وهناك اخرى تصف معاناة المواطن من المسئول الذي لايحس به وتحكي ان هناك مواطن في صنعاء هام على وجهه بسبب الفقر في الشعاب والوديان حتى وصل حدة والسبعين فوجد واحد روفلي ساله مااالك ياذية !؟ قال له الجوع مابش زلط ولا شي !؟ قال له الروفلي ادعي ادعي الله من سطق قاله بطفش دعينا 😡😡 الروفلي قله مله عاد زيد اكتب له جواب ومشي الضبحان الطفران الشبه مهستر الجيعان جلس يمضغ بعقله الخربان جملة وعبارة ( اكتب له جواب !؟ رساله !؟ ) سار باب اليمن واشترى له مقلاع #وضف من حق الرعيان الى يوصل الحجار الموضوعه فيه بعد تدويمه بقوه وافلات جهه من لمسافااات طويله .. وسار طلع جبل النهدين وكتب رساله فصل فيها احواله ودعى ربه ان يهب له مليون ريال تحل ازمته ودعى وحمد وشكر وكتب اسمه وفعل الرساله حوا حجرة صغيرة وثبتها وهو متجه لششمال صنعاء ودوم الوضف ودور الوضف ودووومه بقوووه وصرب للسماء وقال يارب ونزل باتجاه السبعين يمشي ساعتها كان الرئيس وبجانبه اذكى حراسه بدارالرئاسه بالسبعين ماسمع الا ضربة حجرة جمبه يبسرها ورقه مطويه على حجرة فتحها قرأها تعجب !!!؟؟ ورق قلبه شويه دخل المجلس اخذ خمسمائة الف 500 الف فقط ( يعني نصف المبلغ الي طلبه ودعا به الرجل من الله ) وقال للحارس توصل هذي الفلوس للراجل وتقريبا بتحصله هانا جمبنا .. خرج الحارس وابصر الراجل عاده جاي نازل باتجاه دار الرئاسة مسكه وقال انت فلان بن فلان قال له ايوه قال خذه هذي الزلط من الرئيس المناظل .... اخذها الراجل عادي وتمتم قدنا داري ممن هي لك الحمد ولك الشكر يالله واستغفرك واتوب اليك وسار لبيته وارتاح وجلس يصرفها اربعه اشهر ثم فلس وجوع وتبهذل وو فذكر الله والرساله وقرر يفعل رساله ثاني مره وسار وفعل نفس الخبر الاول من راس جبل النهدين لكن هذي المرة اضاف جمله مهمة اخيره خاتمه للرساله قال فيها #يارب ارسل لي الزلط مع اي وااااحد الا الا .. #الرئيس لانه المررة الاوله لهف نصها نصفها سع مايفعل بميزانية اليمن فيارب لاترسلها ابدا معه !؟؟
ثم قذف بقوة تلك الرساله واذا بها توصل لاجمب الرئيس ففتحها وقرأ ماغيها اوووف 😱😱😱😡😡😡
فقال لحارسه سير وادي هذا عاااق والديه واحبسه لوما يدي الزلط حقي
فابسر حارسه يضحك وقال مال ابوك تضحك هو يافندم ماقال الا الصدق والراجل مجنووون فضحك الرئيس قال هذا المجنون والعقال مابيقولوا علي !!؟ وضحك هو وعرف حقيقته ودخل المجلس واخذ 2 مليون وقال للحارس سير وادي هذا المبلغ للمجنون وقل لو ابسرناك مرة ثانية هانا والا هاناك لن تبسر الشمس الا لو ابسرها سلطان أمين #القرشي !؟؟؟