🌿 21 лютага — Дзень роднай мовы

Родная мова — гэта не толькі пра словы.
Гэта пра сваё: пра бабуліны блінцы, пра вячоркі, пра талаку. Пра тое, якімі словамі і выразамі мы думаем. Пра тое, як называем свет навокал і сябе ў гэтым свеце.

Для кагосьці беларуская — тое, што заўсёды было побач: у сям’і, у размовах, у песнях.
Для кагосьці — мова, якую трэба вяртаць сабе ўжо ў дарослым жыцці, па кавалачках: праз кнігі, медыя, сяброў, новыя звычкі.
А для кагосьці — гэта смеласць пачаць гаварыць, нават калі ў галаве ўсё блытаецца і страшна памыліцца.

І яшчэ мова — гэта пра правы.
Права размаўляць і вучыцца на сваёй мове.
Права чуць яе ў горадзе, у медыя, у краме, у школе.
Права не саромецца і не адчуваць сябе “не такім”.

Сёння добры дзень, каб зрабіць маленькі крок:
🔘 сказаць некалькі сказаў па-беларуску (нават калі пакуль няўпэўнена);
🔘 падтрымаць беларускі праект або медыя;
🔘 пачытаць хоць адну старонку на роднай мове;
🔘 або проста падумаць: што для мяне значыць беларуская?

Мова жыве, пакуль мы ёй карыстаемся. 🤍❤️🤍

☕️ Падтрымаць нашую дзейнасць можна тут, данатам на каву.

Важнае за 2 тыдні у Берасцейскай вобласці

Станам на 01.03.2025, у вобласці 206 палітвязняў. Цяжарная палітзняволеная з Берасця была памілавана

✈️ Гэтыя 7 прадпрыемстваў Берасцейскай вобласці дапамагаюць расейскай вайне (Пінск, Берасце, Целяханы, Баранавічы, Мікашэвічы

🤯 У Берасці перад "гадавінай СВО" зладзілі выставу партрэтаў з серыі "VZгляд"

Рэпрэсіі: асудзілі былых кіраўнікоў баранавіцкага незалежнага выдання Intex‑press (Янукевіч і Пакаленка атрымалі 14 і 12 гадоў калоніі). Набыў моц завочны прысуд пінчуку Дзенісенка за пратэсты 2020 года. 29‑гадовую Карыну Куцко асудзілі па палітычным артыкуле, яна родам з Івацэвіцкага раёна

🔨Адпраўлены ў адстаўку берасцейскі суддзя Сяргей Маручак. Ён выносіў рэпрэсіўныя рашэнні як да 2020, так і пасля