4 u by @USA2A

#ገምሃልያ_ክፍል_10

#ፅናት ታሪኳን ካቆመችበት ቀጠለችልኝ...
እና በቃ ያቺ ቀን በጣም ትፀፅተኛለች ዛሬም ድረስ ምናለ ለእህቴ ስሙን በነገርኳት እላለው። ከዛማ ከታዲ ጋር ያለን ቅርርብ ቀን ወደቀን በጣም እየጨመረ መጣ እሱም እንደመጀመሪያው ጭምት እና ኮስታራ ሳይሆን ያዋራኝ ጀመር አንድ ቀን በግድ አምጬ የፍቅር ጓደኛ እንዳለው ጠየቅኩት። እሱም ቅር ሳይለው በአሁን ሰአት እንደሌለው ግን ከዚ በፊት በጣም ይወዳት የነበረች ፍቅረኛ እንደነበረችው ቀለበት አድርገው ሊጋቡ ቃልኩዳን ተገባብተው እንደነበር ግን በአጋጣሚዎች ምክንያት እሷ ሌላ ባል አግብታ ወደ ውጪ ሃገር እንደሄደች እናም ከዛ በኃላ ልቡን ለማንም ሴት ክፍት አድርጎ እንደማያውቅ ነገረኝ በጣም ልቤ ተነካ እንደዛ ያደረገችውን ሴት በጣም ጠላኃት ታድኤል እንደዚ ለሰው ጭምት የሆነበት ምክንያት ገባኝ አሳዘነኝ በጣም ጥሩ ሰው ነው ማንም ሴት እሱን ብታገኝ እድለኛ ናት ይህንን አምናለው። በአሁን ሰአት ምን አይነት ሴት ለፍቅር እንደሚመርጥ ጠየቅኩት የተረጋጋች አስተዋይ እና የዋህ ሴት በጣም እንደሚወድ ነገረኝ እኔም እሱ ያላትን አይነት ሴት ለመሆን በአቅሜ በጣም እጥራለው አሁን አሁን ላይ የፍቅር ወሬዎች ስናወራ አይደብረውም የሚሰማውን ያወራኛል እኔም እሱ ፍቅርን የጠላበት ምክንያት ስለገባኝ እንደድሮው በጭፍን አልፈርድበትም ከተዋወቅን ወር አለፈን በየቀኑ በፅሁፍ ብናወራም በአካል አግኝቼው አላውቅም የዛኔ ከተገናኘን ውጪ ተገናኝተን አናውቅም። እሱ ራሱ እንገናኝ እስከሚለኝ ድረስ እየጠበቅኩት ነው አይኑን እስካየው በጣም ቸኩያለው በጣም ናፍቆኛል። በየቀኑ ማታ ማታ በቴክስት እያወራን እናመሻለን እኔ ሳልልክ ካመሸው እንኳን እሱ ቀድሞ ይልክልኛል ቢሆንም ግን አሁንም ድረስ ይውደደኝ አይውደደኝ ምንም እማውቀው ነገር የለም ምናልባት እንደ ጥሩ ጓደኛው አድርጎ እያየኝ ይሆናል ብዬ እከፋለው ለሱ ያ በቂ ሊሆን ይችላል ለኔ ግን በቂ አይደለም! እንደሚወደኝና። እንደማይወደኝ ለማረጋገጥ ሃኒ የነገረችኝን አንድ ፈተና ቢጤ ልፈትነው አሰብኩ ፈተናውን ካለፈ ይወደኛል ካላለፈው ግን እንደ ጓደኛው ነው የሚያየኝ ማለት ነው። ማታ ላይ በቴክስት አውርተን ከጨረስን በኃላ ቻው በቃ ሰላም እደር ስለው ዛሬ እንድታዋሪኝ እፈልጋለው አለኝ ታዲ ወሩን ሙሉ እንደዚ ብሎኝ ስለማያውቅ ልቤ ደነገጠ እንደሚወደኝ ሊነግረኝ ይሆን ብዬ አሰብኩ። ምነው ምትነግረኝ ነገር አለ አልኩት እየጓጓው። አይ የለም እንዲው ነገ እሁድ ስለሆነ ስራ ስለማትገቢ ላውራሽ ብዬ ነው ቢያስ እስከ እኩለለሊት ከደከመሽ ግን ተኚ አለኝ። አረ ችግር የለውም እናውራ ምን ይወራ አልኩት ዛሬ ገና እናውራ ስላለኝ ደስ ቢለኝ ም የጠበቅኩት መልስ ስላልነበር ደብሮኛል። ምሽቱን የባጥ የቆጡን ስንፃጫፍ አመሸን እና እኩለሌሊት ሲሆን happy birth day to u dear friend ማንም ሳይቀድመኝ ይህንን ልልሽ ስለፈለኩ ነበር ቅድም እናውራ ያልኩሽ መልካም ልደት ፂዬ ነገ በአሪፉ እንደምታከብሪው ተስፋ አለኝ ብሎ ፅፌ ላከልኝ። ልደቴ ነገ እንደነበር ፈፅሞ ረስቼዋለው ማንም ሳይቀድመው መጀመሪያ እሱ ስላለኝ ደስ አለኝ የተገናኘን ግዜ ልደቴ ከወር በኃላ እንደሆነ ነግሬው እሱን አስታውሶ መልካም ልደት ስላለኝ በጣም ደስ አለኝ በጣምም ገረመኝ ማስታወሱ ግን.... ግን ግን ምን ያደርጋል እሱ እኔን dear friend አለኝ እንደ ተራ ጓደኛው እንጂ እኔ በምፈልገው መንገድ እንደማያስበኝ ተረዳው ድብልቅልቅ ያለ ስሜት ነበር የሚሰማኝ ለይስሙላህ ደስ እንዳለኝ ነገርኩት።
ነገ ከሌላ ሰው ጋር ፕራግራም ከሌለኝ ልደቴን ከእሱ ጋር እንዳከብር ጠየቀኝ በጣም ደስ አለኝ ሁሌ ልደቴን ከእህቴ ጋር ነበር እማከብረው ግን ያሁኑን ከእሱ ጋር ላከብር ወሰንኩ ማን ያውቃል ምናልባት በልደቴ ቀን እሱም እንደሚወደኝ ሊነግረኝ ይሆናል በጣም ደስ አለኝ ምንም ሳላቅማማ እሺ አልኩት። ወር ሙሉ እሱን እየናፈቅኩት መገናኘት እየፈለግኩ ዋጥ አድርጌው እንገናኝ የሚለው ቃል ከእሱ እንዲመጣ ጠበቅኩ ታዲም አላሳፈረኝም በልደቴ ቀን እንገናኝ አለኝ ደስታዬ እጥፍ ድርብ ሆነ የት እንደምንገናኝ ስጠይቀው ይሄንን ፓርክ ነገረኝ አሁን የተቀመጥንበትን ማለት ነው እኔም ከዚ በፊት ልደት ፕሮግራም.ለአንድ ጓደኛዬ ስናከብርላት አውቀው ስለነበር እሺ አልኩት ይሄ ፓርክ ለኔና ለታዲ ልዩ ትውስታ ያለው ቦታ ነው። ታዲን እስካገኘው ቸኮልኩ የመሸው ለሊት አልነጋልሽ አለኝ ግዜ ሲጠብቁት ይጎተታል።
በጥዋት ተነስቼ ፀጉሬን ልሰራ ፀጉር ቤት ሄድኩ አረፋፍጄ ስመለስ ቤት ውስጥ ሊና ልደቴን ልታከብር ተዘጋጅታ እየጠበቀችኝ ነበር ሊና ልደቴን አንድም ቀን ረስታው አታውቅም ግን ይህንን አመት ስራ እየበዛባት ስለነበር የረሳችው መስሎኝ ነበር ቤት ስገባ መልካም ልደደደ...ት ብላ ሰርፕራይዝ አደረገኝ ደስ አለኝ በስጦታ መጠቅለያ ወረቀት የተጠቀለለ ነገር ሰጠችኝ እየጓጓው ስከፍተው እሚያምር ቀሚስ ነው አሁኑኑ ለብሰሽ አሳዪኝ አለችኝ በደስታ እየሮጥኩ መኝታ ቤት ሄጄ የእራት ልብሱን ቀየርኩት ጥቁር ነው በጣም ያምራል በቁምሳጥኑ መስታወት እየተሽከረከርኩ አየሁት በጣም አምሮብኛል አቤቤቤትትት... አሁን ታዲ በዚ ቀሚስ ሲያየኝ ምን ይላል አልኩ እየሳቅኩ እህቴ በስጦታ ላይ ስጦታ የደረበችልኝ መሰለኝ ዛሬማ ታዲን እማገኘው ይህንን ቀሚስ ለብሼ ነው አልኩ ለራሴ። ሊና ከሳሎን እእእ... ቆየሽ እኮ ምንድነው ምታጓጊኝ ቶሎ በይ እንጂ አለችኝ እየተፍለቀለቅኩ ወደ ሳሎን ሄድኩ የቀሚሱን ጫፍ ወደላይ ከፍ አድርጌ እየተሽከረከርኩ እንዴት ነኝ ሊናዬ አልኳት ያምራል በጣም ይሄድብሻል ልእልት መስለሻል አለችኝ በደስታ። አመሰግናለው ሊናዬ ልእልት የመሆኔ ምስጢር አንቺ የኔ ንግስት ስለሆንሽ ነው አልኳትና ሄጄ ጥምጥም ብዬ አቀፍኳት። እሷም ጥብቅ አድርጋ እያቀፈችኝ በዚ አለም ላይ ማንንም ከምወደው በላይ አንቺን እወድሻለው ብቸኛ እህቴ ነህ አለችኝ እኔም.እወድሻለው ሊኑ አንቺ ለኔ ብዙ ነገር ከፍለሻል እናቴም እህቴም ነሽ ያላንቼ ህይወቴን ሳስበው ይጨልምብኛል እኔም እወድሻለው ስላት እሳም እየሳቀች ውድድድ ነው ማረግሽ አለችኝና እንደህፃን ልጅ ትኮረኩረኝ ጀመር ሰፋ ላይ ወድቀን ብዙ ተላፋን። ሱደክማት ተነሳችና ከአይኖቻ ላይ የደስታ እንባ እየጠረገች ኬክ ከፈለግሽ ፍርጅ ውስጥ አለልሽ እሺ እኔ አሁን ወደ ስራ ልሄድ ነው ማታ ስመጣ ወደውጪ ወጥተን በሰፊው እናከብራለን አለችኝ ድስ እያለኝ እሺ አልኳት። ከታዲ ጋር የተቀጣጠርነው ከሰአት ነበር።

#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_11_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:
http://t.me/usa2a

4 u by @USA2A

#ገምሃልያ_ክፍል_23

#ፅናት እያለቀሰች ታድኤል ሊና መስላው እንደተኛት ስትነግረኝ በጣም አዘንኩ በልቤ ምን አይነት ጠንካራ ሴት ናት አልኩ! የፅናት ታሪክ ቀጠለ...

እያለቀስኩ ሊና እንዳልሆንኩ ብነግረውም ታዲ ግን... አሳዘነኝ... ምንም አልጮህኩ ድምፅ አላወጣው ዝም ብዬ እንዳረገኝ ሆንኩ።
ጥዋት ስነሳ ታዲ አልጋው ላይ አልነበረም እንደለመደው ወደ ሊና ጋር እንደሄደ ገመትኩ ታዲ እኔን ስለተኛኝ ምንም አልመሰለኝም እሱ በጤናው እንዲ እሚያደርግ ስብእና እንደሌለው በሚገባ አውቃለው። ቀኑን ሙሉ ተኝቼ ዋልኩ ማታ ላይ ታዲ ድጋሚ ስክሮ መጣ በሩ ተንኳኳ ከፈትኩለት ምንም ሳይነካኝ ገብቶ ተኛ።

ይህ ነገር ቀን በቀን እየተደጋገመ መጣ ውሎውን ከሊና መቃብር ወደ ባር ቀየረ በየቀኑ ከልክ በላይ ጠጥቶ ጥንብዝ ብሎ ሰክሮ ይመጣል ያንኳኳል እከፍትልታለው ገብቶ ይተኛል ምንም ነገር አይናገር አይጋገር። ቀናት እያለፉ በሳምንት ተተኩ ሳምንታተም አንድ ላይ እየተያያዙ ወራትን አስቆጠሩ ታዲ ከዛሬ ነገ ይሻሻላል እያልኩ ብጠብቅም ጭራሽ እየባሰበት ሄደ በየቀኑ እየጠጣ ይመጣል ሰፈር ውስጥ ወድቆ አገኘዋለው ይዤው ገባለው። ከፈለገም በዛው ያድራል ለሊቱን ሙሉ በሰላም ይመጣ ይሆን እያልኩ ስጨነቅ አድራለው ጭንቀቴ ሲብስብኝ በዛ ድቅድቅ ለሊት ወጥቼ እሱን ፍለጋ በየባሩ ስዞር አድራለው በቃ ህይወት አስጠላችኝ መኖር አስጠላኝ ድሮ አፈቅረው የነበረው ታድኤል አሁን ላይ የለም ፍፁም ሌላ ሰው ሆኗል የሊና ሞት ሃዘኑ ከቀን ወደቀን እየባሰበት ሄደ እንጂ ምንም መፅናናትን ማግኘት አልቻለም። ሁሌም ሲያመሽ ካለበት ባር ላመጣው ስሄድ መንገድ ዳር ተደፍቶ እያለቀሰ አገኘዋለው ልቤ ክፉኛ ይሰበራል ሊናን ከኔ ይበልጥ ይወዳት ነበር።

በእደዚ አይነት ሁኔታ ሁለት አመት አለፈ...
አንድ ቀን ጠዋት ከእንቅልፌ ስነሳ ታዲ መሬት ላይ ወድቆ ደም ሲያስመልስ አየው ደንግጬ ከአልጋው ተነሳውና አጠገቡ ሄድኩና ደረቱን በእጄ ደገፍ አደረግኩለት። ትንሽ ሲረጋጋ ውሃ እንዲጠጣ ሰጠሁት አቅሙ በጣም ደክሟል! ደግፌው ወደ አልጋው ወሰድኩና አስተኛሁት አጠገቡ ሆኜ እቅፍ አድርጌው ተኛው ምንም አላለኝም ዝምምም... ውስጤ ከረጅም ግዜ በኃላ ሰላም ተሰማው መልሶ ደሞ ልቤ ይሸበር ጀመረ ታዲን እማጣው እማጣው መሰለኝ እጁ ላይ ጥምጥምም እንዳልኩበት ስቅስቅ ብዬ ማልቀስ ጀመርኩ። ታዲ እባክህ እንደዚ አትሁን ራስህን በጣም እየጎዳህ ነው አንተ ለኔ ከማንም በላይ ታስፈልገኛለህ በዚ አለም ላይ ያለኀኝ ሰው አንተ ብቻ ነህ እባክህን ራስህን ጠብቅ እባክህን በሊና ይዤሃለው እራስህን አትጉዳ። ታዲ አንተ ባታፈቅረኝም እኔ ግን አፈቅርሃለው እባክህ ልለምንህ እንደዚህ አትሁን ያ... ጨዋታክ እና ቁጣህ ናፈቀኝ... አምርሬ አለቀስኩ ታዲ ከሁለት ድፍን አመት በኃላ አናገረኝ በእጆቹ አቀፈኝና ሳም አድርጎ ፅናት! እኔ የተሰበረ ልብ ነው ያለኝ የተሰበረ ልብ ለማንም አይጠቅምም ምን ያደርግልሻል!? አለኝ ከረጅም ግዜ በኃላ ስላናገረኝ በጣም ደስ ብሎኝ ስላለኝ ነገር እንኳን በቅጡ አልሰማሁትም እኔን እያናገረኝ መሆኑ ብቻ እንኳን በቂዬ ነበር። ጨጓራዬን በጣም እያመመኝ ነው አለኝ ደንገጥ እያልኩ ሆስፒታል እንሂድ ህክምና ያስፈልግሃል በጣም ተጎድተሃል ሰውነትህ ደክሟል አልኩት ታዲ ምንም መልስ አልሰጠኝም ዝም አለ! ዝምታውን እንደ እሺታ ቆጥሬ በፍጥነት ተነሳውና ልብስ ቀያይሬ ታዲም የለበሰውን ልብስ ቀይሬለት ወደሆስፒታል ሄድን።
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_24_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

http://t.me/usa2a
በ @USA2A የቀረበ

ገምሃል_ያክፍል_29

⚠ የመጨረሻዉ ክፍል 29 ብዙ ስለሆነ 3 ቦታ ከፍለነዉ ነዉ⚠

#ፅናት ለሰላሳ ደቂቃ ያክል ስታለቅስ ቆየች እኔ ግን ህመሟ በለቅሶዋ ይወጣላታል ብዬ ስላሰብኩ አልቅሳ እስክትጨርስ ድረስ ዝም ብዬ ቁጭ አልኩ በልቤ ምን ማለት እንዳለብኝና እሷን እንዴት ማፅናናት እንዳለብኝ እያሰላሰልኩ ነው።
ለቅሶዋ ትንሽ ቀዝቀዝ ሲልላት አይዞሽ እንኳን እንዳላልኳት ትዝ አላት መሰለኝ ትንፋሿ እየተቆራረጠ አ...አይዞሽ እንኳን አትለኝምምም አለችኝ። አንቺ አፍነሽ የያዝሽው ህመም እኮ አይዞሽ በሚል ቃል ብቻ የሚድን አይደለም ሲቀጥል እኔ ማውራት እምጀምረው አንቺ ሁሉንም ነግረሽኝ ከጨረሽ በኃላ ነው አልኳት።
ምን ልቀጥልልህ ከዚህ በላይ በቃ ታዲ ከሞት በኃላ ሁሉም ነገር ድብልቅልቁ ወጣ ምናልባት ጨካኝ ነሽ ብለህ ልታስበኝ ትችል ይሆናል ሊና ስትሞት ከነበረኝ ሃዘንና ስብራት በላይ ታዲ ሲሞት ነበረብኝ ይብስ ነበር ታዲን ከሊና በላይ ምን ያክል እንደምወደው የገባኝ ሲሞት ነበር። ከዛ በኃላ እኔም ለቀቅኩ ሱስ ውስጥ ገባው እሱ ለሊና እንደሆነው እኔም ለሱ እንደዛ መሆን ጀመርኩ ከሃዘኔ ለመሸሸግ ጨጓራዬ እስኪላጥ እጠጣለው ግን ይህ ቁስል በአልኮሆል እሚጠፋ ህመም አልነበረም ታዲ... አእምሮው ትክክል ባይሆን እንኳን በህይወት መኖሩ ብቻ ያኖረኝ ነበር ግን አሁን የምኖርለት ምክንያት አጣው ታዲያ ለማን ብዬ ልኑርርር... ንገረኝ እስኪ ለማን ብዬ ልኑር አለችኝ እያለቀሰች ተስፋ በቆረጠ ስሜት ከዚ በላይ ምንም ልትለኝ እንደማትችል ገባኝ።

ከትናንት ጀምሮ እስካሁን አንቺ ታሪክሽን ስትነግሪኝ ነበር ይመስለኛል ከዚህ በላይ ምንም የምትነግሪኝ ታሪክ የሚኖር አይመስለኝም ስለዚህ አሁን ደግሞ እኔን ለማዳመጥ ፈቃደኛ ነሽ ብዬ ጠየቅኳት። ራሷን በአዎንታ ነቀነቀች። መጀመሪያ ማልቀሷን እንድታቆምና ራሷን አረጋግታ በደምብ ማዳመጥ እስከምትጀምር ጠበቅኳት።

ታቂያለሽ ትናንት መጀመሪያ ሲጋራ እያጨስሽ አይቼሽ ካለፍኩ በኃላ አሁን ባለው ትውልድ ላይ በጣም እየተናደድኩ ነበር በቃ ሁሉም ነገር በጭስ እና በአልኮሆል እሚፈታ ይመስላችኃላ የአእምሮ ቁስል በነኚ ርካሽ ነገሮች የሚፈታ አይደለም ይህንን እወቂ ሲጋራ እና ጫት አልኮሆል ሃሽሽ... ሁሉም ለግዜው ልትደበቂባቸው ትሽያለሽ ግን ዘልአለማዊ አይደሉም የሆነ ግዜ ላይ ትነቂያለሽ አእምሮችን እያጀዘብሽ ሰውነትሽን እያገረጣሽ ነብስሽን እያቀጨጭሽ እየኖርሽ እንደሆነ ሲገባሽ መውጣት ትፈልጊያለሽ ያኔ ግን ረፍዷል! እኔም ላንቺ እምመክርሽ ሣይረፍድብሽ እንድትወጪ ነው ሱሶች ከእውነታው አለም መደበቂያ ሊሆኑ አይችሉም ብዙ ወጣቶችን አይቻለው ከጓደኞቻቸው ጋር ለመመሳሰል ብለው አራዳ ለመባል እንደዚ አይነት ማጥ ውስጥ የሚገቡ አራዳነት እንዲ ከሆነ ዘልአለም አለም ፋራ ልሁን። አውቃለው አንቺ በእንደዛ አይነት ሁኔታ ወደ ሱስ ውስጥ እንዳልገባሽ ግን የፈለገ ያክል ሃዘን ቢያጋጥምሽ እንደዚ አይነት ነገር ውስጥ መግባት መፍትሄ አይሆንም ይበልጥ ፈተናሽን ያበዛዋል። ችግሮችሽን ተጋፍጠሽ አሸንፈሽ ቀና በሽ መራመድ በሚገባሽ ሰአት በመጨረሻዋ ሰአት ያለችውን ጭላንጭል ብርሃን ያደበዝዙብሻል ብርሃንሽን ያጠፏታል እና የመጀመሪያ ምክሬ ይህ ነው ህመምሽ እንዲያበቃና ወደፊት መራመድ እምትፈልጊ ከሆነ አስረው የያዙሽን ሱሶች በሙሉ አቁሚ! አልኳት ቆጣ ብዬ።
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_29_ሁለተኛዉ_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:
በቀርቡ ተረካው ይጠናቀቃል 😫😫😫😫😫😫

http://t.me/USA2A
በ @USA2A የቀረበ

#ገምሃልያ_የመጨረሻ_ክፍል😫😫😫

#ፅናት ብትጠራኝም መልስ አልሰጠኃትም ዝም ብዬ መምገዴን ቀጠልኩ እውነቱን ለመናገር መልሷን ለማወቅ ስለፈራው ነበር ምንም እንድትናገር እድል ሳልሰጣት የሄድኩት። ቤቴ ከገባው በኃላ አምላኬ ፅናት ላይ ያሳየኝን ፅናት ጨምሮ ከአስተዋይነት ጋር ይሰጣት ዘንድ ፀሎት አደረኩ።

ግዜያት ነጎዱ.... እኔም የፅናትን በህይወት መኖር ወይም መሞት ሳላውቅ እዛው ፓርክ አልፎ አልፎ መሄዴን ቀጠልኩ በሄድኩባቸው ግዜያት ሁሉ በአይኔ ፅናትን ቦታዋ ላይ እፈልጋት ነበር አንድ ቀን እንደማገኛት ተስፋ አደርግ ነበር። ፅናት ይህንን ታሪክ ከነገረችኝና ከተገናኘን አንድ አመት ከመንፈቅ አለፈ...
ይህንን የሚያሳዝን ታሪክ እንድፅፈው ያነሳሳኝ ከጥቂት ወራት በፊት ያየሁት ነገር ነበር።

ከጥቂት ወራት በፊት እንደለመድኩት ከስራ ውጥረት ነፃ በሆንኩበት በአንዱ ቅዳሜ ቦሌ ማተሚያ ጋር ወዳለው ፓርክ ልሄድ ወሰንኩ ከቅርብ ግዜ ወዲህ ስራ በዝቶብኝ ተጨናንቄ ስለነበር ከሄድኩ ቆይቻለው። እንደለመድኩት ከመደርደሪያዬ ላይ የሲድኒ ሼልደን "የፍርድ ቀን ዘመቻ" የሚለውን መፅሃፍ አንስቼ እሱን ላነበ ወጣው። እንደሁልግዜውም ቦሌ ድልድይ አከባቢ ቆሜ ወደ ሸዋ ዳቦ፣ ሜክሲኮ የሚሄዱትን ታክሲዎች መጠባበቅ ጀመርኩ ምሳ ሰአት ስልሆነ ፀሃይዋ በጣም ከራለች ራሴን በያዝኩት መፅሃፍ ከልዬ አዲስ የሚሰራውን የአየርመንግድ ሞልቃቃ ሆቴል ኪነ ህንፃ እያየው መጠባበቄን ቀጠልኩ። ታክሲው ሲመጣ መሰስ ብዬ ገብቼ ጉዞዬን ቀጠልኩ ማተሚያ ጋር ስደርስ ወርጄ በእግር ያንን ቀልቀለት እየወረድኩ ወደ ፓርኩ አቀናው እነኛ ጥጃ የሚያካክሉ ፍየሎች ዛሬም አሉ! እያየኃቸው እየሳቅኩ አይ እነኚ ፍየሎች ምን ቢያበሏቸው ነው እያልኩ እየሳቅኩ ወደ ፓርኩ ገባው እንደቀድሞዬ ቦታዬ እንዳትያዝ እየቋጠርኩ ወደቦታዬ ስሄድ ሁለት ጥንዶች እኔ ከምወዳት ቦታ ላይ ተቀምጠው እየተሳሳቁ ነው ቦታዬ መያዟን ሳውቅ እየተናደድኩ በልቤ ብሽቆች!!! ከዚ ሁሉ ፓርክ የኔ ቦታ ነው ሚታያቹ አልኩና ፊቴን አዙሬ ሌላ ቦታ ፍለጋ መራመድ ስጀምር ረምሃ...ይይይ! የሚል የሴት ድምፅ ሰማው ደንገጥ ብዬ ስሜ ወደተጠራበት አቅጣጫ ዞርኩ እነኛ ቅድም ሲሳሳቁ ከነበሩት ጥንዶች ሴቷ ነበርች የጠራችኝ። አቤት አልኳት ወይኔ ጉዴ..... አንተ አለህ አለችና እየሮጠች ወደኔ መጣች ልጅቷን ስላላወቅኳት ደነገጥኩ ኮስተር ብዬ ማን ልበል ስላት እየሳቀች አላወቅከኝም ፅናት ነኝ እኮ ከአመት ከምናምን በፊት እዚ ተገናኝተን ያወራኀኝ ልጅ እኮ ነኝ አለችኝ ገምሃልያ! አለችኝ ወዲያው መልኳት እየመጣልኝ እንዴ!! ሰላም ነው ፅናት እንዴት ነሽ መልክሽ ተቀየረብኝ ወፈርፈር ብለሻል በጣም ጠፋሽ እኔማ.... መስሎኝ ነበር። ፍልቅልቅ እያለች እረ... በጭራሽ አላደረኩትም እንደውም የዛኔ በጣም አናደኀኝ ነበር ሳታስጨርሰኝ ነበር የሄድከው አለችኝ አው አልሰማ ስትይኝ ታዲያ ምን ላድርግሽ አልኳት እየሳቅኩ። የምር ግን በጣም አመሰግንሃለው የዛኔ ለመከርከኝ ምክር ከዛኔ ጀምሮ በጣም ብዙ ግዜ እየመጣው እዚ ብጠብቅህም አላገኘሁህም በጣም ላገኝህ እፈልግ ነበር ስልክህን ስላልሰጠኀኝ ላገኝህ አልቻልኩም ፌስቡክ ላይም ስፈልግህ አጣሁህ አለችኝ። አው እኔም እየፈለኩሽ ነበር ምናልባት አለመግጣጠም ይሆናል እኔ ፌስቡክ ስለማልጠቀም ለዛ ነው ከቅርብ ግዜ ወዲ ትንሽ ስራ እየበዛብኝ ስለሆነ እዚ ፓርክ መጥቼ አላውቅም ለዛ ይሆናል ያልተገናኘነው አሁን በህይወት ስላገኘሁሽ በጣም ደስ ብሎኛል ምን ተገኘ በህይወት እሚያቆይ ነገር አልኳት። አንተ! አንተና ዳኒ አለችኝ ዳኒ አልኳት? ግራ እየገባኝ ፅናት ደንገጥ እያለች ውይ የኔ ነገር ና ላስተዋውቅህ አለችኝና አብሯት ተቀምጦ ወደነበረው ጓደኛዋ ወሰደችኝ። ልክ ስንደርስ ዳኔዬ ረሚ ማለት እሱ ነው ተዋወቀው አለችው እሱም ብድግ እያለ ሰላም ነው ዳንኤል እባላለው ፅናት ብዙ ግዜ እስላንተ ብዙ ነገር ነግራኛለች በጣም አመሰግናለው ላደረክላት ነገር እውነት ፈጣሪ ውለታህን ይክፈልህ አለኝ። ልቤ በደስታ ተሞላ ትንሽ እንደማስታወስ አልኩና ዳንኤል ዳንኤል ...? ዶክተር ዳንኤል ነው አልኳት ወዘናው ዶክተር ስለመሰለኝ። አዎዎዎ... አለች ፅናት በደስታ እየዘለለች ኦው አሪፍ ነው በጣም! ደስ ይላል እውነት በጣም ደስ ብሎኛል ፅናት ያንን ከባድ ግዜ አልፈሽ ለዚ በመድረስሽ ደስ ብሎኛል ምን ማለት እንዳለብኝ አላውቅም አልኳት ልቤ ሃሴት እያደረገች። በአንድ አጋጣሚ ተሰብሮ ያየኀው ሰው አሁን ላይ ደህና ሆኖ ሲደሰት ማየት በጣም ደስ ይላል። ፅናት የእጇን ጣቶች እያሳየችኝ ልንጋባ ነው ቀለበት አድርገናል አለችኝ ደስ ይላል አምላክ ትዳራቹን ይባርክ ለሰርጋቹ እንደምትጠሩኝ ተስፋ አደርጋለው አልኩ ፈገግ እያልኩ በደምብ ነዋ! አለ ዳኒ። ትንሽ ካወራን በኃላ በቃ አልረብሻቹ እናንተም ጨዋታችሁን ቀጥሉ እኔ ሌላ ቦታ ልሂድና ላንብብ አደራ ለሌላ ግዜ ግን ፅኑዬ ቦታዬን ለቀቅ በጣም ነው ምወዳት አልኩ ቆጣ ብዬ እንደቀልድ። አረ... ዛሬማ ከእኛ ጋር ነህ ስንት ግዜ ስፈልግህ ዛሬ ባገኝህ ልሂድ ትላለህ እንዴ አልሰማህም አለችኝና ወደ ዳኒ እያየች ዳኒዬ በናትህ እንውጣና ውጪ አንድ ካፌ ቁጭ ብለን እናጫውተው አለችው ደስ እንደሚለው ገለፀልኝ። አረ... አያስፈልግም እኔ ላነብ ነው የመጣሁት እዚ አልኳት ሌላ ግዜ ታነባለህ ባክህ አለችና መፅሃፉን ቀምታኝ እጄን ይዛ ዳኒንም እየጎተተች ከፓርኩ ወጥተን በቅርብ ያለ ካፌ ቁጭ ብለን ማውራት ጀመርን ፅናት አሁን ስላለችበት ሁኔታና ማንነት በደምብ አጫወተችኝ ከዳኒ ጋር እንዴት የፍቅር ህይወት እንደጀመሩም ረጅም ታሪክ ተረከችልኝ ከሰአቱን ሙሉ ስንጨዋወት ዋልን መሸ! ፅናት አሁን ባላት ህይወት ፍፁም ደስተኛ ናት ዳኒ ከማንም በላይ የሚያከብራት እጮኛዋ ነው ሱሶቿን እንዳለ አቁማለች ዳኒ ቀስ በቀስ እንዳስተዋት ነገረችኝ። ራሷን ማጥፋት የሚለው ነገር ፈፅሞ እምታስበው ነገር አይደለም ሌሎች በሷ ጫማ ውስጥ ያሉ ሰዎችን ስታገኝ ትረዳለች ታሪኳን አጫውታ ታበረታታቸዋለች እሷ እንድትሆን የምመኛቸውን ነገሮች በሙሉ ሆናለች እሷ ላይ ያየሁትን ጥንካሬ ራሷም ማየት ችላለች በጣም ሲመሽ መሄድ ስለነበረብኝ ስላገኘኃቸው ደስ እንዳለኝ ነግሪያቸው መልካም ትዳር ተመኝቼላቸው ልሄድ ተነሳው ትንሽ እንደሄድኩ ጠራችኝና እየሮጠች መጥታ ስልክህን አልሰጠኀኝም አሁንም ጠፍተህ ስፈልግህ አልገኝም ካላስቸገርኩህ ስልክህን ስጠኝ አለችኝ ፈገግ አልኩና ስልክ ቁጥሬን ሰጠኃትና የመጨረሻ ምክር? አልኳት ደስ ይለኛል አለችኝ። እሺ ያ የማይነጋ የመሰለሽ የመከራ ለሊት ነግቶ አይተሽዋል እኔ ላንቺ እንዳደረኩልሽ አንቺም ለሌሎች በጨለማ ውስጥ ላሉ ሰዎች ሃላፊነት አለብሽ አሁን አንቺ እምትኖሪው ላንቺ ብቻ ሳይሆን ለሌሎች ሰዎችም ጭምር ነው በጨለማ ውስጥ ላሉ በህይወትሽ ምሳሌነት ብርሃን ሁኚላቸው ህይወት ሁሌም በፈተና የተሞላች ናት ሁሌም በጥሩ መልኩ አይተሽ ፈተናሽን ለመወጣት የሚያበቃ አላማና ፅናት ይኑርሽ አልኳት ፅናት ፍልቅልቅ እያለች እሺሺ... አለችኝ ያ በለቅሶ እማውቀው ፊቷ ዛሬ ማስታወስ ከበደኝ ስትስቅ ታምራለች! ቻው ተባብለን ወደቤት ሄድኩ።