#Hokimlik_hujjatlari

Toshkent viloyati hokimi mablag' va yer ajratish bilan bog'liq bir nechta qaror va farmoyishlarni imzoladi.

Jumladan,

➖ Toshkent, Chinoz, Oqqo'rg'on va Ohangaron tumanida bo'sh turgan qishloq xo'jaligiga mo'ljallangan yer maydonlari davlat mulki sifatida ro'yxatdan o'tkaziladi;

➖ Nurafshon shahri, "Navro'z" MFY hududidan qishloq xo'jaligiga mo'ljallanmagan davlat zaxirasidagi 0,06 gektar yer maydoni viloyat Transport boshqarmasiga ma'muriy bino va inshootlar qurilishi uchun doimiy foydalanish huquqi bilan ajratib berildi;

➖ Piskent tumani hududidan fuqarolarni o'zini-o'zi boshqarish organlariga bir nechta mahalla fuqarolar yig'ini ma'muriy bino va inshootlari qurilishi uchun doimiy foydalanish huquqi asosida yer maydonlari ajratildi;

➖ Markaziy Osiyo atrof-muhit va iqlim o'zgarishini o'rganish universiteti ("Green University")ga 18,47 gektar yer maydoni "Dentrologiya bog'i" uchun doimiy foydalanish huquqi bilan ajratib berildi;

➖ viloyat hududidagi ichki yo'llarni ta'mirlash uchun 1 milliard 711 million 100 ming so'm miqdorda mablag' ajratildi;

➖ viloyat hududidagi ayrim tibbiyot muassasalarida qurilish, ta'mirlash ishlarini yakunlash, foydalanishga topshirish xarajatlari uchun 4 milliard 401 million 700 ming so'm pul mablag'i ajratildi;

➖ mahallalarda xavfsiz muhit yaratish hamda huquqbuzarliklarning barvaqt oldini olish maqsadida huquq-tartibot maskanlari tashkil etish hamda shu doiradagi tadbirlarni amalga oshirish uchun 3 milliard 893 million so'm mablag' ajratildi;

➖ viloyat hokimligi xodimlarining ish faoliyatiga qulay sharoit yaratish, internet xizmatlari, texnik xizmat ko'rsatish kabi maqsadlar uchun 479 million so'mdan ziyod mablag' ajratildi;

➖ Chirchiq shahar hamda Zangiota tumani hududidagi ayrim yaroqsiz holatdagi obyektlar buziladi.

✅ Telegram 🌐Website 📹YouTube 📸 Instagram✅Facebook 🕊Twitter