📘ژمارە (سفر)ی گۆڤاری ژنەفتن بڵاوکرایەوە

▫️گۆڤاری ژنەفتن؛ وەرزنامەیەکی تیۆریی، هزریی و کولتوورییە، تەنیا بابەتی وەرگێڕدراو لە زمانی یەکەمەوە بڵاودەکاتەوە. ئەم وەرزنامەیە یەکێکە لە بڵاوکراوەکانی ماڵپەڕی #ژنەفتن. بەرپرس و سەرنووسەری گۆڤارەکە «#دڵاوەر_ڕەحیمی»یە.

🔻وتار و بابەتە بڵاوکراوەکانی ئەم ژمارەیە:

1️⃣ ئه‌ده‌ب و زمان

▫️#میشێل_فوكۆ
▫️لە فرەنسییەوە: #فازڵ_مه‌حموود

📖 ئه‌م وتاره‌ دروستكردنی سێگوشه‌كه‌یه‌ له‌نێوان زمان و به‌رهه‌م و ئه‌ده‌ب؛ ئینجا خستنه‌ ژێر پرسیاری واتای ئه‌ده‌ب به‌ واتا كلاسیكه‌كه‌ی و سووڕانه‌وه‌یه‌كی خولگه‌یی‌ له‌ په‌یوه‌ندی له‌گه‌ڵ زمان و به‌رهه‌مه‌ له‌م سێگۆشه‌یه‌دا. ئه‌وه‌ی فوكۆ پێداگری له‌سه‌ر ده‌كات وه‌ك مه‌سه‌له‌ی له‌دایكبوونی ئه‌ده‌ب سه‌ره‌تای سه‌ده‌ی نۆزده‌یه‌مه‌، واته‌ سه‌رده‌مێك كه‌ به‌ بڕوای ئه‌و زمان هه‌م به‌ كریستاڵی ده‌بێت و هه‌م سنووربه‌زێنیش.

2️⃣ کۆتایی هونەر: بەرگریینامەیەکی فەلسەفی

▫️#ئارتە_دانتۆ
▫️لە ئینگلیزییەوە: #هیوا_قۆچاڵی

📖 ئەم وتارە بەرگریینامەیەکی فەلسەفییە بەرامبەر ئەو ڕەخنانەی لە تیۆرەکەی (کۆتایی هونەر) ئارتە دانتۆ گیران. بۆ ئەو مەبەستەش دەپڕژێتە سەر پێناسەی هونەر؛ چەمکی تایبەتمەندی هونەری؛ ئیستاتیکا؛ پەیوەندی نێوان فەلسەفە و هونەر؛ جیاوازی نێوان کۆتایی هونەر و ‹‹مردنی نیگارکێشیی››؛ خەیاڵی مێژوویی و داهاتوو؛ میتۆدی بەکارهێنانی هاوشانی بێ سەروبەر و، هتد.

3️⃣ ئه‌خلاق له‌نێوان كۆمه‌ڵناسی و فه‌لسه‌فه‌دا

▫️د. #قه‌باری_محه‌مه‌د_ئیسماعیل
▫️لە عەرەبییەوە: #ئاكۆ_قادر_حه‌مه‌

📖 وه‌ک چۆن توێژه‌ری ئه‌نترۆپۆلۆژیا له هه‌ردوو‌ كایه‌ی دیارده‌كانی ئه‌خلاق و ئایین ده‌كۆڵێته‌وه و وه‌ك سیسته‌مێك مامه‌ڵه‌یان له‌گه‌ڵ ده‌كات، كه‌ وه‌زیفه‌ و پێویستی خۆیان هه‌یه‌ له‌ بونیادی كۆمه‌ڵایه‌تیدا، كۆمه‌ڵناسی هاوچه‌رخیش وه‌ک ڕێكخراو و كایه و وه‌ك به‌هاش مامه‌ڵه‌ له‌گه‌ڵ ئه‌خلاقدا ده‌كات، كه‌ له‌گه‌ڵ دیارده‌ و به‌هاو كایه‌ كۆمه‌ڵایه‌تیه‌كانی تردا له‌ په‌یوه‌ندیدان و له‌ناو چوارچێوه‌ی كۆمه‌ڵگادا له‌ كارلێكدان.

4️⃣ گرتنەبەرى ڕچەیەکى تیۆرى لە پێناو نزیکایەتیی هزریی من و دێرێدادا

▫️#سلاڤۆى_ژیژەک
▫️لە ئینگلیزییەوە: #وەلید_عومەر

📖 ئەم نووسینە تیۆرییە، دووریی دوو بیریار نزیکدەکاتەوە. بەکارهێنانى هەندێک لە چەمکە سەرەکییەکانى #لاکان و #هیگڵە لەلایەن #ژیژەکەوە بۆ ئەوەى خاڵەکانى یەکتربڕینى خۆى لەگەڵ #ژاک_دێرێدا دیاری بکات. ئاشکرایە دێرێدا و هیگڵ و لاکان سەر بە نەریتى فیکریی جیاوازن، بەڵام خاڵى بەرکەوتن و نزیکبوونەوەشیان هەیە.

5️⃣ ئەدەبیاتی جیهانیی

▫️ #میلان_کوندێرا
▫️لە فرەنسییەوە: #مسلم_ئەحمەدی

📖 میلان کوندێرا لەم دەقەیدا بانگەواز بۆ ئەدەبیاتێکی ڕاستەقینەی جیهانی دەکات نەک ئەوەی تەنها ئەدەبیاتە نەتەوەییەکانی وڵاتە گەورەکان لە پاڵ یەک دانرێت و ناوی ئەدەبیاتی جیهانی لێ بنرێت. کوندێرا مەزنترین بەهای ئەورووپایی بە هەمەچەشنی فەرهەنگی دادەنێت و بۆیەش دژی ناوچەگرێتیی، چ هی نەتەوە گەورەکان و چ نەتەوە بچووکەکان دەوەستێتەوە.

6️⃣ سپینۆزا و مەرگی ئارەزوو

▫️#تێری_ئیگڵتۆن
▫️لە ئینگلیزییەوە: #شێروان_ئیبراهیم

📖 ئەم وتارە بەشێکە لە کتێبی «کێشە لەگەڵ غەریبان»ی تێری ئیگڵتۆن، کە پەرژاوەتە سەر چەندین چەمکی وەک (چێژ، ئارەزوو) لای #سپینۆزا بە تایبەت لە کتێبی (ئیتێک)ی سپینۆزا.

7️⃣ چەمکە بنەڕەتییەکانی مێتافیزیک

▫️#مارتن_هایدێگەر
▫️لە ئەڵمانییەوە: #سۆران_عومەر

📖 ئەم وەرگێرانه، بەشی یەکەمە لە پێشنمایشی کتێبی چەمکە بنەڕەتییەکانی مێتافیزک لە نووسینی فەیلەسوفی ئەڵمانی مارتن هایدێگەر.

8️⃣ زمانی ساد و مازۆخ

▫️#شەهریار_وەقفی_پوور
▫️لە فارسییەوە: #دلاوەر_ڕەحیمی

📖 وه‌قفی پوور له‌م وتاره‌دا له‌سه‌ر زمانی (نازمانی) ساد و مازۆخ و كاره‌كته‌ره‌كانی رۆمانه‌كانی ئه‌م دوو نووسه‌ره‌ ده‌كۆڵێته‌وه‌. مازۆخ و ساد جیاده‌كاته‌وه‌ له‌ پڕۆنۆلۆگه‌كانی ئه‌م سه‌رده‌مه‌ و به‌رهه‌مه‌كانی ساد و مازۆخ به‌ پڕۆنۆلۆژی داده‌نێ و هه‌ریه‌ك له‌و دوانه‌ ده‌گه‌ڕێنێته‌وه‌ سه‌ر سه‌رچاوه‌یه‌كی فه‌لسه‌فی.

🔻درێژەی بابەت...

🌐‌ http://kurdishbookhouse.com/ku/100-550


🔻ناونیشانی ماڵپەڕ و کاناڵی تێلگرامی «ژنەفتن»:

🌐 Jineftin.krd

▫️@jineftin

■ ببنە ئەندامی "ماڵی کتێبی کوردی" :

▪️ @kurdishbookhouse

🌎 پایگاه خبری خانهٔ کتاب كُردی

بەرخۆدان نە بە قسەی قەبە
کە بە ئیشی بچووکەوەیە کە دەست پێ دەکا

وەک ڕەشەبایەک کە بە گڤەگڤی نێو دارستانێکەوە دەست پێ دەکا
یان پشیلەیەک کە لەپڕدا هەڵدەچێ

وەک ئەو ڕووبارە پان و بەرینانەی
لە کانییەکی بچووکی
شاراوەی نێو دڵی جەنگەڵێکەوە
سەرچاوە دەگرن

وەک ئاگرێکی زەبەلاح
کە لە هەمان شەمچەوە سەری هەڵێناوە
کە جگەرەکەت پێ داگیرساندووە

وەک خۆشەویستییەک کە لە یەک نیگاوە شەماڵەی سەندووە
یان بە دەست‌لێ‌خشانێک، دەنگێک کە گڕت تێ بەر دەدا

پرسینی پرسیارێک لە خۆت
لەوێیە کە بەرخۆدان دەست پێ دەکا

و پاشان پرسینی هەمان پرسیار لە کەسێکی دی.

لە ئینگلیزییەوە: #مسلم_ئەحمەدی
#ڕێمکۆ_کامپێرت
#ژینا_ئەمینی