(На русском будет вечером)
Мен собиқ турмуш ўртоғим билан совчилар орқали танишиб, турмуш қурдик. Ота-онам ўқиган бола экан, деб сўраб-суриштирмасдан мени унга эрга берворишди. Тўйим бўлганда 3-курс талабаси эдим. Қайнона-қайнотам узоқ вилоятда туришади. Тўй ўтгач, турмуш ўртоғимнинг асл юзи очилди. Мени арзимаган нарсалар устида рашк қилар, ота-онамникига юбормасди. Мабодо ота уйимга бориб келсам, ундан кейин жанжални кўринг! Охири қўл кўтаришга ҳам ўтди. Ўзи эса хоҳлаганча ичиб, ўртоқлари билан билган нарсасини қилиб юрарди. Биринчи фарзандимга ҳомиладор бўлдим.
Талабалигимга қарамасдан ота-онасиникига ташлаб келарди, ўзи эса Тошкентда менинг ота-онам олиб берган уйда яшарди... Ўқишимни ота-онам амаллаб, сессияларни пул билан ёпишарди. Шу орада уч қизли бўлдик. Унгача эрим нима кунларни солмади бошимга! Урди, сўкди, ўз уйимдан ҳайдади. Ҳомиладорлигимда неча марта бола тушиб қолиш хавфи (угроза) билан шифохоналарда ётиб чиқардим. Қовурғам, оёқ-қўлларим синиб, икки марта мия чайқалиши билан шифохонада ётиб чиққанман, соғ жойим қолмади. Сабаби эса оддий – ўғил туғмаганим учун кўзимни очирмасди.
Уйга бозорлик қилиб беринг, десам уруш туполон билан қилар эди, шунда ҳам ўша бозорликни бурнимиздан чиқарар эди.
Тўрттинчи фарзандга ҳомиладор бўлдим. УЗД натижаларига кўра ўғил дейишди. Бу хабарни хўжайнимга ўзим етказам, деб, олдиларига борсам, у бегона рус миллатидаги 2-3 нафар аёллар билан кўнгилхушлик қилаётган экан. Шуни ҳам ютиб, уйга қайтдим. Келиб туриб мендан кечирим сўрашни ўрнига келиб туриб роса урди... Охири тўйиб кетганим учун Навбатчи қисм – “02” ни чақирдим. Улар “Тез ёрдам” чақириб, шифохонага олиб кетишди. Иш судга оширилди. Бу орада эрим келиб неча марталаб ҳаммамизни ўлдириш билан пўписа қилиб қўрқитиб кетарди... Охири уни “ички ишлар ходимлари” ёрдамида уйдан хайдаб чиқардим. Ажримга берсам, улар 3 марталаб аризамни қайтаришди. Алиментга ҳам ариза бердим, лекин эрим ҳаммани сотиб олган, неча йил судлашдик ҳамки, қанча апелляция бердим. Алимент қарзларини исботи билан кўрсатсам ҳам ундиришмади. 3 йиллик қарзлари тўланмасдан ёпилиб кетди.
Ҳозиргача болаларимни мактаб, боғчасига бориб фақат мени ёмонлаш билан куни утяпти. Болаларимни фикрини бузмоқчи бўлади-ю, ўзи ҳозиргача бир тийин ҳам қарашмади. Менинг маҳалламга келиб, ярашамиз, деганида мен бир шарт қўйдим – қачонки уй олиб берса, ярашаман. Ўша куннинг ўзидаёқ ариза бериб, ажрашдик.
Собиқ эрим ўзидан катта ёшли аёлга уйланди. У ҳам хомиладор бўлганида собиқ турмуш ўртоғим калтаклабди, боласи тушиб қолди. Энди судма-суд судраб юрибди, уйини ҳам олмоқчи, эшитишимга қараганда.
Айтганча, мен биринчи фарзандимизни ўзим туғдим, иккинчи фарзандимга хомиладорлигимда калтакланганимдан сўнг, йўлдош кўчиб, 6 ойлигида кесарча кесиш амалиётини бошимдан ўтказдим. Учинчи фарзандимизга 7 ойлик хомиладорлик пайтим ҳам калтакланиб, унда ҳам тезкор кесарча кесиш амалиётини қилишган.
Ҳа, ота-онам шунча қийналишимга қараб турдими, деб сўрарсиз. Уларнинг наздида ўғил туғсам, эрим босилиб қоладигандай. Мени 12 йил тинчлантириб юришди, мендан кейин 2 та синглим бор эди, уларнинг йўлини ёпмаслик учун ҳам чидашга мажбур эдим.
Ҳозир Аллоҳга шукрки, бир амаллаб 4 боламни ўзим боқиб кунимни ўтказяпман. Давлатдан ёрдам олиш учун неча марта мурожаат қилдим, лекин маҳалла фуқаролар йиғини турли сабабларни важ қилиб, ёрдам беришмаяпти. Шунақа гаплар...
Собиқ эрим илм-фан доктори, лекин қилаётган ишлари ақлга сиғмайди. Инсон эмас у...
===============
NeMolchi.uz лойиҳасига келиб тушган мактублардан. Сиз ҳам ўз ҳикоянгизни аноним тарзда юборишингиз мумкин: https://goo.gl/forms/3nVmQXAFLb5dq5B92
ДИҚҚАТ! Шахсий ҳикоялар остида ҳақоратли, муаллифни камситувчи шарҳлар қолдириш тақиқланади. Агар шундай шарҳни тасодифан ёзган бўлсангиз, илтимос, уни ўчириб ташланг. Акс ҳолда музокараларсиз уни сизга қўшиб саҳифадан чиқаришга мажбур бўламиз.
#НеМолчиУз #ЎзбекистонЗўравонликданҲоли #СукутСақлама #ЗўрлашгаЙўқДеймиз #МенГапиришданҚўрқмайман #MeToo #сенёлғизэмассан #кўмак #ЗўравонликҚурбонлари #Аёллар
Мен собиқ турмуш ўртоғим билан совчилар орқали танишиб, турмуш қурдик. Ота-онам ўқиган бола экан, деб сўраб-суриштирмасдан мени унга эрга берворишди. Тўйим бўлганда 3-курс талабаси эдим. Қайнона-қайнотам узоқ вилоятда туришади. Тўй ўтгач, турмуш ўртоғимнинг асл юзи очилди. Мени арзимаган нарсалар устида рашк қилар, ота-онамникига юбормасди. Мабодо ота уйимга бориб келсам, ундан кейин жанжални кўринг! Охири қўл кўтаришга ҳам ўтди. Ўзи эса хоҳлаганча ичиб, ўртоқлари билан билган нарсасини қилиб юрарди. Биринчи фарзандимга ҳомиладор бўлдим.
Талабалигимга қарамасдан ота-онасиникига ташлаб келарди, ўзи эса Тошкентда менинг ота-онам олиб берган уйда яшарди... Ўқишимни ота-онам амаллаб, сессияларни пул билан ёпишарди. Шу орада уч қизли бўлдик. Унгача эрим нима кунларни солмади бошимга! Урди, сўкди, ўз уйимдан ҳайдади. Ҳомиладорлигимда неча марта бола тушиб қолиш хавфи (угроза) билан шифохоналарда ётиб чиқардим. Қовурғам, оёқ-қўлларим синиб, икки марта мия чайқалиши билан шифохонада ётиб чиққанман, соғ жойим қолмади. Сабаби эса оддий – ўғил туғмаганим учун кўзимни очирмасди.
Уйга бозорлик қилиб беринг, десам уруш туполон билан қилар эди, шунда ҳам ўша бозорликни бурнимиздан чиқарар эди.
Тўрттинчи фарзандга ҳомиладор бўлдим. УЗД натижаларига кўра ўғил дейишди. Бу хабарни хўжайнимга ўзим етказам, деб, олдиларига борсам, у бегона рус миллатидаги 2-3 нафар аёллар билан кўнгилхушлик қилаётган экан. Шуни ҳам ютиб, уйга қайтдим. Келиб туриб мендан кечирим сўрашни ўрнига келиб туриб роса урди... Охири тўйиб кетганим учун Навбатчи қисм – “02” ни чақирдим. Улар “Тез ёрдам” чақириб, шифохонага олиб кетишди. Иш судга оширилди. Бу орада эрим келиб неча марталаб ҳаммамизни ўлдириш билан пўписа қилиб қўрқитиб кетарди... Охири уни “ички ишлар ходимлари” ёрдамида уйдан хайдаб чиқардим. Ажримга берсам, улар 3 марталаб аризамни қайтаришди. Алиментга ҳам ариза бердим, лекин эрим ҳаммани сотиб олган, неча йил судлашдик ҳамки, қанча апелляция бердим. Алимент қарзларини исботи билан кўрсатсам ҳам ундиришмади. 3 йиллик қарзлари тўланмасдан ёпилиб кетди.
Ҳозиргача болаларимни мактаб, боғчасига бориб фақат мени ёмонлаш билан куни утяпти. Болаларимни фикрини бузмоқчи бўлади-ю, ўзи ҳозиргача бир тийин ҳам қарашмади. Менинг маҳалламга келиб, ярашамиз, деганида мен бир шарт қўйдим – қачонки уй олиб берса, ярашаман. Ўша куннинг ўзидаёқ ариза бериб, ажрашдик.
Собиқ эрим ўзидан катта ёшли аёлга уйланди. У ҳам хомиладор бўлганида собиқ турмуш ўртоғим калтаклабди, боласи тушиб қолди. Энди судма-суд судраб юрибди, уйини ҳам олмоқчи, эшитишимга қараганда.
Айтганча, мен биринчи фарзандимизни ўзим туғдим, иккинчи фарзандимга хомиладорлигимда калтакланганимдан сўнг, йўлдош кўчиб, 6 ойлигида кесарча кесиш амалиётини бошимдан ўтказдим. Учинчи фарзандимизга 7 ойлик хомиладорлик пайтим ҳам калтакланиб, унда ҳам тезкор кесарча кесиш амалиётини қилишган.
Ҳа, ота-онам шунча қийналишимга қараб турдими, деб сўрарсиз. Уларнинг наздида ўғил туғсам, эрим босилиб қоладигандай. Мени 12 йил тинчлантириб юришди, мендан кейин 2 та синглим бор эди, уларнинг йўлини ёпмаслик учун ҳам чидашга мажбур эдим.
Ҳозир Аллоҳга шукрки, бир амаллаб 4 боламни ўзим боқиб кунимни ўтказяпман. Давлатдан ёрдам олиш учун неча марта мурожаат қилдим, лекин маҳалла фуқаролар йиғини турли сабабларни важ қилиб, ёрдам беришмаяпти. Шунақа гаплар...
Собиқ эрим илм-фан доктори, лекин қилаётган ишлари ақлга сиғмайди. Инсон эмас у...
===============
NeMolchi.uz лойиҳасига келиб тушган мактублардан. Сиз ҳам ўз ҳикоянгизни аноним тарзда юборишингиз мумкин: https://goo.gl/forms/3nVmQXAFLb5dq5B92
ДИҚҚАТ! Шахсий ҳикоялар остида ҳақоратли, муаллифни камситувчи шарҳлар қолдириш тақиқланади. Агар шундай шарҳни тасодифан ёзган бўлсангиз, илтимос, уни ўчириб ташланг. Акс ҳолда музокараларсиз уни сизга қўшиб саҳифадан чиқаришга мажбур бўламиз.
#НеМолчиУз #ЎзбекистонЗўравонликданҲоли #СукутСақлама #ЗўрлашгаЙўқДеймиз #МенГапиришданҚўрқмайман #MeToo #сенёлғизэмассан #кўмак #ЗўравонликҚурбонлари #Аёллар
