Экс-палітвязня з Берасця Ціхана Клюкача асудзілі па новай справе. Але ўжо ў яго адсутнасць

Пра гэта стала вядома з раскладу судовых паседжанняў Вярхоўнага суду, бо на 19 жніўня запланаваны разгляд апеляцыі па справе супраць 9 беларускіх добраахвотнікаў. Як аказалася, па гэтай справе праходзіць і Ціхан Клюкач. Які менавіта прысуд яму вынесены — невядома.

Нагадаем, што Ціхан Клюкач — былы палітвязень з Берасця. Атрымаў тэрмін у паўтары гады калоніі за менскія пратэсты 2020 года, цалкам адбыў зняволенне. Пасля з'ехаў з Беларусі. Ваюе на баку Ўкраіны супраць Расеі. Нядаўна ў баях атрымаў кантузію.

📸 на фота Ціхан Клюкач / фота з Facebook

Важнае за 2 тыдні у Берасцейскай вобласці

Станам на 17.08.2025, у вобласці 248 палітвязняў.

🔫 Мілітарызацыя дзяцей ідзе далей. Ізноў дзецям давалі ў рукі зброю. Гэтым разам у лагеры пад Берасцем.

Рэпрэсіі: берасцейцу палітвязню Даніле Палянскаму далі 10 гадоў калоніі. Стала вядома, што экс-палітвязня Ціхана Клюкача асудзілі другі раз, цяпер завочна.

🔥У Берасцейскім ІЧУ здарыўся пажар. Міліцыя не пускала туды ратавальнікаў, і не казала затрыманым пра надзвычайную сітуацыю.

Камітэт ААН забараніў Грузіі дэпартаваць берасцейскага праваабаронцу

Раман Кісляк (праваабаронца з Берасця) намагаўся атрымаць у Грузіі статус уцекача. Але паслядоўна атрымоўвае адмовы ад грузінскіх уладаў. Пасля таго, як апошняя інстанцыя ў Грузіі адмовілася прызнаць яго уцекачом, Кісляк падаў скаргу ў Камітэт па правах чалавека ААН (КПЧ ААН).

І, як паведамляе Позірк, КПЧ ААН прыняў да разгляду заяву Кісляка. Адначасова Камітэт запатрабаваў ад уладаў Грузіі не высылаць Кісляка ў Беларусь да завяршэння працэдуры разгляду. Разгляд справы ў Камітэце ААН можа заняць 2-5 гадоў.

❌ Інстаграм-старонкі пра Марфу Рабкову цяпер забароненыя. Папаўненне ў спісе цэнзуры

Гаворка пра старонкі інстаграм-старонкі "freemarfa" і "free_marfa". Беларускія ўлады прызналі іх так званымі "экстрэмісцкімі матэрыяламі". Цяпер за "распаўсюд" ды "захоўванне з мэтай распаўсюду" ў Беларусі ўлады будуць караць па арт.19.11 КоАП.

Нагадаем, на момант затрымання Марфа Рабкова была каардынатаркай Валанцёрскай службы "Вясны". Яе затрымалі 17 верасня 2020 года — з таго часу яна за кратамі.

📍Таксама нагадаем, што да лета 2020 года ў Беларусі досыць рэдка прызнавалі нешта "экстрэмісцкімі матэрыяламі". Звычайна гэта было штосьці, звязанае з гвалтоўнымі ультраправымі ідэямі. Але пачынаючы з ліпеня 2020 года спіс у асноўным выкарыстоўваецца для палітычнай цэнзуры.

Маладой дзяўчыне з Баранавічаў прысудзілі калонію па палітычнай справе. За тэлеграм-чат і пратэсты

Вользе Мікалаевай з Баранавічаў прысудзілі пазбаўленне волі, даведалася Наша Ніва. Але дакладны тэрмін ёй невядомы.

Шчэ ў снежні-2024 сілавікі заяўлялі пра затрыманне жанчыны. Яе назвалі "стваральніцай тэлеграм-чата Белыя крылы Барановичи" (той чат напярэдадні абвясцілі "экстрэмісцкім фармаваннем"). Гэты раённы чат быў зусім малым ды даўно неактыўным, а сама Вольга (па інфармацыі журналістаў) не была яго стваральніцай (хаця магла быць яго мадэратаркай).

❕Нагадаем, што беларускія ўлады з 2020 года актыўна выкарыстоўваюць абвінавачванні ў "экстрэмізме ды тэрарызме" ў мэтах рэпрэсій.

Апроч абвінавачванняў з-за тэлеграм-чата, Мікалаеву асудзілі за пратэсты 2020 года. Гэта вынікае з апошняга "спісу экстрэмістаў", бо там пазначана, што набыў моц прысуд яшчэ і па арт.342 КК.

🥁 Як раней пісала Наша Ніва, Вольга Мікалаева родам з Баранавічаў, скончыла вну ў Менску ды вярнулася ў родны горад. Любіць падарожнічаць, у студэнцтве грала ў музычных гуртах бубначкай.

Брест: журналиста приговорили к 3 годам колонии. По политическому делу

Как сообщает БАЖ (Беларуская Ассоциация Журналистов), 8 августа вынесли приговор Олегу Супрунюку. Журналисту, который ранее сотрудничал с независимым изданием "Першы рэгіён", дали 3 года колонии.

Ранее прокуратура опубликовала заявление (не называя имя, но детали указывали на Супрунюка), что тот "входил в состав экстремистского формирования БАЖ" и в этом качестве написал минимум 43 статьи. Власти подвели это под статью 361-1 УК (Вхождение в состав экстремистского формирования).

❕Напомним, что беларуские власти после протестов 2020 года активно используют обвинения в "экстремизме" для цензуры и политических репрессий.

Как обращает внимание БАЖ, у Супрунюка имеются проблемы со здоровьем (в сентябре ему исполнится 58 лет, имеет инвалидность).

В Брестской области стало на 1 политзаключенного больше

Сегодня беларуское правозащитное сообщество признало политзаключенными на Брестчине:
▪️Супрунюк Олег (СИЗО-7) — журналист из Бреста. Получил 3 года колонии по политическому делу (за якобы "вхождение в состав экстремистского формирования БАЖ", а на самом деле за работу журналистом, в т.ч. для независимых изданий).

Таким образом, в данный момент в стране правозащитники считают 1193 человек политическими заключенными. Из них, по нашим подсчетам, в Брестской области 249. Полный список политзаключенных Беларуси: 👉 https://prisoners.spring96.org

#политзкрб
#вяснабр_палітзняволеныя

У гэты дзень: роўна 10 гадоў таму памёр першы беларус на вайне Украіны супраць Расеі. Ён з Берасця

Алесь Чаркашын родам з Берасця. Нарадзіўся ў 1982 годзе, актыўна ўдзельнічаў у дэмакратычным беларускім руху. Нейкі час узначальваў гарадскую ячэйку БХД у Берасці, прымаў удзел у Плошчы-2010. У 2014 годзе пайшоў добраахвотнікам абараняць Украіну.

Атрымаў цяжкае раненне 10 жніўня 2015 на Данбасе. Памёр 28 жніўня 2015 у шпіталі пасля некалькіх тыдняў комы.

🪦 Гэта стала першай смерцю сярод беларускіх добраахвотнікаў, што абаранялі Украіну ад расейскай агрэсіі ў бягучай вайне.

Пахаваны ў Берасцейскім раёне (в.Камяніца Жыравецкая).

🎥«Прававыя летапісы». «Вясна» прэзентуе відэапраект аб правах чалавека ў гісторыі Беларусі

Статуты ВКЛ, паўстанне 1863, савецкія часы, феномен дысідэнства і 1990 гады... Як усе гэтыя падзеі звязаныя з правамі чалавека? Адказ на гэтае пытанне шукайце ў новай серыі гістарычных відэа «Прававыя летапісы».

Першае відэа прысвечана Статутам ВКЛ. У ім гледачы адшукаюць адказы на пытанні:

• Ці было Вялікае Княства Літоўскае прававой дзяржавай?
• Ці з’яўляецца статут ВКЛ канстытуцыяй?
• Ці ўсе былі ў тыя часы роўныя перад законам?

https://youtu.be/pDkB-bT9t40

Пенсіянерка ў Бярозе хацела паскардзіцца Лукашэнку на малую пенсію. Замест прыёму атрымала 10 сутак

Як стала вядома @viasna_brest, падчас прыезду Лукашэнкі 13 чэрвеня ў Бярозаўскі раён мясцовыя жыхары атрымалі загад не выходзіць са сваіх дамоў.

А адна з пенсіянерак хацела ўжывую паскардзіцца Лукашэнку на малыя пенсіі. Атрымаць аўдыенцыю не атрымалася, жанчыну пасля выхаду з дома затрымалі і змясцілі ў ІЧУ Бярозаўскага раёна на 10 содняў.