‍ هاووڵاتییانی هێژا!
وەرزی جووتبوونی مارانە! 🐍

هاووڵاتیانی خۆشەویست ئاگادار بن کە ئەو ماوەیە، وەرزی جووتبوونی مارەکانە و لە کوردەواریدا دیمەنی جووتبوونی مارەکان، بە ماری "ئاشقە و ماشقە" ناوزەد کراوە.

داوا دەکەین لە هاونیشتمانییان وەکوو #ئەرکێکی_ئەخلاقی، ئاگاداری ئەو بوونەوەرانە بن و لەو کاتەدا، لە مارەکان نزیک نەبنەوە.

بەداخەوە، ماریش وەکوو زۆربەی ئاژەڵەکانی دیکە، بەردەوام تووشی دڕندەیی مرۆڤەکان بووە!
وا باشە بزانین کە لە زۆربەی حاڵەتەکاندا، ئەوە مرۆڤ بووە چووەتە ژینگە و ماڵی مارەکان، بەڵام بەو حاڵەش، کوشتنی ماران، بووەتە نەریت!..

بۆچوونێکی دیکە هەیە کە دەڵێن ماری ڕەش بە هۆی ئەوەیکە مشکان دەخوا، نابی بکوژرێ، بەڵام ماری بۆر و زەرد و بە گشتی هەر ڕەنگێک جگە لە ڕەش، دەبی بکوژرێ و سەری پان کرێتەوە!

هاونیشتمانی خۆشەویست!
هەر بوونەوەر و ئاژەڵێک، وەکوو هەر مرۆڤێک، #مافی_ژینی هەیە. با ئێمە حوکمی نەمان و کوشتنیان بەسەردا نەسەپێنین.
بەدێهێنانی هیچ بوونەوەرێک، بەبێ هۆکار و تایبەتمەندی نەبووە. هەر یەک لە وان کاریگەری خۆی هەیە لەسەر ژینگە و سووڕی ژینگەدا.
جۆراوجۆرێتی بایۆلۆژی (تنوع زیستی) ئەو بەشە گرینگەیە کە پێویستە بە وردی لێی بڕوانین و بۆ مانی ژینگەیەکی زیندوو، ڕەچاوی بکەین و پارێزگاری لێ بکەین.

[ڕێکخراوەی ژینگەپارێزانی پیرانشار]
🌱🌾🌸 @jinge_piranshahr 🐿