▪️ بەڕێوەچوونی مەراسیمێکی چالاکانی مەدەنی لە شاری بانە

بەپێی ڕاپۆرتی کۆڵبەرنیوز، ئەمڕۆ هەینی ٢٨ی سەرماوەزی ١٤٠٤ی هەتاوی، ژمارەیەکی زۆر لە چالاکوانانیی مەدەنی، کرێکاری، ژنان و پارێزەرانی ژینگەی شاری بانە کۆبوونەوەیەکی گەرم و گوڕیان ئەنجامدا. ئەم ڕێوڕەسمە بە خوێندنەوەی پەیامی چالاکوانان، شێعر و گۆرانی تایبەت بەڕێوەچوو.

یەکێک لە گرنگترین بەشەکانی ڕێوڕەسمەکە خوێندنەوەی پەیامێک بوو لە لایەن ڕەوتی "ژیانەوە"ەوە، کە تێیدا جەخت لەسەر ئاشتی، لێبوردن و ئاشتی کردەوە بەرامبەر کەسوکاری قوربانیانی شەڕە خۆبەخۆکان. لەم پەیامەدا ئاماژە بەوە درا کە تا ئێستا چەندین سزای لەسێدارەدانیان توانیوە بگۆڕن بۆ دوورخستنەوە بۆ ئاشتی و ئاشتبوونەوە.

دوای کۆتاییهاتنی بەشی یەکەمی ڕێوڕەسمەکە، بەشداربووان بەرەو کێوی ئاربابا بەڕێکەوتن بۆ چەقاندنی داری بەڕوو و درێژەدان بە چالاکییەکە.

ئەم کۆبوونەوەیە نیشاندەری هەوڵەکانی چالاکوانانیی مەدەنییە بۆ پەرەپێدانی فەرهەنگی ئاشتی و لێبوردن لە کۆمەڵگادا، لە کاتێکدا کەشوهەوای سارد زاڵ بووە بەڵام نەبۆتە هۆی کەمبوونەوەی ئامادەبووان.

#ژینگە
#ژینگەپارێزی
#کوردستان

@kolbarnews