4 u by @USA2A

#ገምሃልያ_ክፍል_16

#እኔ እኮ አፈቅርሃለው.... ቃለ አፌ ላይ ተንጠልሎ ቀረ አፌን እንደከፈትኩ እኔኔኔ.... አልኩ ስቆይበት ግዜ አንቺ ምን አለኝ። ልተፋት የነበረችውን ቃል መልሼ ዋጥኳት ምንም ተወው በቃ አልኩት እንዴ ለምን ንገሪኝ እንጂ አለኝ ምን እንደሆነ ለማወቅ የጓጓ ይመስላል ድንገት ሌላ ጥያቄ መጣልኝ። እእእ እሺ እንትን ሊናን እንደወደድካት እንዴት እና መቼ እንዳወቅክ ልትነግረኝ ትችላለህ አልኩት ታዲ ከት ብሎ ሳቀና ቀስበቀስ ወደ ሰመመን ውስጥ ገባ ረዘም ላለ ግዜ ዝም ካለ በኃላ አው አስታውሳለው ሊናን የወደድኳት አንቺን ምን ያህል እንደምትወድሽ ካየው በኃላ ነው አንቺ ከምታስቢውና ከምታውቂው በላይ ትወድሻለች ታስብልሻለች። አስታውሳለው አንቺ ሆስፒታል የነበርሽ ግዜ ምን ያክል ስቃይ እንዳየች እኔ አውቃለው ደምሽ በጣም ከመፍሰሱ የተነሳ ደም ያስፈልግሽ ስለነበር የሷና ያንቺ ደም ደሞ ማች ስለሚያደርግ እሷ እንድትሰጥሽ ይደረጋል ሆኖም ግን በቂ አልነበረም እናም ድጋሚ ከሷ እንዲወስዱ ትጠይቃቸዋለች ዶክተሮቹ ግን ከልክ በላይ ስለወሰዱ ከዚ በላይ ደም ከሰጠች የሷም ህይወት አደጋ ላይ እንደሚወድቅ ይነግሯትና ያስተዋታል። ታውቂ ከሆነ ያንቺ ደም እና የሷ ደም ኦ ማይነስ ነው ይህ ደም ለማግኘት በጣም ከባድ ነው
ከመቶ ሰው አንድ ሰው ብቻ ነው ኦ ማይነስ የሚገኘው ታዲያ ዶክተሮቹ ከእህትሽ ሌላ ኦ ማይነስ የደም አይነት ያለው ሰው ለማግኘት በሚሯሯጡበት ግዜ እሷ ውጪ ወጥታ ማንነቷ እንዳይታወቅ ልብስ ቀይራ እንዳለ ራሷን ቀይራ መጣች የደም አይነቷ ኦ ማይነስ እንደሆነ ተናግራ ዶክተሮቹ ሳያውቁ ከሷ ደሙ ተወስዶ ላንቺ እንዲሰጥሽ ተደረገ እሷ ግን ከመጠን በላይ ስለሰጠች ራሷን ስታ መሬት ላይ ወደቀች ነርሶቹ ሊና እንደሆነች ያወቁት ከተዘረዘችበት ሲያነሷት ነበር ለሷም በስንት መከራ የናንተ የደም አይነት ተፈልጎ ተለገሳት በህይወት ተረፈች እኔ በጣም ነበር የተገረምኩት እንደዚህ አይነት ለራስ ሳያስቡ ለሰው ማሰብ በጣም ይከብዳል ብቻ ከዛም በኃላ እኔም እሷም ላንቺ ህይወት ስንል እዛው ሆስፒታል ውስጥ ሆነን አንቺን መንከባከብ እና እምትነቂበትን ቀን በተስፋ መጠበቅ ጀመርን ብዙ ግዜ አናወራም ነበር ግን በጊዜ ሂደት ማውራት ጀመርን እየተቀራረብን መጣን ስላንቺ እምታወራልኝ ነገሮች እንድወዳት አደረገኝ ሊና በጣም እምትገርም በሳል ሴት ናት አለኝ አስቀናኝ!!

ቀናት ቀናትን እየወለዱ ሄዱ አዲስ አመት መጣ። ከሊና እና ታዲ ጋር አንድ ላይ መኖሩ እየከበደኝ መጣ በሁለቱ የፍቅር ኑሮ ሁሌም እንደቀናው ነው ልደቷን እንዴት ደስ በሚል ሁኔታ እንዳከበረላት ሳስብ፣ አውደአመት መጥቶ በተለየ ሁኔታ እንዳከበሩት ሳስብ በሊና ፋንታ እኔ ልሆን እችል ነበር የሚለው ሃሳብ ሁሌም አእምሮዬ ይመላለሳል ፍቅር ምን ያህል እንደሆነ ዳግም ከማፈቅረው ሰው መማር ከበደኝ። ይህንን ቁጭትና መብሰልሰል እማካፍላት ሃናን ብቻ ነበረች ብቻ በብዙ ምክንያቶች ከሁለቱም መራቅ እንዳለብኝ ተሰማኝ ጓደኛዬ ሃናንን አናግሪያት ከእሷ ጋር ልኖር ወሰንኩ እሷ ሁሉንም ነገር ስለምታውቅ ከሷ ጋር መኖር ይቀለኛል ግን ትልቅ ጭንቀት የሆነብኝ ነገር ለታዲና ሊና እንዴት መንገር እንዳለብኝ ነው በጣም ጨነቀኝ እነሱ ለኔ ብለው ስንት ነገር ከፍለው ስንት ስቃይ አይተው እኔ ከቤት ወጥቼ ሌላ ቤት ልኖር አስቢያለው ስላቸው ምን ሊሰማቸው እንደሚችል መገመት ከበደኝ በጣም የሚበሳጩብኝ መስሎ ተሰማኝ። ብዙ ካሰብኩበት በኃላ መጀመሪያ ከሊና በፊት ለታዲ ልነግረው አሰብኩ የዛን ቀን ሁለቱም ስራ ሄደው ብቻዬን ስለነበርኩ ለታዲ ደውዬ ላገኘው እንደምፈልግ ነገርኩት እሱም በሊና ጉዳይ የሚያማክረኝ አንድ ጉዳይ ስላለ እዛው የለመድነው ፓርክ እንድንገናኝ ቀጠረኝ። ምን ሊነግረኝ ፈልጎ ነው ብዬ ተብሰለሰልኩ ስለሊና ምን ሊነግረኝ ፈልጎ ነው ሳወራው ትንሽ የተጨነቀ አይነት መስሎ ተሰምቶኛል ምን እንደሆነ ለማወቅ እየቸኮልኩ ተነስቼ ወደዚህ ፓርክ መጣው ስደርስ ታዲ ሁሌ የምንቀመጥበት ቦታ ላይ ተቀምጦ አገኘሁት። ትንሽ ሃሳብ የገባው ይመስላል ሄጄ ሰላም አልኩትና ተቀመጥኩ ትንሽ ዝም ከተባባልን በኃላ ታዲ ምነው ሰላም አይደለህም እንዴ አልኩት። ከሰመመን እንደመንቃት እያለ እእእ... ደና ነኝ ደና ነኝ ፅኑዬ አለኝ። እሺ አልኩትና እስከሚያወራ ድረስ በዝምታ መጠበቅ ጀመርኩ። ያንቺን ፍቃድ መጠየቅ ይኑርብኝ አይኑርብኝ አላውቅም ግን... ግ... ግን.... አለና በፍጥነት ወደጉልበቴ እየተንበረከከ ከኪሱ ውስጥ የሆነች ቀይ ትንሽዬ ሳጥን ነገር አወጣ ሁኔታው አስደነገጠኝ ፍፁም ያልጠበቅኩት ነገር ነበር ታዲ ሳጥኗን ከፈታት ሳጥና ውስጥ የብር የቃልኪዳን ቀለበት ነበር!!! በጣም ደነገጥኩ ለኔ ነው ለሊና?።
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_17_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

http://t.me/usa2a
በ @USA2A የቀረበ