#讀者投稿 #美國選舉 #中共視角

隔岸觀火 中共宜家係揞住半邊咀笑（四)

上文我哋提出咗，從長遠的戰略角度考慮，習總着眼點係2049百年馬拉松嘅國際爭霸格局，而對佢來講，2020美國總統大選喺歷史上嘅重要性，並非拘泥於係侵定係登咁簡單。要偉大民族復興，重點係點樣趁着呢個百年難得的混亂情況，undermine美國嘅國際領導地位。

上一部份提及嘅三樣嘢，包括中途中止點票、法律訴訟、加上仲未發生嘅大型示威衝突，已經夠子彈俾支共玩一排。

仲有一連串嘅聲稱選舉舞弊情況 (種票、造票、點錯票、遺失選票、郵寄投票做假、投票人數超過人口數目)。對習總嚟講，所有呢啲指控，向內可以攞嚟feed國內嘅民粹(大家可以睇睇百度熱搜，全部posts都可供牆國人執到寶咁款)。另一方面，向外，則可以乘機炒作落井下石，大肆宣傳西方民主體制其實有好多問題。

雖然大陸啲五毛水軍係execution層面仍然係幼稚園水平，例如絕大部份嘅僵屍帳戶都係一眼睇得出係假嗰隻 (連結)。但係玩分化嘅策略呢方面，的而且確有佢高明嘅地方。仲有佢哋識得利用社交媒體的特性：只要夠「吸睛」夠「標題黨」，一幅圖幾隻字，真又好假又好，就隨時足以做到一傳十、十傳百的效果。目的唔係打飛機咁簡單，而係希望藉此stir up美國極左極右，激發已經兩極化嘅矛盾。

喺下一部份，我哋再分析中共可以點樣利用現時眾人嘅關注點 —— 有關選舉嘅法律訴訟 —— 同埋一連串嘅混亂去達到佢嘅戰略目的。(待續)

目錄

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #美國選舉 #中共視角

隔岸觀火 中共宜家係揞住半邊咀笑（五)

上文我哋提出咗，對習總來講，2020美國總統大選嘅國際政治意義，並非拘泥於係侵定係登咁簡單，而係點樣趁住呢個百年難得的機遇去undermine美國嘅國際領導地位。

對中共來講，最理想嘅結局當然係可以搞到美國陷入內戰邊緣。早幾個月嘅BLM示威，已經有媒體報道當中有牽涉操流利普通話嘅勇武人士參與。再唔係嫁禍又或者借刀殺人仲簡單啲。

我哋提出呢個可能性嘅時候可能好多人都會覺得講誇咗，不過已經越來越多跡象顯示，美國情況正趨呢個方向發展 (連結)。不過點都好，即使唔出現真正嘅內戰，如果能夠令到美國左右兩極進行大規模嘅對抗運動，亦都最少可以做到消耗美國國力，又或者令到美國自顧不暇，冇時間理支國 (對香港、對台灣、喺南海) 嘅種種行動。

即使做唔到，停留喺宣傳層面，上一部份已經提出中共嘅大外宣其實算係幾高明。因為除咗夠sensational之外，呢一連串有關選舉嘅法律訴訟，個過程拖得越長就越多花生。

順帶一提 (呢一點最後部份我哋會詳細講)，但香港人喺呢一刻千祈唔好unwittingly幫中共踩多一腳。唔係叫大家唔好聲援侵，亦唔係叫大家停止揭發美國嘅選舉舞弊、停止質疑美國嘅民主體制。但如果係牽涉一啲集體行動嘅話，就要考慮吓自己是否做多咗，以致unwittingly間接幫助中共。大家都支持侵，但亦都要小心避免支持到一個程度去undermine美國制度本身嘅認受性。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #美國選舉 #中共視角

隔岸觀火 中共宜家係揞住半邊咀笑（六)

上文提到，喺中共角度嚟睇，總統最好混亂到一個程度致美國陷入內戰邊緣。否則，好似《中國模式國情專題教學手冊》咁講，「政黨惡鬥，人民當災」 —— 包括延綿不絕嘅司法訴訟，亦都可以做到undermine美國嘅效果。

但容許候選人提出司法訴訟唔係反映咗美國制度嘅優越性咩？從中共角度嚟睇，無論點樣判都好，佢哋都可以spin嚟貶低美國。判贏咗，自然係證明美國選舉充滿舞弊情況。又種票又造票又點錯票又遺失選票，咁多醜聞、咁黑暗，可以話係仲衰過中國明刀明槍嗰隻專制濫權喎。

但如果法院判決係判輸咗呢？中共亦可以spin，話連美國法院都已經唔再「有險可守」 —— 即係全個美國三權體制加埋deep state面具已經被拆穿。兩者任佢噏但係目的都係一樣，就係「證明」西方民主體制多年嘅人吹到咁好，其實實際上沒有什麼優越性可言。

法院判決如是，選舉結果亦如是。登嬴嘅話，除咗嗰啲醜聞 (Hunter、戀童、老人癡呆) 之外，仲有就係會喺佢四年任期內，好似過去四年嘅通俄門咁樣，不斷loop選舉舞弊與及佢其實係俾中共收買嘅指控。仲有聯同侵及QAnon口中嘅deep state與及 ”Big Media, Big Money, and Big Tech” 操控美國政治、社會每一個層面嘅一套conspiracy theories平衡時空世界觀。

至於如果最終係其實侵嬴嘅話，從國際政治嘅角度嚟睇，其實可能對美國嘅國際地位嘅根本性傷害更大。呢個要考慮返美國同埋盟友嘅關係。二戰以後，美國逐漸取代了英國在國際上的地位，成為西方陣營領袖。此地位是得到一眾西方國家認同，即係大家都默認嘅西方世界「共主」。但呢個領導地位，喺特朗普上台以來，已經逐漸下降。西方盟友唔再睇 (由特朗普領導嘅) 美國頭，甚至喺多個國際場合，法國、德國、加拿大等領袖多次、自己圍埋一堆然後疏遠佢。先唔理佢哋咁樣做係咪啱，但如果侵上台再做四年，睇怕咁嘅情況只會越趨嚴重。

國家領袖如是，其實多國人民對特朗普本人亦有咁嘅睇法。根據一個跨國民意調查，對特朗普嘅信任度，比起所有西方領袖還要低 (連結)。而其實除咗台灣同香港之外，西方國家甚至亞太其他國家，其實係一面倒支持登而非侵成為美國總統 (連結)。

因此，雖然我哋香港人視侵為大佬，如果佢當選嘅話，恐怕美國在國際政治上的地位進一步削弱 —— 即係其實有利於中共 2049 百年爭霸 “One-Hundred Year Marathon” 的形勢。

最好戴多次頭盔：從 第一部份 開始，此分析旨在說明中共其實並非着眼於侵或登而係點樣可以喺呢趟渾水搵到可乘之機。因此，我哋都從無捧侵或登嘅含意。同埋寫咗咁長，其實都係暗示俾香港人知，唔好盲舂舂陷入中共嘅圈套。個別聲援可以，但啲集體行動 (例如登報、眾籌打官司、白宮聯署) 就要諗清楚。經過2016年嘅選舉之後，美國人去外國干預選舉非常敏感 —— 只要睇吓Mark Simon單嘢就知。另外就係唔好因為侵輸咗，就俾機會中共輿論PR機器分化、同埋進一步灌輸無力感。本來呢一點想寫多啲，但係篇嘢已經太長所以從略，敬請原諒。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

一早已提出，何解現時可能係中共等咗近百年嘅機遇 —— 而呢個機遇並非坊間所講拜登係所謂中共傀儡咁簡單。
不費一兵一卒可以搞到敵國咁亂，而且仲未知道點樣收尾。
撥火容易，你知但係中共都知。
所以話，有時唔好跟車太貼可能比較好啲。

環球時報總編輯胡錫進今日發嘅推文，印證咗 我哋之前 話中共對於武漢肺炎嘅睇法

唔係散水黨，但係喺月頭開始我哋已經提出 (1 2 3)，中共對現時國際形勢嘅研判係，呢一刻係百年難得機遇。原因係全球仍然受武漢肺炎疫情影響，與及美國因選舉問題持續處於混亂情況。

睇吓喺選舉後起黑警拉咗幾多人就知。仲有宜家捉一個「美國隊長」都出動到呢個警力。所以，請大家喺一月底前，做啲乜嘢都諗清諗楚先🙏

#讀者投稿
被BBC稱為「中國年度政治大戲」的支共五中全會上月尾閉幕。

當我哋恥笑緊佢哋啲什麼經濟內循環塘水滾塘魚什麼科技自立自強晶片大躍進，其實與此同時，支國對國際形勢同埋相應策略 (包括處理香港嘅手段) 原來已經定咗調：「當今世界正經歷百年未有之大變局⋯國際環境日趨複雜，不穩定性不確定性明顯增加。」

之前我哋已經提出過，中共研判現時為「世界百年未有之大變局」嘅部份原因係因為全球仍然受武漢肺炎疫情影響，而美國因選舉問題持續處於混亂情況。咁中共面對呢個機遇諗住點樣應對？係「發揚鬥爭精神」同埋「樹立底線思維」。你可能覺得呢啲係支那人講嘢風格係老吹啫，但係睇吓由月頭到宜家香港咩情況，就可以睇得出佢哋乜嘢為之鬥爭精神、什麼叫底線思維。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

一向反共撐香港，《香港人權法》的推手參議院議員魯比奧 (Marco Rubio) 在國會發言時表示中共正在笑鳩緊美國：“China is laughing. They are loving this tonight.”

佢仲話見到今日美國咁亂，普京同伊朗最高領袖哈梅内伊好開心。

而呢個論點我哋喺11月頭已經提出：https://t.me/cwbnow/9954

#冬奧 #习総 #普京
歷史幾狼都有

話习総係清末嘅慈禧，不如話佢係2014年嘅普京
除了有多位美國國會議員提出有關2022北京冬季奧運會的議案之外 (連結)，美國國務卿布林肯前日在回應記者提問時，亦表示計劃跟盟友討論聯合杯葛行動。

被杯咪好冇面？睇番歷史，支國現時的處境跟2014的俄羅斯形勢何其相似。

彰顯國力：索契冬奧到北京冬奧
2014對於俄羅斯人，尤其是普京，係意義重大的一年 (連結)。當年正是普京上台執政15周年，原本是一個值得慶賀的日子。

為了彰顯國力，普京一手促成於俄羅斯臨近黑海的索契 (Sochi) 舉行當年的冬季奧運會。有媒體形容2014冬奧實屬普京pet project (連結)：除了大耍金錢，諗住搞到好好睇睇之餘，普京原本嘅盤算係透過該體育項目與西方 “build bridges”。

2022冬奧對於支國，尤其係對习総，同樣係意義重大。除了代表北京係有史以來唯一一個「双奥」城市之外，當然今年正正係中共建黨一百周年。而2022年對习嚟講仲重要。习黨總書記一職，明年就屆滿十年。根據慣例，习総如果想永續執政，就先要在2022年成功連任第三任黨總書記，才有可能繼續擔任國家主席，進而再永續軍委員主席一職。而北京冬奧對佢嚟講，就正如2014嘅索契冬奧對於普京，都係show muscle嘅最佳時機。(待續)

#美中之爭
美國國務卿布林肯 (Antony Blinken) 週日 (5月2日) 接受媒體採訪時表示，中共正威脅自二次大戰以來基於規則的國際秩序：

「當我們看到任何國家挑戰這一秩序，或試圖破壞它時，我們將對它採取行動。我們將站起來捍衛它。」布林肯在說。 「在過去幾年中，我們目睹了中國在國內的表現更加壓制，在國外的行為更加咄咄逼人。這是一個事實。」布林肯在美國哥倫比亞廣播公司 (CBS) 的「60分鐘」 (60 Minutes) 節目中説。

#疫苗 #谷針 #國情唔同
#美國 俄亥俄州 (Ohio) 州為鼓勵州民接種疫苗，推出「俄亥俄打疫苗抽百萬」(Ohio Vax-a-million) 的活動。

俄州州長早前 (13日) 宣布提供為期5週的每週抽獎，讓至少接種過1劑疫苗的州民贏得100萬美元獎金💰

該州還會抽出5名18歲以下接種了疫苗的人士，可以獲得政府全額資助就讀州內任何一所公立大學的四年學費，另加食宿費和書簿費👨‍🎓

🇺🇸俄州州長宣布：連結

美國有州政府用胡蘿蔔。反觀 #香港 地方特區政府與及半官方機構⋯

唔打針就唔該每隔兩個星期排九個鐘頭隊做檢測💉

下一步會否出動強制肛拭子作為「誘因」🥶

#美俄高峰會
在跟日內瓦與俄羅斯總統普京見面之後，有記者向美國總統拜登提問，佢點解覺得俄國會與美國合作。拜登答案正面，又表示明白俄羅斯的難處。他形容俄國情況有如「宜家床板夾JJ，可以話係春袋俾支国摙住唔放」：

“Russia is in a very, very difficult spot right now. They are being squeezed by China.”

另一方面，支国外交部發言人趙立堅早前則強調中俄是「團結如山，友誼牢不可破」的。他指「中俄合作上不封頂，下接地氣」。趙又奉勸「離間分化中俄關係的人，任何企圖破壞中俄關係的圖謀都註定不會得逞，希望他們回歸到構建人類命運共同體的正道⋯」(下刪300字)

沈旭暉介紹兩個正在 #美國國會 審議的惠港法案

教授短評：連結
聲音檔案：連結

“美國創新與競爭法案2021” ：https://t.me/hkvote/886
“保護香港網絡自由法案2021”：https://t.me/hkvote/876

#美中 #香港
形容香港局勢正在惡化 拜登：提醒美國企業在港營運風險

一如早前《金融時報》報道，美國總統拜登今日面對傳媒時，向在港經商的美國企業作出一個關於香港局勢的警示。

美國總統拜登與到訪的德國總理默克爾會面，期間談及香港問題。拜登指華府會提醒美國企業在香港營運業務的風險。拜登批評，北京未有履行對香港的承諾，形容香港局勢正在惡化：

“The situation in Hong Kong is deteriorating and the Chinese government is not keeping its commitment that it made, how it would deal with Hong Kong.”

拜登表示，當見到中國或任何國家破壞自由與開放的社會時，美國和德國都會站起來捍衛民主原則和權利

早前有報道指拜登政府將會向美國企業發出警告，指隨着中國加強對香港這個金融中心的控制，美國企業在香港開展業務的風險愈來愈大。消息人士稱，這些威脅包括中國政府獲得外國公司在香港存儲數據的能力，以及中國最新通過的《反外國制裁法》。

默克爾亦談到對中國的關係，指德國及美國都有共識。她指出與中國的關係上，安全問題顯得更加重要。德國如何應對中國，將取決於與美國的共同價值。

#美中
形容共產主義為失效體系 拜登：共產主義模式係廢

美國總統拜登與到訪的德國總理默克爾會面。會後兩人出席記者會。

除了向美國企業發出關於香港狀況的警示外 (連結)，拜登被記者問到某國日講夜講的「XX模式」。

拜登這樣回答：
"Communism is a failed (adj. 失敗的；失效的；不及格的；廢的) system, universally failed system, and I don’t see socialism as a very useful (adj. 可用；有人用；有L用；有Q用) substitute."

#美國選舉
由MyPillowGuy/QAnon supporters/侵粉委托的Cyber Ninjas終於完成審核工作。根據美國霍氏電視獲得的報告，審核結果顯示拜登確實在有關縣市勝出選舉。
Fox

In another news: 在一份呈堂的侵選舉工程內部Memo顯示，侵campign一早知悉所有有關Dominion/委內瑞拉/索羅斯等一系列的選舉舞弊指控，並沒有任何事實基礎 (“baseless”)。
Forbes

#美國選舉
朱利安尼同侵粉@TheCapital差唔多lv.
CNN

#美中關係 #台灣 #下台階
根據《南華早報》報道，中共曾透過多個中間人，要求美國在麥卡錫訪問台灣的同時，派遣副總統級別的官員到訪北京。

根據相關中間人所講，此建議作用相等於當年 Gingrich 訪問台灣的同時有副總統 Gore 到訪北京。此舉被廣泛視為給北京保留面子的下台階。

報道也指出，一旦麥卡錫訪台，中共隨時會作出比去年 Pelosi 之行更激烈的反應 —— 包括派遣共軍短暫佔領台灣外島金門⋯⋯

SCMP