Улады ізноў спрабуюць прадаць маёмасць гарадзенскага праваабаронцы

У чарговы раз на аўкцыён выстаўлена лецішча Ўладзіміра Хільмановіча. Гэта ўжо трэцяя спроба ўладаў прадаць нерухомасць праваабаронцы. Раней ахвочых для набыцця лецішча не знайшлося, таму на яго паступова зніжаюць цану.

Нагадаем, што беларускія ўлады арыштавалі нерухомасць Хільмановіча з-за палітычнага прысуду. Пры гэтым Хільмановіча асудзілі ў яго адсутнасць (мужчына ўжо некалькі гадоў знаходзіцца па-за межамі Беларусі). Праваабаронцу далі (завочна) калонію, а таксама штраф памерам 40 тысяч рублеў. Менавіта з-за гэтага несправядліва прызначанага штрафа ўлады прадаюць маёмасць Хільмановіча.

💡Анлайн-трэнінг "Не показалось" пра хатні гвалт

Актывіста Станіслава Цярэнцьева распавядзе пра рамантызацыю аб'юза ў фільмах/кнігах/музыцы — і пра тое, як аб'юз у стасунках пачынае здавацца нармальным.

Што чакае:
▫️ якія прыкметы аб'юзіўных стасункаў
▫️ як працуе нармалізацыя аб'юза ў грамадстве
▫️ якія віды гвалту існуюць
▫️ дзе шукаць дапамогу

Дзе: анлайн
Калі: 11 сакавіка 18:00-20:00 па Варшаве (20:00-22:00 па Менску)

👉 Форма рэгістрацыі 👈

Улады прапануюць рэпрэсаваным, хто адбывае "хатнюю хімію", пераход на "папраўчыя работы"

Але як высвятляецца, гэта опцыя не для ўсіх.

Нам вядомы прыклады з Берасцейскай вобласці, калі тым, хто адбывае "хатнюю хімію", прадстаўнікі крымінальна-выканаўчай інспекцыі спярша прапанавалі падаць заяву на змену пакарання на "папраўчыя работы". Пры гэтай форме пакарання дзяржава забірае 10-25% ад заробка, але менш кантролю за месцазнаходжаннем чалавека. Але калі некаторыя пачалі пісаць заявы, ім адмаўляюць з тлумачэннямі, што трэба б знайсці працу з зарплатай павышэй, і тады перавод на папраўчыя работы задаволяць.

Праваабаронцы з Віцебскай нядаўна паведамлялі пра падобнае ў сваім рэгіёне.

Алгарытм, як самастойна падаць заяву аб змене пакарання з "хатняй хіміі" на папраўчыя работы размешчаны на сайце віцебскіх праваабаронцаў.

✅ Патрэбная дапамога ў напісанні заявы на змену пакарання? Ці хочаце напісаць на ўмоўна-датэрміновае вызваленне ад пакарання? Звяртайцеся

💡Адукацыйная магчымасць: школа па міжнародным гуманітарным праве

"Прававая ініцыятыва" ізноў праводзіць школу, якая прысвечана асноўным пытанням і праблемам міжнароднага гуманітарнага права.

🗓 Даты правядзення: 12—15 сакавіка 2026
📍Месца: Вільнюс (Літва)

Што чакае:
✔️Уводзіны ў міжнароднае гуманітарнае права: базавыя прынцыпы, класіфікацыя канфліктаў.
✔️Абарона ахвяр вайны ва ўмовах узброеных канфліктаў.
✔️Механізмы рэалізацыі норм міжнароднага гуманітарнага права

Арганізатар_кі забяспечваюць харчаванне. Пражыванне забяспечваецца людзям не з Вільнюса. Праезд за ўласны кошт.

👉 Падрабязнасці і рэгістрацыя 👈
⚡️ Дэдлайн падачы заявак: 10 сакавіка (ўключна)

Баранавіцкі фельчар хуткай дапамогі асуджаны па палітычнай справе. Ён адзначаўся граматамі сярод лепшых медыкаў горада, а таксама стварыў карысную праграму для калег

Берасцейскі абласны суд вынес прысуд Міхаілу Чатырбоку. У пятніцу яго дадалі ў "спіс экстрэмістаў" (туды ўлады дадаюць людзей, якіх рэпрэсавалі па крымінальных справах).

🚑 На імя мужчыны звярнулі ўвагу "Витебск, я гуляю" ды @BGazeta. Як высветлілі першыя, Чатырбок распрацаваў праграму для беларускіх работнікаў хуткай меддапамогі. На дадзены момант праграма "СМП" была спампавана больш за 100 тысяч разоў.

🚑 Таксама Міхаіл Чатырбок паспяхова браў удзел у рэспубліканскіх спаборніцтвах каманд хуткай дапамогі. Адзначаўся граматамі сярод лепшых медычных работнікаў горада Баранавічы.

🚑 Са спісу "экстрэмістаў" вынікае, што мужчыне закідвалі "садзейнічанне экстрэмісцкай дзейнасці" (гэты артыкул апошнім часам звычайна выкарыстоўваюць па справе "Беларускага Гаюна").

🚑 МУС у спісе адзначыў, што у Чатырбока "асуджанасць непагашаная". Гэта зазвычай азначае, што прысудзілі "дамашнюю хімію".

Жыхара Баранавічаў асудзілі завочна. Калонія і буйны штраф за інтэрнэт-каментары

Учора вынесен прысуд Дзмітрыю Баніту. Вырак вынес Берасцейскі абласны суд у адсутнасць мужчыны (то бок справу разглядзелі завочна). Дзмітрыю прызначылі 6 гадоў калоніі ды 1000 б.в. штрафа (45 тысяч рублёў).

📱Падставай для крымінальнага пераследу сталі інтэрнэт-каментары. З-за іх Баніта яшчэ ў снежні 2020 года шукала міліцыя. У выніку каментары падвялі ажно пад 5 крымінальных артыкулаў (усе артыкулы выкарыстоўваліся для палітычных спраў пасля 2020 года).

❕Нагадаем, што завочныя суды з'явіліся ў Беларусі ў 2022 годзе. Такім чынам беларускія ўлады атрымалі магчымасць судзіць з'ехаўшых за мяжу людзей. Па ацэнках праваабаронцаў, сама завочная форма судовых паседжанняў у беларускай практыцы парушае права тых, каго судзяць (яе мінімум права на справядлівае судовае разбіральніцтва).

⚡️⚡️⚡️Міжнародны крымінальны суд адкрыў расследаванне па злачынствах супраць чалавечнасці, здзейсненых рэжымам Лукашэнкі

Пра гэта паведамляецца на сайце суда.

«Ёсць дастатковыя падставы лічыць, што прымусовыя дзеянні, якія прывялі да дэпартацыі, былі часткай курсу дзеянняў супраць рэальных або меркаваных апанентаў урада Беларусі і ажыццяўляліся ў адпаведнасці з дзяржаўнай палітыкай або дзеля яе рэалізацыі. Упраўленне прыйшло да высновы, што меркаваныя злачынствы, здзейсненыя ўладамі, былі заахвочаныя або ўхваленыя на найвышэйшым узроўні.

Таксама ёсць дастатковыя падставы лічыць, што гэтыя злачынствы былі здзейсненыя ў рамках шырокамаштабнай і сістэматычнай атакі супраць грамадзянскага насельніцтва, улічваючы іх маштаб, колькасць ахвяр і арганізаваны характар гэтых дзеянняў».

В Брестской области стало на 1 политзаключенного больше

В пятницу беларуское правозащитное сообщество признало политзаключенными на Брестчине:
▪️Черешнев Алексей Игоревич — прописан в д.Шестаково (Каменецкий р-н) Брестской области. Мужчину осудил Минский облсуд по ч.1 ст.361-4 УК за якобы "содействие экстремистской деятельности". Приговорен к колонии (на какой срок — правозащитникам пока неизвестно).

Таким образом, в данный момент в стране правозащитники считают 1141 человек политическими заключенными. Из них, по нашим подсчетам, в Брестской области 208.

Написать нам | Наш Instagram

Новая (палітычная) крыміналка Маргарыты Ляўчук

Як заўважыла Наша Ніва, Маргарыта Ляўчук распавяла ў Instagram: супраць яе завялі новую палітычную справу ў Беларусі. Чарговая справа опернай спявачкі з Берасцейскага раёну — з-за "абразы" А.Лукашэнкі.

Хаця сама Маргарыта жыве ва Ўкраіне, па гэтай справе турбуюць яе бацькоў. Так, да іх прыходзілі з вобшукам у аг.Страдзеч (Берасцейскі раён).

Нагадаем, што 2 гады таму беларускія ўлады асудзілі Маргарыту па палітычнай справе завочна (ў яе адсутнасць). Тады жанчыне далі ад 6 да 8 гадоў калоніі, а таксама буйны штраф.

На Трышынскіх могілках у Берасці пашкоджаны помнікі. Пасля "суботніку" дэпутатаў

14 сакавіка дэпутаты гарадскога савета і савету моладзі рабілі суботнік на Трышынскіх могілках. Яны "прыбіралі смецце, выразалі інвазіўныя расліны", паведамляла ЖКГ.

На наступны дзень пасля гэткага суботніка адзін берасцеец зрабіў фоты на могілках і апублікаваў у Threads. На здымках бачна, як спілаваныя дрэвы пашкодзілі крыжы і надмагіллі.

На паведамленне ў сацсетках звярнулі ўвагу берасцейскія журналісты з @BGazeta — і разабраліся, хто мог так неахайна пілаваць дрэвы. Выданне знайшло, што весь сакавік на могілках вядзе працы "Брэсцкае спецпрадпрыемства". Але апошнімі добраўладкаваннем на могілках займаліся гарадскія дэпутаты.

📍Трышынскія могілкі ў Берасці — старыя могілкі ў цэнтры горада. Найстарэйшае пахаванне датуецца 1834 годам. Трышынскія могілкі маюць статус гісторыка-культурнай каштоўнасці ды маюць ахоўвацца дзяржавай.