🔎 Міліцыя шукае экс-палітвязня з Берасця і яго маці. А таксама мужа з жонкай па "карагоднай справе" ды оперную спявачку з Берасцейшчыны

Оперная спявачка з Берасцейскага раёну Маргарыта Ляўчук апублікавала ў сацсетках фота, дзе яна вісіць на стэндзе "Вас шукае міліцыя". Сама Маргарыта ўжо некалькі гадоў жыве за мяжой. Тым часам у Беларусі яе асудзілі па палітычнай справе завочна (ў яе адсутнасць).

Як звярнула ўвагу "Вясна", на тым жа стэндзе ў аддзяленні беларускай міліцыі вісяць фатаграфіі шчэ некалькіх чалавек, якіх шукаюць па палітычных крымінальных артыкулах. Гэта:

▫️ Ягор Пракапчук (былы палітвязень з Берасця, цалкам адбыў 4 гады калоніі за пратэсты жніўня-2020). Міліцыя пазначыла, што хлопец абвінавачваецца па арт.422 КК (ухіленне ад прэвентыўнага нагляду), бо хлопец пасля вызвалення амаль адразу з'ехаў ха мяжу

▫️ яго маці Святлана Пракапчук. Беларуская міліцыя пазначыла, што жанчыну абвінавачваюць па ч.1 арт.361-4 КК (Садзейнічанне экстрэмісцкай дзейнасці)

▫️ муж з жонкай Андрэй і Паліна Ляшко. Гэтыя берасцейцы былі асуджаны да "хіміі" па "карагоднай справе" (то бок атрымалі абмежаванне волі з-за акцыі пратэсту, якая адбылася 13 верасня 2020 у Берасці). Іх асудзілі па крымінальных абвінавачаннях, хаця гэта была цалкам мірная акцыя пратэсту. Абодва, як гаворыць стэнд, "ухіляюцца ад адбывання пакарання"

Нагадаем, што беларускія ўлады выкарыстоўваюць абвінавачванні ў "экстрэмізме" для пераследу за іншадумства і крытыку. Апроч гэтага, ўлады нярэдка выкарыстоўваюць крымінальныя справы для экстэратарыяльных рэпрэсій — для пераследу сваіх грамадзян нават за яе межамі.

Прадпрымальніка з Мікашэвічаў асудзілі

Па нашай інфармацыі, прадпрымальнік з Мікашэвічаў 52-гадовы Андрэй Арол асуджаны на 2 гады "дамашняй хіміі". Гэта пастанавіў суд напачатку снежня.

Нагадаем, што Арла затрымалі ў чэрвені-2025 за лайк (або каментар) у інтэрнэце пасля нападу Расіі на Украіну.

Пасля гэтага Арол правёў 5.5 месяцаў правёў у СІЗА КДБ. Цяпер мужчына вярнуўся дамоў.

📸 Андрэй Арол, архіўнае фота 2010 года / Вконтакте

📊 З пачатку года мінімум 8 людзей з Лунінеччыны асудзілі па палітычных справах. Антырэкорд за апошнія тры гады

Мы знайшлі палітычныя прысуды, якія выносілі жыхарам Лунінецкага раёна за апошні год. І параўналі з лічбамі за 2023 і 2024 год.

За 2023 год асудзілі па палітычных крымінальных мінімум 4 чалавек з Лунінеччыны. За 2024 год — 5 чалавек.

А сёлета, хаця год яшчэ не скончыўся, ўжо ёсць мінімум 8 рэпрэсаваных з крымінальнымі прысудамі. Распавядаем падрабязна пра кожнага з ніх:
https://brestspring.org/tpost/6tntul93o1

Важнае за 2 тыдні у Берасцейскай вобласці

Станам на 07.12.2025, у вобласці 226 палітвязняў.

🏠 У Берасці прадалі арыштаваную кватэру палітвязня Віталя Чопіка, які хадзіў на мноства судоў

Рэпрэсіі: за няпоўны 2025 год асудзілі мінімум 8 чалавек з Лунінецкага раёну па палітычных крымінальных справах (Яна Беразюк, Аляксей Капліч, Мікалай Буневіч, Андрэй Арол, Ігар Калуеў, Алена Цяльпук, Дзмітрый Захарошка, а таксама невядомы мужчына 1958 года нараджэння).

🇺🇦 Ва Ўкраіну аддалі жыхарку Маларытчыны Лідзію Грук. Яе з мужам асудзілі за дапамогу Ўкраіне

На территории Брестской области упало 42 российских беспилотника за 2025 год — BELPOL

BELPOL получил доступ к документу, который на днях обсуждался на закрытом совещании в Брестском облисполкоме. Главное:
💥 на территории Брестской области с начала 2025 года упало 42 беспилотника
💥 из них один взорвался при падении сам
💥 и еще два сдетонировали в контролируемых условиях (при обезвреживании саперами)

Разброс по географии: 9 беспилотников упали в Столинском районе, 6 — в Пинском, 4 — в Ивановской районе. По 3 — в Барановичском, Лунинецком, Ганцевичском, Малоритском, Березовском, Ивацевичском районах. 2 — в Пружанском. По 1 — в Кобринском, Брестском и Дрогичинском районах. Пострадавших нигде не было, говорится в официальном документе.

BELPOL делает вывод о том, что все беспилотники принадлежат 🇷🇺 армии РФ, т.к. по всем фактам падения беспилотников Следственный комитет отказался возбуждать уголовные дела.

📍Напомним, что власти неохотно признают то, что в беларуское небо массово залетают российские беспилотники. За публикацию видео с падением беспилотниками задерживают. А если такую информацию люди передавали в "Беларускі Гаюн", то за это судят по уголовным репрессивным делам.

🕊 Стала вядома яшчэ адной украінкі, якую вызвалілі нядаўна. Пражыла ў Беларусі каля 20 гадоў, да затрымання працавала на "Берасцейскім пекары"

Праваабаронцам "Вясны" сталі вядомы імёны яшчэ 5 украінцаў, якіх вызвалілі 22 лістапада (ды аддалі ва Украіну). Сярод іх аказалася Надзея Нікалаюк (на фота).

💊 Жанчыну затрымалі з 3-й стадыяй раку. Яна як раз прайшла праз аперацыю па выдаленню пухліны, і прыйшла ў паліклініку ў Берасці. Там яе затрымалі супрацоўнікі КДБ, якія сказалі: "Вы з вашым дыягназам дакладна жывой не выйдзеце".

💊 З-за затрымання жанчына не змагла прайсці другі курс хіміятэрапіі ў прызначаны час (перапынак паміж курсамі аказаўся нашмат большым, чым рэкамендавалі лекары).

Вядома, што жанчыне закідвалі артыкул "агентурная дзейнасць" і трымалі ў СІЗА КДБ (потым у СІЗА-1).

Падрабязнасці пераследу Надзею Нікалаюк праваабаронцы атрымлівалі ад другіх зняволеных, якія перасякаліся з жанчынай у ізалятарах.

🏅 Правабаронца "Вясны" стала пераможцай у намінацыі "Правабаронца года" на беларускай прэміі

Праваабаронца "Вясны" Алена Маслюкова (на фота) стала адной з "Праваабаронцаў года-2025". Такое рашэнне толькі што абвясцілі ў Вільнюсе як рашэнне Прэміі беларускай праваабарончай супольнасці.

Гэтай жа прэміяй сёлета адзначаны яшчэ 2 праваабаронцаў: Павел Левінаў і Таццяна Нядбай. Галасы падзяліліся пароўну паміж трыма правабаронцамі.

📅 Штогод менавіта 10 снежня беларуская праваабарончая супольнасць адзначае лепшых правабаронцаў. Гэта робіцца ў Дзень правоў чалавека.

🏅Яшчэ адна праваабаронца "Вясны" адзначана беларускай правабарончай прэміяй

Праваабаронца "Вясны" Кацярына Абромчык стала пераможцай як "Журналістка года-2025".

Такое рашэнне некалькі хвілін таму абвясцілі ў Вільнюсе як рашэнне Прэміі беларускай праваабарончай супольнасці.

У сваёй пераможнай прамове журналістка ўзгадала сваіх калег, праваабаронцаў "Вясны", якія застаюцца за кратамі: Алеся Бяляцкага, Валянціна Стэфановіча, Ўладзя Лабковіча, Марфу Рабкову.

📸 Кацярына Абромчык. Крыніца фота: Facebook

🏅 "У турмы не жаночае аблічча" названа беларускай "Праваабарончай кампаніяй года-2025"

У Вільнюсе працягваецца ўзнагароджванне пераможцаў Прэміі беларускай праваабарончай супольнасці.

У катэгорыі "Праваабарончая кампаніяй года" названа новая кампанія "У турмы не жаночая аблічча". У межах гэтай ініцыятывы правабааронцы і лекары пабрабязна прааналізавалі ўмовы ўтрымання жанчын у зняволенні.

Нагадаем, што за кратамі часта ігнаруюцца асаблівыя патрэбы жанчын. У выніку праз ціск і невыносныя ўмовы жанчыны губляюць здароўе і паміраюць. Так, з палітвязынак Берасцейскай вобласці ў 2025 годзе стала вядома пра смерць Тамары Каравай (памерла неўзабаве пасля вызвалення) і 66-гадовай жанчыны пасля сутак.

Папулярную тыкток-блогерку з Лунінца асудзілі па палітычнай справе

Гаворка пра Алену Хартановіч. У пятніцу яе дадалі ў "спіс экстрэмістаў" (туды ўлады дадаюць людзей, якіх рэпрэсавалі па крымінальных справах).

На імя жанчыны звярнула ўвагу Наша Ніва. Выданне піша, што блог Хартановіч меў больш падпісантаў, чым ёсць жыхароў у Лунінцы. Хартановіч "стала сапраўднай мясцовай зоркай, дзякуючы свайму добраму сэрцу: у блогу жанчына публікавала сотні відэа пра выратаванне бяздомных жывёлін, яна лячыла катоў і сабак з вуліцы, шукала ім дом і дзялілася кранальнымі гісторыямі са сваімі падпісчыкамі".

Са спісу вынікае, што жанчыне закідвалі "садзейнічанне экстрэмісцкай дзейнасці" (гэта магла быць перадача інфармацыя незалежным медыя альбо ў "Беларускі Гаюн").

📈 Гэта ўжо дзявяты чалавек з Лунінецкага раёну, якога ў 2025 годзе асудзілі па палітычнай крымінальнай справе. Нядаўна мы пісалі пра іншых васьмёра (і шмат пра каго напісалі ўпершыню).