١- کۆڵبەری پێشە نییە، کۆڵبەری شێوەیەکە لە ژیانی کۆتایی پێهاتوو، شێوەیەک لە ژیانی کۆژراو و شێوەیەک لە ژیانی بەفیڕۆدراو لە دۆخێکی کۆلۆنیالیستیدایە.
٢- کۆڵبەری دیاردەیەکی تاکەکەسی نییە، بەڵکوو کێشەیەکی کۆمەڵایەتی و پرسێکی مێژووییە. کۆڵبەری درێژەی شێوازەکانیتری چەوساندنەوەی نەتەوەی کوردە. کۆڵبەری بەردەوامی ژینۆساید، کیمیاباران، تێرۆر، کۆچی بەکۆمەڵ، دەربەدەری کۆمەڵآیەتی و هتدە. کۆڵبەری بەرهەمی بارودۆخێکی مێژوویی و دەرئەنجامی پرۆسێسێکی دوورودرێژ لە کۆلۆنیالیسمە.
٣- مەرگی یەک یان چەند کۆڵبەرێک، مردنی تاکەکەسێک یان "گروپێک"نییە، بەڵکو مەرگی هێدی هێدی نەتەوەیەکە. مەرگی کۆڵبەر، دەستدرێژی دڕندانەیە بۆ سەر گۆڕەپانی ژیانی میلەتی کورد. مەرگی کۆڵبەر، مەرگی هێدی هێدی کوردستانە.
۴- کەمکردنەوەی هۆکاری کوژرانی کۆڵبەر بۆ پۆلیس، سپای ئێران یا کۆماری ئیسلامی، هەڵەیەکی گەورەیە. هۆکاری کوژرانی کۆڵبەر، بونیادێک و پێکهاتەیەکی مێژوویی–سیاسییە کە هەزاران ساڵ مێژووی لە پشتەوەیە و وردە وردە بووەتە هۆکاری کوژرانی سوژەی کوردی. هۆکارەکان دەگۆڕدرێن، بەڵام پێکهاتەکان جێگرن و ڕۆژ لە دوای ڕۆژ پتەوتر دەبنەوە.
۵- ئیدانەکردنی کۆڵبەر لەلایەن هەندێک لە کوردەکانەوە بە هەر هۆکارێک بێت، کەمکردنەوەی پرسێکی پێکهاتەیی-مێژووییە بۆ پرسێکی تاکەکەسی–بەکۆمەڵ. ئەم جۆرە کەمکردنەوەیە لە کۆتاییدا خزمەت بە گوتاری داگیرکاری دەکات.
٦- ڕێگای ڕزگاری، تەواوبوون و کۆتایی کۆڵبەری نییە. کۆڵبەری تەنیا یەک ئەڵقەیە لە زنجیرەی چەوساندنەوەیەکی مێژووییە. کۆتایی کۆڵبەری، سەرەتای جۆرێکی‌تر لە ئازار و چەوساندنەوەیە. ڕێگای ڕزگاری ئەوەیە کە ڕێڕەوی ئەو پێکهاتە مێژوویی-سیاسییە بگۆڕدریت کە ستەم و مەینەتیی میللەتی کوردی بەرهەم هێناوە.
٧- کۆڵبەری خەریکە دەبێتە ئوبژەی نمایشی "ئەویتر" و فۆرمێک لە نواندنەوەی ئایدیۆلۆژیکی چەوساوە بۆ پتەوکردنی گوتاری زاڵ! ئەمە سامناکە و بێگومان دەبێتە هۆی دووبارە بەرهەمهێنانەوەی ئەم دۆخە مێژوویی-پێکهاتەییە. نمایش، پێشەکییە بۆ دووبارە بەرهەم هێنانەوە.


#کۆڵبەر
#کۆڵبەری
#کوردستان

#بۆکان

ویدئۆیەک لە گڵکۆی گیانبەختکردووی شۆڕشی ژینا #محەممەد_حەسەنزادە بڵاوبۆتەوە کە نیشان دەدا بەکرێگیراوانی ڕژیم دەستیان داوەتە تێکدان و شێواندنی گڵکۆی ئەو گیانبەختکردووە لە شاری بۆکان.


#ژینا_ئەمینی
#کۆڵبەر_نیوز
#ناڕەزایەتی_سەرتاسەری

▪️ #بۆکان

لاوانەوەی دایکی “هێمن ئامان” یەکێک لە گیانبەختکردووانی شۆڕشی #ژینا لە شاری بۆکان لەسەر گڵکۆی ناوبراو.


“#هێمن_ئامان” گەنجێکی تەمەن ٢٦ ساڵی خەڵکی شاری بۆکان بوو کە لە کاتی ناڕەزایەتییە سەرتاسەرییەکانی شاری بۆکان بەهۆی گوللەی ساچمەیی لەلایەن هێزە سەرکوبگەرەکانی ڕژیم بە سەختی بریندارببوو، کە هەمان ڕۆژ لەلایەن هێزە سەرکوتگەرەکانەوە لە ماڵەکەی خۆیدا ڕفێندرا. کە دوای ڕفاندنی، ناوبراو بۆ ئیدارەی ئیتلاعاتی شاری ورمێ گواسترابوویەوە.
هێمن ئامان ڕۆژی چوارشەممە ٢ی سەرماوەزی ١٤٠١، بەهۆی سەختی برینەکانی و ئەشکەنجەدانی لەلایەن هێزەکانی ڕژیمەوە گیانی لەدەستدا.


#کوردستان
#شۆڕشی_ژینا
#کۆڵبەر_نیوز

ببینن چۆن تەواری مه
شکۆی نێزە و چەقۆی دەشکاند

چ سەربەرز و چ ئازا بوو
له زنجیردا چیای دەدواند

#کوردستان
#ژن_ژیان_ئازادی
#کۆڵبەر_نیوز