#背景資料 #安全資訊 #重溫

銅鑼灣東角道「全民天文台」@CWBscout

背景
什麼是”Crowdscouting”
Crowdscouting 嘅 “crowd” 係群眾嘅意思。至於 “scout”，係幫大家互通前線消息的寶寶。Crowdscouting脫胎自crowdsourcing，而應用於scouting 上，就係全民齊做「天文台」嘅意思。

個term新但其實個意念唔新。有個泊車app就係用群眾報料，去俾群組嘅人知道邊個商場有泊車位。HKmap就更加係用同一個方法，分享前綫最新資訊。

簡單嚟講，@CWBscout 就係靠群眾報料嘅情報站。

銅鑼灣東角道「全民天文台」跟傳統「哨兵」頻道的異同
傳統嘅「哨兵」頻道要靠哨兵隊係現場視察。哨兵隊嘅規模愈大，就越能夠提供好嘅覆蓋面。

Crowdscouting 嘅唔同之處，係唔駛靠一個規模大嘅隊伍。點解？因為「全民皆哨」！

1. 群眾報料
2. 現場直播
3. 其他哨站消息
4. 現埸哨兵確認

順帶一提我哋跟hkmap嘅不同之處。@CWBscout 只覆蓋銅鑼灣，但正正係個覆蓋面細，可以每一個報料都經現場哨兵做認證。個好處係減低false alarm（散水黨）嘅風險，而仍然係相對容易嘅情況下做到確認。

另外一個跟hkmap嘅不同之處，係佢哋主要做戰地哨，係槍林彈雨嗰一隻嘅。另外一方面，銅鑼灣雖然係好多大型遊行嘅出發地點，但我哋 @CWBscout 暫時嘅focus係幫大家 be water隨時轉plan。呢一樣嘢係針對對家嘅震攝策略包括 stop-and-search。

#手足投稿 #安全資訊
2020年5月15日-Epic Games將GTA V《俠盜獵車手V》限時免費
知道有好多手足鍾意打機
而今次免費其實大有危機!
騰訊早於2012年7月以3.3億美元收購EpicGames已發行股本48.4%的股份
約佔公司整體股份的四成
騰訊有權在EpicGames董事會提名董事
EpicGames 理論上講可以算騰訊集團的聯營公司
咁騰訊係咩?
就係中國既大型公司
以下有一則來自台灣既巴哈一個發文既內容
手足可以睇左先

https://forum.gamer.com.tw/C.php?bsn=60030&snA=518492

睇完內文既應該知道咩事
就係佢既遊戲登入端隱藏左木馬程式
GTA5本身係冇問題
有問題既就係佢既登入器
佢會不斷咁偷取你電腦入面所有既資料
不管係密碼定係信息
都可以講成佢裝左個CAM係你電腦度
監察你既一舉一動
騰訊係唔係中共旗下既公司
大家心中有數
小編只係想講
唔好貪小便宜
要玩GTA5既手足就買STEAM版
真心真心
家陣資訊發達
應該要好好保護自己
不管係網路上定係現實之中
個資一定要保護好
萬一手足你真係貪左小便宜
請立即刪除有關既程式
而刪除之後記得要睇C盤
C盤個度應該有呢兩個名
Rockstar Games/Epic Games
見到有關既名唔該刪除
快D廣傳出去

以下附上巴哈姆特既發文入面查野既程式
請下載個個程式睇下自己電腦仲有冇比人監視緊

https://docs.microsoft.com/en-us/sysinternals/downloads/procmon

(編按：未FC。下載任何程式請自行衡量風險)

氣象巴打 X 612 Reminder
Telegram? Signal? 淺談資訊安全

重點放最前：
唔好未學行先學跑。唔少人唔係衰資訊安全，而係衰多口，喺公開社交平台透露過多個人資料（例如居住地、社交圈子），令警方可以砌拼圖咁挖嗰人出黎。

1️⃣Telegram適合接收資訊，未見其他通訊軟件有類似Channel的廣播功能。Telegram亦適合作公海討論，但必然有警員時刻觀察。

2️⃣Signal優點為開源及點對點加密，但缺點是須經電話號碼新增聯絡人。簡單來說，Signal為安全但並非私隱度高的軟件。

雖然用戶可用太空卡號碼註冊，但警方可透過曾與太空卡號碼連結的設備IMEI碼以鎖定目標位置。用戶亦可透過使用虛擬號碼（如：Textnow）註冊，但虛擬號碼有被回收的風險。

3️⃣Telegram可隱藏電話號碼，但並非完全點對點加密，亦非開源。另須注意警方使用的Cellebrite可破解Telegram，包括獲取已刪除的訊息。

提醒：
任何通訊軟件都有優劣，不要以為使用特定通訊軟件即完全安全，重點是如何使用及與其他保障資訊安全的方法配合。
警方可透過CCTV等非資訊安全的形式鎖定及拘捕，因此以任何通訊軟件作小隊溝通仍有不可忽略的風險。

值得進一步探究的通訊軟件：
RiotX、Keybase
（Wickr並非開源，對其資訊安全有保留）

#安全威脅觀察

#安全觀察
商場風險之前已經講過：
https://t.me/cwbnow/7504

「點解咁講？首先係成本效益。今時今日喺警方任意持槍持胡椒噴劑進入商場，而商場係得幾個出口完全冇位走嘅情況之下，相比起街頭，在商場舉行活動被咬的風險其實更高。以往在商場攪和你sing算是一種妥協，一種集氣為主的活動。但既然風險更高，入商場進行活動的成本效益就成疑問。」

喺商場除咗un之外做唔到啲咩。又冇位走仲要帶來false sense of security。另一方面啲黑警睇定嚟食之餘大把時間拍晒高清片。

所以行街首選從來係行出街。尤其係難得多人就冇理由縮番入商場。

#讀者投稿
論紀律的重要性

去年反送中運動波瀾壯闊，其中一個特色就係無大台「去中心化」。無大台嘅好處係可以百花齊放，可以不斷試邊啲行得通變相continuous experimentation and A/B testing。另一方面，缺點係欠缺紀律。當人數係我哋唯一優勢，冇紀律、行動唔一致嘅話，呢個優勢就自然喪失，我哋亦都冇咗唯一嘅本錢。

一致嘅行動有多重涵義，其一就係關於時間性嘅掌握。舉一個例子：每次喺旺角開波都係只會有遲冇早，而每次喺老銅開波都係只會有早冇遲。背後原因係long story但係旺角通常要拖到傍晚時份，而老銅嘅話就一般太過早開波(以致俾對家藉口封路封站令行動斷橛禾蟲成唔到隊形等)。

正正係呢個原因，筆者喺之前同大家分享咗可以點樣synchronize點樣行動一致嘅方法：https://t.me/cwbnow/8545

只有在時間上掌握得好嘅情況之下，我哋先可能outnumber對家。反之，斷橛禾蟲咁就只有企定定等「被橙帶」 —— 尤其係對家講到明係要快刀斬亂麻。

但係要做到行動一致嘅效果，前提係要行動之前、未夠鐘嗰陣大家要俾啲紀律。有所謂「大隱隱於市」：無理由企定定喺街等「被橙帶」。要突破橙帶就要夾好時間1212，同埋好似上述文章咁講未夠鐘大家要 #碎片化 待機(詳見該文)。

當然成功與否視乎人數。但係以上建議嘅好處就係如果到時人數唔夠嘅話，就可以resort to other means like 縮番入商場做啲感覺上比較安全嘅活動(雖然係false sense of security)。

講起商場：行動一致嘅另一個涵義當然就係關於地點。當人數係我哋唯一嘅優勢，而難得有大台出嚟吹咗雞而人數應該有咁上下，就冇理由將啲人數打散縮晒入18區商場 —— 尤其是入商場風險程度其實arguably更加之高：https://t.me/cwbnow/8565

順帶講講裝束：如果跟建議做法（等到夠鐘先一齊行動）就黑衫好啲。個好處係好使大家較準時間落到街嗰陣見到夠唔夠人開波。但如果用番以往做法的話（企喺街等被橙帶）就彩衣安全啲。

如有投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #安全觀察
Shopping攻略（第一部份）

基於警方處理商場內進行的抗爭行動比以往重手，加上商場本身的環境限制，好似之前分享 文章 所講，在商場內進行活動，其實相比起街頭的陣地戰更加「陣地」—— 對家唔需要捕亦唔需要「布袋」已經包圍咗我哋。

仲未計商場活動已經被某白咭人士「玩爛咗」搞到一般人唔想去。

但由於喺呢個時勢實在短期內難以有大型街頭活動，呢篇文章就同大家探討下，一個新策略之可行性。

Disclaimer: 雖然今日係21號，但係此非行動post而係拋磚引玉，純粹學術討論。

警方執法的假陽假陰考慮

從警方執法嘅角度嚟睇，無論係喺街頭或者室內，每一次行動是否有成本效益視乎以下四樣嘢嘅比例 - -

1⃣️真陽性 (true positive)：準確地target參與行動手足；
2⃣️假陽性 (false positive)：捉錯咗行街買餸嗰啲；
3⃣️假陰性 (false negative)：放走咗參與行動手足；
4⃣️真陰性 (true negative)：放走咗行街買餸嗰啲。

叫得做黑警，當然佢哋係亂拉㗎啦。對佢哋來講，拉嘅數目當然越多越好，但相信都會盡量提高真陽性而減低假陽假陰。 （待續）

EDIT: 第二部份在此 第三部份在此

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #安全觀察
Shopping攻略（第三部份）

喺第一部份，我哋分析咗警方執法行動嘅假陽性假陰性考慮，而喺第二部份，我哋則從呢個角度，分析警方喺商場採取行動嘅兩個常用模式之特性：
🅰️軍裝入場拉封鎖帶
高假陽性 (false positive)
低真陽性 (true positive)
🅱️便衣潛伏定點捉人
低假陽性 (false positive)
高真陽性 (true positive)

戴頭盔時間：如前所述，當初寫呢個系列係有見於商場活動被某白咭人士「玩爛咗」搞到一般人唔想去。因此，才決定拋磚引玉，跟大家探討下一個新shopping策略之可行性。當然有大型街頭活動就最好，但係喺短期內都難以出現的情況下，實在需要一步步諗啲方法幫啲大人細路男女老幼出嚟。無嘢可以一步到位，所有嘢都要搵番最大公因數先。因此，即使有手足覺得下面嘅建議太過mild唔夠攬炒，但不喜亦請勿插。

對應以上兩種執法手段的相應措施

全文比較長，但係你會發現，針對第一種執法手法嘅安全措施都係大路嘢，好多手足已經一路做緊。喺呢度列舉出嚟係屬於善意提醒作用。而針對第二種執法手法嘅應對就牽涉一個新嘅游擊嗌口號模式。請耐心睇一睇。

對應🅰️的一般安全措施

由以往需要取得商場保安批准到現在可以任意持槍入場，好明顯警方已跟各大地產商取得默契。雖然係咁講，但係為咗將商場攬炒成本壓低，喺一般嘅情況之下，軍裝都會先在場外伺機而動，等候在場內做監控嘅便衣的資訊和報告。因此，我哋除咗要互相分享訊息之外，我方必然要有識得睇現場環境嘅人在場（白咭者除外）。留意住相關Channel，同埋自己警覺性高少少。

除咗訊息方面之外，大家仲可以利用呢個行動高假陽性嘅特點。事先收集齊證明對方係false positive嘅證據。目測好多手足已經醒水，有哂單據甚至帶埋道具出嚟。但如果自己真係咁唔好彩入咗橙帶，要做嘅就係保持冷靜唔好勞嘈，與及之前記住帶身分證同埋避免攜帶無謂嘅嘢出街 —— 因為好似之前嘅分析所講，一般喺咁嘅情況之下都係SS又或者599G，特別狀況除外。

對應🅱️的新策略：打地鼠游擊Whac-A-Mole

如前所述，雖然潛伏商場的便衣喺冇支援嘅情況下自行採取行動定點捉人比較罕見，但因為一旦捉嘅話係(1) 冇得避、(2) 斷正和 (3) 唔止告票咁簡單，因此喺呢度同大家分享一個新策略。目的都係希望大家重新行番出嚟，不喜勿插，同埋上面已經戴咗頭盔先。

如前所述，因為係直接Target特定人物，所以從警方嘅角度嚟睇，🅱️可以做到高真陽性／低假陽性嘅優點。Whac-A-Mole就係要令到佢Target唔到人。要防止對家Target，就要增加干擾提高不確定性，而其中一個提高不確定性嘅做法就係令到佢唔知邊個係Target。口罩已經係一個掩護方法，又或者嚟緊萬聖節大家就大條道理帶面具。

但係真正嘅不確定性唔止呢啲。嗌口號一般係齊聲一齊嗌，所以其實戴晒口罩有哂面具都唔夠。「打地鼠游擊戰」就係引入游擊嘅方式：唔好全部人一齊嗌，而係好似Whac-A-Mole扑傻瓜遊戲咁樣，利用隨機嘅方式，一個接住一個逐個嗌口號。當商場入面有一定人數（唔駛多，可能幾十個夠）而啲人散落唔同樓層，打游擊咁周圍游走，加上接龍咁隨機跟機嗌而唔係一齊嗌，對家想Target都難。最終當然佢哋會搵軍裝入場處理，但最少避免咗「斷正」呢個高風險先。如果仲唔明嘅話，呢個方式就有少少好似唱山歌咁嘅形式，我叫佢Whac-A-Mole因為英文型仔啲咁解。

後記

有所謂擊而不游是拼命主義，游而不擊是逃跑主義。而家未到搏命嘅時候，而如果你要逃避現實做番港豬，手足亦都冇嘢好講。所以冇100%零成平咁便宜嘅事，但我哋要做到嘅係一方面行番出嚟，用非「白咭」嘅方法維持抗爭熱度，另一方面將將風險儘量減低。以上係筆者認為可以將風險減低的安全措施。拋磚引玉，大家可以留言俾下意見。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#香港人日程表 #安全觀察
有網民呼籲，在星期六晚 (31日) 參與一個名為「哈囉喂泰驚萬聖節」的活動。當晚喺 #銅鑼灣 及其他區皆有活動義工戴上特定面具，與參與人士打卡、玩遊戲。

雖然無跟活動搞手聯絡過，相信係希望以新模式測試 (市民和警方)反應。喺現時嘅環境之下，本區覺得大家應該多多支持。即使唔跟大會programme唔戴大會指定面具，亦不妨喺嗰段時間落嚟行吓街。

日期：10月31日 (六)
時間：晚上七時開始
地點：五區(包括銅鑼灣) 尋彩蛋形式所以實際地點有多個而且要自己搵

一方面希望大家積極參與，另一方面，正如好多有心人已經提出過，當日幫手活動嘅義工要小心啲。身懷一啲專為此活動特別設計嘅道具 (包括所謂「泰蝗」面具) 喺有一定風險；戴上面周圍走可能都係頂籠方便黑警記認，但孭住成袋出街就未必淨係「參與」咁簡單。須知道黑警係亂嚟，咁樣佢真係大條道理入「組織」非法集結甚至其他。到時成袋嘢揼都揼唔切嘅比較麻煩。至於其餘市民，好似之前咁講，未必一定要做到鑿住喺額頭嗰隻，但亦不妨喺嗰段時間落街行吓。

如有意見，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#安全風險
早前跟 “大波man” 及昨跟 “黑超哥” 開live嘅藍風褸人士表示明日 (15日) 中午12點幾會由 #銅鑼灣 維園行到 #中環 遮打花園。路過嘅街坊可以留意一下。
完。

#銅鑼灣 #安全觀察 #以史為鑒
六四當晚警方在銅鑼灣的策略分析 (三)

第二部份 (連結) 簡單地對銅鑼灣的地形作了一個描述，和講解咗因應當區地形特點慣常出現的示威集結模式。餘下文章分析警方當日在銅鑼灣區作出的部署。

(三) 警方六四當晚如何分地域地逐一驅散

如地圖所示 (請參考第二部份附件)，(1) 和(2) 跟 (3) 基本上係斷開兩截 —— 而警方要做嘅話亦可以好輕易咁，人為地將佢哋斷開兩截。

警方當晚先驅散在維園 (1) 外圍聚集的市民。當大部份人已被趕至百德新街，警方又喺皇室堡再舉黃旗。

有部份行落去百德新街Donki，有部份選擇加入有更多人聚集的東角道至記利佐治街一段。警方在兩處皆有舉旗。因為聚集在後者 (2) 的人數太多，而市民係四圍遊走冇企喺一個死位。再加上週五晚八、九點在SOGO一帶有太多遊人，採取一啲過分進取的手段 (例如開始大規模拉橙帶)，就難免會造成「假陽性」個案 (連結)。因此，警方唯有選擇先處理 (3)。

要處理 (3) 警方先選擇人為地將 (2) 跟 (3)斷開兩截。先趕走喺渣甸坊嘅街站，再封鎖Victoria Secret對出的位置 (地圖黑色框位置)，並只准單方向往啟超道。

在封路後有未能加入 (2) 的市民在啟超道利園山道聚集。但正如第二部份咁講 (連結)，該地段路窄而有被兩邊「夾」的風險。喺警方開始一字排開推進之後，市民唯有趕快退至時代廣場。

當該批警員推進到羅素街 (3)，因為只有一條行車線咁闊嘅路面，除非「捐」入商場或者地鐵，否則喺「敵眾我寡」嘅情況下，市民只可進一步被驅散。咁警方就選擇喺羅素街經過路口錶舖之後就齊步急衝 。雖然該「衝警盃」行動象徵意義大於一切，因為係人都見到一條直路，冇人會咁傻企喺度等。但警方當時仍選擇咁衝，相信係同佢哋嘅習性有關，同埋作為對遠距離目睹的市民最後一個警告。

喺(3) 被驅散咗嘅市民之後就更加難再行返去(2)，咁警方就可以集中力量處理仍然停留喺東角道行人專用區嘅市民。當時已經過咗九點，遊人開始漸少提供唔到掩護。有網民開始在各Telegram群組呼籲仍在該地段聚集市民要考慮撤離路線。到十點過後當遊人進一步減少，警方就選擇開始拉橙帶發咗幾個599G。至此，基本上當日活動已經完結。

以上總結了六四當晚警方在銅鑼灣區的部署。可以見到，因為喺事前已認定活動屬於低警戒級別 (第一部份)，警方選擇用驅散而非一些更為強硬的手段。雖然係咁，考慮到區內嘅情況，警方嘅部署亦都顯得有針對性。

最後請留意：以上分析絕不一定適用於日後會出現的實際情況。警方會考慮多個因素，包括佢哋認定嘅活動性質、估計參與人數等。甚至一啲表面上估佢唔到嘅因素都可以有決定性嘅影響。例如接近7.1百年党慶係咪要進取啲，同埋国策宜家究竟係要行一向嘅「可怕、可畏」形象抑或最近今上講嘅「可愛、可敬」look？呢啲嘢真係冇人知道，只可靠估了。