В Брестской области стало на 2 политзаключенных больше

Сегодня беларуское правозащитное сообщество признало политзаключенными на Брестчине:
▪️Батищев Артём Валерьевич (ИУОТ-9) — житель Бреста. Летом 2025 года его осудили по ст.369 УК (Оскорбление представителя власти) . Отбывает 2 года "химии".
▪️Карманович Александр Игоревич (ИУОТ-21) — житель Бреста. В середине 2025 года его осудили по политическому делу за "публичное оскорбление Лукашенко" (ст.368 УК). Отбывает 2 года "химии".

Таким образом, в данный момент в стране правозащитники считают 913 человек политическими заключенными. Из них, по нашим подсчетам, в Брестской области 183.

Написать нам | Наш Instagram

Палітвязню з Бярозы дадалі 1 год пазбаўлення волі (да 6-гадовага тэрміну)

Як паведамляе @belarus_abc, Мікіта Дранец меўся вызваліцца ў сакавіку-2026. Але ў студзені-2026 адбыўся суд, які павялічыў тэрмін хлопцу на дадатковы 1 год пазбаўлення волі. Такое рашэнне вынеслі за нібы непадпарадкаванне адміністрацыі калоніі (артыкул 411 КК).

Нагадаем, што раней Мікіце далі 6 гадоў калоніі па "справе анархістаў". Яго затрымалі напачатку 2021 года, і з таго часу ён у няволі.

У Мікіты было 3 пункта абвінавачання: арт.342 за "марш дармаедаў" у Берасці ў 2017 годзе; арт.342 за перакрыццё шашы М1 у 2018 годзе на берасцейскіх пратэстах супраць заводу АКБ; "удзел у злачыннай арганізацыі" з-за анархісцкай арганізацыі "Рэвалюцыйнае дзеянне". Беларускія праваабаронцы прызналі ўсіх асуджаных у межах гэтай справы палітвязнямі.

За апошні час тром іншым палітвязням Берасцейскай вобласці, якія праходзілі па той жа "анархісцкай" справе, таксама павялічвалі тэрміны: Аляксею Галаўко дадалі паўгады, Паўлу Шпетнаму — 1 год, Аляксандру Казлянка — паўтары гады. З таго часу толькі Шпетны і Казлянка апынуліся на волі: іх 19.03.2026 "памілавалі" і выслалі з уласнай краіны ў Літву.

🟥 Пінчука, якога нядаўна (завочна) асудзілі за пратэсты 2020 года, КДБ абвясціла "тэрарыстам". Гэта несапраўдны тэрарыст

Сёння КДБ апублікавала абноўлены "спіс тэрарыстаў". Туды дадалі 1 беларуса — гэта Дзяніс Дзенісенка з Пінска.

Месяц таму ўлады абвясцілі трох іншых жыхароў Берасцейскай вобласці гучным словам "тэрарысты". 20 лютага КДБ дадала ў адпаведны спіс Трафіма Барысава з Баранавічаў, Дзмітрыя Захарошку з Мікашэвічаў ды Рамана Маханькова з Берасця. Іх усіх таксама абвясцілі ажно "тэрарыстамі" з-за палітычных прысудаў.

❕Нагадаем, што беларускія ўлады прыкрываюцца паняццямі "экстрэмізма" і "тэрарызма" для рэпрэсій.

"Работы праводзіліся акуратна". Як афіцыйныя асобы пракаментавалі тое, што на Трышынскіх могілках спіленыя дрэвы пашкодзілі помнікі

@BGazeta адсачыла, як афіцыйныя асобы пракаментавалі скандал. Замест прызнання праблем, гендырэктар Берасцейскага гарадскога ЖКГ заявіў, што проста вядуцца работы па выдаленню аварыйных дрэваў, каб тыя не маглі пашкодзіць помнікі. І што работы па выдаленню "праводзіліся акуратна". Адначасова ён адзначыў, што ўсе помнікі "прыведзены ў парадак" (пад гэтым, хутчэй за ўсё, маецца на ўвазе тое што помнікі проста вярнулі на месцы, а нанесеныя пашкоджанні не чапалі).

Больш падрабязна пра рэакцыю ўладаў чытайце ў матэрыяле берасцейскіх журналістаў:
https://bgmedia.site/society/gendirektor-zhkh-bresta-prokommentiroval-povrezhdenie-pamyatnikov-na-trishinskom-kladbishhe/

Нагадаем, што 15 сакавіка ў сацсетках з'явіліся фоты з Трышынскіх могілак у Берасці. На фотаздымках было добра бачна, як спілаваныя дрэвы пашкодзілі крыжы і надмагіллі. Напярэдадні на могілках ладзілі "суботнік" дэпутаты, а перад імі праводзіла работы "Брэсцкае спецпрадпрыемства".

📍Трышынскія могілкі ў Берасці — старыя могілкі ў цэнтры горада. Найстарэйшае пахаванне датуецца 1834 годам. Трышынскія могілкі маюць статус гісторыка-культурнай каштоўнасці ды маюць ахоўвацца дзяржавай.