 120 йилдан ортиқ вақт ичида ўзбек давлатчилиги буткул йўққа айланган эди.

1991 йилда мустақил бўлган пайтида Ўзбекистонда на давлат ва на унинг асослари мавжуд эмас эди. Ўзбекистон Россиянинг бир вилоятидай гап эди ва бошқарув асосан "тепа"да эди.

Каримов мустақилликни хоҳлаганми ёки йўқми, у бунга ҳаракат қилганми ёки йўқми ўзбек давлатчилигини барпо этиш айнан унга насиб этган. Каримов армия, валюта, УзССРникидан кўчирилган бўлса-да давлат рамзлари, чегаралар, қоғозда бўлса-да ҳокимиятлар бўлиниши ва ҳоказоларни ташкил қилиб, уларни ишга туширган. У давлат давлат бўлиши учун қилиниши керак бўлган барча ишларни қилган.

Қўпол қилиб айтганда у уйнинг фундаменти ва деворларини кўтариб, томони ёпган. У қурган уйни ёқди ёки ёқмади дейиш мумкин, аммо Каримов уни қурмади дейиш имконсиз.

Каримов замонавий ўзбек давлатини қурди...ва уни 27 йил давомида ҳеч кимга - ташқаридагиларга ҳам, ичкаридагиларга ҳам бермай қўриқлаб яшади. Макиавелнинг таърифига кўра, сиёсатда иккита мақсад бор : Ҳокимиятни қўлга киритиш ва ҳокимиятни қўлдан бермаслик. Каримов бу иккала ишни уддалаб кетган сиёсатчи ҳисобланади. Бошида ҳокимиятни эгаллашни бошқалар эмас, айнан у эплаган ва 27 йил давомида ҳокимиятни ундан олиб қўя оладиган, ҳатто ундан кейин нима бўлишини башорат қила оладиган биронта мард чиққан эмас. Сиёсий (циник) нуқтаи назардан уни иккиланмасдан буюк сиёсатчи дейиш мумкин. Албатта бу фикрга қўшилмасликка ҳар кимнинг ҳаққи бор.

Энди 2016 йил 28 августга қайтамиз. Шу куни Каримовнинг ўлганлиги ҳақида хабар чиқиши билан Ўзбекистонда катта саросима бошланди. Ўзбек сиёсий саҳнасида ягона сиёсий шахс Каримов бўлгач, унинг бирдан йўқ бўлиб қолиши кўпчиликни хавотирга солиб қўйган эди. Халқнинг катта қисми чин маънода Каримовдан қўрққани билан уни яхши кўрар эди. Қўпол қилиб айтганда, Каримов уларнинг "кўз очиб кўргани", "додаси" эди ва улар ундан бошқасини тасаввур қила олмас эдилар. Ҳатто уни ёмон кўрадиганлар ҳам юртда сиёсий пародакндалик юзага келишидан хавотирда эдилар.

Юртдан ташқаридаги мухолифатчилар ва ташқи кучлар эса воқеалар ривожини жиддий кузатиш билан биргаликда қулай имкон туғилиши билан Ўзбекистонга кириб келиш ва ҳокимиятни эгаллаш (керак бўлса қуролли йўл билан)га тайёргарлик кўра бошладилар. Бу гапларнинг рост эканлиги Муҳаммад Солиҳнинг ўз лайчаларига буйруқ берган суҳбатининг аудиоси тарқалганида исботини топди.

Фейсбукда соҳта гуруҳ, саҳифа ва профиллар очилиб, тартибли равишда Ўзбекистонда парокандаликни озиқлантиришга ҳаракатлар бошланди. Ҳар сафар хавотирли хабар чиққанида, одамлар ваҳимага тушар эдилар. Менинг ўзимга саноқсиз инсонлар ёзиб фикримни сўраб, "Энди нима қилиш кераклиги" ҳақида сўрай бошладилар.

Шунда мен одамларга қўшилиб, ваҳималарга берилишнинг ўрнига Ўзбекистонда парокандаликни келтириб чиқариш ҳаракатларига қарши туриб, ваҳималарни босишга ҳисса қўшишни ўзимнинг сиёсатшунос ва фуқаро сифатида бурчим деб билдим.

Шундан келиб чиқиб, воқеалар ривожини кузатиш баробарида Каримов ростдан ўлган бўлиши мумкинлигини билсам-да, худди у ўлмагандай қилиб, инсонларни совуққонликка чақириб мақолалар ёза бошладим. Менга шахсан ёзганларни тинчлантириб, тролларга қарши изоҳлар ёзишда давом этдим.

Фақат 2 сентябрь куни расмий хабар чиққачгина, унинг ўлганлиги ҳақида таъзия пости ёзиб, бу ёғига барчаси тинч ўтиши учун заруратга қараб мос матнлар ёзишда давом этдим.

Шундай қилиб, 2 сентябрь тарихда Ислом Каримов расман вафот этган кун бўлиб қолди.

Орадан вақтлар ўтиб, олдин "каримовчи" бўлганларнинг кўпчилиги тўнларини тескари кийиб, Каримовга тошлар отдилар. Каримовни азалдан ёмон кўрадиганлар уни бемалол танқид қила оладиган бўлдилар. Каримовни олдин ҳам ҳозир ҳам яхши кўрадиган инсонлар ҳам бор.

Мен эса Каримов даврида ҳам, ундан кейин ҳам совуққон сиёсатшунос ва ватанпарвар фуқароман. Каримов бошқарувини давлатчилик ва бошқарув нуқтаи назаридан таҳлил қилиб яхшисини яхши, ёмонини ёмон дейман. Агар 2016 йил 28 август-2 сентябрь орасидагидай воқеалар юз берадиган бўлса, ҳозир ҳам ҳеч иккиланмасдан ва бировдан буйруқ кутмасдан мафкуравий жанг майдонга киришиб, ўзим зарур деб билган ишларни қилишга доим тайёрман. Бунинг учун менга биров бир тийин бермайди ва ҳеч қандай манфаат ва мансаб керак эмас. Асосийси, менга юртим ва халқим тинч бўлса бўлди.

Ислом Каримовнинг руҳлари шод бўлсин!

Дониёр Рўзметов

"Уч замон"га ҳали аъзо бўлмаганлар учун ҳавола 👉https://t.me/uchzamon

БУГУН "ЎЗБЕКИСТОН 24"ДА ИМЕИ МУАММОСИ

Кеча IMEI муаммосини кўтариб чиққан эдим. Сизлар туфайли муаммо кўп жойларга тарқалди.

Мендан бошқа инсонлар, машҳур блогерлар ҳам у ҳақда ёзган эди.
Ниҳоят биргаликдаги ҳаракатларимиз иш берибди.

Хушхабарларга кўра, ИИВ муаммо билан шуғулланишни бошлабди.

Бундан ташқари, бугун соат 22:00да "Ўзбекистон 24" каналида, "Янгиликлар 24" дастурида IMEI ҳақида махсус репортаж берилар экан.

Репортажни кўринглар. Мен барибир кўра олмайман. Агар яхши гаплар бўлса ва ижтимоий тармоқларга чиқса, биз ҳам кўрармиз.

Барчаларингизга фаолликларингиз учун миннатдорчилик билдираман. "Кўпдан ёв қочиб қутулмас"!

"Уч замон"га ҳали аъзо бўлмаганлар учун ҳавола 👉https://t.me/uchzamon

"Уч замон"га ҳали аъзо бўлмаганлар учун ҳавола 👉https://t.me/uchzamon

СЎХЛИК БЛОГЕР ДАДАХОН ҲАЙДАРОВ ОЗОД ЭТИЛИБДИ.

Кун.узнинг хабар беришича, сўхлик блогер озод этилган.

Унинг адвокатига кўра, "ҳимояси остидаги шахсни жиноят ишида айбланувчи тариқасида жалб этиш ва эҳтиёт чораси сифатида қамоққа олиш учун етарли асослар бўлмаган. Шу сабабдан у тергов органининг қарори билан қўйиб юборилган".

Демак блогерлар, фаоллар ва фуқаролар бекорга ҳаракат қилмаган эканлар.

Энди мен ўз муносабатимда ёзганимдай, унинг ҳибси доирасида амалга оширилган ишларнинг қонунийлиги текширилиб, айбдорлар ўз жазоларини олишлари керак. Зора бундай ишлар бошқа такрорланмасин.

"Уч замон"га ҳали аъзо бўлмаганлар учун ҳавола 👉https://t.me/uchzamon

"Salut", Joe Dassin

"Уч замон"га ҳали аъзо бўлмаганлар учун ҳавола 👉https://t.me/uchzamon

Мана бу суратни кўриб ҳайратдаман. Бу нима ўзбекча инновациями?

Ўзи коронавирус сабабли имтихонлар ташқарида ўтказилаётган бўлса. Буларни бир клёнка остига ёпиб қўйгач, чиқарилган нафаслар бир канал бўйича йўналиб, барчага тарқалмайдими?

Ҳаммани бундай қилиб пластик остига қамагандан кўра ойналарни очиб қўйиб имтихонни ичкарида ўтказган яхши эмасмиди? 🤦‍♂️🤔

ПС. Сурат Баҳриддин Асрор оға профилидан олинди.

"Уч замон"га ҳали аъзо бўлмаганлар учун ҳавола 👉https://t.me/uchzamon

Тошкент вилояти, Бўстонлиқ тумани, Оқтош МФЙда “Heaven’s Garden Resort&SPA” меҳмонхонасининг расмий очилиш маросими бўлиб ўтибди. Тадбирни Бош вазир ўринбосари, Туризмни ривожлантириш давлат қўмитаси раиси Азиз Абдуҳакимов очиб берибди.

“Бўстонлиқ туманидаги “Turon Resort SPA” МЧЖга тегишли 300 ўринли “Heaven’s Garden Resort&SPA” замонавий меҳмонхона мажмуасининг умумий қиймати 50 млрд. сўм бўлиб, 1-босқичида 100 дан ортиқ янги иш ўринлари яратилган.

Мажмуа икки ресторан, жаҳон стандартларига мос келувчи SPA ҳамда сув ҳавзаси кабини ўз ичига олган.

Меҳмонхонанинг Оқтош ҳудудида жойлашганлиги у ерга борувчи меҳмонларнинг саломатлиги учун фойдалидир. Нафас йўллари билан боғлиқ касалликлар ҳамда аллергия билан боғлиқ ҳолатларда Оқтош ҳавоси маъқул келади. Гўзал табиат манзараси ва юксак дид билан ишланган дизайн уйғунлашуви юртдошларимиз ва хорижий сайёҳларга манзур бўлиши шубҳасиз.

У ерда экотуризм ривожлантирилиши, спорт билан шуғулланиш имкониятлари йўлга қўйилиши ҳам кўзда тутилган. Шуниси диққатга сазоворки, ҳудудда шифобахш гиёҳлар етиштирилиб, улардан турли малҳамлар тайёрланади ҳамда меҳмонлар саломатлигини тиклаш учун тақдим этилади. Туризмни ривожлантириш давлат қўмитаси томонидан ташкил этилган инфотур доирасида ОАВ вакилларига маълум қилинишича, бундай саъй-ҳаракатлар туризм соҳасининг иқтисодиётдаги улушини оширади. Бу йил Тошкент вилоятида 1 трлн 980 млрд 600 млн.га тенг 2213 та ижтимоий соҳа объектларида қурилиш ва монтаж ишлари режалаштирилган бўлиб, етти ой давомида 2211 та манзилда 1 трлн 232 млрд 900 млн сўмлик пудрат ишлари бажарилган.

Бундай шинам меҳмонхоналар дастлаб маҳаллий меҳмонларга хизмат қилишни бошласа, келажакда халқаро туризм ўз йўлига тушиб кетган бутун дунёдан ташриф буюрадиган сайёҳларни ҳам қабул қилишга шай туради.

Манба : https://uzbektourism.uz/cyrl/newnews/view?id=1326

"Уч замон"га ҳали аъзо бўлмаганлар учун ҳавола 👉https://t.me/uchzamon