❗️ SOGO 位置必須要出發 唔可以再死守SOGO, 唔好俾佢截斷

#安全情況 #廣傳

相信佢哋希望改用最新處理大型遊行嘅方法將遊行隊伍cut 開一截截再逐段處理

請各位小心

警方發新聞稿，指今晚多區可能有公眾活動，會因應現場情況果斷執法，包括進行拘捕。

估計警方會於多個集合地點附近高調戒備，並嘗試阻止民眾聚集。高危地區如港島北及旺角的警力或會較重。民眾須特別提防便衣警員埋伏。

#安全威脅觀察

七一遊行警方佈防預測

原則：
防止民眾集結並保護政府建築物，因此會將活動範圍限制於灣仔至銅鑼灣一帶。

介入模式：
一如既往以橫街作介入點，設不同關卡防止示威者前進，打散人群後徒步或使用警車追捕，或數條橫街防線配合包抄。
告士打道固然是據點，但估計從近山方向往海旁推進的情況會越趨普遍。

便衣位置：
於熱門安全屋、換裝地點埋伏，並租用大廈單位和天台、政府場所等作高空觀察。
一如既往會混入人群隊伍，但執法重點改為港區国安法。

水炮車使用：
主要分威嚇及快速驅散兩種模式，前者包括快速推進、來回巡邏、高調停泊等，後者固然以射水為主，但估計駛入內街驅散會越趨普遍。

其他注意事項：
警力分佈會延伸至上環及北角兩端。由於時間及人手所限，僅編制核心範圍的預測。
預測僅供參考，重點不在細節而在行動原則，請配合實時資訊作判斷。

#安全威脅觀察

#銅鑼灣 #灣仔 #安全觀察

前兩日已經向主辦單位提出過一啲建議：https://t.me/cwbnow/1960

呢度係少少對參與市民嘅建議：

根據本區過往經驗，針對呢一類型活動，#警方 會喺主辦單位一早預告咗嘅起點附近（銅鑼灣東角道和灣仔修頓），每個街口七、八名警員full gear戒備。

係對方咁嘅部署之下，即使今日我哋有過萬人出嚟，但係因為市民必定係分批、逐啲逐啲咁到達兩個集合地點，好大機會係 #聚集 唔到人 —— 因為警方根本唔會俾人聚集。

所以個關鍵唔係大家有幾早到。

要解決以上問題，個 #關鍵 係我哋要做到一次過、一嘢全部人湧晒出嚟。

所以如果聽日大家見到唔對路嘅話，可以考慮各自 #碎片化 咁樣入商場、入超市、入安全嘅地方先。留意住網上消息：一收到 #指示，就一齊1212同一時間落地面。

咁樣就擋都擋唔黎。

就好似咁：

| | | | | | | | | |
vs.
||||||||||

前者我哋被outnumbered。後者有機會我哋outnumber番對方。

My 2 cents~

如有任何情報、資訊，請透過 @AskChing_bot 提供
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow
灣仔站：https://t.me/Wanchai1212

#手足投稿 #安全觀察

參與大型遊行的三大誤區

根據筆者觀察，一些參與大型遊行的市民往往抱有一些誤解。現在筆者總結如下：

1. 「一定要早到」

根據過往經驗，很多參與大型遊行的市民，習慣較大會指定的起步時間提早出門。原因很簡單：怕封路封地鐵站會令到自己「入唔到場」，以致連累了其他遊行的參與人士及參與人數等。舉一個最近的例子：七一原定下午三點起步，但早至中午時分已有市民在東角道街頭聚集。

2. 「要先聚人」

基於現時政治氣候陰霾密佈，常發生參與人數少的情況。當人數不足以成為遊行隊伍，市民一般習慣在大型商場先行聚集，作為聚人壯膽或至少集氣之用。這是由於根據過往經驗，一些市民會認為商場是相對於街頭較為安全、較少機會「被咬」。另一個相關的誤區就是市民往往在前無去路的情況下選擇退入商場regroup。最近的例子就是七一臨傍晚時份退入時代廣場。

3. 「要支援被圍街站」

一為提供掩護二為政治文宣，有政治團體會選擇在有大遊行的日子擺設街站。而由於警方最新的處理手法一般是「快刀斬亂麻」，通常在這些街站擺設之後而市民未大批聚集之前，已經開始對這些政黨 (包括知名政治人物) 進行騷擾、警告、票控甚至拘捕。而早到的市民一般習慣是聚集在這些街站的周圍，一作聚人二作支援之用。尤其是如果警方有採取行動，很多市民會跟在場的大批記者圍上前，令到上述的「快刀斬亂麻」以致封路封地鐵站出師有名。

上面呢啲點為之「誤區」？同埋如果真係的話，應該點樣預備嚟緊嘅遊行？下一篇文再拋磚引玉同大家分享。

如有投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#安全觀察
商場風險之前已經講過：
https://t.me/cwbnow/7504

「點解咁講？首先係成本效益。今時今日喺警方任意持槍持胡椒噴劑進入商場，而商場係得幾個出口完全冇位走嘅情況之下，相比起街頭，在商場舉行活動被咬的風險其實更高。以往在商場攪和你sing算是一種妥協，一種集氣為主的活動。但既然風險更高，入商場進行活動的成本效益就成疑問。」

喺商場除咗un之外做唔到啲咩。又冇位走仲要帶來false sense of security。另一方面啲黑警睇定嚟食之餘大把時間拍晒高清片。

所以行街首選從來係行出街。尤其係難得多人就冇理由縮番入商場。

#讀者投稿
論紀律的重要性

去年反送中運動波瀾壯闊，其中一個特色就係無大台「去中心化」。無大台嘅好處係可以百花齊放，可以不斷試邊啲行得通變相continuous experimentation and A/B testing。另一方面，缺點係欠缺紀律。當人數係我哋唯一優勢，冇紀律、行動唔一致嘅話，呢個優勢就自然喪失，我哋亦都冇咗唯一嘅本錢。

一致嘅行動有多重涵義，其一就係關於時間性嘅掌握。舉一個例子：每次喺旺角開波都係只會有遲冇早，而每次喺老銅開波都係只會有早冇遲。背後原因係long story但係旺角通常要拖到傍晚時份，而老銅嘅話就一般太過早開波(以致俾對家藉口封路封站令行動斷橛禾蟲成唔到隊形等)。

正正係呢個原因，筆者喺之前同大家分享咗可以點樣synchronize點樣行動一致嘅方法：https://t.me/cwbnow/8545

只有在時間上掌握得好嘅情況之下，我哋先可能outnumber對家。反之，斷橛禾蟲咁就只有企定定等「被橙帶」 —— 尤其係對家講到明係要快刀斬亂麻。

但係要做到行動一致嘅效果，前提係要行動之前、未夠鐘嗰陣大家要俾啲紀律。有所謂「大隱隱於市」：無理由企定定喺街等「被橙帶」。要突破橙帶就要夾好時間1212，同埋好似上述文章咁講未夠鐘大家要 #碎片化 待機(詳見該文)。

當然成功與否視乎人數。但係以上建議嘅好處就係如果到時人數唔夠嘅話，就可以resort to other means like 縮番入商場做啲感覺上比較安全嘅活動(雖然係false sense of security)。

講起商場：行動一致嘅另一個涵義當然就係關於地點。當人數係我哋唯一嘅優勢，而難得有大台出嚟吹咗雞而人數應該有咁上下，就冇理由將啲人數打散縮晒入18區商場 —— 尤其是入商場風險程度其實arguably更加之高：https://t.me/cwbnow/8565

順帶講講裝束：如果跟建議做法（等到夠鐘先一齊行動）就黑衫好啲。個好處係好使大家較準時間落到街嗰陣見到夠唔夠人開波。但如果用番以往做法的話（企喺街等被橙帶）就彩衣安全啲。

如有投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #安全觀察
Shopping攻略（第一部份）

基於警方處理商場內進行的抗爭行動比以往重手，加上商場本身的環境限制，好似之前分享 文章 所講，在商場內進行活動，其實相比起街頭的陣地戰更加「陣地」—— 對家唔需要捕亦唔需要「布袋」已經包圍咗我哋。

仲未計商場活動已經被某白咭人士「玩爛咗」搞到一般人唔想去。

但由於喺呢個時勢實在短期內難以有大型街頭活動，呢篇文章就同大家探討下，一個新策略之可行性。

Disclaimer: 雖然今日係21號，但係此非行動post而係拋磚引玉，純粹學術討論。

警方執法的假陽假陰考慮

從警方執法嘅角度嚟睇，無論係喺街頭或者室內，每一次行動是否有成本效益視乎以下四樣嘢嘅比例 - -

1⃣️真陽性 (true positive)：準確地target參與行動手足；
2⃣️假陽性 (false positive)：捉錯咗行街買餸嗰啲；
3⃣️假陰性 (false negative)：放走咗參與行動手足；
4⃣️真陰性 (true negative)：放走咗行街買餸嗰啲。

叫得做黑警，當然佢哋係亂拉㗎啦。對佢哋來講，拉嘅數目當然越多越好，但相信都會盡量提高真陽性而減低假陽假陰。 （待續）

EDIT: 第二部份在此 第三部份在此

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #安全觀察
Shopping攻略（第二部份）

喺第一部份，我哋從警方嘅角度分析咗執法嘅假陽假陰考慮：
⁃ 真陽性 (true positive)：準確地target參與行動手足
⁃ 假陽性 (false positive)：捉錯咗行街買餸嗰啲
⁃ 假陽性 (false negative)：放走咗參與行動手足
⁃ 真陰性 (true negative)：放走咗行街買餸嗰啲

咁光復商場與以上呢啲假陽假陰有乜嘢關係呢？根據以往經驗，警方喺商場執法一般有兩個選項，而各自有不同的假陽假陰特性。

警方常用的兩個執法模式

🅰️軍裝入場拉封鎖帶
假陽性 (false positive) ⬆️
真陽性 (true positive) ⬇️
有留意開嘅都知，呢個係警方處理商場示威嘅常用手段，而其中一個原因係範圍大捉嘅數目多。雖然係咁，但係因為此乃漁翁撒網形式，難免捉錯咗行街買餸嗰啲。喺假陽性 (false positive) 咁高嘅情況之下，一般處理手法都係純粹截停搜查，又或者加發599G告票。除非喺搜查時發生特殊情況，否則用呢種手法鳩拉的市民，既然係「鳩拉」就甚少帶返警署或控以更高罪名。

🅱️便衣潛伏定點捉人
假陽性 (false positive) ⬇️
真陽性 (true positive) ⬆️
有示威活動就會有便衣潛伏。佢哋有兩個監控目的：喺「監」方面，監察現場環境決定是否有需要escalate要求增援；而「控」嗰方面，係指直接由便衣採取行動以控制場面。後者範圍細但可以直接Target特定人物，例如正在帶頭嗌口號嗰一、兩個。雖然有真陽性高／假陽性低嘅優點，但於能覆蓋範圍細只可以拉一個半個而且隨時引來鼓躁、反彈嘅效果，所以甚為少用。但從手足嘅角度來講，咁樣係「斷正」而且代價會好高 —— 唔會SS又或者599G咁簡單。因此，會喺下一篇文章會同大家分享一個新應對策略。

EDIT: 第三部份在此

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #安全觀察
Shopping攻略（第三部份）

喺第一部份，我哋分析咗警方執法行動嘅假陽性假陰性考慮，而喺第二部份，我哋則從呢個角度，分析警方喺商場採取行動嘅兩個常用模式之特性：
🅰️軍裝入場拉封鎖帶
高假陽性 (false positive)
低真陽性 (true positive)
🅱️便衣潛伏定點捉人
低假陽性 (false positive)
高真陽性 (true positive)

戴頭盔時間：如前所述，當初寫呢個系列係有見於商場活動被某白咭人士「玩爛咗」搞到一般人唔想去。因此，才決定拋磚引玉，跟大家探討下一個新shopping策略之可行性。當然有大型街頭活動就最好，但係喺短期內都難以出現的情況下，實在需要一步步諗啲方法幫啲大人細路男女老幼出嚟。無嘢可以一步到位，所有嘢都要搵番最大公因數先。因此，即使有手足覺得下面嘅建議太過mild唔夠攬炒，但不喜亦請勿插。

對應以上兩種執法手段的相應措施

全文比較長，但係你會發現，針對第一種執法手法嘅安全措施都係大路嘢，好多手足已經一路做緊。喺呢度列舉出嚟係屬於善意提醒作用。而針對第二種執法手法嘅應對就牽涉一個新嘅游擊嗌口號模式。請耐心睇一睇。

對應🅰️的一般安全措施

由以往需要取得商場保安批准到現在可以任意持槍入場，好明顯警方已跟各大地產商取得默契。雖然係咁講，但係為咗將商場攬炒成本壓低，喺一般嘅情況之下，軍裝都會先在場外伺機而動，等候在場內做監控嘅便衣的資訊和報告。因此，我哋除咗要互相分享訊息之外，我方必然要有識得睇現場環境嘅人在場（白咭者除外）。留意住相關Channel，同埋自己警覺性高少少。

除咗訊息方面之外，大家仲可以利用呢個行動高假陽性嘅特點。事先收集齊證明對方係false positive嘅證據。目測好多手足已經醒水，有哂單據甚至帶埋道具出嚟。但如果自己真係咁唔好彩入咗橙帶，要做嘅就係保持冷靜唔好勞嘈，與及之前記住帶身分證同埋避免攜帶無謂嘅嘢出街 —— 因為好似之前嘅分析所講，一般喺咁嘅情況之下都係SS又或者599G，特別狀況除外。

對應🅱️的新策略：打地鼠游擊Whac-A-Mole

如前所述，雖然潛伏商場的便衣喺冇支援嘅情況下自行採取行動定點捉人比較罕見，但因為一旦捉嘅話係(1) 冇得避、(2) 斷正和 (3) 唔止告票咁簡單，因此喺呢度同大家分享一個新策略。目的都係希望大家重新行番出嚟，不喜勿插，同埋上面已經戴咗頭盔先。

如前所述，因為係直接Target特定人物，所以從警方嘅角度嚟睇，🅱️可以做到高真陽性／低假陽性嘅優點。Whac-A-Mole就係要令到佢Target唔到人。要防止對家Target，就要增加干擾提高不確定性，而其中一個提高不確定性嘅做法就係令到佢唔知邊個係Target。口罩已經係一個掩護方法，又或者嚟緊萬聖節大家就大條道理帶面具。

但係真正嘅不確定性唔止呢啲。嗌口號一般係齊聲一齊嗌，所以其實戴晒口罩有哂面具都唔夠。「打地鼠游擊戰」就係引入游擊嘅方式：唔好全部人一齊嗌，而係好似Whac-A-Mole扑傻瓜遊戲咁樣，利用隨機嘅方式，一個接住一個逐個嗌口號。當商場入面有一定人數（唔駛多，可能幾十個夠）而啲人散落唔同樓層，打游擊咁周圍游走，加上接龍咁隨機跟機嗌而唔係一齊嗌，對家想Target都難。最終當然佢哋會搵軍裝入場處理，但最少避免咗「斷正」呢個高風險先。如果仲唔明嘅話，呢個方式就有少少好似唱山歌咁嘅形式，我叫佢Whac-A-Mole因為英文型仔啲咁解。

後記

有所謂擊而不游是拼命主義，游而不擊是逃跑主義。而家未到搏命嘅時候，而如果你要逃避現實做番港豬，手足亦都冇嘢好講。所以冇100%零成平咁便宜嘅事，但我哋要做到嘅係一方面行番出嚟，用非「白咭」嘅方法維持抗爭熱度，另一方面將將風險儘量減低。以上係筆者認為可以將風險減低的安全措施。拋磚引玉，大家可以留言俾下意見。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#安全資訊 #資訊科技
《華盛頓郵報》報道，由於大陸擁有先進的黑客破解技術，香港警方國安處將上周拘捕參與民主派初選的55人的電子設備運送往內地破解。

如果自己咁唔好彩遇到類似情況，有啲咩可以做到去增強自己手機抗破解嘅能力呢？Wired最近一篇文章訪問咗幾位資訊科技安全專家，點出可能有一個簡單程序，喺自己手機被沒收之前可以快手做咗佢。

就係Shut Down又或者Reboot部機。

究竟得唔得㗎？雖然無論是否Reboot ，你嘅資料都係首先要透過密碼／指紋unlock部機才可以讀取得到，即係表面上可能冇咩分別。但係其實無論是iPhone或者Android電話，都有 “Complete Protection” (全面保護) 及 “After First Unlock” (AFU；首次解鎖之後) 之分。專家指出，前者會減慢黑客破解的速度：

‘When an iPhone has been off and boots up, all the data is in a state Apple calls “Complete Protection.”’

“The main difference between Complete Protection and AFU relates to how quick and easy it is for applications to access the keys to decrypt data.”

當然呢啲嘢冇百分百，但係如果真係遇到類似情況，咁簡單嘅步驟，做咗點都好過冇嘅。

Wired文章全文在此 (連結)

#安全資訊 #資訊科技
繼早前我們分享了一個貼士，關於有急事時關掉你部電話嘅作用(連結)，今日福布斯再有專題文章點出，”Complete Protection” (全面保護) 及 “After First Unlock” (AFU；首次解鎖之後) 之分別。

無錯，係講緊你唔熄機嘅話，強如Signal都可以被破解。

Forbes

#安全資訊 #資訊科技
前日《蘋果日報》引述消息指出，警方擬對逾千理大案中獲准登記離開的市民進行秋後算帳。

我哋早前已分享了一個貼士，講點解喺電光火石之間，Shut Down又或者Reboot你部電話，係會有 ”Complete Protection” (全面保護) 及 “After First Unlock” (AFU；首次解鎖之後) 嘅分別(連結；更極端措施可以考慮直接factory reset又或者其他做法 (連結)。

如果唔係，喺電光火石之間，另外一步可以行嘅就係用呢個iOS shortcut (連結)。呢個捷徑做到三樣嘢：將你部電話轉為Do Not Disturb模式，將你所在地點即時通知指定親友，同埋開始進行攝錄工作，作為證據保障自己權益。

Just in case...

#安全資訊 #資訊科技
《華盛頓郵報》報道，由於大陸擁有先進的黑客破解技術，香港警方國安處將上周拘捕參與民主派初選的55人的電子設備運送往內地破解。

如果自己咁唔好彩遇到類似情況，有啲咩可以做到去增強自己手機抗破解嘅能力呢？Wired最近一篇文章訪問咗幾位資訊科技安全專家，點出可能有一個簡單程序，喺自己手機被沒收之前可以快手做咗佢。

就係Shut Down又或者Reboot部機。

究竟得唔得㗎？雖然無論是否Reboot ，你嘅資料都係首先要透過密碼／指紋unlock部機才可以讀取得到，即係表面上可能冇咩分別。但係其實無論是iPhone或者Android電話，都有 “Complete Protection” (全面保護) 及 “After First Unlock” (AFU；首次解鎖之後) 之分。專家指出，前者會減慢黑客破解的速度：

‘When an iPhone has been off and boots up, all the data is in a state Apple calls “Complete Protection.”’

“The main difference between Complete Protection and AFU relates to how quick and easy it is for applications to access the keys to decrypt data.”

當然呢啲嘢冇百分百，但係如果真係遇到類似情況，咁簡單嘅步驟，做咗點都好過冇嘅。

Wired文章全文在此 (連結)

#銅鑼灣 #安全觀察
六四當晚警方在銅鑼灣的策略分析 (一)

策略的好壞，環境乃決定性因素。正如黨媒《人民日報》在去年二月的一篇文章指出，不同的形勢，策略也應有所差異。決策和部署須要和實際情況相配合，要善用「差異化」來針對個別情況處理。

雖然友台已有一篇備受廣傳的文章，對警方在六四當日的執法作出了一些籠統的安全觀察，下文乃對當晚銅鑼灣區的特定部署，作的幾個針對性分析。文章分三部份：(一) 警方事前對六四當日的研判；(二) 銅鑼灣地形特質，和 (三) 六四在銅鑼灣執行的策略。

(一) 警方事前對六四當日的局勢研判

根據以下幾點，警方事前已認定六四當晚的示威活動屬於低警戒級別：
- 歷年六四當日舉行的示威活動均以悼念為主，少有衝突發生；
- 觀乎各社交媒體顯示的動向，今年六四當晚的主流活動，也是以點蠟燭、亮手機燈等表態行動為主；
- 以在各社交媒體廣傳的文宣來看，今年六四當晚的活動沒有集合點也沒有路線圖，可以歸類為「碎片化」行動，沒有一個已成形 (或正在成形的) 主力隊伍作為重點打擊的對象；
- 另在六四前夕已出動「文攻武嚇」，包括透過官方和非官方喉舌多方位作「文攻」，講後果劃紅線又五千又七千，與及在六四當日顯示會出猛力打壓的「武嚇」高姿態，包括晨早停電車、封路、封隧道、和出動最終唔知去咗邊嘅水炮車，務求一方面阻嚇市民，另一方面顯示警方有預備、有部署，隨時可出招用重手對付示威者的高態勢。

綜合以上幾個對局勢的研判，加上銅鑼灣區的地形特質，結合當區慣常出現的示威集結策略 (二)，警方事前已認定，六四當晚的示威活動屬於低警戒級別，可作出以逐步推展開去的驅散行動 (三)，分地域咁樣沖散啲人，便足以應付有餘。下一篇文章會對 (二) 和 (三) 作出分析。

第二部份：連結

#銅鑼灣 #安全觀察
六四當晚警方在銅鑼灣的策略分析 (二)

—Reserved—

第一部份：連結

#銅鑼灣 #安全觀察
六四當晚警方在銅鑼灣的策略分析 (二)

第一部份 (連結)嘗試從對方嘅視角，解釋為何警方喺事前已認定六四當晚的示威活動屬於低警戒級別，當中考慮因素包括歷年的活動性質、與及今年的特有情況 (例如「碎片化」行動、沒有集合點沒有路線圖等)。第二部份開始分析警方當日在銅鑼灣區作出的部署。

(二) 警方對當區慣常出現的示威集結模式之認知

撇除特殊情況 (例如市民已聚集至一個足夠大的隊伍可以行出馬路)，市民一般慣常在以下地段聚集：

(1) 維園至記利佐治街一段
(2) 東角道行人專用區至百德新街一段
(3) 時代廣場

並非話銅鑼灣冇其他地方適合集結，只不過市民慣常出現在上述地段。

如地圖所示，(1) 跟 (2) 在地理上是比較接近並且相通，而(3) 則比較遠且有一段路程。身處 (1) 和 (2) 的市民要通往(3) 須繞道或經過比較窄嘅啟超道等街道 。加上該段路係冇地鐵入口和大型商場呢啲可以在有需要時下「捐」入去，而要夾硬行嘅話，亦容易遇到被兩邊「夾」嘅情況。因此，一般逼咗喺(1) 和 (2) 嘅人就好少行過去 (3) 「轉場」(反之亦然)，要做嘅話亦都唔係一時三刻可以做到。

第三部份：連結

#銅鑼灣 #安全觀察 #以史為鑒
六四當晚警方在銅鑼灣的策略分析 (三)

第二部份 (連結) 簡單地對銅鑼灣的地形作了一個描述，和講解咗因應當區地形特點慣常出現的示威集結模式。餘下文章分析警方當日在銅鑼灣區作出的部署。

(三) 警方六四當晚如何分地域地逐一驅散

如地圖所示 (請參考第二部份附件)，(1) 和(2) 跟 (3) 基本上係斷開兩截 —— 而警方要做嘅話亦可以好輕易咁，人為地將佢哋斷開兩截。

警方當晚先驅散在維園 (1) 外圍聚集的市民。當大部份人已被趕至百德新街，警方又喺皇室堡再舉黃旗。

有部份行落去百德新街Donki，有部份選擇加入有更多人聚集的東角道至記利佐治街一段。警方在兩處皆有舉旗。因為聚集在後者 (2) 的人數太多，而市民係四圍遊走冇企喺一個死位。再加上週五晚八、九點在SOGO一帶有太多遊人，採取一啲過分進取的手段 (例如開始大規模拉橙帶)，就難免會造成「假陽性」個案 (連結)。因此，警方唯有選擇先處理 (3)。

要處理 (3) 警方先選擇人為地將 (2) 跟 (3)斷開兩截。先趕走喺渣甸坊嘅街站，再封鎖Victoria Secret對出的位置 (地圖黑色框位置)，並只准單方向往啟超道。

在封路後有未能加入 (2) 的市民在啟超道利園山道聚集。但正如第二部份咁講 (連結)，該地段路窄而有被兩邊「夾」的風險。喺警方開始一字排開推進之後，市民唯有趕快退至時代廣場。

當該批警員推進到羅素街 (3)，因為只有一條行車線咁闊嘅路面，除非「捐」入商場或者地鐵，否則喺「敵眾我寡」嘅情況下，市民只可進一步被驅散。咁警方就選擇喺羅素街經過路口錶舖之後就齊步急衝 。雖然該「衝警盃」行動象徵意義大於一切，因為係人都見到一條直路，冇人會咁傻企喺度等。但警方當時仍選擇咁衝，相信係同佢哋嘅習性有關，同埋作為對遠距離目睹的市民最後一個警告。

喺(3) 被驅散咗嘅市民之後就更加難再行返去(2)，咁警方就可以集中力量處理仍然停留喺東角道行人專用區嘅市民。當時已經過咗九點，遊人開始漸少提供唔到掩護。有網民開始在各Telegram群組呼籲仍在該地段聚集市民要考慮撤離路線。到十點過後當遊人進一步減少，警方就選擇開始拉橙帶發咗幾個599G。至此，基本上當日活動已經完結。

以上總結了六四當晚警方在銅鑼灣區的部署。可以見到，因為喺事前已認定活動屬於低警戒級別 (第一部份)，警方選擇用驅散而非一些更為強硬的手段。雖然係咁，考慮到區內嘅情況，警方嘅部署亦都顯得有針對性。

最後請留意：以上分析絕不一定適用於日後會出現的實際情況。警方會考慮多個因素，包括佢哋認定嘅活動性質、估計參與人數等。甚至一啲表面上估佢唔到嘅因素都可以有決定性嘅影響。例如接近7.1百年党慶係咪要進取啲，同埋国策宜家究竟係要行一向嘅「可怕、可畏」形象抑或最近今上講嘅「可愛、可敬」look？呢啲嘢真係冇人知道，只可靠估了。

#七一 #銅鑼灣
『消息又說，警方部署的人手及規模，會與六四當日大致相若，在有需要時不排除會封閉維園。』(RTHK)

「大致相若」⋯即係呢個❓
《六四當晚警方在銅鑼灣的策略分析》(連結)

『本周六是「六四事件」33周年，警方呼籲市民不要參與、宣傳或公布任何未經批准集結，切勿挑戰⋯⋯（下刪三百字）』

『多次被問到會不會封閉維園，廖珈奇說，去年曾引用公安條例將維園部分範圍封閉，但今年與去年的情況有分別⋯⋯』

去年情況重溫：https://t.me/cwbnow/13664